Tag: shehbaz sharif

اسلام آباد: پی ٹی آئی چیئرمین عمران خان نے کہا ہے کہ خود کو بچانے کے لئے شریفوں کا جھوٹ تراشنے کا سلسلہ بند نہیں ہوا.

ان خیالات کا اظہار انھوں نے ٹویٹر پر فیصل سبحان سے متعلق اہم دستاویز جاری کرتے ہوئے کیا. ان کا کہنا تھا کہ شہباز شریف کی پریس کانفرنس فقط خود کو بچانے کی کوشش ہے.

ٹی ٹی آئی چیئرمین کا کہنا تھا کہ شہبازشریف کا دعویٰ جھوٹا ہے کہ  فیصل سبحان کا وجود نہیں، دستاویز واضح طور پر بتارہی ہیں کہ چینی حکام نے ہوٹل میں فیصل سبحان سے تفتیش کی، چینی حکام نے کمپنی کی معلومات کے لیے ایس ای سی پی سے رابطہ کیا تھا.

عمران خان کا مزید کہا تھا کہ شریفوں کی کرپشن سے پردہ اٹھنے کی دیرتھی کہ فیصل سبحان غائب کردیا گیا، اب قوم دیکھے اور خود فیصلہ کرے کہ جھوٹ کون بول رہا ہے،کرپشن کی تحقیقات کرنےوالےچینی جھوٹےہیں یا شہبازشریف؟

عمران خان الزام ثابت کریں یامنہ بند رکھیں، سپریم کورٹ ان کے الزامات پر فل بینچ بنائے: شہباز شریف

انھوں نے وزیر اعلیٰ پنجاب کو آڑے ہاتھوں‌ لیتے ہوئے کہا کہ شہبازشریف بتائیں فیصل سبحان کےوجود سےانکارمیں ڈیڑھ سال کیسے لگا، وہ اب تک کیوں خاموش رہے.  شریفوں کے جھوٹ تراشنے کا مقصد خود کو بچانا ہے۔

یاد رہے کہ آج وزیر اعلیٰ پنجاب نے عمران خان پر کڑی تنقید کرتے ہوئے انھیں فیصل سبحان سے متعلق اپنے الزامات ثابت کرنے کا چیلینج کیا تھا. ان کا کہا تھا کہ سپرپیم کورٹ الزامات پرفل بینچ بنا دے، قصوروار ٹھہرا، تو قوم سے معافی مانگ کر گھرچلا جاؤں گا.

شہبازشریف کا غصہ بتا رہا ہے کہ وہ پکڑے گئے ہیں: جہانگیر ترین

قبل ازیں‌ عمران خان نے الزام لگایا تھا کہ کیپٹل انجینئرنگ نامی کمپنی کے سربراہ فیصل سبحان نے ملتان میٹرو منصوبے میں کرپشن کی تحقیقات کرنے والے چینی حکام کے سامنے اعتراف کیا ہے کہ شہباز شریف اور ان کے خاندان کے بیرون ملک اکاؤنٹس میں بھاری کمیشن منتقل کیا گیا۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

لاہور: وزیراعلیٰ پنجاب شہباز شریف نے کہا ہے کہ عمران خان کے الزامات پرفل بینچ بنادیں، قصوروار ٹھہرا، تو قوم سے معافی مانگ کر گھرچلا جاؤں گا.

ان خیالات کا اظہار انھوں نے لاہور میں‌ میڈیا سے گفتگو کرتے ہوئے کیا. ان کا کہنا تھا کہ عمران خان نے پانچویں بار مجھ پر الزامات لگائے ہیں.عمران خان کوچیلنج دیتاہوں، سبحان سےمتعلق 48 گھنٹےمیں ثبوت لے آئیں.

ان کا کہنا تھا کہ احد چیمہ کے معاملے کو سیاسی نہ بنائیں، احدچیمہ کو پاور پراجیکٹ کیس میں بلایا اورآشیانہ پرگرفتارکرلیا. ہم نے شفافیت یقینی بنانےکی ہرممکن کوشش کی، جھوٹےالزامات پرنیب میں پیشی بھگت کرآیا،عدالت عظمیٰ سے حکم آئے اورحاضرنہ ہوں یہ توسوچ بھی نہیں سکتا۔

شہباز شریف کا کہنا تھا کہ  اگر عمران خان کی طرح الزامات لگاتے رہیں گے، تو قیامت تک محکوم رہیں گے۔ میراجرم ثابت کردیں گھرچلاجاؤں گا، مجھے جھوٹےالزامات پرنیب نے بلایا، میں نےحکم عدولی نہیں کی، میں نیب میں پیش ہوگیا، تو پھر کسی اور کو کیوں بچاؤں گا.

حکومت میں آ کر سینیٹ کے براہ راست الیکشن کروائیں گے: عمران خان

انھوں‌ نے عمران خان کو آڑے ہاتھوں‌ لیتے ہوئے کہا کہ پی ٹی آئی سربراہ نے کے پی کےعوام کا وقت ضائع کیا، ووٹ کاتقدس پامال کیا، عمران خان نے کہا تھا کہ میٹرو لگانے کا گناہ نہیں کروں گا، مگر آج خود لگا رہے ہیں۔ انھیں‌ جھوٹ بولنے کی عادت ہے.

واضح رہے کہ عمران خان نے الزام لگایا تھا کہ کیپٹل انجینئرنگ نامی کمپنی کے سربراہ فیصل سبحان نے ملتان میٹرو منصوبے میں کرپشن کی تحقیقات کرنے والے چینی حکام کے سامنے اعتراف کیا ہے کہ شہباز شریف اور ان کے خاندان کے بیرون ملک اکاؤنٹس میں بھاری کمیشن منتقل کیا گیا۔

جھوٹ بولنا اور الزام لگانا عمران خان کا وطیرہ بن چکا ہے،رانا ثنا اللہ

عمران خان کا مزید کہنا تھا کہ اس اعتراف کے بعد فیصل سبحان کو غائب کردیا گیا، ساتھ ہی انھوں نے اس گمشدگی کی عدالتی تحقیقات کا بھی مطالبہ کیا تھا۔

اس الزام کے جواب میں‌ پنجاب حکومت نے موقف اختیار کیا تھا کہ کیپٹل انجینئرنگ کمپنی کے سی ای او فیصل سبحان کا کردار مشکوک ہے، جس نے وزیراعلیٰ پنجاب شہباز شریف اور سینیٹر مشاہد حسین سید کے جعلی خطوط استعمال کرکے جعلی کمپنی بنائی۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں