ARYNews.tv | Urdu – Har Lamha Bakhabar

Tag: Shahrukh Khan

  • عرفان خان کی بیماری، کنگ خان نے حق ادا کردیا

    عرفان خان کی بیماری، کنگ خان نے حق ادا کردیا

    لندن: موذی مرض کینسر سے لڑنے والے بالی ووڈ اداکار عرفان خان کی کنگ خان بالکل خاموشی کے ساتھ مدد کررہے ہیں جسے جان کر سب کے دلوں میں شاہ رخ خان کی عزت مزید بڑھ جائے گی۔

    تفصیلات کے مطابق بالی ووڈ اداکار عرفان خان گزشتہ تین ماہ سے لندن کے اسپتال میں زیر علاج ہیں اور وہ کینسر کے خلاف جنگ لڑ رہے ہیں۔

    عرفان خان نے گزشتہ دنوں اپنی بیماری کے حوالے سے ایک جذباتی خط تحریر کیا  جس میں انہوں نے کھل کر بیماری اور موت کے خوف کا ذکر کرتے ہوئے کہا کہ اتنی جلدی میرا سفر ختم نہیں ہوسکتا۔

    اداکار نے اعتراف کیا کہ کینسر کی تشخیص کے بعد انہیں تکلیف دہ مراحل سے گزرنا پڑ رہا ہے اور وہ ہر گزرتے دن کے ساتھ موت کے خوف و درد کی شدت کو محسوس کررہے ہیں۔

    مزید پڑھیں: ایسا لگتا ہے زندگی کا سفر ختم ،منزل قریب ہے، عرفان خان کا مداحوں کے نام کھلا خط

    بھارتی میڈیا رپورٹس کے مطابق عرفان خان کینسر علاج کے لیے لندن جانے سے قبل کنگ خان سے ملاقات کے خواہش مند تھے مگر یہ ممکن نہیں ہوسکا تاہم اداکار کی اہلیہ نے شاہ رخ خان سے رابطہ کیا تھا۔

    کنگ خان کو جب عرفان خان کی خواہش کا علم ہوا تو وہ فلم کی شوٹنگ روک کر اداکار کے گھر پہنچے اور 2 گھنٹے تک اُن کے ساتھ وقت گزارا، عرفان خان نے جب شاہ رخ خان کو لندن روانگی کا بتایا تو انہوں نے فوراً برطانوی دارالحکومت میں واقع اپنے گھر کی چابیاں انہیں تھما دیں۔

    شاہ رخ خان نے وراسٹائل اداکار کو ہدایت کی کہ وہ جب تک لندن میں موجود رہیں اس گھر کو استعمال کریں، عرفان خان نے چابیاں لینے سے انکار کیا مگر کنگ خان نے انہیں قائل کرلیا۔

    اطلاعات کے مطابق عرفان خان اور اُن کی فیملی لندن میں کنگ خان کے گھر پر ہی قیام پذیر ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بالی ووڈ اسٹار شاہ رخ خان عیدالفطر کی نماز کہاں پڑھیں گے؟

    بالی ووڈ اسٹار شاہ رخ خان عیدالفطر کی نماز کہاں پڑھیں گے؟

    ممبئی: شوبز انڈسٹری سے منسلک شخصیات نے مداحوں کے ساتھ رابطہ رکھنے کے لیے سماجی رابطے کی ویب سائٹس کا سہارا لیتے ہیں۔

    بالی ووڈ سپر اسٹار کنگ خان نے سماجی رابطے کی ویب سائٹ ٹویٹر پر مداحوں کے سوالوں کے جواب دینے کے لیے آسکس ایس آر کے نام سے ہیش ٹیگ کا استعمال کیا، مداحوں کی جانب سے مختلف پوچھے جانے والے سوالات کے جوابات شاہ رخ خان نے دیے، ایک صارف شاداب نے شاہ رخ خان سے پوچھا کہ خان صاحب عید کا کیا پلان ہے اس بار؟ امریکا میں منائیں گے یا ممبئی میں؟ شاہ رخ نے جواب دیتے ہوئے کہا کہ جہاں بھی ہوں گے نماز پڑھ لیں گے اور سب کو گلے لگا لیں گے۔

    شہزادی ابرار کی جانب سے ٹویٹ کیا گیا کہ میری والدہ کے لیے دعا کریں، وہ کینسر کے مرض میں مبتلا ہیں اور میں ان کی اکلوتی اولاد ہوں، شاہ رخ نے جواب دیا کہ میں ان کے لیے دعا کروں گا۔

    اعجاز نے اپنے پسندیدہ اسٹار کنگ خان کو رمضان کی مبارکباد دی، جس پر شاہ رخ نے کہا آپ سب کو بھی رمضان المبارک کی مبارک باد۔

    شلوکا نے پوچھا کہ آپ نے کھانا کھا لیا، کنگ خان کا کہنا تھا کہ نہیں ابھی اُٹھا ہوں کافی کا دور چل رہا ہے۔

    سندیپ جوشی نے لکھا کہ ان کی اہلیہ آپ کی بہت بڑی مداح ہیں اور کوئی بھی آپ کے بارے میں کچھ کہتا ہے تو اس سے لڑنا شروع کردیتی ہیں ان کے لیے کیا کہنا چاہیں گے؟ شاہ رخ نے کہا کہ ان کے کہیں براہ مہربانی لڑا نہ کریں۔

    رگتس سنگھوی نے کہا کہ میں سلمان خان کا بہت بڑا فین ہوں یہ جان کر آپ کو کیسا لگا؟ شاہ رخ نے جواب دیا کہ میں بھی اُس سے بہت پیار کرتا ہوں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریںْ۔

  • شاہ رخ خان نے میری زندگی برباد کردی، خاتون کا الزام

    شاہ رخ خان نے میری زندگی برباد کردی، خاتون کا الزام

    ممبئی: بنگلا دیش سے تعلق رکھنے والی خاتون نے الزام عائد کیا ہے کہ بالی ووڈ کے معروف اداکار شاہ رخ خان کی وجہ سے میری زندگی برباد ہوگئی۔

    تفصیلات کے مطابق بالی ووڈ کے معروف اداکار شاہ رخ خان کو انڈسٹری میں رومانس کا بادشاہ مانا جاتا ہے ، فلمی دنیا کے بے تاج بادشاہ کے دنیا بھر میں لاکھوں مداح موجود ہیں جو اُن کے فلمی مناظر اور جذبوں کو اپنی زندگیوں میں شامل کرنے کی کوشش بھی کرتے ہیں۔

    دو روز قبل ہیومنز آف بمبئے کے انسٹا گرام اکاؤنٹ پر بنگال سے تعلق رکھنے والی خاتون جو شاہ رخ خان کی جذباتی مداح ہیں انہوں نے اپنی کہانی شیئر کرتے ہوئے کنگ خان پر زندگی تباہ کرنے کا الزام عائد کیا۔

    مزید پڑھیں: آنکھ بند کرکے شاہ رخ‌ خان پر اعتماد کرسکتی ہوں: کترینا کیف

    خاتون کا کہنا تھا کہ ’میں بچپن سے ہی  ایک ایسے شخص کو اپنے سپنوں کا راجہ بنانے کی خواہش مند تھی کہ جو مجھ سے انوکھے انداز میں اظہار محبت کرے، میری خواہش تھی کہ وہ شخص جب مجھے شادی کی پیش کش کرتے تو اُس دوران پس منظر میں وائلن کی موسیقی بج رہی ہو اور وہ دھیرے دھیرے چل کر میر ی طرف آکر گھٹنوں کے بل بیٹھ کر مجھے انگھوٹھی پہنا کر دلہن بنانے کا اعلان کرے‘۔

    خاتون کا کہنا تھا کہ ’بچپن کی خواہش اپنی جگہ پر قائم رہی  تاہم اس وران میری ایک لڑکے سے دوستی ہوئی اور پھر ہماری محبت کا سلسلہ چل پڑا،  ہم نے اپنے والدین کو بشمکل شادی کے لیے راضی کیا اور جب مجھے لگا کہ ہماری شادی واقعی قریب ہے تو اپنی خواہش کو پورا کرنے کی ٹھان لی‘۔

    مذکورہ خاتون کا کہنا تھا کہ  ’تین سال میں ایسا کوئی موقع نہیں آیا تھا کہ میں اپنے ہونے والے شوہر کو یا وہ مجھے فلمی انداز پرپوز کرے اس لیے میں نے اپنی دوست کی سالگرہ  کے موقع پر سرپرائز دینے کا ارادہ کیا اور اُس روز سارے انتظامات اپنے ہاتھ میں لیے، جیسے ہی وہ ہوٹل میں داخل ہوا تو ڈی جے نے میری ہدایت کے مطابق گانا چلایا اور پھر میں نے گھٹنوں کے بل بیٹھ کر اُسے خود پرپوز کیا‘۔

    یہ بھی پڑھیں: شاہ رخ نے اپنی کامیابی کا سہرا تین اداکاراؤں کو دے دیا

    خاتون کا کہنا تھا کہ میں نے گھٹنوں کے بل بیٹھنے کے بعد اپنے ہونے والے شوہر کا ہاتھ تھاما اور کہا کہ ’اشیش اگروال، میں اپنی ساری زندگی تمھارے سنگ ہنستے، روتے، لڑتے جھگڑتے گزارنا چاہتی ہوں، کیا تم مجھ سے شادی کرو گے؟‘۔ بنگال خاتون کا کہنا تھا کہ ’اشیش نے اس تمام صورتحال کے بعد میری طرف دیکھ کر مختصر جواب دیا کہ امید ہے ہمارے بچے فلمی نہیں ہوں گے‘۔

    “Shahrukh Khan ruined my life! Since I was a little girl, I always dreamed of having the ‘perfect proposal’ from the perfect man. Violins would start playing in the background, he would walk up to me slowly, while the wind blew in my hair, fall to his knees and hand me the ring. But that never happened. In fact, we found ourselves in the middle of this mess where I was trying to convince my Bengali parents to let me marry a Punjabi Baniya! We’d been dating for 3 years, but the majority of that time was spent on bringing our families together. At one point in our relationship, we were sure that we were going to get married –so he never even tried to ‘surprise’ me with a proposal. Amidst all this drama of a big, fat Indian wedding, I realised– I never had my filmy moment! So, on his birthday, I decided to take the matter into my own hands. I planned a surprise party at the restaurant where we had our first date, and as soon as he walked in– I asked the DJ to play “Marry Me” by Bruno Mars and fell to my knees when he walked in. I said ‘Ashish Aggrawal– I want to spend the rest of my life laughing, crying and fighting with you– will you marry me?’ He looked at me, smirked, pulled me in for a hug and whispered – ‘let’s hope our kids aren’t as filmy!’ And just like that, I created the moment I’d been waiting for..why do women have to wait for the guy to propose? It’s a new day, new age– if you like him, then maybe you should put a ring on it!”

    A post shared by Humans of Bombay (@officialhumansofbombay) on

    مذکورہ خاتون کا کہنا تھا کہ ’میں جس لمحے کی بچپن سے منتظر تھی اُسے خود پایہ تکمیل تک پہنچایا‘ ساتھ ہی انہوں نے عام لڑکیوں سے بھی سوال کیا کہ کیوں ہمیشہ لڑکیاں کسی لڑکے کی جانب سے شادی یا محبت کے اظہار کی منتظر رہتی ہیں؟ اگر آپ کو  کوئی پسند ہے تو اُسے خود آگے بڑھ کر انگھوٹھی پیش کریں‘۔

    اسے بھی پڑھیں: شاہ رخ اور سلمان خان کترینا کیف کے لیے مدمقابل آگئے

    خاتون کی اس کہانی پر شاہ رخ خان کے مداحوں اور دیگر صارفین نے اپنی رائے کا اظہار کرتے ہوئے سوالات کیے کہ آخر اس میں کنگ خان کا کیا قصور تھا کیونکہ اُن کے انداز کی وجہ سے ہی خاتون کو نئی زندگی ملی اور اسے خوبصورت بنانے کا طریقہ بھی ملا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • فلم رئیس کے اداکار دل کا دورہ پڑنے سے چل بسے

    فلم رئیس کے اداکار دل کا دورہ پڑنے سے چل بسے

    ممبئی: بالی ووڈ  اداکار نریندرا جھا دل کا دورہ پڑنے سے انتقال کرگئے انہوں نے گزشتہ برس ریلیز ہونے والی فلم رئیس میں کنگ خان اور ماہرہ کے ہمراہ اداکاری کے جوہر دکھائے تھے۔

    بھارتی میڈیا کے مطابق نریندرا جھا صحت مند زندگی گزار رہے تھے اور وہ کل رات تک بالکل ٹھیک تھے تاہم گزشتہ روز یعنی منگل کی رات چار بجے اُن کے سینے میں اچانک شدید درد اٹھا جس کے بعد انہیں قریبی اسپتال لے جایا گیا۔

    بالی ووڈ اداکار کو اسپتال پہنچانے کے بعد انتہائی نگہداشت وارڈ میں رکھا گیا تاہم وہ جانبر نہ ہوسکے اور دنیا فانی سے کوچ کرگئے، پوسٹ مارٹم رپورٹ کے مطابق نریندرا کو دل کا دورہ پڑا جس کے باعث اُن کی موت واقع ہوئی۔

    یہ بھی پڑھیں: ماہرہ خان کی فلم ’’رئیس‘‘ بھارت گوگل سرچ کی ٹاپ ٹین لسٹ میں شامل

    اہل خانہ کا کہنا ہے کہ بالی ووڈ اداکار نے منگل کے روز سب کے ساتھ کھانا کھایا اور معمول کے مطابق سب سے بات چیت اور ہنسی مذاق بھی کیا، بعد ازاں سب اپنے اپنے کمروں میں سونے کے لیے چلے گئے تھے۔

    میڈیا کے مطابق 55 سالہ نریندرا نے فلم رئیس میں منا بھائی کا کردار ادا کیا تھا علاوہ ازیں انہوں نے حیدر، کابل، موہن جوداڑو میں بھی اداکاری کے جوہر دکھائے تھے، اداکار اپنی نئی فلم سنگا رام سنگ کی شوٹنگ میں بھی مصروف تھے اس کے علاوہ انہوں نے ریس تھری میں سلمان خان کے ہمراہ کام کرنے کی حامی بھر لی تھی۔

    اداکار کے انتقال کی خبر مداحوں اور ساتھیوں پر پہاڑ ثابت ہوئی، تمام لوگوں نے نریندا کو اچھے الفاظ میں یاد کیا اور انہیں بالی ووڈ خدمات پر خراج تحسین بھی پیش کیا۔

    واضح رہے کہ گچھ روز قبل بالی ووڈ کی لیجنڈری اداکارہ سری دیوی بھی ہارٹ اٹیک کے باعث انتقال کرگئیں تھیں، وہ دبئی میں شادی کی شرکت کے لیے موجود تھی کہ اچانک انہیں دل کا دورہ پڑا تھا، اداکارہ کی موت کے بعد بہت سی قیاس آرائیوں نے بھی جنم لیا تاہم پوسٹ مارٹم رپورٹ نے تمام افواہوں کو غلط ثابت کردیا تھا۔

    یہ بھی پڑھیں: سری دیوی کی بیٹی کا آنجہانی ماں کو جذباتی خط

    خیال رہے کہ ماہرہ خان نے گزشتہ برس فلم ’رئیس‘ سے اپنے بالی ووڈ کے سفر کا آغاز کیا، اس فلم میں انہوں کنگ خان کے ساتھ مرکزی کردار ادا کیا، پاک بھارت کشیدگی کے باعث ماہرہ اپنی شوٹنگ مکمل کر کے جلد وطن لوٹیں اور پرموشن کے وقت بھی ٹیم کا حصہ بھی نہ بن سکیں تھیں۔ فلم ’رئیس‘ میں شاہ رخ خان نے گجراتی گینگسٹر، ماہرہ خان نے ان کی اہلیہ جبکہ نوازالدین صدیقی نے پولیس اہلکار کا اہم کردار ادا کیا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے  کے لیے سوشل میڈیا پر شیئر کریں۔

  • کنگ خان کی ’ڈان 3‘ دپیکا اِن پریانکا آؤٹ؟

    کنگ خان کی ’ڈان 3‘ دپیکا اِن پریانکا آؤٹ؟

    ممبئی: بالی ووڈ اداکار شاہ رخ خان کی نئی آنے والی فلم ڈان 3 کی کاسٹ سے پریانکا چوپڑا باہر ہوگئیں جبکہ ممکنہ طور پر ان کی جگہ کنگ خان کے ہمراہ دپیکا پڈوکون مرکزی کردار ادا کرتی نظر آئیں گی۔

    تفصیلات کے مطابق ڈائریکٹر آنند ایل رائے ان دنوں شاہ رخ خان، کترینا کیف اور انوشکا شرما کے ہمراہ بنائی جانے والی فلم زیرو کی تکمیل میں مصروف ہیں۔

    آنند ایل رائے نے زیرو کی ریلیز کے بعد آئندہ سال فلم ڈان 3 کی شوٹنگ کے آغاز کا عندیہ دے دیا ساتھ ہی انہوں نے کہا کہ اس بار شاہ رخ کے خان کے ہمراہ پریانکا چوپڑا مرکزی کردار ادا نہیں کریں گی۔

    فلمی پنڈٹ رمیش بالا نے سماجی رابطے کی ویب سائٹ ٹویٹر پر فلم ڈان 3 کی آئندہ سال شوٹنگ کے آغاز کا پہلے ہی بتادیا تھا ان کا یہ بھی کہنا تھا کہ فلم کی شوٹنگ دبئی اور ابو ظہبی میں ہوگی جبکہ اس بار پریانکا کی جگہ نئی ہیروئن کا انتخاب کیا جائے گا۔

    واضح رہے کہ ڈان سیریز کی پہلی دونوں فلمیں کامیابی سے ہمکنار ہوئی تھیں، ڈان فلم کے پہلے دونوں پارٹ  میں پریانکا چوپڑا نے مرکزی کردار ادا کیا تھا۔

    کمر کی تکلیف نے دیپکا کو انڈسٹری سے باہر کر دیا

    دپیکا پڈوکون اس سے قبل کنگ خان کے ہمراہ فلم اوم شانتی اوم، چنائی ایکسپریس اور ہیپی نیو ایئر میں اداکاری کے جوہر دکھا چکی ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • شاہ رخ خان ’زیرو‘ کے ہیرو، ٹریلر جاری

    شاہ رخ خان ’زیرو‘ کے ہیرو، ٹریلر جاری

    ممبئی: بالی ووڈ کے کنگ خان’زیرو‘ کے ہیرو بن گئے، اُن کی نئی فلم کا ٹریلر جاری کردیا گیا جس میں شاہ رخ خان ایسے نوجوان کا کردار ادا کررہے ہیں جسے جسمانی معذوری ہوتی ہے اور اس وجہ سے قد چھوٹا رہ جاتا ہے۔

    تفصیلات کے مطابق بالی ووڈ کے کنگ خان اب تک کے فلمی کیریئر میں مختلف روپ میں نظر آئے، انہوں نے اب تک تمام ہی کردار بخوبی نبھائے جس کی وجہ سے وہ ہمیشہ ہی صف اول کے اداکاروں کی فہرست میں شامل رہے۔

    ویسے تو کنگ خان کی گزشتہ چار برسوں میں آنے والی کوئی بھی فلم باکس آفس پر خاطر خواہ بزنس نہیں کرسکی تاہم وہ اس صورتحال کے باوجود بھی پرامید ہیں کہ آئندہ آنے والی فلم کامیاب ضرور ہوگی۔

    فلم ڈائریکٹر آنند ایل رائے نے کنگ خان کے مداحوں کو ایک سرپرائز دیا، انہوں نے فلم ’زیرو‘ کا پوسٹر جاری کیا جس میں شاہ رخ خان مرکزی کردار ادا کررہے ہیں۔

    آنند رائے ایل نے فلم کا جو پوسٹر شیئر کیا اُس میں شاہ رخ خان کی چھوٹے قد والی تصاویر آویزاں ہے اور  درج ہے کہ ’21 دسمبر سے آپ کے پیچھے‘۔ فلم ڈائریکٹر نے ٹوئٹ میں لکھا کہ ’زیرو کا پہلا پوسٹر سامنے آگیا جس میں کترینہ کیف اور انوشکا شرما بھی کام کررہی ہیں‘۔

    بھارتی میڈیا سے بات کرتے ہوئے فلم ڈائریکٹر کا کہنا تھا کہ ’مجھے اچھے اداکار کی ضرورت تھی اور انڈسٹری میں شاہ رخ خان سے زیادہ ذہین کوئی اداکار نہیں، انہوں نے یہ کردار بخوشی قبول کیا‘۔

    فلم میں شاہ رخ خان کو جسمانی معذوری ہے مگر وہ پرلطف زندگی گزار رہے ہیں، گوری خان کی پروڈکشن میں بنائے جانے والی فلم میں کترینہ کیف، انوشکا شرما اور شاہ رخ خان مرکزی کردار ادا کریں گے اور یہ فلم 21 دسمبر 2018 کو سینیما گھروں میں نمائش کے لیے پیش کی جائے گی۔

    ویڈیو دیکھیں

    واضح رہے کہ اس سے قبل 1989 میں فلم ’اپو راجا‘ ریلیز ہوئی تھی، جس میں ممتاز اداکار کمل ہاسن نے تین مختلف کردار نبھائے تھے، جن میں مرکزی کردار سرکس میں کام کرنے والے بونے کا تھا۔

    تجزیہ کاروں کا  کہنا ہے کہ ایسے میں جب شاہ رخ بھی بونے کا کردار ادا کر رہے ہیں، ان کی فلم کا کمل ہاسن کی ماسٹر پیس فلم سے موازنہ کیا جانا متوقع ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بالی وڈ اداکارائیں جنہوں نے تینوں خانز کے ساتھ کام کیا

    بالی وڈ اداکارائیں جنہوں نے تینوں خانز کے ساتھ کام کیا

    ممبئی: بالی ووڈ انڈسٹری میں موجود اداکارؤں کی خواہش ہے کہ وہ کسی طرح تینوں خانز (شاہ رخ، سلمان، عامر) کے ساتھ فلم میں کام کریں تاہم اب تک کچھ خوش قسمت اداکارئیں ایسی ہیں جو تینوں خانز کے ساتھ فلموں میں جلوہ گر ہوئیں۔

    تفصیلات کے مطابق فلمی حلقوں میں یہ بات عام ہے کہ کوئی بھی بالی ووڈ اداکارہ اُس وقت ہی شہرت کی بلندیوں پر پہنچتی ہے جب وہ تینوں میں سے کسی ایک خان کے ساتھ کام کرلیں۔

    مسٹرپرفیکٹ (عامر)، کنگ خان (شاہ رخ)، دبنگ خان (سلمان) کے ساتھ کن بالی ووڈ اداکارؤں نے کام کیا آئیے ہم آپ کو بتاتے ہیں۔

    جوہی چاؤلہ

    اداکارہ جوہی چاؤلہ نے اپنے کیریئر کا آغاز فلم ’قیامت سے قیامت تک‘ میں عامر خان کے ساتھ کیا جبکہ شاہ رخ کے ساتھ وہ ’ ڈر‘ میں نظر آئیں اور سلمان خان کے ہمراہ انہوں نے فلم ’دیوانہ مستانہ‘ میں اپنی صلاحیتوں کا لوہا منوایا۔

    انوشکا شرما

    انوشکا شرما کو تینوں خانز کے ساتھ فلموں میں کام کرنے کا اعزاز حاصل ہے، انوشکا نے اپنی پہلی ہی فلم ’رب نے بنا دی جوڑی‘ میں کنگ خان کے ساتھ کام کیا جبکہ وہ سلمان خان کے ساتھ فلم ’سلطان‘ اور عامر خان کے ساتھ فلم ’پی کے‘ میں جلوہ گر ہوچکی ہیں۔

    کرینہ کپور

    بالی ووڈ میں بے بو کے نام سے مشہور کرینہ نے شاہ رخ، سلمان اور عامر کے ساتھ متعدد فلموں میں اداکاری کے جوہر دکھائے ہیں، انہوں نے سلمان کے ساتھ ’باڈی گارڈ‘ شاہ رخ کے ساتھ ’ڈان‘ اور عامر خان کے ساتھ ’تھری ایڈ یٹس‘ میں کام کیا۔

    کرشمہ کپور

    بالی ووڈ اداکارہ کرشمہ کپور بھی ان اداکاراؤں میں شامل ہیں جنہوں نے عامر کے ساتھ فلم ’راجہ ہندوستانی‘ شاہ رُخ کے ساتھ ’دل تو پاگل ہے‘ اور سلمان خان کے ہمراہ ’دلہن ہم لے جائیں گے‘ میں مرکزی کردار ادا کیا۔

    رانی مکھرجی

    رانی مکھرجی نے شاہ رخ کے ساتھ فلم ’کچھ کچھ ہوتا ہے‘۔ سلمان خان کے ساتھ فلم ’کہیں پیار نہ ہوجائے‘ اور عامر خان کے ساتھ فلم ’تلاش‘ میں اداکاری کے جوہر دکھائے ہیں۔

    مادھوری ڈکشٹ

     بالی ووڈ اداکارہ سابق اداکارہ اور موجودہ رقاصہ مادھوری نے عامر خان کے ساتھ فلم ’دل‘ شاہ رخ کے ساتھ فلم ’دل تو پاگل ہے‘، سلمان اور شاہ رخ کے ہمراہ ’ہم تمہارے ہیں صنم‘ میں کام کیا۔

    ایشوریا رائے

    سابق مس ورلڈ اور بالی ووڈ کی مشہور اداکارہ ایشوریا رائے کو بھی تینوں خانز کے ساتھ کام کرنے کا اعزاز حاصل ہے انہوں نے کنگ خان کے ساتھ فلم ’محبتیں‘، دبنگ خان کے ساتھ ’ہم دل دے چکے صنم‘ اور مسٹر پرفیکٹ کے ہمراہ ’میلہ‘ میں کام کیا۔

    سونالی بیندرے

     

    بالی ووڈ اداکارہ سونالی بیندر نے شاہ رخ کے ساتھ نوے کی دہائی میں فلم ’انگلش بابو دیسی میم‘ عامر خان کے ہمراہ فلم ’سرفروش‘ اور سلمان خان کے ساتھ ’ہم ساتھ ساتھ ہیں‘ میں اداکاری کے جوہر دکھائے۔

    پریتی زنٹا

    پریتی زنٹا نے شاہ رخ کے ساتھ فلم ’دل سے‘ عامر خان کے ساتھ ’دل چاہتا ہے‘ اور سلمان کے ہمراہ فلم ’دل نے جسے اپنا کہا‘ میں اداکاری کی۔

    کترینا کیف

    اداکارہ کترینا کیف نے سلمان خان کے ساتھ متعدد فلموں جن میں ایک تھا ٹائیگر، میں نے پیار کیوں کیا، پارٹنر کے علاوہ شاہ رخ کے ہمراہ ’جب تک ہے جان‘ اور عامر خان کے ساتھ فلم ’دھوم تھری‘ شامل ہیں۔

    اُرمیلا

    ارمیلا نے تینوں خان کے ساتھ ایک ایک فلم میں اداکاری کی جن میں عامر کی ’رنگیلا‘ سلمان کی ’جانم سمجھا کرو‘ اور شاہ رخ کی’چمتکار‘ شامل ہیں۔

    کاجول

    اداکارہ کاجول نے شاہ رخ کے ساتھ بلاک بسٹر فلم ’دل والے دلہنیا لے جائیں گے‘ جبکہ عامر خان کے ساتھ فلم ’فنا‘ اور سلمان کے ساتھ ’پیار کیا تو ڈرنا کیا‘ میں اداکاری کے جوہر دکھائے۔

    روینا ٹنڈن

    روینا نے بھی تینوں خانز کے ساتھ ساتھ ایک ایک فلم میں کام کیا، شاہ رخ کے ساتھ ’زمانہ دیوانہ‘ عامر اور سلمان کے ساتھ فلم ’انداز اپنا اپنا‘ میں اداکاری کی۔

    منشیا کوئرالہ

    منیشا کو بھی تینوں خانز کے ساتھ فلم میں کام کرنے کا اعزاز حاصل ہے، انہوں نے شاہ رخ کے ساتھ فلم ’گڈو‘ سلمان کے ساتھ ’خاموشی‘ اور عامر کے ساتھ فلم ’من‘ میں کام کیا۔

    ٹوئنکل کھنہ

    اداکارہ ٹوئنکل کھنہ نے شاہ رخ کے ساتھ مزاحیہ فلم ’بادشاہ‘ عامر کے ساتھ فلم ’میلہ‘ اور سلمان کے ہمراہ ’جب پیار کسی سے ہوتا ہے‘ میں اداکاری کے جوہر دکھائے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں

  • کنگ خان فلم کی پرموشن کے دوران زخمی ہوگئے

    کنگ خان فلم کی پرموشن کے دوران زخمی ہوگئے

    ممبئی: بالی ووڈ اداکار شاہ رخ خان اپنی نئی آنے والی فلم ’جب ہیری میٹ سیجل‘ کی پروموشن کے دوران زخمی ہوگئے۔

    بھارتی میڈیا کے مطابق کنگ خان گزشتہ روز اپنی نئی آنے والی فلم ’’جب ہیری میٹ سیجل‘‘ کی تشہیر کے لیے کلکتہ جارہے تھے کہ انہیں حادثہ پیش آیا جس کے نتیجے میں وہ زخمی ہوگئے۔

    شاہ رخ خان نے سماجی رابطے کی ویب سائٹ پر زخمی ہونے کی اطلاع دی اور کہا کہ میں اس وقت اسپتال میں موجود ہوں یہاں میرے زخموں کی مرہم پٹی کی جارہی ہے، میں اپنے مداحوں سے معافی چاہتا ہوں کہ اُن کے پاس پہنچنے میں تاخیر ہورہی ہے۔

    کنگ خان نے مزید کہا کہ آپ سب لوگوں کو میری وجہ سے آپ سب کو انتظار کرنا پڑ رہا ہے جس کے لیے میں معافی چاہتا ہوں تاہم اگلے 10 منٹ کے اندر میں آپ لوگوں کے درمیان موجود ہوں گا۔ بالی ووڈ اداکار جیسے ہی اسپتال سے فارغ ہوئے تو انہوں نے کلکتہ کا رختِ سفر باندھا اور وہاں پہنچ کر سب سے معافی مانگی۔

    بھارتی میڈیا کے مطابق شاہ رخ خان کو کلکتہ جاتے وقت کس قسم کا حادثہ پیش آیا اس بارے میں کوئی اطلاع سامنے نہیں آسکی تاہم کنگ خان نے یہ خبر سماجی رابطے کی ویب سائٹ پر مداحوں کے ساتھ شیئر کی۔

  • کنگ خان اور ڈمپل کوئن پاکستان کی شوبز انڈسٹری سے متاثر

    کنگ خان اور ڈمپل کوئن پاکستان کی شوبز انڈسٹری سے متاثر

    دبئی: بالی ووڈ کنگ خان اور ڈمپل کوئن دپیکا نے پاکستانی فلم اور ڈرامہ انڈسٹری کے کام کو سراہتے ہوئے کہا ہے کہ سخت محنت اور اچھے کام کے ثمرات پاکستانی انڈسٹری کو ترقی کی جانب لے جارہے ہیں۔

    تفصیلات کے مطابق دبئی میں منعقد ہونے والی ایوارڈ تقریب کے دوران بالی ووڈ اداکار شاہ رخ خان اور دپیکا پڈوکون نے پاکستانی ماڈل اور اداکار فرحین اقبال سے ملاقات کی اور پاکستانی فلم انڈسٹری میں ہونے والے کام کو سراہا۔

    بات چیت کے دوران کنگ خان نے فرحین کے کام کی تعریف کرتے ہوئے اُن کی مزید کامیابیوں کے لیے دعا کی، شاہ رخ نے کہا کہ سخت محنت اور اچھے کام کی بدولت شوبز انڈسٹری میں نام پیدا کیا جاسکتا ہے۔

    پڑھیں:  شرمین عبید چنائے کی دستاویزی فلم نے ایک اور بڑا اعزاز اپنے نام کرلیا

    دپیکا نے پاکستانی ماڈل سے ملاقات کر کے کہا کہ ’’پاکستان کی فیشن اور ڈرامہ انڈسٹری تیزی سے ترقی کررہی ہے، بھارت کے عوام پاکستانی ڈراموں کو بہت شوق سے دیکھتے ہیں‘‘۔

    واضح رہے پاکستان کی شوبز انڈسٹری کے لیے یہ فخر کی بات ہے کہ بالی ووڈ کے نامور اداکاروں کی جانب سے فلمی، ڈراما اور فیشن انڈسٹری کے کام کی تعریف کی گئی ہے۔

  • بطور پاکستانی ہر دہشت گردی کی مذمت کرتی ہوں، اداکارہ ماہرہ خان

    بطور پاکستانی ہر دہشت گردی کی مذمت کرتی ہوں، اداکارہ ماہرہ خان

    کراچی: پاکستانی اداکارہ ماہرہ خان نے پاک بھارت کشیدگی کے حوالے سے اپنی خاموشی توڑتے ہوئے کہا ہے کہ میں ایسی دنیا کا خواب دیکھتی ہوں جہاں امن ہو اور ہمارے بچے جنگ سے مکمل محفوظ رہ سکیں۔

    ان خیالات کا اظہار انہوں نے سماجی رابطے کی ویب سائٹ فیس بک پر کیا۔ پاکستانی اداکارہ کا کہنا ہے کہ ’’گزشتہ 5 برسوں سے اداکاری کے پیشے سے وابستہ ہوں اور شوبز میں آنے کے بعد سے میں نے ہمیشہ ملک کی عزت کا خیال رکھتے ہوئے کام کیا‘‘۔

    پڑھیں:  شاہ رخ اورماہرہ خان کی فلم ’رئیس‘کا پہلا جلوہ

     انہوں نے مزید کہاکہ ’’ایک پاکستانی اور فنکار ہونے کی حیثیت سے میں پاکستان اور بیرونی ممالک میں اپنے وطن کا مثبت تشخص اجاگر کرنے کے لیے تمام تر صلاحتیں بروئے کار لانے کے لیے اپنا کردار ادا کرتی رہوں گی‘‘۔

    مزید پڑھیں:  شاہ رخ خان بھی پاکستانی اداکارہ ماہرہ خان کے دیوانے نکلے

    ماہرہ خان کا کہنا ہے کہ ’’میں ایک پاکستانی ہونے کے ناطے دنیا بھر میں ہونے والی ہر دہشت گردی اور اس کے نتیجے میں ہونے والی زیادتی کی مذمت کرتی ہوں ۔اُن کا کہنا تھا کہ ’’مجھے کبھی کسی جنگ یا خونریزی سے خوشی نہیں ملتی تاہم میں ایک ایسی دنیا کا خواب دیکھتی ہوں جہاں ہمارے بچے جنگ اور خون خرابے سے محفوظ رہیں’’۔

    یہ بھی پڑھیں: انتہا پسند ہندوٗں کی پاکستانی اداکار ماہرہ خان کو دھمکی

    سماجی رابطے کی ویب سائٹ پر ادکارہ نے اپنے پرستاروں کا شکریہ ادا کرتے ہوئے کہا کہ ’’میں اُن تمام لوگوں کی شکر گزار ہوں جنہوں نے میرے کام کو پسند کیا اور میری حمایت کرتے رہے‘‘۔

    یاد رہے ماہرہ خان بالی ووڈ فلم رئیس میں کنگ خان کے ساتھ اداکاری کررہی تھیں تاہم اڑی سیکٹر اور لائن آف کنٹرول پر پیدا ہونے والی کشیدگی کے بعد ہندو انتہاء پسندوں کی دھمکیوں کے بعد اداکارہ وطن واپس آگئیں۔