Tag: Share photos

واٹس ایپ انتظامیہ اپنے صارفین کیلئے اکثر ایک نئی اپ ڈیٹ متعارف کراتی رہتی ہے، اس بار بھی انٹرنیٹ کے استعمال سے متعلق ایک اپڈیٹ سامنے آئی ہے۔

غیر ملکی خبر رساں ادارے کی رپورٹ کے مطابق واٹس ایپ کی جانب سے ایک ایسا فیچر تیار کیا جا رہا ہے جس کے آنے کے بعد صارفین کو تصاویر، ویڈیوز اور ڈاکیومنٹس شئیر کرنے کے لیے انٹرنیٹ کی ضرورت نہیں پڑے گی۔

رپورٹ میں کہا گیا ہے کہ واٹس ایپ صارفین آف لائن ہوتے ہوئے بھی اس فیچر کو استعمال کرسکتے ہیں لیکن اس فیچر کے لیے کچھ شرائط درکار ہیں۔

جس طرح واٹس ایپ کی جانب سے دعویٰ کیا جاتا ہے کہ چیٹ اینڈ ٹو اینڈ انکرپٹڈ ہوتی ہے، بالکل اسی طرح شئیر کی گئی فائلز بھی انکرپٹڈ ہوں گی۔

انکرپٹڈ ہونے کی وجہ سے کوئی بھی فائل کرپٹ نہیں کرسکے گا جبکہ ان ہی پرمیشنز میں سے ایک آپشن ہے فائینڈ نئیر بائی فونز جو کہ آف لائن شئیرنگ فیچر کو سپورٹ کرے گا۔

اگرچہ اینڈرائیڈ میں معیاری سسٹم کی اجازت بلو ٹوتھ کے ذریعے قریبی ڈیوائسز کو اسکین کرنے میں مدد کر سکتی ہے لیکن اس آپشن کو آف بھی کیا جاسکتا ہے۔

واضح رہے اس سے قبل گزشتہ چند مہینوں میں میسیجنگ پلیٹ فارم ”واٹس ایپ“ نے کئی نئے فیچرز متعارف کرائے ہیں۔

واٹس ایپ کے ویب ورژن کے لیے چیٹ لاک پر کام کرنا ہو یا صارفین کو دوسروں کی پروفائل فوٹوز کے اسکرین شاٹس لینے سے روکنا ہو، واٹس ایپ صارف کے تجربے کو بہتر بنانے کے لیے کئی اقدامات کر رہا ہے۔