Tag: shehbaz sharif

اسلام آباد: پارلیمنٹیرزم کے بین الاقوامی دن کے موقع پر وزیر اعظم شہباز شریف نے اپنے پیغام میں کہا ہے کہ آج کے دن ہمیں پارلیمانی اداروں کو مضبوط کرنے، جمہوری اقدار کے تحفظ کے لیے اپنے عزم کی تجدید کرنی ہے، اور اس بات کو یقینی بنانا ہے کہ قانون سازی کے عمل میں شہریوں کی آواز کی صحیح معنوں میں عکاسی ہو۔

بین الاقوامی سطح پر پارلیمنٹیرزم کا دن ہر سال 30 جون کو منایا جاتا ہے، وزیر اعظم پاکستان نے کہا کہ جمہوری اداروں کو مضبوط بنانے کے لیے یہ ہمارے عالمی عزم کا اعادہ کرتا ہے، یہ دن جامع طرز حکمرانی کو فروغ دینے، خواتین اور نوجوانوں کی بامعنی نمائندگی کو یقینی بنانے اور قانون سازی کے طریقوں میں تکنیکی جدت کو اپنانے میں پارلیمانوں کے اہم کردار کو واضح کرتا ہے۔

انھوں نے کہا ہماری پارلیمنٹ ہمارے جمہوری نظام میں مرکزی مقام رکھتی ہے، اپنے قانون سازی کے اختیارات اور متحرک قائمہ کمیٹیوں کے ذریعے پارلیمنٹ احتساب، شفافیت اور ایگزیکٹو کی نگرانی کو یقینی بناتی ہے۔

فیلڈ مارشل عاصم منیر کو ایرانی فوجی سربراہ کا فون، پاکستان کا شکریہ ادا کیا

شہباز شریف نے کہا پارلیمنٹ جدیدیت پر مبنی قانون سازی کے لیے بھی سرگرم عمل رہی ہے، خاص طور پر صنفی مساوات اور سماجی تحفظ کو آگے بڑھانے کے لیے پارلیمان کا کردار اہم رہا ہے، پاکستانی آئین آرٹیکلز 51 اور 59 کے تحت مخصوص نشستوں کے ذریعے خواتین کی نمائندگی کو یقینی بناتا ہے، ہماری خواتین پارلیمنٹیرینز بھی قائدانہ عہدوں پر فائز ہوئی ہیں: اس وقت 8 خواتین سینیٹرز اور 4 خواتین اراکین قومی اسمبلی پارلیمانی کمیٹیوں کی چیئرپرسنز کے طور پر کام کر رہی ہیں۔

انھوں نے کہا مالی سال 2025-26 کے لیے وفاقی بجٹ کی تیاری کے دوران حکومت نے اتحادی شراکت داروں سے فعال طور پر مشاورت کی اور ان کے تعاون کا خیر مقدم کیا، یہ جذبہ صحت مند جمہوریت کی بنیاد ہے۔ ہمارے ارکان پارلیمنٹ عالمی پارلیمانی سفارت کاری میں متحرک کردار ادا کر رہے ہیں۔ بین الپارلیمانی یونین (IPU) جیسے پلیٹ فارمز کے ساتھ مسلسل اشتراک کے ذریعے ہماری پارلیمان نے امن، ترقی اور بین الاقوامی تعاون کے فروغ کے لیے کام کیا۔

شہباز شریف نے کہا جنوبی ایشیا میں حالیہ کشیدگی کے بعد پاکستان کے کثیر الجماعتی پارلیمانی وفد نے سفارتی رسائی کے ذریعے عالمی فورمز پر ہمارے نقطہ نظر کو مؤثر طریقے سے پیش کیا، ہم جدید طرز حکمرانی کی ابھرتی ہوئی ضروریات کو تسلیم کرتے ہوئے، ہم نے پارلیمانی شفافیت اور رسائی کو بہتر بنانے کے لیے ٹیکنالوجی کو بھی اپنایا ہے۔

اسلام آباد: وزیر اعظم شہباز شریف نے امریکی صدر ڈونلڈ ٹرمپ سے جوابی اظہار تشکر کیا ہے، انھوں نے کہا کہ امریکی صدر نے انسداد دہشت گردی کے لیے پاکستان کے کردار اور حمایت کو تسلیم کیا۔

تفصیلات کے مطابق کابل ایئرپورٹ حملے میں ملوث دہشت گرد کی گرفتاری پر امریکی صدر ٹرمپ نے پاکستان سے اظہار تشکر کیا تھا، جس پر وزیر اعظم پاکستان نے ان کا شکریہ ادا کیا۔

شہباز شریف نے کہا پاکستان نے ہمیشہ انسداد دہشت گردی کے لیے اہم کردار ادا کیا ہے، ہم دہشت گردی کے خلاف جنگ میں اپنے پختہ عزم اور غیر متزلزل وابستگی پر قائم ہیں، انھوں نے کہا 80 ہزار سے زائد سیکیورٹی اہلکاروں سمیت پاکستانیوں نے قربانیاں دیں، ہم علاقائی امن و استحکام کے لیے امریکا کے ساتھ شراکت داری جاری رکھیں گے۔

وزیر اعظم پاکستان نے اپنے پیغام میں کہا کہ ہماراعزم ہے کہ پاکستان سے دہشت گردی کے ناسور کو جڑ سے اکھاڑ پھینکیں، پاکستان کسی بھی ملک کے خلاف دہشت گردوں کی محفوظ پناہ گاہیں روکنے پر یقین رکھتا ہے، ہم دہشت گردی سے نمٹنے کے لیے اپنے عزم پر ثابت قدم ہیں۔

شہباز شریف نے کہا دہشت گردی کی لعنت ختم کرنے کے لیے ہماری قیادت اور عوام کا عزم غیر متزلزل ہے۔

کابل ائیرپورٹ دھماکے میں ملوث دہشت گرد کی گرفتاری میں تعاون پر ٹرمپ پاکستان کے شکر گزار

واضح رہے کہ کابل ایئرپورٹ حملے میں ملوث دہشت گرد کی گرفتاری پر امریکی صدر نے پاکستان کا شکریہ ادا کیا ہے، صدر ٹرمپ نے کانگریس کے مشترکہ اجلاس سے خطاب میں داعش کمانڈر کی گرفتاری کا انکشاف کیا، پاکستان نے افغان سینئر داعش کمانڈر محمد شریف اللہ کو پاک افغان بارڈر سے گرفتار کیا تھا۔

داعش کمانڈر محمد شریف اللہ 2021 میں کابل ایئرپورٹ پر حملے کا ماسٹر مائنڈ تھا، اس حملے کے دوران 13 امریکی فوجی مارے گئے تھے، محمد شریف اللہ عرف جعفر کو پاکستانی اداروں نے اسپیشل آپریشن میں حراست میں لیا، 26 اگست 2021 کے حملے کے باعث داعش کمانڈر ہائی ویلیو ٹارگٹ تھا، اس کی گرفتاری پاکستان اور ٹرمپ انتظامیہ میں انسداد دہشت گردی کے لیے تعاون کا مظہر ہے۔