لاہور : پاکستان تحریک انصاف کے رہنما شہباز گل نے کہا ہے کہ مظفرگڑھ کے دو پولنگ اسٹیشنز سے ہمارے پولنگ ایجنٹس کو نکال دیا گیا۔
یہ بات انہوں نے میڈیا سے گفتگو کرتے ہوئے کہی، انہوں نے کہا کہ پولنگ اسٹیشن44اور46پراپنی مرضی سے پولنگ شروع کردی گئی۔
شہبازگل کا کہنا تھا کہ ہماری اطلاعات کے مطابق منظم دھاندلی کے تحت دونوں حلقوں میں 10سے15ہزار جعلی ووٹ ڈالیں جائیں گے۔
مظفرگڑھ کا ڈی سی او شریف خاندان کا غلام ہے، ہمارے خلاف ایف آئی آر کاٹی گئی پھرسائیڈ کردی گئی، جب وقت بدلے گا تو قانون کے مطابق حساب لیں گے۔
ڈی سی او مظفرگڑھ کو قانون کے مطابق عبرت کا نشان بنائیں گے، قانونی طور پر پولنگ شروع ہونے پر تمام پولنگ ایجنٹ کو خالی بیلٹ باکس دکھائے جاتے ہیں جبکہ وہاں سے ہمارے پولنگ ایجنٹس کو نکال دیا گیا۔
پولنگ اسٹیشن44اور46پر اپنی مرضی سے پولنگ شروع کردی گئی، ہمیں نہیں پتہ وہاں پر پولنگ شروع ہوئی تو پہلے ہی کتنےووٹ ڈلے ہوئے تھے۔
معظم جتوئی کے دونوں حلقوں میں یہ کارروائی کی جارہی ہے، پی ٹی آئی دونوں حلقوں میں 15سے 20ہزار ووٹوں سے جیت رہی ہے، ن لیگ کےانتخابی کیمپ میں کوئی حرکت نہیں۔
پی ٹی آئی کا انتخابی کیمپ پوری طرح سے متحرک ہے، عمران خان اسٹیٹس کو کےخلاف تنہا جنگ کررہا ہے، ان کو پولنگ اسٹیشن کے اندر مرضی کا ماحول مل رہا ہے۔
احسن اقبال نے چور چور کہنے والی خاتون سے انتظامیہ کے ذریعے معافی منگوائی، پی پی 273میں بھی پولنگ ایجنٹس کوباہرنکالاجارہاہے، ہمارےپولنگ ایجنٹس کو پولنگ اسٹیشن نہیں جانے دیا جارہا،
عوام نے آواز نہیں اٹھائی تو پاکستان نے سری لنکا بن جانا ہے۔
پاکستان قومی غیرت کے لیے کھڑا نہ ہوا تو پاکستان کا وہی حال ہوگا جو لیبیا کا کیا گیا، تگڑی فوج بھی تبھی کام کرسکتی ہے جب معیشت مضبوط ہو۔
معیشت چور تو دے نہیں سکتے، مظفرگڑھ میں ٹیمیں موجود ہیں، عوام کا مینڈیٹ نہ ماننے پر1971میں پاکستان کا نقصان ہوا، دھاندلی مت کرائیں مصنوعی نظام زیادہ دیر کھڑا نہیں رہ سکتا.
قانون نافذ کرنے والے اداروں کی موجودگی میں پولنگ ایجنٹس کو باہر نکالاجارہا ہے، کیا فائدہ قانون نافذ کرنے والوں کی موجودگی کا۔
پی ٹی آئی کے خلاف ڈرائنگ روم میں بیٹھ کر فیصلےکیے جارہےہیں، جنہوں نے ملک کا نقصان کیا ان کی اولادیں اپنا تعارف نہیں کرا پاتیں، ہم پاکستان کی جنگ لڑرہے ہیں، آج گھر میں بیٹھے تو پاکستان کا نقصان ہوجائے گا۔
عمران خان نے جو غیرت اور عزت دی اسے آج بحال ہونے دیں، اپنے ووٹ کو آج چوری نہ ہونے دیں، پنجاب اور مظفرگڑھ کے عوام آج ڈٹ کر مقابلہ کریں گے۔
