دبئی : انٹرنیشنل کرکٹ کونسل کے چیف ایگزیکٹیو ڈیو رچرڈسن نے کہا ہے کہ شارجہ ون ڈے میچ شفاف انداز سے کھیلا گیا،تفصیلات کے مطابق برطانوی اخبار کا دعوی دھرے کا دھرا رہ گیا۔
آئی سی سی نے پاکستان اور انگلینڈ کے درمیان شارجہ ون ڈے کو کلین چٹ دے دی۔ انٹرنیشنل کرکٹ کونسل کے چیف ایگزیکٹیو ڈیو رچرڈسن کا کہنا ہے کہ یہ میچ شفاف انداز سے کھیلا گیا ہے۔
پاکستانی کھلاڑی مشکوک پیشکش کی رپورٹ کررہے ہیں۔ ڈیو رچرڈسن نے اپنی آپ بیتی بتاتے ہوئے کہا کہ وہ خود کرکٹ کے دوران کتنی مرتبہ رن آؤٹ ہوئے وہ خود نہیں جانتے ہیں۔
ان کا کہنا تھا کہ کرکٹ کی عالمی تنظیم کی جانب سے کرپشن کی روک تھام میں بہتری آئی ہے، کرپشن سےبچنے کیلئےدی جانیوالی تعلیم مؤثر ثابت ہورہی ہے۔
بہت جلد آئی سی سی سراغ رسانی کیلئے کورآڈینیٹر مقرر کرے گا جو تمام کرکٹ کھیلنے والے ملکوں کے ساتھ کام کرے گا۔
