کراچی: وزیراعلیٰ سندھ کی مشیر شرمیلا فاروقی نےاےآروائی نیوز کی خبر کا نوٹس لیتے ہوئےموہنجوڈروکی زمین پرمچھلی کےتا لاب کو بندکرانے کے احکامات دے دیئے۔
پانچ ہزار سال پرانے آثار قدیمہ موئن جورہ کی زمین پر ایک مقامی اسکول کے پی یون نے نہ صرف مچھلی کے تالاب کے لیے کھدائی کی بلکہ اس میں پانی بھی چھوڑ دیا گیا تھا۔
اے آر وائی نیوز پر نشر ہونے کے بعد ٹورزم اور کلچر کی مشیر شرمیلا فاروقی نے نوٹس لیتے ہوئے ایڈیشنل سیکریٹری بشیر بروہی کوروانہ کیا اور تحیقات کا حکم دیا۔
بشیر بروہی نے نہ صرف انکوائری کی بلکہ غیر قانونی تالاب کو مٹی سے پر کرنے کا کام کروایا جو دو سے تین دن میں مکمل ہوجائے گا اور انہوں نے اس غیر قانونی تالاب بنانے والوں کے خلاف مقامی انتظامیہ سے رابطہ کیا، واضح رہے کہ سیکریٹری ٹورزم اور کلچرکا عہدہ گذشتہ دو ماہ سے خالی ہے۔
