ARYNews.tv | Urdu – Har Lamha Bakhabar

Tag: sharif family

  • شریف خاندان کیخلاف لندن میں بھی ٹیکس چوری کی تحقیقات شروع ہونے کا انکشاف

    شریف خاندان کیخلاف لندن میں بھی ٹیکس چوری کی تحقیقات شروع ہونے کا انکشاف

    لاہور : معاون خصوصی ڈاکٹر شہباز گل نے شریف خاندان کیخلاف لندن میں بھی ٹیکس چوری کی تحقیقات شروع ہونے کا انکشاف کرتے ہوئے کہا بچوں نے والد کے نقش قدم پر چل کر 25 فیصد 6 ملین پاؤنڈ ٹیکس چوری کیا۔

    تفصیلات کے مطابق معاون خصوصی ڈاکٹر شہباز گل نے سماجی رابطے کی ویب سائٹ ٹوئٹر پر اپنے بیان میں کہا کہ شریف خاندان کیخلاف لندن میں بھی ٹیکس چوری کی تحقیقات شروع ہوگئی ہے ، برطانوی قانون کے مطابق 45 فیصد ٹیکس ادائیگی لازمی قرار دیا گیا جبکہ شریف خاندان لندن میں صرف 20 فیصد ٹیکس ادا کر رہا ہے۔

    ڈاکٹر شہباز گل کا کہنا تھا کہ بچوں نے والد کے نقش قدم پر چل کر 25 فیصد 6 ملین پاؤنڈ ٹیکس چوری کیا، ٹیکس چوری کیلئے ہل میٹلز سے ہونے والی آمدن کو بھی چھپایا گیا۔

    معاون خصوصی نے مزید کہا کہ پاکستان سے نوکروں کے نام پر پیسہ لانڈر کیا گیا، سعودی عرب سے لندن پیسہ آمدن نہیں، اخراجات مد میں منگوایا گیا، پیسہ اس لئے منگوایا گیا تاکہ ٹیکسزسے بچا جا سکے، سچ ہی کہتے ہیں چور چوری سے جائے ہیرا پھیری سےنہ جائے، لگتا ہے شریف خاندان کوکہیں بھی ٹیکس دیتے ہوئے موت پڑتی ہے۔

  • "نواز شریف ،نیلسن منڈیلا نہیں بن سکتے "

    "نواز شریف ،نیلسن منڈیلا نہیں بن سکتے "

    اسلام آباد: وزیر مملکت برائے اطلاعات و نشریات فرخ حبیب اور مشیر پارلیمانی امور بابر اعوان نے شریف خاندان کو کڑی تنقید کا نشانہ بنایا ہے۔

    اسلام آباد میں نیوز کانفرنس کرتے ہوئے وزیر مملکت اطلاعات و نشریات فرخ حبیب نے شریف خاندان پر شدید تنقید کرتے ہوئے کہا کہ لندن میں موجود نواز شریف مکمل صحت مند ہوچکے ہیں، ان کا جو علاج ہونا تھا ہوگیا، وہ گالف کلب میں میچ دیکھ رہےہیں اور کافی پی رہےہیں، نواز شریف بانی ایم کیو ایم بن سکتے ہیں مگر نیلسن منڈیلا نہیں بن سکتے.

    فرخ حبیب نے اپوزیشن لیڈر کو مخاطب کرتے ہوئے کہا کہ شہباز شریف نے ضمانت دی تھی وہ نواز شریف کو واپس لائیں گے شہباز شریف کے پاس بطور اپوزیشن لیڈر کیا جواز باقی رہ گیا ہے،

    وزیر مملکت برائے اطلاعات و نشریات نے دعویٰ کیا کہ مریم نواز جیل سے بچنے کیلئے این آر او مانگ رہی ہیں۔

    اس موقع پر مشیر پارلیمانی امور بابر اعوان نے شہبازشریف کو آڑے ہاتھوں لیتے ہوئے کہا کہ اوور سیز پاکستانیوں سے متعلق شہباز کا پیکج فراڈ ہے، اس طرح کے بیانات داغ کر اپوزیشن لیڈر نے پارلیمان کی بالادستی ماننے سے انکار کیا۔

    بابر اعوان نے کہا کہ شہباز شریف کی تجویز سپریم کورٹ کی بھی توہین ہے، اپوزیشن لیڈر قومی اسمبلی کو کہتا ہوں کہ آئین کامذاق مت اڑائیں، سودےبازی چھوڑدیں،ہربات پرسودےبازی مت کریں۔

     

  • ‘شوگر مافیا کا سب سے بڑا سرغنہ شریف خاندان ہے’

    ‘شوگر مافیا کا سب سے بڑا سرغنہ شریف خاندان ہے’

    اسلام آباد : وفاقی وزیراطلاعات شبلی فراز کا کہنا ہے کہ پوری قوم جانتی ہےشوگر مافیا کا سب سے بڑا سرغنہ شریف خاندان ہے، دولت کی ہوس ان کی سیاست کا محور رہا ہے۔

    وفاقی وزیراطلاعات شبلی فراز نے سماجی رابطے کی ویب سائٹ ٹوئٹر پر اپنے بیان میں کہا پوری قوم جانتی ہےشوگر مافیا کا سب سے بڑا سرغنہ شریف خاندان ہے، شریف خاندان نے سیاست کو کاروبار کیلئے استعمال کیا، دولت کی ہوس ان کی سیاست کا محور رہا۔

    شبلی فراز کا کہنا تھا کہ شریف خاندان نے اداروں کا بے دردی سےاستعمال کیا، عمران خان کی سیاست غریب عوام کے حقوق کیلئےہے، شریف مافیا نے ہمیشہ عوام کا استحصال کیا۔

    اس سے قبل مسلم لیگ ن نےشوگرانکوائری کمیشن رپورٹ مستردکردی، رہنما ملک احمدخان نے کہا کہ چینی کی مصنوعی قلت پیداکرکے منافع کمانےوالوں کا دفاع کیاجارہاہے، یہ قلت آپ کےدورمیں پیداہوئی آپ اس کےذمہ دارہیں۔

    مسلم لیگ ن کے رہنما نے کہا تھا کہ شریف شوگرملز نے ایک کلو کی چینی بھی ایکسپورٹ نہیں کی، اس پورےعمل میں آپ نےجان بوجھ کر گیم کھیلا، وزیراعظم اوروزیراعلیٰ پنجاب سےکوئی پوچھنےوالانہیں، وہ تمام ذمہ داریوں سےبری ذمہ ہیں۔

    عظمیٰ بخاری کا کہنا تھا کہ اختیارات کاناجائز استعمال کرنیوالوں پرنیب کےکیسزبنیں گے، اس رپورٹ کےبعدوزیراعظم کوآج شام سےپہلےاستعفیٰ دےدینا چاہئے تھا۔

    یاد رہے معاون خصوصی برائے احتساب شہزاد اکبر نے کہا تھا کہ شوگر ملز مافیا نے ملی بھگت سے عوام سے لوٹ مار کی اور قومی خزانے کو اربوں روپے کا نقصان پہنچایا، ، شہباز شریف فیملی کی شوگر ملز میں ڈبل رپورٹنگ کے شواہد ملے ہیں، العربیہ میں کچی پرچی کارواج بہت ملا ہے اور اس نے کسانوں کو40کروڑ روپے کم دیے گئے، جے ڈی ڈبلیو گروپ کی شوگر ملز کارپوریٹ فراڈ میں ملوث نکلی ہیں۔

  • نیب کا شریف خاندان کے گرد مزید گھیرا تنگ ، 7ارب کا ریفرنس تیار

    نیب کا شریف خاندان کے گرد مزید گھیرا تنگ ، 7ارب کا ریفرنس تیار

    لاہور : قومی احتساب بیورو ( نیب) نے شریف خاندان کے خلاف 7ارب کا ریفرنس تیار کرلیا، مرکزی ملزمان میں نوازشریف، شہبازشریف، مریم نواز شامل ہیں، نیب کا کہنا ہے کہ شریف خاندان نےمبینہ منی لانڈرنگ اور غیر قانونی طریقے سے پیسہ بنایا۔

    تفصیلات کے مطابق قومی احتساب بیورو ( نیب) نےشریف خاندان کےخلاف7ارب کاریفرنس تیارکر لیا، اس حوالے سے پری ایگزیکٹیوبورڈکااجلاس چیئرمین نیب نے پیرکو طلب کر لیا ، جس میں نیب لاہور جانب سےبھیجےگئےریفرنس کے تمام پہلوؤں کاجائزہ لیا جائے گا۔

    ریفرنس میں 16ملزمان، 4وعدہ معاف گواہ اور 100گواہان جبکہ مرکزی ملزمان میں نوازشریف، شہبازشریف، مریم نواز شامل ہیں، شہبازشریف ، حمزہ شہباز، مریم نواز سےمتعدد اہم سوالات کیےگئےہیں، تینوں نیب کےپوچھے گئے 80فیصد سوالات کے جوابات نہ دےسکے۔

    ذرائع نیب کا کہنا ہے کہ شریف خاندان کے متعددافراد بھیجےگئےکو سوالناموں کےبھی تسلی بخش جواب نہ ملے، شریف خاندان نےمبینہ منی لانڈرنگ اور غیر قانونی طریقے سے پیسہ بنایا۔

    نیب لاہور کی جانب سے تیار کئے گئے 300 سے زائد صفحات پر مشتمل ریفرنس میں اہم دستاویزات شامل ہیں۔

    دوسری جانب رائیونڈ جاتی امرا میں ہزاروں کنال اراضی کو جعلسازی سے حاصل کرنے کا الزام پر نیب لاہور نے شریف خاندان کیخلاف ایک اورکیس میں تحقیقات کاآغازکردیا اور شکایات انکوائری کیلئے کیس چیئرمین نیب کو بھجوادیا۔

    ذرائع کا کہنا ہے کہ کیس میں نواز شریف، مریم نواز، شہباز شریف اور ان کی والدہ کے نام شامل ہیں ، شریف خاندان نے2013میں ہزاروں کنال اراضی کوزرعی رقبہ ڈکلیئر کرایا۔

    ذرائع کے مطابق 2014 میں احدچیمہ نے25رکنی بورڈکےفیصلےکانوٹیفکیشن واپس لیکررہائشی رقبہ ڈکلیئرکیا، احدچیمہ، ڈی سی اونور امین مینگل سمیت دیگر کو بھی شامل تفتیش کرنے کا فیصلہ کیا ہے، چیئرمین نیب کی منظوری کے بعدشریف خاندان کونوٹس جاری ہوگا۔

     

  • پاکستان کی سیاست سےشریف فیملی کا دل بھرچکا ہے، فواد چوہدری

    پاکستان کی سیاست سےشریف فیملی کا دل بھرچکا ہے، فواد چوہدری

    اسلام آباد : وزیرسائنس اینڈ ٹیکنالوجی فوا د چوہدری کا کہنا ہے کہ پاکستان کی سیاست سےشریف فیملی کا دل بھرچکا ہے، اگر حکومت حمزہ اورمریم کےباہرجانےپر مان جائے یہ جوتے چھوڑ کر دوڑ لگا دیں گے۔

    تفصیلات کے مطابق وزیرسائنس اینڈ ٹیکنالوجی فوا د چوہدری نے سماجی رابطے کی ویب سائٹ ٹوئٹر پر اپنے بیان میں کہا کچھ سیاسی گرو مسلم لیگ سے امیدیں لگائے بیٹھے ہیں ، شریف خاندان صرف ایک چیزچاہتا ہے،وہ ہے باقی خاندان کو باہر جانے دینا، پاکستان کی سیاست سے ان کا دل بھر چکا ہے، حمزہ اورمریم کےباہرجانےپرحکومت مان جائے یہ جوتے چھوڑ کر دوڑ لگا دیں گے۔

    گذشتہ روز فوادچوہدری کا کہنا تھا کہ شہباز شریف سےاسمبلی میں واپسی کی حتمی تاریخ پوچھی جائے، اگر وہ نہیں آتے تو نئے اپوزیشن لیڈر کیلئے پراسس کا آغاز کیاجائے، قائد حزب اختلاف کا عہدہ لمباعرصہ خالی نہیں رکھا جا سکتا، شہباز شریف نواز شریف کو واپس لانےکی گارنٹی دیکر خود غائب ہیں۔

    اس سے قبل فواد چوہدری نے کہا تھا شریف فیملی آج فلموں میں ہوتی تو ہر فرد ایکٹنگ کے بڑے بڑے ایوارڈ جیت چکا ہوتا، دادا شریف نے بچوں کو سیاست میں لا کر بڑا ٹیلنٹ ضائع کیا۔

  • 35 سال میں اپنے لیے ایک اسپتال نہ بنا سکے تو غریب کا کیا حال ہوگا: مراد سعید

    35 سال میں اپنے لیے ایک اسپتال نہ بنا سکے تو غریب کا کیا حال ہوگا: مراد سعید

    اسلام آباد: وفاقی وزیر مواصلات مراد سعید کا کہنا ہے منی لانڈرنگ کا مرکزی کردار اسحٰق ڈار، شہباز شریف کا داماد، حسن اور حسین نواز مفرور اور ملک سے باہر ہیں۔ شریف خاندان کے لوگ واپس نہیں آئے یہ ثبوت ہے۔ 35 سال میں اپنے لیے اسپتال نہیں بنا سکے تو غریبوں کا کیا حال ہوگا۔

    تفصیلات کے مطابق وفاقی وزیر مواصلات مراد سعید نے قومی اسمبلی کے اجلاس میں اظہار خیال کرتے ہوئے کہا کہ آج تحریک انصاف کے اسٹوڈنٹس کا یوم تاسیس ہے، ہم جیسے نوجوان کچھ خواب لے کر سیاست میں آئے، دو نہیں ایک پاکستان نعرہ نہیں ہمارا ایمان ہے۔

    مراد سعید نے کہا کہ ہم چاہتے ہیں ووٹ کو عزت دو، میں کہتا ہوں ووٹر کو عزت دو۔ اس ووٹر کو عزت دو جو بھوکا ہے، بے روزگار ہے۔ جو تعلیم سے محروم ہے۔

    انہوں نے کہا کہ جب کمیٹیز کی میٹنگ ہوتی ہے تو سنجیدگی سے لیا جاتا ہے، ایک سال تک کمیٹی نہیں بنی کہ غداری اور کرپشن کے کیسز چل رہے تھے۔ کمیٹیز کام نہیں کرتی تو قانون سازی نہیں ہوتی۔ ایسا کرنے سے ہاؤس نہیں چلتا جب ہاؤس نہیں چلتا تو ملک نہیں چلتا۔

    مراد سعید کا کہنا تھا کہ اللہ کو گواہ کر کے بیان دیتا ہوں وزیر اعظم نے صحت پر سیاست نہ کرنے کے لیے کہا، خواجہ آصف بتائیں وزیر اعظم کی باتیں کہاں سے لا رہے ہیں۔ نواز شریف کو سپریم کورٹ کے 5 ججز نے سزا سنائی ہے، سپریم کورٹ کے فیصلے کی بنیاد پر وہ نااہل قرار پائے۔

    انہوں نے کہا کہ آپ کو نواز شریف کی جان اور صحت پیاری ہے یا پیسہ؟ آپ نواز شریف کی ضمانت دے دیں اور باہر چلے جائیں۔ غریب سوال کرتا ہے ایک اسپتال نہیں بنا جو آپ کا علاج کر سکے۔ 35 سال میں اپنے لیے اسپتال نہیں بنا سکے تو غریبوں کا کیا حال ہوگا۔

    مراد سعید کا کہنا تھا کہ لاہور کے ایک اسپتال میں ٹھنڈے فرش پر ایک شخص نے جان دی، سندھ میں کتے کے کاٹے سے سسک سسک کر لوگ مر رہے ہیں۔ منی لانڈرنگ کا مرکزی کردار اسحٰق ڈار مفرور ہے، شہباز شریف کا داماد بھی مفرور ہے۔ حسن اور حسین نواز مفرور اور ملک سے باہر ہیں۔ شریف خاندان کے لوگ واپس نہیں آئے یہ ثبوت ہے۔

    انہوں نے کہا کہ وزیر اعظم عمران خان نے کشمیر کی آواز اقوام متحدہ میں بلند کی، وزیر اعظم عمران خان نے امریکا میں مدینے کی ریاست کی بات کی۔ کارکے کیس میں پاکستان کو 1.2 ارب ڈالر جرمانہ تھا، وزیر اعظم عمران خان کی بدولت یہ 1.2 ارب ڈالر بچا لیا گیا۔ 4600 سے زائد پاکستان سعودی جیل سے رہا ہوئے۔ ریکوڈک کیس میں بھی پاکستان کو جلد خوشخبری ملے گی، اس کیس میں جلد پاکستان کا 6 بلین ڈالر کا نقصان بھی بچ جائے گا۔

  • ضمانتی بانڈز نہیں دیں گے، شریف خاندان نے ضد پکڑ لی

    ضمانتی بانڈز نہیں دیں گے، شریف خاندان نے ضد پکڑ لی

    اسلام آباد: شریف خاندان ضمانتی بانڈز کی شرط تسلیم نہ کرنے کی ضد پر اڑ گیا ہے، مسلم لیگ ن نے کابینہ کی ذیلی کمیٹی کے اجلاس میں شرکت نہ کرنے کا فیصلہ کر لیا ہے۔

    تفصیلات کے مطابق ذرائع کا کہنا ہے کہ شریف خاندان ضمانتی بانڈ نہ دینے کی ضدپراڑگیا ہے ، شریف خاندان نے کابینہ ذیلی کمیٹی کے اجلاس کے بائیکاٹ کا فیصلہ کرتے ہوئے کہا ہے کہ نمائندے آج ذیلی کمیٹی اجلاس میں شریک نہیں ہوں گے۔

    دوسری جانب مسلم لیگ ن کے رہنما پرویز رشید نے کہا ہے کہ ن لیگ ذیلی کمیٹی اجلاس میں شرکت نہیں کرےگی، ن لیگ اپنا مؤقف کل رات دے چکی ہے، باربار ایک ہی مؤقف دہرانےکی ضرورت نہیں ہے ، ہم نےمؤقف کمیٹی کےسامنےرکھاہے، ذیلی کمیٹی کو سفارش کرنی ہے کرے۔

    مزید پڑھیں : نوازشریف کا نام ای سی ایل سے نکالنے کا معاملہ، کابینہ کی ذیلی کمیٹی آج فیصلہ سنائے گی

    رہنمان لیگ عطااللہ تارڑ کا کہنا تھا کہ کمیٹی کا بائیکاٹ نہیں کیا، کمیٹی نےکہاتھا کوئی ذہن بن جائیں توآ جاناورنہ ضرورت نہیں، پہلے والا ہی موقف ہےاس لیےکمیٹی کےسامنے پیش نہیں ہوئے، اگر کمیٹی نے کوئی ذہن بنالیا ہے تو بلانے پر جائیں گے۔

    خیال رہے مسلم لیگ ن کو ذیلی کمیٹی کے صبح کے فیصلے کا انتظار ہیں ، ن لیگ نے نواز شریف کا نام ای سی ایل سے نکالنے کے لیے حکومت پر دباو بڑھانے کا فیصلہ کرتے ہوئے کہا تھا کہ سیکورٹی بانڈز جمع کر ادیئے تو ن لیگ کو سیاسی طور نقصان ہوگا، ذیلی کمیٹی کے فیصلے کے بعد پارٹی حکمت عملی تیار کی جائے گی۔

    گذشتہ روز وزیرقانون فروغ نسیم کی زیرصدارت کابینہ کی ذیلی کمیٹی کے اجلاس میں ن لیگ کے نمائندے عطا تارڑ اور ڈاکٹر عدنان نے شرکت کی ، انہوں نے صاف منع کیا کہ نوازشریف ضمانتی بانڈز کسی صورت جمع نہیں کرائیں گے، عطا تارڑکا کہنا تھا کہ عدالت میں پہلے ہی زرضمانت جمع کراچکے ہیں۔

    مزید پڑھیں : ذیلی کمیٹی کا اجلاس : نوازشریف کے وکلاء کا ضمانتی بانڈز دینے سے انکار

    نوازشریف کا کہنا تھا کہ پاکستان میں علاج کرانے کو تیار ہوں، بانڈز دے کر باہر جانا گوارا نہیں جبکہ کابینہ کی ذیلی کمیٹی نے شریف خاندان کے نمائندوں اور نیب کو صبح دس بجے تک کا وقت دیا ہےاور کہا کہ اگر شریف فیملی اپناموقف تبدیل کرتی ہے تو آگاہ کردے۔

    واضح رہے کہ وزیراعظم عمران خان کی زیر صدارت وفاقی کابینہ کے اجلاس میں سابق وزیراعظم نوازشریف کا نام ای سی ایل سے نکالنے کی مشروط کی منظوری دے دی گئی تھی، ذرائع کا کہنا تھا کہ نواز شریف کو باہر جانے کے لئے سیکیورٹی بانڈز دینا ہوں گے۔

  • شریف خاندان کی چوہدری شوگرملز کے بعد شمیم شوگر ملز کی چھان بین شروع

    شریف خاندان کی چوہدری شوگرملز کے بعد شمیم شوگر ملز کی چھان بین شروع

    لاہور : قومی احتساب بیورو ( نیب ) نے شریف خاندان کی چوہدری شوگرملز کے بعد شمیم شوگرملز کےاکاؤنٹس کی چھان بین شروع کردی اور کہا شمیم شوگرملز کے اکاؤنٹس سے بھی مشکوک ترسیلات کے شواہد ملے ہیں۔

    تفصیلات کے مطابق شریف خاندان کی چوہدری شوگرملز کے بعد شمیم شوگرملز بھی نیب کےریڈارپرآگئی ، نیب نےشمیم شوگرملزکےاکاؤنٹس سےمبینہ منی لانڈرنگ کی چھان بین شروع کردی۔

    نیب ذرائع کا کہنا تھا کہ شمیم شوگرملزکےقرضوں،سرمایہ کاری ودیگرتفصیلات کاریکارڈاکٹھا کیاجارہاہے ، شمیم شوگرملزکےاکاؤنٹس سےبھی مشکوک ترسیلات کےشواہد ملے ہیں۔

    ذرائع کے مطابق نیب نے مریم نواز سے بھی شمیم شوگرملز سے متعلق سرمایہ کاری،قرضوں اور دیگر تفصیلات طلب کی گئی اور انھیں 8 اگست کوشمیم شوگر ملز سے متعلق جواب جمع کرانے کی ہدایت بھی کی گئی ہے۔

    مزید پڑھیں : نیب پیشی پر مریم نواز سے تحقیقات اورسوالات کی اندرونی کہانی سامنے آگئی

    یاد رہے 31 جولائی کو چوہدری شوگرملزکیس میں طلبی پر مسلم لیگ ن کی نائب صدر اور سابق وزیراعظم نواز شریف کی صاحبزادی مریم نواز نیب دفتر میں پیش ہوئیں تھیں ، نیب کی مشترکہ ٹیم نے 45 منٹ تک مریم نواز سے تحقیقات کیں اور سوالنامہ بھی دیا، سوالنامہ میں چوہدری شوگرملزسےمتعلق جواب مانگےگئے ہیں۔

    نیب نے مریم نوازکو8 اگست کودوبارہ طلب کرلیا اور ریکارڈبھی ساتھ لانےکی ہدایت کردی تھی۔

    بعد ازاں مریم نواز سے تحقیقات اور سوالات کی اندرونی کہانی سامنے آئی تھی ، جس کے مطابق مریم نواز سے چوہدری شوگرملز کے شیئرزہولڈرز ہونے پر معلومات مانگی گئیں ملز کے 4 غیر ملکیوں سے مالی رابطوں پربھی سوالات کئے۔

    نیب ذرائع کا کہنا تھا کہ مریم نواز سے شمیم شوگرملزکوسرمایہ کاری سےمتعلق بھی سوالات کئےگئے اور بیرون ملک سےملنےوالی ٹیلی گرافک ٹرانسفرکی معلومات مانگی گئیں جبکہ مختلف افرادسےخریدی گئی زمین سےمتعلق معلومات لی گئیں۔

    خیال رہے نیب کی جانب سے منی لانڈرنگ سےمتعلق چوہدری شوگرملزکی تحقیقات کی جارہی ہیں، چوہدری شوگرملزمیں زیادہ سرمایہ کاری2001سے 2007میں ہوئی۔

  • شریف فیملی اور پیپلز پارٹی کے لوگ عمران خان سے رابطہ کررہے ہیں،سینئرصحافی کا انکشاف

    شریف فیملی اور پیپلز پارٹی کے لوگ عمران خان سے رابطہ کررہے ہیں،سینئرصحافی کا انکشاف

    اسلام آباد : سینئرصحافی حامدمیر نے انکشاف کیا ہے کہ شریف فیملی اور پیپلز پارٹی کے لوگ عمران خان سے رابطے کرکے معافی تلافی کی بات کررہے ہیں، وزیراعظم کے پاس واٹس ایپ پر رابطوں کےثبوت ہیں۔

    تفصیلات کے مطابق سینئرصحافی حامدمیر نے اے آر وائی نیوز کے پروگرام الیونتھ آور میں انکشاف کیا شریف فیملی کے غیر سیاسی لوگ عمران خان سےرابطےکررہےہیں اور وزیراعظم سےمعافی تلافی کی بات کررہےہیں۔

    سینئرصحافی کا کہنا تھا پیپلزپارٹی کے لوگ بھی عمران خان سے رابطے کرکے معافی تلافی کی بات کررہےہیں، وزیراعظم کےپاس واٹس ایپ پررابطوں کےثبوت ہیں، میر اخیال ہے وقت آنے پر وزیراعظم رابطوں کامعاملہ ریکارڈ پر لے آئیں گے۔

    حمید میر نے کہا عمران اور ان کی حکومت کو مسلم لیگ ن اور پی پی پی سے کوئی خطرہ نہیں ہے، دونوں اہم سیاسی جماعتیں ملک میں حزب اختلاف کی حقیقی کردار ادا نہیں کررہی۔

    انھوں نے پیپلزپارٹی اور تحریک انصاف کے درمیان قومی اسمبلی میں حالیہ بیانات کے بارے میں بات چیت کرتے ہوئے سیاسی شو کو قرار دیا اور کہا کہ پیپلز پارٹی بھی موجودہ حکومت سے این آر او مانگ رہی ہیں۔

    شریف خاندان کے بارے میں ایک سوال کے جواب میں حامد میر کا کہنا تھا ایسا لگتا ہے کہ نواز شریف اس بار عدالت سے کوئی چھوٹ نہیں مل سکے گی، لہذا وہ این آر او کے لئے وزیراعظم سے رابطہ کر رہے ہیں۔

  • سال2018 شریف خاندان پر بھاری نہیں بلکہ بہت بھاری گزرا

    سال2018 شریف خاندان پر بھاری نہیں بلکہ بہت بھاری گزرا

    کراچی : سال دوہزاراٹھارہ شریف خاندان کا حال بے حال کرگیا، ن لیگ الیکشن ہاری، شریف برادران کرپشن کیسز میں جیل بھیج دیئے گئے۔ نوازشریف کی بیٹی اورداماد کو بھی کرپشن کیس میں سزا ملی۔

    شہبازشریف کے بیٹوں اورداماد کےخلاف کرپشن کے بڑےکیس کھل گئے، نوازشریف کی اہلیہ کلثوم نواز چل بسیں۔ سیاست ہو یا مقدمات سال دوہزاراٹھارہ شریف خاندان کے لئے بھاری نہیں بلکہ بہت بھاری ثابت ہوا، نوازشریف اور شہبازشریف کرپشن مقدمات میں باری باری سلاخوں کے پیچھے بھیج دئیے گئے۔

    کرپشن الزامات تلے دبی شریف فیملی کے خلاف ہر گزرتے دن کے ساتھ قانون کا گھیرا تنگ ہوتا چلا گیا۔ پاناماکیس کے بعد نوازشریف کے خلاف پاکپتن ارضی کیس میں بھی ایک جےآئی ٹی بن گئی جبکہ سانحہ ماڈل ٹاؤن پر بھی نئی جےآئی ٹی کی تلوار شریف برادران کے سر پر لٹک گئی۔

    نوازشریف کو چوبیس دسمبر کو العزیزیہ ریفرنس میں سات سال قید اور جرمانےک ی سزاملی، چھ جولائی کو نوازشریف،اُن کی بیٹی مریم اور داماد صفدر کو ایون فیلڈ ریفرنس میں سزا ہوئی۔ نوستمبر کو نوازشریف کو اپنی اہلیہ کلثوم نواز کی جدائی کا صدمہ بھی ملا۔ کینسر میں مبتلا کلثوم نواز لندن میں چل بسیں۔

    نوازشریف اور مریم نوازکو کلثوم نواز کی نمازجنازہ کے لئےاڈیالہ جیل سے پیرول پر رائیونڈ لایاگیا۔ باپ بیٹی اور داماد نے دوماہ سے زائد جیل کاٹی پھر ضمانت پر رہائی ملی۔ پانچ اکتوبر کو شہبازشریف کو آشیانہ اسکینڈل میں سرکاری مہمان بنالیا گیا۔ بعد ازاں انہیں راہداری ریمانڈ پراسمبلی اجلاس میں لایاجاتا رہا۔ سال بھر بڑے بھائی اور چھوٹے بھائی کا احتساب عدالتوں میں آنا جانا لگا رہا۔

    شہباز شریف کے بیٹےاور داماد کی بھی پیشیوں پر پیشیاں ہوتی رہیں۔ حمزہ شہباز نے بیرون ملک اڑان بھرنے کی کوشش کی لیکن کرپشن کیسز کی انکوائریاں ان کے راستےکی رکاوٹ بن گئیں، وہ اپنے والد اور تایا کی طرح ثبوت دینے کے بجائے الٹا حکومت پر برس پڑتے۔ تفتیشی اداروں کو خطرہ تھا کہ حمزہ شہباز اپنے بھائی سلمان شہباز کی طرح باہرجائیں گے اور لوٹ کر نہ آئیں گے۔

    شہباز شریف کے داماد علی عمران یوسف بھی نیب کیسز میں مفرورقرارپائے ہیں وہ بھی بیرون ملک گئے اور واپسی کی راہ نہیں لی۔ بات کریں سیاست کی تو شریف برادران کی پارٹی الیکشن دو ہزار اٹھارہ میں شکست سے دوچار ہوئی، پنجاب جو شریف خاندان کا گڑھ سمجھاجاتا تھا۔

    وہاں آزاد امیدواروں کی بڑی تعداد نے ن لیگ پرعدم اعتماد کیا یوں تخت لاہور بھی شریف برادران کے ہاتھوں سےنکل گیا، البتہ قومی اسمبلی میں مبینہ بلیک میلنگ کے بعد شہباز شریف کو چیئرمین پبلک اکاؤنٹس کمیٹی کی کرسی کا آسرامل گیا ہے۔