ARYNews.tv | Urdu – Har Lamha Bakhabar

Tag: Sharjah

  • امیر شارجہ کے فرزند کی نماز جنازہ ادا، حاکم دبئی و ولی عہد کی تعزیت

    امیر شارجہ کے فرزند کی نماز جنازہ ادا، حاکم دبئی و ولی عہد کی تعزیت

    لندن/شارجہ : حاکم شارجہ سلطان بن محمد القاسمی کے فرزند و ولی عہد شیخ خالد کی نماز جنازہ آج 9 بجے ادا شارجہ کی کنگ فیصل مسجد میں ادا کردی گئی، حاکم دبئی شیخ محمد بن راشد المکتوم اور ولی عہد نے امیر شارجہ کے جوان بیٹے کے انتقال پر اظہار تعزیت پیش کیا۔

    تفصیلات کے مطابق متحدہ عرب امارات کے وزیر اعظم و نائب صدر اور ریاست دبئی کے حاکم شیخ محمد بن راشد المکتوم نے منگل کے روز شارجہ کے امیر شیخ سلطان بن محمد القاسمی کے جوان بیٹے شیخ خالد کی اچانک موت پر گہرے دکھ کا اظہار کرتے ہوئے کہا کہ میری ہمدردیاں میرے بھائی شیخ سلطان کے ساتھ ہیں۔

    حاکم دبئی نےعربی زبان میں کیے گئے اپنے ٹویٹ میں ریاست شارجہ اور متحدہ عرب امارات کی عوام سے بھی اظہار تعزیت پیش کیا۔

    ان کا کہنا تھا کہ ’میں خدا سے دعا کرتا ہوں کہ میرے بھائی شیخ سلطان کے دل کو صبر عطا فرما، ہم نے آپ کا غم اور وطن پرستوں سے محبت دیکھی ہے، ہم نے آ پ کے بڑے اور خوبصورت قلب کو دیکھا ہے۔ میں خدا نے دعا کرتا ہوں کہ آپ کو اس غم کو برداشت کرنے کی قوت عطا کرے۔

    حاکم دبئی کے بیٹے اور ولی عہد شیخ حمدان بن محمد نے بھی جوان بیٹے کی موت پر شیخ سلطان القاسمی سے تعزیت کرتے ہوئے کہ خدا اس بڑے نقصان پر شیخ خالد کے والدین کوصبر برادشت دے۔

    واضح رہے کہ یکم جولائی کو برطانوی دارالحکومت لندن میں شارجہ کے شہزادے شیخ خالد القاسمی کی اچانک موت کے بعد ریاست میں تین روزہ سوگ کا اعلان کیا گیا تھا، اس دوران سرکاری اداروں میں عام تعطیل اور قومی پرچم سرنگوں ہیں۔

    اماراتی خبر رساں ادارے کا کہنا تھا کہ شارجہ کے شہزادے شیخ خالد فنون لطیفہ میں خاصہ دلچسپی رکھتے تھے جبکہ وہ برطانیہ میں معروف فیشن برانڈ قاسمی کے بانی بھی تھے، مرحوم شارجہ اربن منصوبہ بندی کونسل کے چیئرمین اور شارجہ آرکیٹیکچر ٹرینیئل کے سربراہ بھی تھے۔

  • شارجہ: صارفین کی سہولت کیلئے آن لائن ڈرائیونگ ٹیسٹ سروس متعارف

    شارجہ: صارفین کی سہولت کیلئے آن لائن ڈرائیونگ ٹیسٹ سروس متعارف

    شارجہ : یو اے ای کے ٹریفک پولیس ڈپارٹمنٹ نے شہریوں کی سہولت کےلیے آن لائن ڈرائیونگ اسکول متعارف کرا دیا, جس کے ذریعے ڈرائیونگ ٹیسٹ سمیت دیگر امور بھی انجام دئیے جاسکیں گے۔

    تفصیلات کے مطابق متحدہ عرب امارات کے حکمران اپنے شہریوں اور دیگر بیرون ممالک سے آنے والے افراد کی سہولت اور آسانی کے مختلف اقسام کی ٹیکنالوجی متعارف کرواتی رہتی ہے حالیہ دنوں اماراتی ریاست شارجہ کی انتظامیہ نے آن لائن ڈرائیونگ اسکول متعارف کرایا ہے۔

    اماراتی خبر رساں ادارے کا کہنا ہے کہ آن لائن اسکول کا اقدام شارجہ پولیس کے ڈرائیونگ لائسنس ڈپارٹمنٹ کی جانب سے اٹھایا گیا ہے۔

    مذکورہ سروس کے تحت صارفین الیکڑانک رجسٹریشن کروا سکیں گے اورڈرائیونگ لائسنس سے متعلق جو چاہیں وہ آن لائن معلومات حاصل کرسکتے ہیں۔

    مقامی خبر رساں ادارے کا کہنا ہے کہ وزارت داخلہ کی جانب سے اٹھائے جانے والے اقدامات کا مقصد صارفین کو مطمئن کرنے میں شارجہ پولیس کی معاونت کرنا ہے۔

    لائسنس ڈپارٹمنٹ کے ڈائریکٹر لیفٹیننٹ کرنل حُمید سعید الجلاف کا کہنا تھا کہ مذکورہ الیکٹرانک سروس کے ذریعے ہمارے شہری عالمی سطح پر ٹیکنالوجی کی تیز ہوتی رفتار کے ساتھ ہم آہنگ ہوسکیں گے۔

    مقامی میڈیا کا کہنا ہے کہ یہ الیکڑانک سروس طالب علموں کو آن لائن کلاسوں میں اپنی حاضری کی تصدیق کے ساتھ شریک ہونے میں مدد فراہم کرے گی اور مذکورہ سروس کے تحت طالب علموں کو ٹریفک کلچر اور معلومات مزید بہتر اور اچھے انداز میں سمجھائی جاسکیں گی۔

    اماراتی خبر رساں ادارے کا کہنا ہے کہ طالب علم آن لائن اپنے فیس ادا کرسکتے ہیں، اسٹوڈنٹس اپنی رجسٹریشن، کورس ڈیٹا اور عملی تربیت سے متعلق معلومات بھی حاصل کرسکتے ہیں اور ساتھ ساتھ اپنی امتحانی تاریخ، اپنے استاد اور تربیت کا وقت و جگہ بھی تبدیل کرواسکتے ہیں۔

  • پی ایس ایل فور: دوسرا مرحلہ کل سے شارجہ میں شروع ہوگا

    پی ایس ایل فور: دوسرا مرحلہ کل سے شارجہ میں شروع ہوگا

    شارجہ : پاکستان سپر لیگ  سیزن فور کا پہلا مرحلہ دبئی میں مکمل ہو نے کے بعد کھلاڑیوں کو دودن کا آرام دیا گیا ہے، جس کے بعد ایکشن سے بھرپور میلہ اب بیس فروری سے شارجہ میں سجے گا۔

    تفصیلات کے مطابق پی ایس اہل کے سیزن فور میں چھکے اور چوکوں کی برسات، ریکارڈ پارٹنرشپ اوراڑتی وکٹوں کے لمحات نے شائقین کیلئے ہرلمحہ پرجوش بنادیا۔

    پاکستان سپر لیگ میں ہے دو روز تک آرام ہے۔ اگلے فیز میں شارجہ میں دھمال ہوگا، سنسنی خیز اور دلچسپ مقابلوں کے دوران شائقین کو ایکشن سے بھرپور میچز دیکھنے کو ملے۔

    کراچی کنگز کے اوپنرز لائم لیونگ اسٹون اور بابر اعظم نے ریکارڈ پارٹنرشپ بنائی، شین واٹسن، عمراکمل نے بھی دبئی میں چھکے اور چوکوں کی برسات کی، شعیب ملک اور شاہد آفریدی کی جوڑی نے بولرز کی خوب دھلائی کی۔

    عمر خان اور حارث رؤف کے ساتھ بولرز کی فہرست میں راحت علی سب سے آگے ہیں، لاہورقلندرز رواں سیزن میں کم ترین اسکور پر ڈھیر ہوئے ایکشن سے بھرپور میلہ اب بیس فروری سے شارجہ میں سجے گا۔

  • شارجہ میں جھلملاتی روشنیوں کی بہار

    شارجہ میں جھلملاتی روشنیوں کی بہار

    شارجہ: متحدہ عرب امارات کے شہر شارجہ میں لائٹ فیسٹیول کا آغاز ہوگیا، شہر رنگین جھلملاتی روشنیوں سے سج گیا۔

    شارجہ کے سالانہ لائٹ فیسٹیول کا یہ نواں سال ہے اور اس سال یہ میلہ پہلے سے کہیں زیادہ بڑا ہے۔ رواں برس فیسٹیول کی تھیم ’ثقافت اور خاندان‘ رکھی گئی ہے۔

    میلے میں 17 مقامات پر 20 لائٹ شوز پیش کیے جائیں گے جن میں دنیا بھر کے مختلف فنکار اپنے صلاحیتوں کا مظاہرہ کریں گے۔

    اس دوران آتش بازی، لیزر پراجیکشن اور شہر کی بلند و بالا اور عظیم الشان عمارتوں پر روشنیوں کے دلکش نظارے دیکھنے کو ملیں گے۔

    شارجہ کامرس اینڈ ٹورازم ڈویلپمنٹ اتھارٹی کے چیئرمین خالد جاسم ال مدفع کا کہنا ہے کہ روشنیوں کا یہ فیسٹیول عرب امارات کی ان کوششوں کی کامیابی کا اظہار ہے جو دنیا بھر میں امارات کو ممتاز رکھنے کے لیے کی جارہی ہیں۔

    انہوں نے کہا کہ یہ روشنیاں عرب امارات کی زرخیز ثقافت اور روشن مستقبل کا اظہار ہیں۔

    خالد جاسم کا مزید کہنا تھا کہ متحدہ عرب امارات اس وقت سیاحت کے لیے اہم مقام ہے اور یہ فیسٹیول مزید سیاحوں کو اپنی طرف راغب کرے گا۔

    روشنیوں اور رنگوں کا یہ فیسٹیول 16 فروری تک جاری رہے گا۔

  • شارجہ میں چاقو زنی کی واردات، 1 شخص ہلاک 2 خواتین زخمی

    شارجہ میں چاقو زنی کی واردات، 1 شخص ہلاک 2 خواتین زخمی

    ابوطبی : اماراتی ریاست شارجہ میں نامعلوم چاقو بردار حملہ آور نے ایک شخص کو قتل جبکہ دو خواتین کو زخمی کردیا۔

    تفصیلات کے مطابق متحدہ عرب اماراتی کی ریاست شارجہ کے علاقے البوتینا میں واقع عمارت میں گزشتہ روز چاقو زنی کی افسوس ناک واردات رونما ہوئی جس میں ایک 48 سالہ سوڈانی شخص ہوگیا۔

    پولیس کا کہان ہے کہ چاقو زنی کی واردات میں 33 سالہ بھارتی خاتون اور اس کی بیٹی شدید زخمی ہوئے ہیں جنہیں اسپتال میں طبی امداد فراہم کی جارہی ہے۔

    اماراتی خبر رساں ادارے کا کہنا ہے کہ پولیس فلیٹ میں چاقو بردار شخص کے حملے کی فون کال موصول ہوئی، سیکیورٹی اہلکار جائے وقوعہ پر پہنچنے تو دو خواتین شدید زخمی حالت میں اور ایک شخص مردہ حالت میں پڑا تھا جبکہ ایک سوڈانی شخص ہاتھ میں چاقو لیے کھڑا لیا۔

    پولیس کا کہنا ہے کہ زخمی خاتون کو فوری طور پر الکویتی اسپتال منتقل کردیا گیا تھا جہاں اسے انتہائی نگہداشت کے وارڈ میں طبی امداد فراہم کی جارہی ہے جبکہ بیٹی القاسمی اسپتال میں زیر علاج ہے۔

    پولیس کا کہنا ہے کہ تاحال قتل کی وجوہات معلوم نہیں ہوسکی ہیں لیکن واقعے کی تحقیقات جاری ہیں۔

    پولیس نے بتایا کہ جائے وقوعہ سے گرفتار ہونے والے شخص کے انگلیوں کے نشانات آلہ قتل سے ملنے والے نشانات سے مماثلت رکھتے ہیں لیکن مزید کارروائی متاثرہ خاتون کا بیان ریکارڈ ہونے کے بعد کی جائے گی۔

  • شارجہ : گودام میں ہولناک آتشزدگی

    شارجہ : گودام میں ہولناک آتشزدگی

    شارجہ : اماراتی ریاست کے صنعتی علاقے میں واقع میں گودام اچانک ہولناک آگ بھڑک اٹھی جس نے لکڑی گودام کی عمارت کو مکمل طور پر تباہ کردیا۔

    تفصیلات کے مطابق متحدہ عرب امارات کی ریاست شارجہ کے صنعتی علاقے میں واقعے لکڑی کے گودام میں رات گئے اچانک آگ بھڑک اٹھی جس نے دیکھتے ہی دیکھتے عفریت کی صورت اختیار کرلی۔

    اماراتی خبر رساں ادارے کا کہنا ہے کہ شارجہ سول ڈیفینس کا عملہ آگ پر قابو پانے میں مصروف ہیں۔

    مقامی میڈیا کا کہنا ہے کہ آتشزدگی کے باعث تباہ ہونے والی عمارت سے دھوائیں کے شدید کالے بادل اٹھتے ہوئے دور سے نظر آرہے ہیں۔

    شارجہ سول ڈیفینس کے ڈائریکٹر جنرل کرنل سمی خامیس النقبی نے میڈیا کو بتایا کہ ’ہمیں رات 9 بج کر 57 منٹ پر انڈسٹریل ایریا سے آتشزدگی کی اطلاع موصول ہوئی تھی۔

    کرنل سمی النقبی کا کہنا تھا کہ گودام میں لکڑیاں ذخیرہ کی جاتی تھی جس کے باعث آگ نے تیزی سے پوری عمارت کو اپنی لپیٹ میں لےلیا، لیکن فائر فایئڑ آگ پر قابو پانے کی کوشش کررہے ہیں۔

    اماراتی خبر رساں ادارے کا کہنا ہے کہ پولیس نے صنعتی علاقے میں جانے والی تمام سڑکیں بند کردیں ہیں تاکہ ہنگامی خدمات انجام دینے والے عملے کو ریسکیوں آپریشن میں مشکلات پیش نہ آئیں۔

    مقامی خبر رساں ادارے کا کہنا ہے کہ تاحال آتشزدگی کے واقعے میں کسی کے زخمی یا ہلاک ہونے کی اطلاع موصول نہیں ہوئی۔

    مزید پڑھیں : شارجہ : رہائشی عمارت میں خوفناک آتشزدگی، 7 سالہ بچہ ہلاک

    یاد رہے کہ گذشتہ ماہ متحدہ عرب امارات کی ریاست شارجہ کے علاقے القولایا میں واقع کثیرالمنزلہ رہائشی عمارت میں نامعلوم وجوہات کی بناء پر بھڑک اٹھی تھی جس کے نتیجے میں گھر میں موجود 7 سالہ بچہ جھلس کر ہلاک ہوگیا تھا۔

  • شارجہ : بینک ڈکیتی میں ملوث افریقی شہری کو عمر قید کی سزا

    شارجہ : بینک ڈکیتی میں ملوث افریقی شہری کو عمر قید کی سزا

    شارجہ : اماراتی عدالت نے اسلحے کے زور پر بینک لوٹنے والے افریقی شہری کو عمر قید کی سزا سناتے ہوئے جیل بھیجنے کا حکم دے دیا۔

    تفصیلات کے مطابق متحدہ عرب امارات کی عدالت نے گذشتہ روز پاکستانی نجی بینک کی شارجہ برانچ میں ڈکیتی کرنے والے افریقی شہری کو عمر قید دے دی۔

    شارجہ کی انسداد جرائم عدالت نے بینک لوٹنے والے گروہ دیگر ممبران کو 15 15 برس قید کی سزا سنائی ہے جبکہ سزا مکمل ہونے پر ملک بدر کرنے کا حکم بھی دیا ہے۔

    اماراتی خبر رساں ادارے کا کہنا ہے کہ شارجہ میں قائم نجی بینک میں 25 جولائی 2017 کو تین نقاب پوش ملزمان نے حملہ کرکے غیر معین رقم لوٹی تھی۔

    عدالتی دستاویزات کے مطابق بینک لوٹنے والے گروہ میں 5 افراد شامل تھے جن میں سے تین عرب شہریوں نے چہرے پر نقاب ڈالا ہوا تھا اور دو افریقیوں نے برقعہ پہنا ہوا تھا تاکہ پہچانے نہ جائیں۔

    بینک ترجمان کا کہنا تھا کہ تین مرد اور دو خواتین نے بینک سے رقم لوٹی اور گاڑی میں فرار ہوگئے۔

    اماراتی میڈیا کا کہنا ہے کہ یہ ڈکیتی کی واردات شارجہ کے علاقے البوہیرا میں واقع پاکستانی نجی بینک میں صبح سویرے ہوئی تھی۔

    پولیس ترجمان کا کہنا تھا کہ پولیس ہیلپ لائن پر صبح 11 بجے ڈکیتی سے متعلق فون کال موصول ہوئی تھی، جس کے بعد پولیس نے مسلسل تحقیقات کے بعد ملزمان کو گرفتار کیا ہے۔

  • متحدہ عرب امارات میں چاقو زنی کی واردات، خاتون ہلاک

    متحدہ عرب امارات میں چاقو زنی کی واردات، خاتون ہلاک

    شارجہ : متحدہ عرب امارات میں ملازمت کے لیے جانے والی نیپالی خاتون شاقو زنی کی واردات میں قتل ہوگئی، پولیس نے ملزمان کو گرفتار کرکے تفتیش شروع کردی۔

    تفصیلات کے مطابق متحدہ عرب امارات کی ریاست شارجہ میں ملازمت کی غرض سے جانے والی نیپالی خواتین کا نامعلوم وجوہات کی بنا پر آپس میں جھگڑا ہوگیا جس کے بعد ایک خاتون کو انتہائی زخمی حالت میں اسپتال منتقل کیا گیا تھا۔

    اماراتی خبر رساں ادارے کا کہنا تھا کہ لڑائی میں چاقو کے وار سے زخمی ہونے والی 32 سالہ خاتون کو اسپتال کے عملے نے بچانے کی بہت کوشش کی تاہم وہ شدید زخموں کے باعث جانبر نہ ہوسکی۔

    اماراتی خبر رساں ادارے کا کہنا تھا کہ خواتین ملازموں کی لڑائی شارجہ کے انڈسٹریل ایریا نمبر 4 میں واقع کمپنی ہوئی میں ہوئی تھی، جس میں مقتولہ کے علاوہ بھی مزید 4 خواتین زخمی ہوئیں ہیں۔

    مقامی خبر رساں ادارے سے گفتگو کرتے ہوئے لڑائی کے دوران زخمی ہونے والی ایک خاتون نے بتایا کہ چاقو زنی کی واردات میں ہلاک ہونے خاتون پر مبینہ طور پر 5 خواتین نے حملہ کیا تھا۔

    متاثرہ خاتون نے میڈیا کو بتایا کہ ’میرا خیال ہے کہ حادثے میں قتل ہونے والی 32 سالہ نیپالی خاتون ذہنی طور پر کچھ پریشان تھیں۔

    اماراتی خبر رساں ادارے کا کہنا تھا کہ حکام کی جانب سے مقتول خاتون کی لاش فارنسک لیب منتقل کردی گئی ہے تاکہ لاش کا میڈیکل ٹیسٹ کیا جاسکے۔

    مقامی میڈیا کا کہنا ہے کہ شارجہ پولیس نے قتل میں ملوث ملزمان کو گرفتار کرلیا ہے جبکہ مقتول کی ساتھی ملازمین سے بھی تفتیش جاری ہے۔

  • شارجہ: پولیس نے خاتون گداگر کو گرفتار کرلیا، 10 ہزار درہم نقدی برآمد

    شارجہ: پولیس نے خاتون گداگر کو گرفتار کرلیا، 10 ہزار درہم نقدی برآمد

    ابوظہبی : شارجہ پولیس کی نے گداگروں کے خلاف کارروائی کرتے ہوئے ایک خاتون گداگر کو گرفتار کرکے 10 ہزار درہم کی خطیر رقم برآمد کرلی۔

    تفصیلات کے مطابق متحدہ عرب امارات کی ریاست شارجہ میں پولیس نے گداگرروں کے خلاف آپریشن کرتے ہوئے دو ماہ قبل ہی سیکڑوں گداگروں کو گرفتار کرکے جیل منتقل کیا تھا۔

    غیر ملکی خبر رساں اداروں کا کہنا تھا کہ دبئی پولیس نے مارکیٹ میں دکانوں کے باہر بیھٹی ہوئی ایک خاتون کو گرفتار کیا گیا ہے جو صدا لگا کر بھیگ مانگ رہا۔

    مقامی میڈیا کا کہنا ہے کہ پولیس اہلکاروں نے حراست میں لی گئی خاتون کی تلاشی لی تو 10 ہزار درہم کی خطیر رقم برآمد ہوئی۔

    شارجہ پولیس کے تفتیشی ڈپارٹمنٹ کے ڈائریکٹر کرنل ابراہیم مصباح کا کہنا ہے کہ مارکیٹ میں موجود 5 دکانوں کے مالکان نے شکایت درج کروائی تھی کہ مذکورہ خاتون گذشتہ کچھ دنوں سے روازنہ کی بنیاد پر مارکیٹ میں بھیگ مانگ رہی ہے۔

    پولیس نے شہریوں نے گذارش کی ہے کہ گلیوں اور شاہراہوں پر گھومنے والی گداگروں اور ٹھیلے والوں کو رقم دینے سے گریز کریں اور اگر وہ کوئی مشکوک حرکت کرتے نظر آئیں تو پولیس کو اطلاع دیں۔

    یاد رہے کہ رواں برس جون میں ماہ مبارک رمضان کے دوران شارجہ پولیس نے 143 گداگروں کو گرفتار کیا تھا۔

    مقامی میڈیا کا کہنا ہے کہ حراست میں لی گئی خاتون گداگر کو انسداد گداگری قانون کے تحت 5 ہزار درہم جرمانہ اور تین ماہ قید کی سزا سنائی جائے گی۔

    مزید پڑھیں : دبئی پولیس نے گداگر کی مصنوعی ٹانگ میں سے 1 لاکھ درہم برآمد

    خیال رہے کہ دو ماہ قبل  متحدہ عرب امارات کی پولیس نے عید الفطر پر 243 گدا گروں کو گرفتار کیا ہے، جن میں سے ایک شخص کی مصنوعی ٹانگ میں سے 1 لاکھ درہم برآمد ہوئے تھے۔

    مزید پڑھیں : دبئی پولیس کی کارروائی، گداگر گرفتار، 3لاکھ درہم اور ہتھیار برآمد

    دبئی میں پولیس اہلکاروں نے کارروائی کرتے ہوئے مسجد کے باہر سے گداگر کو گرفتار کرکے 3 لاکھ درہم نقد جبکہ خطرناک ہتھیار بھی برآمد کیے تھے۔

  • شارجہ: کنکریٹ سے لدی کرین گر پڑی

    شارجہ: کنکریٹ سے لدی کرین گر پڑی

    شارجہ: متحدہ عرب امارات کے شہر شارجہ میں کنکریٹ سے لدی کرین گر پڑی جس کے نتیجے میں ایک بھارتی مزدور ہلاک ہوگیا۔ مزدور کی لاش 7 گھنٹے طویل آپریشن کے بعد ملبے سے باہر نکالی گئی۔

    یہ واقعہ شارجہ کے علاقے ال نہادا میں تعمیراتی سائٹ پر پیش آیا جب کئی ٹن کنکریٹ سے لدی کرین ٹوٹ کر گر پڑی۔ واقعے میں 34 سالہ بھارتی مزدور ملبے تلے دب گیا جس کی لاش شارجہ سول ڈیفینس نے 7 گھنٹے طویل آپریشن کے بعد نکالی۔

    حادثے میں ایک 23 سالہ پاکستانی مزدور بھی بری طرح زخمی ہوا جس کی شناخت فراست خان کے نام سے ہوئی۔ فراست کو شارجہ کے قاسمی اسپتال منتقل کیا گیا جہاں وہ آئی سی یو میں زندگی اور موت کی جنگ لڑ رہا ہے اور اس کی حالت نازک ہے۔

    شارجہ سول ڈیفینس حکام کے مطابق حادثے کے 5 منٹ کے اندر ہی ریسکیو ٹیم جائے حادثہ پر پہنچ گئی تھی جس کے بعد زخمی مزدور کو فوری طور پر اسپتال منتقل کردیا گیا۔

    ان کے مطابق کرین نہایت بھاری بھرکم تھی اور اس پر لدی ہوئی کنکریٹ بھی خاصی مقدار میں تھی جس کی وجہ سے ریسکیو ٹیم کو مشکل کا سامنا کرنا پڑا۔

    حکام کا کہنا ہے کہ مزدور کی لاش نکالنے کے لیے کرین کو کئی حصوں میں کاٹا گیا جس کے بعد ایک اہلکار اندر گہرائی میں اترا اور لاش کو کھینچ کر باہر لایا۔

    پولیس حکام کا کہنا ہے کہ تعمیراتی کمپنیوں کے لیے ضروری ہے کہ وہ کام کے دوران حفاظتی اقدامات کا خیال رکھیں اور اپنے مزدوروں کو ہیلمٹ اور دستانے پہننے کے لیے پابند کریں۔

    علاوہ ازیں مختلف تعمیراتی آلات بشمول کرین اور دیگر مشینری کی مینٹیننس کو چیک کرتے رہنا اور کسی خرابی کی صورت میں اسے درست کروانا بھی ان کی ذمہ داری ہے۔

    پولیس کا کہنا ہے کہ وہ واقعے کی تحقیقات کر رہے ہیں، اگر متعلقہ کمپنی حفاظتی اقدامات میں کوتاہی اور غفلت کی مرتکب پائی گئی تو اسے سزا اور جرمانے کا سامنا کرنا ہوگا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔