اسلام آباد: وزیراعظم کو شاہراہ دستور پر پیش آنے والے واقعے کی رپورٹ پیش کردی گئی۔رپورٹ کے مطابق واقعہ گزشتہ روزایوان صدرپرمظاہرین کی پیش قدمی کے باعث پیش آیا۔
اسلام آباد میں آزادی اور انقلاب مارچ کے شرکاء کا سیاسی عمارتوں کی جانب پیش قدمی کو روکنے کیلئے پولیس کی جانب سے اندھا دھند شیلنگ کی گئی۔ رپورٹ کے مطابق مظاہرین کو منتشر کرنے کیلئے آنسو گیس کا سہارا لیا گیا۔رپورٹ میں دعویٰ کیا گیا ہے کہ پولیس نے ریاستی اداروں کے تحفظ کیلئے کارروائی کی۔
اسلام آباد: شاہراہ دستورپررات بھر شیلنگ اور ربر سے گولیوں سے زخمی سے ہونے والوں کی تعداد سیکڑوں میں ہوگئی ،شاہراہ دستورپر دستور کیلئے لڑائی جاری ہے۔شہریوں کا تحفظ کرنے والے آئین کے ماتحت پنجاب پولیس کاانقلاب اور آزادی مارچ کے شرکاء کے ساتھ تصادم رات بھرجاری رہا۔
شیلنگ ،پتھراؤ اور ربر کی گولیوں کا مقابلہ کرنے بعد دن کا آغاز ہوا تو زخموں سے چور مظاہرین کے لئے پولیس کے تازہ دم دستے بلٹ پروف جیکٹوں، ڈنڈوں اور آنسو گیس سے لیس ہوکر پہنچے۔ جوش کو گرماتے نعرے لگاتے تازہ دم پولیس اہلکاروں کی پیش قدمی سےایسا محسوس ہورہاتھا کیسے کسی دشمن کی فوج سے مقابلے پر اترے ہیں۔
دستورکیلئے ہونے والےتصادم میں پولیس کے ہاتھ جو احتجاجی لگااس پر ٹوٹ پڑی ۔شدید شلینگ سے ریڈزون کی فضا میں دھوئیں سے بھر گئی ہیں۔ سانس لینےدشواری کا سامناکرناپڑا۔اسپتال زخمیوں سے بھرگئے اور عوام کے محافظوں کی پھرتیوں نے ایک بار پھر گلوبٹ کی یاد تازہ کردی۔
اسلام آباد: سپریم کورٹ نے تحریک انصاف اور پاکستان عوامی تحریک کو شاہرادستورکو خالی کرانے کی ہدایت کردی۔لارجز بینچ نے تجویزکیاہے کہ تعلیمی اداروں میں قیام پذیر اہلکاروں کو دوسری جگہ منتقل کیاجائے۔
ممکنہ ماورائے آئین اقدام کے خلاف اور بنیادی حقوق کی تشریح کیلئے دائر درخواست کی چیف جسٹس ناصرالملک کی سربراہی میں پانچ رکنی لارجر بینچ نے کی۔ بینچ نے انتظامیہ کو ہدایت کی کہ کل تک شاہراہ دستور کی سڑکیں احتجاج کرنے والوں سے خالی کرائی جائیں ۔
سپریم کورٹ نےدھرنے کے سبب اضافی اخراجات سے متعلق تفصیلات بھی طلب کرلیں۔ لارجربینچ نے تجویز دی کہ تعلیمی اداروں می قیام پذیر پولیس اہلکاروں کو متبادل جگہ فراہم کی جائے۔دوسری جانب انقلاب اور آزادی مارچ کے خلاف درخواست کی سماعت اسلام آباد ہائی کورٹ میں جسٹس اطہر من اللہ نے کی ۔
عدالت نے ڈپٹی کمشنر کو دو ستمبر تک جواب داخل کرانے کی ہدایت کرتے ہوئے استفسار کیا کہ بچے اسکول اور وکلا ءعدالتوں تک نہیں جا پا رہے، آپ نے کیا انتظامات کئے ۔ ڈپٹی کمشنرنے عدالت کو بتایا کہ عمران خان اور طاہر القادری نے تحریری اجازت مانگی تھی جو دے دی گئی۔