اسلام آباد : نیب ایگزیکٹوبورڈ نے سابق وزیر اعظم نواز شریف ان کے بچے ، داماد اور سمدھی اسحاق ڈار کیخلاف ریفرنس دائرکرنےکی منظوری دیدی، چار ریفرنسز کل احتساب عدالت میں دائر کئے جائیں گے۔
تفصیلات کے مطابق مبینہ کرپشن پر شریف فیملی کے گرد گھیرا تنگ ہوتا جارہا ہے، نیب ایگزیکٹوبورڈ نے شریف فیملی کے خلاف ریفرنس دائرکرنے کی منظوری دیدی ہے ، ریفرنس میں نواز شریف،حسین نواز،حسن نواز ، مریم اورکیپٹن صفدر کو باقاعدہ ملزم نامزد کیا گیا ہے۔
زرائع کے مطابق نااہل وزیراعظم نوازشریف، ان کے بچوں اور داماد کے خلاف آٖف شور کمپنیوں ،ایون فیلڈپراپرٹیزاورعزیزیہ اسٹیل ملز پر الگ الگ ریفرنسز دائر کئے جائیں گے جبکہ وفاقی وزیرخزانہ اسحاق ڈار کے گرد بھی شکنجہ کس دیا گیا ہے، اسحا ق ڈار کو بھی ملزم نامزد کیا گیا ہے ، ان کے خلاف آمدن سے زائد اثاثے بنانے پر ریفرنسز دائر ہوگا۔
نواز شریف فیملی اور اسحاق ڈار کے خلاف ریفرنسز کل اسلام آباد اور پنڈی کی احتساب عدالت میں دائرکیے جائیں گے۔
ذرائع کا کہنا ہے احتساب عدالتوں میں ریفرنسز دائر ہونے کے بعد ملزمان کو طلب کیا جائے گا۔
قانونی طور پر ریفرنس فائل ہونے کے بعد ملزم کو کم از کم ایک بار احتساب عدالت کے جج کے روبرو پیش ہونا لازم ہے، جس کے بعد وہ ذاتی طور پر پیش ہونے سے استثنیٰ کی درخواست کرسکتا ہے۔
یاد رہے کہ چند روز قبل نیب لاہور نے شریف خاندان کے خلاف ریفرنس نیب ہیڈ کوارٹرز بھجوایا تھا، ریفرنس میں نواز شریف اوران کے بچوں کے اثاثے ضبط کرنے اور ان کے نام ای سی ایل میں ڈالنے کی سفارش بھی کی گئی۔
ریفرنس میں سفارش کی گئی کہ مریم ،حسن اورحسین کے اثاثے منجمد کئے جائیں۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
اسلام آباد : شریف خاندان کی مشکلات میں مزید اضافہ ہوتا دکھائی دے رہا ہے، بدھ کو نیب ہیڈکوارٹر میں ہونے والے ایگزیکٹیواجلاس میں ریفرنس فائل ہونے کی منظوری دیئے جانے کا امکان ہے۔
زرائع کے مطابق اگلے دو دنوں میں نیب کیجانب شریف خاندان کے خلاف ریفرنس فائل کیا جا سکتا ہے، بدھ کو نیب ہیڈ کواٹرز میں ایک اہم اجلاس معنقد ہوگا، جس میں شریف خاندان کے خلاف ریفرنس کی منظوری کا امکان ہے۔
تاہم اجلاس کے دوران اگر کوئی کمزور قانونی نکتہ سامنے آ گیا تو ریفرنس فائل کرنے کا معاملہ کچھ دنوں کے لیے ٹل بھی سکتا ہے۔
چیئرمین نیب کی منظوری کے بعد شریف فیملی کے خلاف ریفرنس احتساب عدالت میں دائر کیا جائے گا، احتساب عدالت ریفرنس دائر ہونے کے بعدفریقین کو نوٹسزجاری کرے گی اور کیس کی باقاعدہ سماعت شروع جائے گی۔
قانونی طور پر ریفرنس فائل ہونے کے بعد ملزم کو کم از کم ایک بار احتساب عدالت کے جج کے روبرو پیش ہونا لازم ہے، جس کے بعد وہ ذاتی طور پر پیش ہونے سے استثنیٰ کی درخواست کرسکتا ہے۔
دوسری جانب پانامہ کیس سنے والا سپریم کورٹ کا پانچ رکنی بنچ تعطیلات کے بعد بارہ ستمبر سے دوبارہ یکجا ہوگا، امکان ہے کہ نواز شریف کی جانب سے نااہلیت پر نظر ثانی کی پٹیشن کی سماعت بھی جلد شروع گی۔
یاد رہے کہ چند روز قبل نیب لاہور نے شریف خاندان کے خلاف ریفرنس نیب ہیڈ کوارٹرز بھجوایا تھا، ریفرنس میں نواز شریف اوران کے بچوں کے اثاثے ضبط کرنے اور ان کے نام ای سی ایل میں ڈالنے کی سفارش بھی کی گئی۔
ریفرنس میں سفارش کی گئی کہ مریم ،حسن اورحسین کے اثاثے منجمد کئے جائیں۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
لاہور: سابق وزیراعظم نوازشریف اور وزیراعلٰٰیٰ پنجاب شہبازشریف کے بچے اچانک لندن روانہ ہوگئے۔
تفصیلات کے مطابق سابق وزیراعظم نوازشریف اور شہبازشریف کے اہل خانہ قومی علامہ اقبال انٹرنیشنل ایئرپورٹ سے قومی ایئرلائن کی پرواز پی کے 757 سے اچانک لندن روانہ ہوگئے۔
شریف خاندان کے لندن جانے والے افراد میں نوازشریف کی بیٹی اور اسحاق ڈار کی بہو اسماء علی، شہبازشریف کی بیٹی، حمزہ شہباز کے بیوی بچے اورشہباز شریف کے صاحبزادے سلیمان شہباز شامل ہیں۔
خیال رہے کہ چار روز قبل وزیراعلیٰ پنجاب شہبازشریف کے صاحبزادے اور رکن اسمبلی حمزہ شہباز نجی دورے پر لندن روانہ ہوگئے تھے۔
لندن روانگی سے قبل پارٹی عہدیداران سے گفتگو کرتے ہوئے رکن قومی اسمبلی شہبازشریف کا کہنا تھا کہ کلثوم نواز میری والدہ ہیں۔
حمزہ شہبازشریف کا کہنا تھا کہ الیکشن سے پہلے کلثوم نواز اور میں وطن واپس آجائیں گے اور این اے 120 کا الیکشن ہم سب کا الیکشن ہے اور ہم سب مل اس ضمنی انتخاب میں حصہ لیں گے۔
یاد رہے کہ گزشتہ دنوں سابق وزیراعظم نواز شریف کی اہلیہ اور این اے 120 سے امیدوار برائے قومی اسمبلی کلثوم نواز کی برطانیہ میں ہونے والے طبی جانچ پڑتال میں گلے کے کینسرکی تشخیص ہوئی تھی۔
واضح رہے کہ تین روزقبل وزیراعلیٰ پنجاب شہبازشریف نے کلثوم نواز کے لیے نیک تمناؤں کا اظہارکرتے ہوئے کہا تھا کہ کلثوم بھابھی کی صحت یابی کے لیے دعاگو ہوں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور : پنجاب کے وزیر قانون رانا ثناءاللہ نے کہا ہے کہ شریف خاندان کا مردہ نیب کی بے سود انکوائری کے سامنے پیش ہونے کا کوئی فائدہ نہیں، مانیٹرنگ جج مقرر کیا گیا ہے، فیصلے پہلے سے ہوچکے ہیں۔
ان خیالات کا اظہار انہوں نے لاہور پریس کلب میں پریس کانفرنس سے خطاب کرتے ہوئے کیا، اس موقع پر ان کے ہمراہ وفاقی وزیر ریلوے خواجہ سعد رفیق بھی موجود تھے۔
رانا ثناء اللہ نے کہا کہ عدالت عظمیٰ سے یہ اطلاع آئی تھی کہ نیب فوت ہوچکا ہے، یہ بھی کہا گیا کہ نیب صرف فوت ہی نہیں دفن بھی ہوچکا ہے لیکن اب مردہ نیب میں روح کہاں سے پھونک دی گئی؟ لہٰذا ایسے مردہ نیب کی بے سود انکوائری کے سامنے پیش ہونے کا بھی کوئی فائدہ نہیں، انکوائری کا نتیجہ پہلے سے ہی آچکا ہے۔
ان کا کہنا تھا کہ نوازشریف 3 بار وزیراعظم اور 2 مرتبہ وزیراعلیٰ کے منصب پر فائز رہ چکے ہیں، نوازشریف نے پاکستان کو ایٹمی قوت کے درجے پر فائز کیا، کروڑوں عوام کی ہمدردیاں اورمحبت میاں صاحب کے ساتھ ہیں۔
رانا ثناء اللہ نے کہا کہ نیب میں اسپیشل کورٹس کا ایک جج پہلے سے ہی مقرر ہے، مقدمے کیلئےایک علیحدہ مانیٹرنگ جج مقررکیا گیا ہے، مانیٹرنگ جج صاحبان بھی موجود ہیں، فیصلے پہلے سے ہوچکے ہیں، ایسا عمل جو انصاف کے تقاضے پورے نہیں کرتا اس کے ہر مرحلے کو عوام کے سامنے رکھا جائے۔
انہوں نے کہااکہ واجد ضیاء ایک پولیس افسر ہے ان کا تمام کیئریر دفتر میں گزرا ہے۔ واجد ضیاء نے کبھی میاں بیوی کے جھگڑے تک کی تفتیش نہیں کی اور اب انہیں اتنے ہائی پروفائل کیس کا جج بنا دیا گیا ہے۔
نوازشریف کو انتقام کا نشانہ بنایا جارہا ہے، سعد رفیق
وفاقی وزیرریلوے خواجہ سعد رفیق نے کہا کہ نوازشریف کو انتقام کا نشانہ بنایا جارہا ہے، پاناما کیس کی جے آئی ٹی کا طرز عمل جانبدارانہ تھا، عدالتی احکامات کے تحت جے آئی ٹی کو لیڈ واجد ضیاء کو کرنا تھا لیکن لیڈ کوئی اور کررہا تھا۔
ان کا کہنا تھا کہ میاں صاحب پر کرپشن کاکوئی الزام ثابت نہیں ہوا، کیس پاناما سے شروع ہوا تھا اور اقامہ پر نواز شریف کو نااہل کیا گیا، ایسا نہیں ہوسکتا کہ ہمیں بار بار ناانصافی کی چکی میں پیسا جائے، انہوں نے کہا کہ ہمارے خلاف ایسے الفاظ استعمال کئے گئے جن کا حقیقت سے کوئی تعلق نہیں تھا۔
انہوں نے کہا کہ ہمارے لئے وہ راستہ اختیار کیا گیا جو کسی دوسرے فرد کیلئےنہیں کیا گیا، جے آئی ٹی کا کردار بھی جانبدارانہ تھا اور اس کا کنٹرول کسی اور کے پاس تھا۔
سعد رفیق نے کہا کہ ہم اداروں کے ساتھ تصادم نہیں چاہتے اور نہ ہی کسی ادارے کے خلاف بیان بازی ہمارا منشور ہے۔ ہماری پرامن جدوجہد جاری رہے گی۔
لاہور: پہلے اور دوسرے نوٹس کے بعد نیب کا تیسرا نوٹس بھی بے کار گیا، شریف خاندان کا کوئی فرد آج بھی نیب میں پیش نہیں ہوا۔
تفصیلات کے مطابق سابق وزیر اعظم نواز شریف اور ان کے صاحبزادوں حسن اور حسین نواز نے یکے بعد دیگرے نیب کا تیسرا نوٹس بھی ہوا میں اڑا دیا اور آج بھی پیشی کے لیے حاضر نہ ہوئے۔
نیب نے آج شریف خاندان کو لندن فلیٹس اور عزیزیہ اسٹیل ملز کی تحقیقات کے لیے طلب کیا تھا۔
نیب اس سے قبل نواز شریف، ان کے بچوں حسین نواز، حسن نواز، مریم نواز اور داماد کیپٹن ریٹائرڈ صفدر کو 3 بار تفتیش کے لیے طلب کر چکا ہے لیکن شریف خاندان کے کسی فرد نے حاضر ہونے کی زحمت گوارا نہ کی۔
شریف خاندان کی جانب سے نیب کو ایک نوٹس بھی بھیجا جا چکا ہے جس میں کہا گیا تھا کہ ابھی پاناما کیس پر نظر ثانی کی اپیل جاری ہے لہٰذا ان کے خاندان کا کوئی بھی فرد نیب میں پیش نہیں ہوسکتا۔
نیب نے واضح کیا ہے کہ اگر شریف خاندان پیش نہ ہوا تو سمجھا جائے گا کہ ان کے پاس دفاع میں کہنے کے لیے کچھ نہیں۔
اسحٰق ڈار بھی حاضر نہ ہوئے
دوسری جانب وفاقی وزیر خزانہ اسحٰق ڈار بھی نیب میں پیش نہیں ہوئے۔ انہیں بھی نیب کی جانب سے 3 نوٹسز جاری کیے جاچکے ہیں۔
نیب کی تحقیقاتی ٹیم نے وزیر خزانہ اسحاق ڈار کو صبح 10 بجے پیش ہونے کا نوٹس دیا تھا مگر وہ نہیں آئے۔
پیشی کے وقت اسحٰق ڈار لاہور میں موجود تھے، انہوں نے سابق وزیر اعظم نواز شریف کی رہائش گاہ پر ہونے والے اہم اجلاس میں شرکت کی جہاں وزیر اعظم شاہد خاقان عباسی بھی موجود تھے۔
دوسری جانب نیب کی تحقیقاتی ٹیم اور ڈی جی نیب میجر شہزاد سلیم دن بھر ان کا انتظار کرتے رہے۔
قانونی ماہرین کے مطابق اسحٰق ڈار نیب کے تیسری بار بلانے پر بھی پیش نہ ہوئے تو عدالت انہیں گرفتار کر کے پیش کرنے کا حکم دے سکتی ہے۔
لاہور : پاناما کیس کی تفتیش کے سلسلے میں دوسری بار طلبی کے باوجود شریف خاندان نیب کے سامنے پیش نہ ہوا، باپ، بیٹے، بیٹی، داماد،سمدھی کوئی بھی نیب کے سمن کو خاطرمیں نہ لایا۔
تفصیلات کے مطابق سپریم کورٹ کے احکامات پر نیب میں پاناما کیس میں مزید تحقیقات کا سلسلہ جاری ہے، نواز شریف پاناما کیس کی مزید تفتیش میں رکاوٹ بن گئے۔
سپریم کورٹ کے حکم کے باوجود نیب تفتیشی عمل آگے نہ بڑھا سکا۔ شریف خاندان نے نیب ریفرنس کو مذاق بنادیا، احتساب کے قومی ادارے کے ساتھ غیرسنجیدگی کا مظاہرہ کیا گیا۔
شریف خاندان دوسری پیشی پر بھی نیب حکام کے سامنے پیش نہ ہوا اور ایک بار پھر نیب کی تفتیشی ٹیم کو لفٹ نہیں کرائی، تفتیشی افسر انتظارکرتے رہے اور سابق وزیراعظم نواز شریف اوران کے بچے دوسری پیشی پر بھی نہ آئے۔
ایون فیلڈ کیس میں نیب نے نااہل سابق وزیراعظم نوازشریف سمیت بیٹے بیٹی داماد اور سمدھی کو صبح دس بجے پیشی کا سمن جاری کیا تھا، باپ، بیٹے، بیٹی، داماد، سمدھی کوئی بھی نیب کے سمن کو خاطر میں نہ لایا۔
تعطیل کے روز راولپنڈی سے لاہور آنے والی نیب ٹیم دفتر میں موجود رہی، لیکن شریف خاندان اتوار کی چھٹی انجوائے کرنے کے موڈ میں رہا۔
تجزیہ کاروں کے مطابق شریف خاندان کسی صورت نیب حکام سے تعاون پر آمادہ نظرنہیں آتا، شریف خاندان نے پیشی کا تیسرا سمن بھی نظر انداز کیا تو نوازشریف سمیت حسن حسین نواز اور اسحاق ڈار کو گرفتار کئے جانے کا امکان ہے۔
یاد رہے کہ شریف خاندان نے فیصلہ کیا ہے کہ نااہلی کیس میں نظر ثانی کی اپیل پر فیصلہ آنے تک نواز شریف یا ان کے صاحبزادوں میں سے کوئی بھی نیب کے سامنے پیش نہیں ہوگا۔
مسلم لیگ ن کے ذرائع کا کہنا ہے کہ چوں کہ نیب میں جتنے بھی کیسز چل رہے ہیں ان کی نگرانی سپریم کورٹ کا جج کرے گا اس لیے سابق وزیر اعظم کو اس بات پر شدید تحفظات ہیں، ن لیگ نظر ثانی کی اپیل کا انتظار کرے گی، اگر فیصلہ مخالف آیا تو پھر آئندہ کا لائحہ عمل طے کرے گی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
لاہور: نیب نے ایون فیلڈ لندن فلیٹس کی تفتیش کے کیس میں نواز شریف، مریم نواز، حسن نواز اور حسین نواز،کیپٹن صفدرجبکہ اسحاق ڈار کوآمدن سے زائد اثاثوں کے حوالے سے تفتیش کے لیے آج طلب کرلیا۔
تفصیلات کے مطابق قومی احتساب بیورو نے ایون فیلڈ لندن فلیٹس کی تفتیش کے سلسلے میں سابق وزیراعظم نوازشریف مریم نواز، کیپٹن صفدر، حسن نواز اور حسین نواز جبکہ وزیرخزانہ اسحاق ڈار کوآمدن سے زائد اثاثوں کے حوالے سے تفتیش کے لیے بھی آج طلب کرلیا۔
نیب لاہور نے 10 بجے نوازشریف اور ان کے بچوں سمیت اسحاق ڈار کو تفتیش کے لیے طلب کررکھا ہے۔
خیال رہےکہ اس سے قبل بھی نیب نے سابق وزیر اعظم نواز شریف اوران کے بچوں کو طلب کیا تھا تاہم شریف خاندان کا کوئی بھی فرد نیب کے سامنے پیش نہیں ہوا تھا۔
بعدازاں نیب کو شریف حاندان کی جانب سے نوٹس موصول ہوا تھا کی ابھی پاناما کیس نظر ثانی کی اپیل جاری ہے لہذا ان کے خاندان کا کوئی بھی فرد پیش نیب میں پیش نہیں ہوسکتا۔
واضح رہے کہ نیب کی جانب سے پیشی کے نوٹس دو روز قبل جمعے کے روز جاتی عمرا رائے ونڈ بھجوائے گئے تھے جو وصول کرلیے گئے تھے۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
لاہور: شریف خاندان نے فیصلہ کیا ہے کہ نااہلی کیس میں نظر ثانی کی اپیل پر فیصلہ آنے تک نواز شریف یا صاحبزادوں میں سے کوئی بھی نیب میں پیش نہیں ہوگا۔
اے آر وائی نیوز کے نمائندہ لاہور الفت مغل کے مطابق سابق وزیر اعظم کے خاندانی ذرائع کا کہنا ہے کہ نااہلی کیس میں نااہلی کی اپیل پر فیصلہ آنے تک شریف خاندان کا کوئی فرد نیب ریفرنسز کے معاملے میں نیب کے سامنے پیش نہیں ہوگا۔
مسلم لیگ ن کے ذرائع کا کہناہے کہ چوں کہ نیب میں جتنے بھی کیسز چل رہے ہیں ان کی نگرانی سپریم کورٹ کا جج کرے گا اس لیے سابق وزیر اعظم کو اس بات پر شدید تحفظات ہیں، ن لیگ نظر ثانی کی اپیل کا انتظار کرے گی، اگر فیصلہ مخالف آیا تو وہ آئندہ کا لائحہ عمل طے کرے گی کہ آئندہ کیا کرنا ہے۔
وکیل نے نیب میں جواب داخل کردیا
اسی ضمن میں اے آر وائی نیوز کے نمائندہ لاہور عابد خان نے بتایا کہ نیب ریفرنس کی تحقیقات کے ضمن میں نواز شریف اور دونوں بیٹوں کی طلبی کے جواب میں ان کے وکیل نے پیش ہوکر جواب داخل کرادیا ہے۔
جواب میں یہی کہا گیا ہے کہ شریف خاندان نے پاناما مقدمے کے ضمن میں سپریم کورٹ میں نظر ثانی کی درخواست دے رکھی ہے، اس کا فیصلہ آنے تک نیب ریفرنسز میں پیش نہیں ہوں گے کیوں کہ درخواست کا فیصلہ ہونا ابھی باقی ہے۔
اسلام آباد: سپریم کورٹ نے جے آئی ٹی رپورٹ کا والیم 10 کھول دیا، اس جلد کی کاپیاں نیب کے حوالے کردی گئیں جس میں انکشاف ہوا ہے کہ برٹش ورجن آئی لینڈ نے مریم نواز کے بینیفشل آنر ہونے کی تصدیق کی جبکہ 4 ممالک نے پاکستانی اداروں کی مدد کی یقین دہانی کرائی ہے، بقیہ رابطے میں ہیں۔
تفصیلات کے مطابق سپریم کورٹ نے والیم ٹین نیب کو دے دیا جس کے بعد کچھ تفصیلات منظر عام پر آگئیں۔
نیب اسلام آباد اور نیب لاہور کی سی آئی ٹی تشکیل
اے آر وائی نیوز اسلام آباد کے نمائندے ذوالقرنین حیدر نے اینکر پرسن ارشد شریف کے پروگرام پاور پلے میں بتایا کہ نواز شریف کے خلاف تحقیقات کے لیے نیب نے دو سی آئی ٹی (کمبائنڈ انویسٹی گیشن ٹیم) بنائی ہیں ایک کا تعلق اسلام آباد نیب اور دوسری ٹیم کا تعلق لاہور نیب سے ہے۔
دیکھیں ویڈیو:
رپورٹر کے مطابق سی آئی ٹی اسلام آباد کی سربراہی ڈائریکٹر رضوان احمد جب کہ سی آئی ٹی لاہور کی سربراہی ڈائریکٹر امجد مجید کررہے ہیں، نیب کی 14 رکنی ٹیم پوچھ گچھ کرے گی، اس میں 11 ارکان کا تعلق راولپنڈی نیب اور 3 ارکان کا تعلق نیب لاہور سے ہے، نواز شریف جے آئی ٹی کے بعد اب سی آئی ٹی کے سامنے پیش ہوں گے۔
نواز شریف 11 بجے، اسحق ڈار اور طارق شفیع کی 3 بجے طلبی
رپورٹر کے مطابق نواز شریف کو لاہور میں کل 11 بجے نیب آفس طلب کیا گیا ہے، اسی طرح اسحاق ڈار اور طارق شفیع کو ناجائز اثاثہ کیس سہ پہر 3 بجے طلب کیا گیا ہے، ان کے خلاف سپریم کورٹ نے ایک علیحدہ سے ریفرنس دائر کرنے کا کہا ہے۔
والیم ٹین میں 4 ممالک کے خطوط موجود
سپریم کورٹ کے حکم پر والیم ٹین کی ایک کاپی اسلام آباد نیب اور دوسری کاپی لاہور نیب کے حوالے کی گئی ہے، والیم ٹین میں 4 ممالک برطانیہ، سعودی عرب، برٹش ورجن آئر لینڈ اور متحدہ عرب امارات کے خطوط بھی شامل ہیں۔
برٹش ورجن آئر لینڈ کی مریم نواز کے بینیفشل آنر ہونے کی تصدیق
والیم ٹین میں اہم بات یہ ہے کہ برٹش ورجن آئر لینڈ نے خط میں اس بات کی تصدیق کی ہے کہ وزیر اعظم کی صاحب زادی مریم نواز آف شور کمپنی کی بینیفشل آنر ہیں۔
والیم ٹین سامنے رکھ کر شریف خاندان سے تفتیش ہوگی
ذرائع کا کہنا ہے کہ والیم ٹین کو سامنے رکھ شریف خاندان سے تفتیش کی جائے گی، جب مریم نواز کو طلب کیا جائے اور پوچھا جائے گا کہ کیا وہ آف شور کمپنی کی بینیفشل آنر ہیں؟ ان کے انکار کی صورت میں انہیں یہ خط دکھادیا جائےگا، والیم ٹین میں شامل مواد کی مناسبت سے ان سے سوالات بھی کیے جائیں گے۔
ن لیگ نے حدیبیہ پیپر ملز کیس میں اپیل دائر کرنے کا فیصلہ روک لیا
رپورٹر نے بتایا کہ حدیبیہ پیپر ملز کے حوالے سے سپریم کورٹ نے کہا ہے کہ شریف فیملی اپیل دائر کرے لیکن تازہ اطلاع موصول ہوئی ہے کہ اپیل دائر نہیں کی جارہی، لکھی گئی اپیل بھی روک لی گئی ہے کیوں کہ دو روز قبل ن لیگ ایگزیکٹو کمیٹی کے اجلاس میں اٹارنی جنرل نے خصوصی شرکت کی اور فیصلہ ہوا کہ 24 اگست کو ہونے والی سپریم کورٹ کی سماعت میں جواب داخل کرایا جائے گا کہ مزید جج نے کچھ کہا تو اپیل دائر کی جائے گی۔
سعودی عرب کا جواب
ذرائع کا کہنا ہے کہ والیم ٹین کی دستاویزات کے مطابق پاکستانی اداروں نے عزیزیہ اسٹیل اور ہل میٹل کیسز کے حوالے سے سعودی عرب سے رابطہ کیا تھا جواب میں انہوں نے یقین دہانی کرائی ہے کہ وہ جلد اس خط کا جواب دیں گے۔
متحدہ عرب امارات کا جواب
اسی طرح متحدہ عرب امارات سے جواب پہلے ہی آچکا ہے کہ وہ گلف اسٹیل کے حوالے سے کلیئر کرچکے ہیں کہ یہاں پر ان کا کوئی ریکارڈ نہیں۔
نواز شریف پیش نہ ہوئے تو مشکلات میں اضافہ ہوگا
رپورٹر کے مطابق کل اگر نواز شریف پیش ہوئے تو تحقیقات آگے بڑھیں گی اگر پیش نہیں ہوئے تو ان کے لیے مشکلات آگے بڑھ سکتی ہیں۔
نیب کی ٹیم ملزم کو گرفتار کرنے کا اختیار رکھتی ہے
ارشد شریف کے ایک سوال پر رپورٹر ذوالقرنین حیدر نے بتایا کہ نیب قوانین کے تحت ملزم بیان دینے آئے، نیب کا انویسٹی گیشن آفیسر اس سے مطمئن نہ ہو اور ملزم چالاکی سے کام لے تو انویسٹی گیشن آفیسر کو اختیار ہے کہ وہ فوری طور پر چیئرمین نیب سے منظوری لے کر ملز م کو وہیں گرفتار کرلےمضاربہ اسکینڈل سمیت دیگر نیب کیسز اس کی مثال ہیں۔
نیب وارنٹ حاصل کرکے بعد میں گھر پر بھی چھاپہ مار سکتی ہے
دوسری صورت میں یہ بھی ممکن ہے کہ نیب کے پاس اختیار ہے کہ وہ چیئرمین سے وارنٹ گرفتاری حاصل کرکے ملزم کے گھر چھاپہ مار کر اسے گرفتار کرلے۔
رپورٹر کے مطابق جیسے جیسے والیم ٹین کھلے گا اسی طرح مزید ممالک کے خطوط سامنے آئیں گے، ایک جج نے دوران سماعت کہا تھا کہ یہ والیم 10 بہت خطرناک ہے، اس سے مراد یہ ہے کہ والیم ٹین میں بہت سے ایسے ممالک کے نام خطوط شامل ہیں جن کے جوابات ابھی آنے باقی ہیں۔
خیال رہے کہ عدالت نے پاناما کیس میں شریف خاندان کے خلاف چار علیحدہ علیحدہ نیب ریفرنسز دائر کرنے کا حکم دیا تھا اور اب سپریم کورٹ نے نیب کو یہ خفیہ جلد نمبر 10 فراہم کردی ہے تاکہ نیب ریفرنسز کی تیاری میں استعمال کیا جاسکے۔
اطلاعات ہیں کہ نیب کی درخواست پر سپریم کورٹ نے نیب کو والیم 10 کی چار مصدقہ کاپیاں فراہم کی ہیں، والیم ٹین 415 سے زائد صفحات پر مشتمل ہے، یہ والیم جب عدالت میں نواز شریف کے وکیل خواجہ حارث نے دیکھا تھا تو اسے دیکھ کر ہی واپس کردیا تھا۔
اسلام آباد: سپریم کورٹ کی جانب سے نااہل کیے جانے والے سابق وزیر اعظم نواز شریف اور ان کا خاندان بدستور سرکاری وسائل کا بے دریغ استعمال کر رہا ہے۔ نواز شریف کی آج کی ریلی کو سرکاری حیثیت دے کر تمام سرکاری مشینری کو مصروف عمل کردیا گیا۔
مسلم لیگ ن کے صدر نواز شریف کو سپریم کورٹ کی جانب سے نااہل قرار دیا گیا ہے تاہم اپنی پارٹی کے حکومت میں ہونے کا فائدہ اٹھاتے ہوئے شریف خاندان کے لیے عوام کے پیسوں سے سرکاری وسائل کا بے دریغ استعمال کیا جارہا ہے۔
ذرائع کے مطابق شریف خاندان کے افراد پنجاب حکومت کے 2 سرکاری طیاروں میں لاہور پہنچے۔ نواز شریف کے بچوں حسن نواز، حسین نواز اور مریم نواز سمیت شریف خاندان کے 17 ارکان 2 طیاروں میں لاہور پہنچے جو سرکاری امور کے لیے رکھے گئے ہیں۔
شریف خاندان کی 2 ملازمائیں بھی سرکاری طیارے سے لاہور پہنچیں۔
ذرائع کا کہنا ہے کہ شریف خاندان کو لے کر آنے والے دونوں طیارے لاہور کے اولڈ ایئرپورٹ پر اترے۔ ایک طیارے میں مریم نواز کی بیٹی مہرالنسا اور داماد بھی سوار تھے۔
سابق وزیر اعظم کی آج ہونے والی ریلی کے لیے بھی سرکاری مشینری کا بے دریغ استعمال جاری ہے۔
صوبہ پنجاب کے شہر کھاریاں میں فائر بریگیڈ کی گاڑی کے ذریعے بینرز لگائے گئے۔ ریلی کی تیاری کے لیے سرکاری عملے کی ڈیوٹیاں لگائی گئیں۔
ریلی کی سیکیورٹی کے نام پر راولپنڈی کو مکمل طور پر سیل کردیا گیا۔ پنجاب پولیس نے ریلی کے روٹ پر آنے والی ہر دکان اور ہوٹل کو بند رکھنے کی ہدایت کردی۔
موبائل ہیلتھ یونٹ بھی نااہل وزیر اعظم کی ریلی کے لیے الرٹ کر دیا گیا۔
نواز شریف کی ریلی کے آغاز سے قبل وزیر اعظم شاہد خاقان عباسی اور کابینہ کے وزرا نے بھی کار مملکت چھوڑ کر اپنے قائد سے ملاقات کی اور ان کے لیے نیک خواہشات کا اظہار کیا۔
