Tag: share

  • پیپلز پارٹی پنجاب کے رہنماؤں کا کینال معاملے پر مریم نواز سے سوال

    پیپلز پارٹی پنجاب کے رہنماؤں کا کینال معاملے پر مریم نواز سے سوال

    لاہور: ’چولستان کو پانی دینے کے لیے پنجاب کی کون سی نہر بند ہوگی؟‘ پیپلز پارٹی پنجاب کے رہنماؤں نے وزیراعلیٰ پنجاب مریم نواز سے سوال کیا ہے۔

    پیپلز پارٹی کے رہنما چوہدری منظور نے پریس کانفرنس میں مریم نواز سے سوال کیا ہے انہوں نے کہا کہ انڈس ریور سسٹم اتھارٹی(ارسا) کے مطابق پہلے ہی پانی کی قلت ہے۔

    پیپلز پارٹی کے رہنما چوہدری منظور نے پوچھا کہ چولستان کے لیے سرگودھا، فیصل آباد، قصور، اوکاڑہ یا رحیم یار خان سے کس ضلع کا پانی بند کیا جائے گا؟

    پی پی رہنما کا کہنا تھا کہ کینالز کے ایشو پر وزیر اعظم سے میرا سوال ہے، حکومت نے ایک بھی مشترکہ مفادات کونسل کا اجلاس نہیں بلایا، صدر نےکینالز منصوبہ کی منظوری نہیں دی اور آبی ماہرین کہتے ہیں یہ منصوبہ نہ قابل عمل ہے۔

    کینالز معاملہ: وزیراعظم اور وزیراعلیٰ سندھ کی ملاقات طے پاگئی

    چوہدری منظور کا کہنا تھا کہ اس وقت سسٹم میں 43 فیصد پانی کی کمی ہے، دریائے ستلج میں پانی نہیں ہے جبکہ نہروں میں پہلے ہی پانی کی کمی ہے، ارسا ایکٹ میں لکھا ہے پانی کے مسئلے پر کوئی ایشو ہوگا تو سی سی آئی بلائی جائے گی۔

    "ایک سال ہوگیا ابھی تک کوئی بھی سی سی آئی کی میٹنگ نہیں بلائی کیوں؟ آبی ماہرین کہہ رہے ہیں کہ نہر نکالنا ناممکن ہے، کہتے ہیں سیلاب کا پانی لیکر جائیں گے سیلاب 3 ماہ کا ہوگا بعد میں کیا کرینگے، یہ دنیا کی تاریخ کی پہلی نہر ہے جس میں ریورس انجینئرنگ ہورہی ہے”

    دوسری جانب ندیم افضل چن نے کہا کہ چولستان سے محبت نہیں ان کی نیت خراب ہے، نہروں کا ڈراما رچایا، یہ ضیاالحق کے وارث تو ہوسکتے ہیں پنجاب کے نہیں۔

  • ایف اے ٹی ایف کا کرپٹو کرنسی کے خلاف کارروائی کا آغاز

    ایف اے ٹی ایف کا کرپٹو کرنسی کے خلاف کارروائی کا آغاز

    لندن : بٹ کوائنز جیسی ڈیجیٹل کوائنز (کرپٹو کرنسی) کو منی لانڈرنگ جیسے غیر قانونی عمل کےلئے استعمال کیے جانے سے روکنے کےلئے منی لانڈرنگ کے عالمی نگراں ادارے نے اقدامات کا آغاز کردیا۔

    تفصیلات کے مطابق 30 سال قبل منی لانڈرنگ کو روکنے کےلئے قائم ہونے والے ادارے فنانشل ایکشن ٹاسک فورس (ایف اے ٹی ایف) نے اپنے رکن ممالک کو بتایا کہ کرپٹو کرنسی پر نظر رکھی جائے تاکہ ڈیجیٹل کوائنز کو کیش کی منی لانڈرنگ کے لیے استعمال ہونے سے روکا جاسکے۔

    غیر ملکی خبر رساں ادارے کا کہنا تھا کہ ایف اے ٹی ایف کی جانب سے یہ اقدام عالمی قانون پر عمل در آمد کروانے والے اداروں کی کرپٹو کرنسی کو منی لانڈرنگ جیسے جرائم میں استعمال کیے جانے کے حوالے سے بڑھتی ہوئی تشویش کے پیش نظر سامنے آیا۔

    ایف اے ٹی ایف کے بیان میں کہا گیا کہ ممالک کرپٹو کرنسی سے متعلق اداروں، جیسے ایکسچینجز اور کسٹوڈینز کی نگرانی اور انہیں رجسٹر کریں گے، صارفین کا تفصیلی جائزہ لیں گے اور مشتبہ ٹرانزیکشنز کی اطلاع دیں گے۔

    ایف اے ٹی ایف کے صدر مارشل بلنگسلیا کے مطابق پوری دنیا کو اس کے خطرات کا سامنا ہے، قوموں کو فوری طور پر آگے بڑھنا ہوگا کیونکہ یہ بہت بڑا مسئلہ ہے۔

    غیر ملکی خبر رساں ادارے کا کہنا تھا کہ ایف اے ٹی ایف کا یہ اقدام عالمی سطح پر 300 ارب ڈالر کے کوائنز کی تجارت کرنے والی مارکیٹ کو ریگولیٹ کرنے کے لیے ہے۔دنیا بھر میں کرپٹو سے متعلق اداروں کی نمائندگی کرنے والے صنعتی ادارے گلوبل ڈیجیٹل فنانس نے ایف اے ٹی ایف کے قواعد کو قبول کیا۔

    ان کی ایگزیکٹو ڈائریکٹر ٹیانا بیکر ٹیلر کا کہنا تھا کہ ایف اے ٹی ایف کی، کرپٹو کرنسی کے بھیجنے اور وصول کرنے والے شخص کی تفصیلات فراہم کرنے کی تجاویز پر عمل کرنا مشکل کام ہوگا مگر ہمیں یہ کرنا ہوگا۔

  • سلمان‌ خان کا دیوالی پر مداحوں کیلئے فلم "ٹائیگر زنده ہے”کے پوسٹر کا تحفہ

    سلمان‌ خان کا دیوالی پر مداحوں کیلئے فلم "ٹائیگر زنده ہے”کے پوسٹر کا تحفہ

    ممبئی : بالی ووڈ کے سلطان اور سپراسٹار سلمان خان نے دیوالی پر ایک بار پھر ثابت کردیا کہ وہ اپنے مداحوں کو کبھی نہیں بھولتے، سلمان خان نے دیوالی کے موقع پر اپنے  مداحواں کیلئے فلم "ٹائیگر زنده ہے”کا پوسٹر جاری کردیا ۔

    بھارتی میڈیا کے مطابق بالی ووڈ کے سپراسٹار سلمان خان نے سماجی رابطے کی ویب سائٹ ٹویٹر پر اپنی نئی آنے والی فلم "ٹائیگر زنده ہے” کا پہلا پوسٹر جاری کرکے مداحوں کو دیوالی کا شاندار تحفہ دے دیا۔

    انہوں نے سماجی رابطے کی ویب سائٹ ٹویٹر پر مداحوں سے یہ بھی پوچھا کہ ’ کیا آپ کو پسند آیا ‘ اور ساتھ ہی ساتھ یہ بھی بتایا کہ وہ کرسمس پر ملیں گے۔

    دلچسپ بات یہ ہے کہ "ٹائیگر زنده ہے” کا پوسٹر ان نایاب پوسٹروں میں سے ایک ہے، جن میں سلمان خان کا چہرہ نظر آرہا ہے۔

    اگر مداحوں کو یاد ہو تو فلم ٹیوب لائٹ ، ایک تھا ٹائیگر اور دبنگ کے پوسٹر میں سلمان خان کا بیک دیکھایا گیا۔

    خیال رہے فلم میں کترینہ کیف اور سلمان خان 5 سال کے بعد ایک ساتھ نظر آئیں گے۔

    فلم کے ڈائریکٹر علی عباس ظفر ہے جبکہ سلمان خان فلم میں ایک انتیلی جنس آفیسر کا کردار ادا کررہے ہیں، فلم 2012 میں بننے والی فلم ’ ایک تھا ٹائیگر‘ کا سیکوئل ہے جبکہ فلم دسمبر میں کرسمس کے موقع پر ریلیز کی جائے گی۔

    قبل ازیں فلم ڈائریکٹر نے سلمان اور کترینہ کی آسٹریلیا میں ہونے والی فلم کی شوٹنگ کے دوران کی تصاویر شیئر کی تھیں، جس میں دونوں اداکار انتہائی رومانوی انداز میں دکھائی دے رہے تھے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔

  • امریکی صدر نے روس سے خفیہ معلومات کا تبادلہ کیا، امریکی حکام

    امریکی صدر نے روس سے خفیہ معلومات کا تبادلہ کیا، امریکی حکام

    واشنگٹن : امریکی حکام نے امریکی میڈیا کو بتایا کہ صدر ڈونلڈ ٹرمپ نے روس کو شدت پسند تنظیم دولتِ اسلامیہ کے بارے میں انتہائی خفیہ معلومات فراہم کیں۔

    امریکی حکام نے تہلکہ خیز انکشاف کیا ہے کہ امریکی صدرٹرمپ نے روس سے خفیہ معلومات کا تبادلہ کیا، حکومتی حکام نے امریکی اخبار کو بتایا کہ روسی سفیر سے دولتِ اسلامیہ کے بارے میں گفتگو کے دوران امریکی صدر مسودے سے ہٹ گئے تھے اور روسی وزیرِ خارجہ اور روسی سفیر کو دہشتگرد گروہ داعش کے بارے میں انتہائی خفیہ اور حساس ترین معلومات فراہم کیں۔

    23

    امریکی اخبار کے مطابق خفیہ معلومات اس قدرحساس تھیں کہ انہیں دوسرے امریکی اتحادیوں کو نہیں بتایا جا سکتا، اس بارے میں سی آئی اے اور نیشنل سکیورٹی ایجنسی کو مطلع کر دیا گیا تھا۔

    تاہم امریکی وزیرِ خارجہ اور قوم سلامتی کے مشیر نے اس خبر کی تردید کردی یہ واقعہ تب پیش آیا جب صدر ٹرمپ نے ایف بی آئی کے ڈائریکٹر جیمز کومی کو روس کیساتھ تعلقات پر برطرف کیا تھا۔

    24

    اس ملاقات کی ایک اور خاص بات یہ تھی کہ اس میں روسی فوٹوگرافر موجود تھے تاہم امریکی میڈیا کو اس کی رپورٹنگ کی اجازت نہیں دی گئی تھی۔

    خیال رہے کہ امریکہ میں ٹرمپ انتظامیہ کے روس کے ساتھ تعلقات کا معاملہ خاصا گرم ہے، اور اس بارے میں متعدد تحقیقات جاری ہیں لیکن امریکی صدر ان الزامات کو جعلی خبر کہہ کر مسترد کرتے آئے ہیں۔

    واضح رہے کہ ڈونلڈ ٹرمپ پر پہلے ہی یہ الزام  بھی ہے کہ انہوں نے اپنی صدارتی انتخابی مہم کے دوران اعلی روسی حکام سے رابطے کیے تھے جبکہ روسی صدر ولادیمیر پیوٹن سے ان کے خصوصی تعلقات بھی ہیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کراچی اسٹاک مارکیٹ پھر بڑی مندی کا شکار

    کراچی اسٹاک مارکیٹ پھر بڑی مندی کا شکار

    کراچی: اسٹاک مارکیٹ پھر بڑی مندی کا شکار ہوگئی، ہیوی ویٹ سیکٹرز میں فروخت کادبائو مارکیٹ کو لےبیٹھا، وزیراعظم اور وزیرخزانہ کل مارکیٹ کا دورہ کرینگے۔

    کراچی اسٹاک مارکیٹ سنبھلنےکا نام نہیں لے رہی، پریشانی حکومتی حلقوں میں بھی محسوس کی جارہی ہے، ذرائع کےمطابق وزیراعظم اور وزیرخزانہ کل کراچی اسٹاک مارکیٹ کا دورہ کریں گے،جہاں وہ مارکیٹ کی بہتری اورسرمایہ کاروں کےفیور میں اہم اعلان کرسکتے ہیں۔

    منگل کو مارکیٹ میں رونما ہونےوالی بڑی مندی کےحوالےسے تجزیہ کاروں کاکہنا ہےکہ ہیوی ویٹ سیکٹرز میں فروخت کا دبائو مارکیٹ کو لےبیٹھا۔

    آئل اینڈگیس،بینکنگ اور سیمنٹ کمپنیوں کےشئیرزکی قیمتیں گرگئیں اور ہنڈریڈ اینڈیکس ایک دن میں چارسو نوے پوائنٹس نیچےآگیا۔

  • پریشان کن مندی کے بعد کراچی اسٹاک مارکیٹ سنبھل گئی

    پریشان کن مندی کے بعد کراچی اسٹاک مارکیٹ سنبھل گئی

    کراچی: ایک ماہ کی پریشان کن مندی کےبعد کراچی اسٹاک مارکیٹ میں تیزی کا پہلا روز سرمایہ کاروں نےسکون کاسانس لےلیا۔

    گذشتہ ڈیڑھ ماہ سےکراچی اسٹاک مارکیٹ فروخت کےدبائو کا شکار تھی، جنوری میں ہر روز نئےریکارڈ بنانےوالی مارکیٹ فروری کے پورے مہینےتیزی کا منہ نہ دیکھ سکی۔

    مارکیٹ میں مارچ کےمہینےکا آغاز بھی مندی کےساتھ ہوا تاہم بدھ کا دن شئیرمارکیٹ میں تیز ی کی نوید لیکر آیا۔

    ایک موقع پر مارکیٹ میں پونے تین سو پوائنٹس کی تیزی بھی ریکارڈکی گئی تاہم اعتمادکی کمی کا شکار سرمایہ کار اس موقع پرمنافع کماکر مارکیٹ سےنکل گئے، یوں کاروبارکااختتام چوون پوائنٹس کی تیزی پر ہوا اور ہنڈریڈ انڈیکس 33243پوائنٹس پربند ہوا۔

  • کراچی اسٹاک مارکیٹ کا ہفتہ واری جائزہ

    کراچی اسٹاک مارکیٹ کا ہفتہ واری جائزہ

    غیرملکی سرمایہ کاروں نے اس ہفتےکراچی اسٹاک مارکیٹ میں چورانوےلاکھ ڈالرکی سرمایہ کاری کی، مقامی سرمایہ کاروں نےدیکھو اور انتظارکرو کی حکمت عملی اختیارکی۔

    اس ہفتےکراچی اسٹاک مارکیٹ میں غیرملکی سرمایہ کاردوبارہ سے سرگرم ہوتےنظر آئے اور اُنہوں نے چورانوے لاکھ ڈالرکی سرمایہ کاری کی، جبکہ گذشتہ ہفتےغیرملکی سرمایہ کاروں نےشئیرمارکیٹ سے ایک کروڑ پانچ لاکھ ڈالرکاسرمایہ نکال لیا تھا۔

    شئیرمارکیٹ کاہفتہ وار جائزہ لیاجائےتو مارکیٹ پورے ہفتےرینج بائونڈ رہی، مقامی سرمایہ کاروں کی جانب سےڈیلی ٹریڈنگ کا رجحان غالب رہا۔

    اچھےمالی نتائج والی کمپنیزکےشئیرزمیں خریداری جبکہ خراب مالی نتائج والی کمپنیز کےحصص میں فروخت کا دبائو دیکھاگیا۔

  • کراچی اسٹاک میں چارروز سےجاری مندی کا خاتمہ

    کراچی اسٹاک میں چارروز سےجاری مندی کا خاتمہ

    کراچی: امریکہ و بھارت سےاہم فون کالز اورچینی وزیرخارجہ کی پاکستان آمد کے کراچی اسٹاک پر مثبت اثرات مرتب ہوئے،جس سے بعد چارروز سےجاری مندی کےرجحان کوبریک لگ گیا۔

    چار ورز تک مسلسل مندی کی لپیٹ میں رہنے والی کراچی اسٹاک مارکیٹ میں جمعےکوتیزی کا رجحان واپس لوٹ آیا۔

    اسٹاک تجزیہ کاروں کےمطابق امریکی صدر براک اُوباما اور بھارتی وزیراعظم نریندر مودی کےپاکستانی وزیراعظم نواز شریف کو ٹیلی فون کے مثبت اثرات مارکیٹ پردیکھےگئے،جبکہ چینی وزیرخارجہ کےدورہ پاکستان سے بھی سرمایہ کاروں کا اعتماد بحال ہوا۔

    کاروباری ہفتےکے آخری روز مارکیٹ تمام دن مثبت زون میں رہی اور ایک موقع پر 330 پوائنٹس کی تیزی بھی ریکارڈکی گئی۔

     تاہم کاروبارکےاختتام تک پرافٹ ٹیکنگ کےباعث یہ تیزی 157 پوائنٹس رہ گئی اورمارکیٹ کا بینچ مارک ہنڈریڈ انڈیکس 33943 پوائنٹس پر بند ہوا۔

  • کراچی اسٹاک مارکیٹ میں دوسرے روز بھی مندی کا شکار

    کراچی اسٹاک مارکیٹ میں دوسرے روز بھی مندی کا شکار

    کراچی: اسٹاک مارکیٹ میں دوسرے روز بھی مندی رہی، ہنڈریڈ انڈیکس مزید ایک سو سینتیس پوائنٹس نیچےآگیا۔

    منگل کےروزکراچی اسٹاک مارکیٹ میں کاروبارکا آغاز مثبت ہوا تاہم سرمایہ کارپاکستان تحریک انصاف اور ایم کیو ایم میں بڑھتی کشیدگی سےپریشان نظر آئے اور نئی خریداری کےبجائے شئیرز فروخت کرنےکو ترجیح دی جس سےمارکیٹ فروخت کےدبائو میں آگئی۔

    ایک موقع پر مارکیٹ میں تین سو نوے پوائنٹس کی گراوٹ بھی دیکھی گئی تاہم ٹیکسٹائل پالیسی کے اعلان سےٹیکسٹائل کمپنیوں کےشئیرز میں خریداری سےمندی کی شدت میں کمی آئی۔

    کاروبارکےاختتام پر مارکیٹ کابینچ مارک ہنڈریڈ انڈیکس 137پوائنٹس کی کمی سے چونتیس ہزار 433 پوائنٹس پر بند ہوا۔

  • کراچی اسٹاک مارکیٹ میں غیر ملکی سرمایہ کاروں کی دلچسپی

    کراچی اسٹاک مارکیٹ میں غیر ملکی سرمایہ کاروں کی دلچسپی

    کراچی : اسٹاک مارکیٹ کی ڈی میوچلائزیشن اوراسٹاک مارکیٹ میں چالیس فیصد شیئرز کی فروخت کیلئے تین اہم سرمایہ کار ڈھونڈ لئے گئے۔

    اسٹاک مارکیٹ ذرائع کے مطابق ملائشیا ، قطر اور ٹوکیو اسٹاک ایکس چینج سے بات چیت جاری ہے۔ ان سرمایہ کاروں کی جانب سے بھی مثبت جواب موصول ہوئے ہیں۔

    اسٹاک مارکیٹ ذرائع کے مطابق مذاکرات میں تیزی اس وقت آئی جب اس معاہدے کو نان ڈیسکلوژر ایگریمنٹ میں تبدیل کر دیا گیا۔ ذرائع کے مطابق اسٹاک مارکیٹ کی کارکردگی میں بہتری کے باعث سرمایہ کار دلچسپی کا مظاہرہ کررہے ہیں ۔یہ ڈیل رواں سال کے اختتام تک طے پاجانے کا امکان ہے ۔

    اگست دوہزار بارہ میں منظور کیے گئے اسٹاک مارکیٹ کی ڈی میوچلائیزیشن ایکٹ کے مطابق اسٹاک مارکیٹ کے چالیس فیصد حصص غیرملکی سرمایاکاروں اور بقیہ ساٹھ فیصد سی ڈی سی اکاونٹ ہولڈرز کیلئے رکھے گئے ہیں۔