Tag: shehbaz sharif

لاہور:مسلم لیگ ن کے صدر شہباز شریف اورحمزہ شہباز کے خلاف رمضان شوگرملزکیس کی سماعت 27 مارچ تک ملتوی ہوگئی۔

تفصیلات کے مطابق لاہور کی احتساب عدالت میں آشیانہ ہاؤسنگ اور رمضان شوگرملز کیسزکی سماعت ہوئی۔

مسلم لیگ ن کے صدر شہباز شریف اور حمزہ شہباز ڈیوٹی جج جواد احسن کے روبرو پیش ہوئے۔ عدالت نے ریمارکس دیے کہ آئندہ سماعت پررمضان شوگر ملز کیس میں فرد جرم عائد کی جائے گی۔

بعدازاں احتساب عدالت نے شہبازشریف اور حمزہ شہبازکے خلاف رمضان شوگرملز ریفرنس کی سماعت 27 مارچ تک ملتوی کردی۔

اس سے قبل آج شہبازشریف اور حمزہ شہباز کی احتساب عدالت میں پیشی کے موقع پرعدالت کے اطراف راستے کنٹینر اورخاردار تاروں سے بند کیے گئے، پولیس کی بھاری نفری عدالت کے اندر اور باہر تعینات تھی۔

احتساب عدالت میں گزشتہ سماعت کے دوران شہبازشریف، حمزہ شہبازکو ریفرنس کی نقول فراہم کی گئی تھیں۔

نیب ریفرنس کے مطابق ملزمان نے رمضان شوگرملزکے لیے 10کلومیٹرطویل نالہ بنوایا،شہبازشریف نے بطور وزیراعلیٰ اختیارات کا ناجائزاستعمال کیا اور اپنے خاندان کی مل کو فائدہ پہنچانے کے لیے عوامی مفاد کا نام لیا۔

قومی احتساب بیورو کے مطابق شہباز شریف کے اس فیصلے سے سرکاری خزانے کو 213 ملین کا نقصان ہوا، سرکاری خزانے کا نقصان شہباز اور حمزہ شہباز کی ملی بھگت سے ہوا، اتنے شواہد موجود ہیں کہ ریفرنس دائر کیا تاکہ کیس چلایا جا سکے۔

نیب ریفرنس میں کہا گیا حمزہ شہباز کے خلاف انکوائری جاری ہے، مکمل ہونے پر ضمنی ریفرنس دائر کیا جائے گا، شہباز شریف اور حمزہ شہباز کے خلاف ٹرائل جلد مکمل کر کے قانون کے مطابق سزا دی جائے۔

لاہور: مسلم لیگ ن کے صدر شہبازشریف کی ای سی ایل سے نام نکلوانے کی درخواست سماعت کے لیے مقرر کردی گئی۔

تفصیلات کے مطابق قومی اسمبلی میں اپوزیشن لیڈر شہبازشریف کی ای سی ایل سے نام نکلوانے کے لیے درخواست پر سماعت پیر کو ہوگی۔

جسٹس ملک شہزاد اور جسٹس مرزا وقاص رؤف پرمشتمل بینچ شہبازشریف کی درخواست پرسماعت کرے گا۔

شہبازشریف کی جانب سے درخواست میں وفاقی حکومت، نیب، ایف آئی اے اور دیگر کو فریق بنایا گیا ہے۔

درخواست گزار کے وکیل کی جانب سے موقف اختیار کیا گیا کہ حکومت نے غیرقانونی طور پر نام ای سی ایل میں ڈالا ہے، آئین پاکستان کے تحت نقل وحرکت محدود کرنا غیرقانونی ہے۔

درخواست میں کہا گیا ہے کہ لاہور ہائی کورٹ ای سی ایل میں نام ڈالنے کے حکومتی نوٹیفکیشن کو کالعدم قرار دے۔

یاد رہے کہ 28 فروری کو اپوزیشن لیڈر شہبازشریف نے لاہور ہائی کورٹ میں ای سی ایل میں نام ڈالنے کے خلاف درخواست دائر کی تھی۔

شہباز شریف کا نام ای سی ایل میں ڈال دیا گیا ، ذرائع وزارت داخلہ

واضح رہے کہ 22 فروری کو وزارت داخلہ نے بیب کی سفارش پر اثاثہ جات کیس میں سابق وزیراعلیٰ پنجاب اور اپوزیشن قومی اسمبلی شہباز شریف کا نام ایگزٹ کنٹرول لسٹ (ای سی ایل) میں ڈال دیا تھا۔

لاہور: اپوزیشن لیڈر شہبازشریف نے کہا کہ بھارت جنوبی ایشیا کے عوام کا مستقبل تاریک کرنے کی سوچ ترک کرے۔

تفصیلات کے مطابق اپوزیشن لیڈر میں قائد حزب اختلاف شہبازشریف نے بھارتی جنگی جنون کی مذمت کرتے ہوئے کہا کہ کسی بھی بھارتی جارحیت اور مہم جوئی کے خلاف پورا پاکستان متحد ہے۔

شہبازشریف نے کہا کہ پوری قوم مسلح افواج کے شانہ بشانہ ہے، کسی بھی بھارتی جارحیت کا منہ توڑ جواب دینے کے لیے ہروقت تیار ہیں۔
انہوں نے کہا کہ دہشت گردی کے خلاف طویل جنگ اورعظیم قربانیاں پختہ عزم کا مظہر ہیں، قوم نےہر چیلنج، ہر مشکل اورہر دشمن کا بے مثال جذبے سے مقابلہ کیا۔

اپوزیشن لیڈر نے کہا کہ بھارت جنوبی ایشیا کے عوام کا مستقبل تاریک کرنے کی سوچ ترک کرے، ہر الیکشن میں پاکستان دشمنی کا رجحان بھارتی سیاست میں ختم ہونا چاہیے۔
شہباز شریف نے بھارت میں پاکستانی قیدی کی جیل میں تشدد سے موت سمیت کشمیریوں اور بھارت میں رہنے والے مسلمانوں پر حملوں کی مذمت کی۔

انہوں نے کہا بھارتی حکومت لا قانونیت روکے اور مسلمانوں کا تحفظ یقینی بنایا جائے، بم، بندوق، گولی اورتشدد سے امن نہیں ہوسکتا اور نہ ہی مسائل حل ہوسکتے ہیں۔

پاکستان اور بھارت کے درمیان امن کی شاہراہ کشمیر سے گزرتی ہے‘ شہبازشریف

یاد رہے کہ گزشتہ ہفتے اپوزیشن لیڈر شہبازشریف نے بھارتی وزیراعظم نریندر مودی کے بیان کی شدید مذمت ہوئے کہا تھا کہ پاکستان پرالزام سے پہلے مقبوضہ کشمیرمیں مظالم پراظہارشرمندگی کرنا چاہیے۔

لاہور: احتساب عدالت نے آشیانہ ہاؤسنگ اسکینڈل میں اپوزیشن لیڈر شہبازشریف سمیت دیگر ملزمان پرفرد جرم عائد کردی۔

تفصیلات کے مطابق لاہور کی احتساب عدالت میں جج سید نجم الحسن آشیانہ ہاؤسنگ اسیکنڈل کیس کی سماعت کی۔ مسلم لیگ ن کے صدر شہبازشریف، فواد حسن فواد اوراحد چیمہ کو احتساب عدالت میں پیش ہوئے۔

احتساب عدالت نے شہبازشریف سمیت دیگر ملزمان پرفرد جرم عائد کردی۔ ملزمان نے فرد جرم پردستخط کردیے۔

[bs-quote quote=”اپوزیشن لیڈر شہبازشریف نے کہا کہ خدا کی قسم میرے خلاف جھوٹا مقدمہ بنایا گیا ہے۔
” style=”style-8″ align=”left”][/bs-quote]

معزز جج نے دوران سماعت شہبازشریف سے مکالمہ کرتے ہوئے کہا کہ آپ کی طبیعت خراب ہے تو آپ بیٹھ سکتے ہیں،عدالت کی اجازت سے شہباز شریف روسٹرم چھوڑ کر کرسی پربیٹھ گئے۔

وکیل صفائی نے کہا کہ سیکرٹری ہاؤسنگ اورپی ایل ڈی سی کا جواب ریفرنس کا حصہ نہیں ہے، کارروائی نیب کی مرضی نہیں بلکہ قانون کے مطابق ہوگی۔

بعدازاں احتساب عدالت نے آشیانہ اقبال ہاؤسنگ اسکینڈل کیس کی سماعت 4 مارچ تک ملتوی کرتے ہوئے آئندہ سماعت پراستغاثہ کے گواہان کوطلب کرلیا۔

یاد رہے کہ گزشتہ سماعت پراحتساب عدالت نے ریمارکس دیے تھے کہ شہبازشریف کوکس نے اسلام آباد میں رہنے کی اجازت دی، شہبازشریف کومیڈیکل کی اجازت اس لیے نہیں دی وہ عدالت نہ آئیں۔

نیب پراسیکیوٹر نے جواب دیا تھا کہ شہبازشریف کوپیش کرنا نیب کی ذمہ داری نہیں پولیس کی ہے، احتساب عدالت نے ریمارکس دیے کہ پولیس کیا کرے وہ تواپنا آپ بچاتی ہے۔

احتساب عدالت کا آئندہ سماعت پرہرصورت شہبازشریف کو پیش کرنے کا حکم

وکیل شہبازشریف نے بتایا تھا کہ شہبازشریف کو ریڑھ کی ہڈی میں تکلیف ہے لمبے سفر سے ڈاکٹرز نے روکا ہے، عدالت نے ریمارکس دیے کہ کیوں نہ اس ڈاکٹرکو ہی طلب کرکے رپورٹ کے متعلق پوچھا جائے۔

احتساب عدالت نے ریمارکس دیے تھے کہ رپورٹ کے مطابق شہبازشریف ٹھیک تھے، لگتا ہے بسترمیں پڑے پڑے بیمارہوگئے۔

لاہورہائی کورٹ نے شہبازشریف کی درخواست ضمانت منظورکرلی

واضح رہے کہ 14 فروری کو لاہور ہائی کورٹ نے اپوزیشن لیڈر اور مسلم لیگ ن کے صدر شہباز شریف کی رمضان شوگرملز، آشیانہ اسکینڈل میں ضمانت منظور کرلی تھی۔

لاہور: اپوزیشن لیڈر شہبازشریف نے بھارتی وزیراعظم نریندر مودی کے بیان کی شدید مذمت ہوئے کہا کہ پاکستان پرالزام سے پہلے مقبوضہ کشمیرمیں مظالم پراظہارشرمندگی کرنا چاہیے۔

تفصیلات کے مطابق اپوزیشن لیڈر اور مسلم لیگ ن کے صدر شہبازشریف نے کہا کہ پلوامہ واقعہ کی مذمت کی ، بلا تحقیق واقعہ پاکستان سے جوڑنا پہلی بارنہیں ہوا۔

انہوں نے کہا کہ بھارتی رویہ چوری اور سینہ زوری کا مظہر ہے، پہلے بھی بھارت نے مشکوک واقعات رچائے جس پر سوال اٹھے۔

شہبازشریف نے کہا کہ پیلٹ گن سے 20 ماہ کی بچی کی بینائی چھیننے پرمودی کو تاؤد کھانا چاہیے تھا، بھارت جموں وکشمیر کے عوام پر ظلم بند کرے۔

اپوزیشن لیڈر نے کہا کہ بھارت مقبوضہ کشمیرمیں آبادی کا تناسب بدلنے سے بازرہے، مسئلہ اقوام متحدہ کی قراردادوں اورکشمیریوں کی خواہشات کے مطابق حل کیا جائے۔

شہبازشریف نے کہا کہ کلبھوشن کی گرفتاری پاکستان میں انتشار پھیلانے کےعزائم کا زندہ ثبوت ہے، کلبھوشن وہ حقیقت ہے جس سے بھارت نظریں چرا نہیں سکتا۔

قومی اسمبلی میں اپوزیشن لیڈر شہبازشریف نے واضح کیا کہ پاکستان اور بھارت میں امن کی راہ کشمیر سے ہوکر ہی گزرتی ہے۔

انہوں نے کہا کہ سرجیکل اسٹرائیک کی بات حماقت ہے، بھارت عقل وہوش کے ناخن لے، سرجیکل اسٹرائیک کی داستانوں پراتنامذاق بنا بھارت نے بات کرنا چھوڑ دی۔

شہبازشریف نے کہا کہ بہادر افواج دشمن کے ہرمہم جوئی کا منہ توڑ جواب دے چکی ہیں،آئندہ انشااللہ زیادہ موثرانداز میں جواب دیں گے، قوم افواج کے شانہ بہ شانہ دشمن کےعزائم خاک میں ملانے کو تیار ہے۔

اپوزیشن لیڈر نے کہا کہ تاریخ گواہ ہے کہ بھارت الیکشن اور دیگر مواقع پر ایسے واقعات کو تحریک آزادی کشمیر اور پاکستان کو بدنام کرنے کے لیے استعمال کرنے کی کوشش کرتا آیا ہے۔

مقبوضہ کشمیر میں بھارتی فوجیوں پر حملہ پاکستان کا اظہار تشویش، بھارتی الزامات مسترد

یاد رہے کہ گزشتہ روز پاکستان نے مقبوضہ کشمیرمیں بھارتی فوجیوں کی ہلاکت پر اظہار تشویش کرتے ہوئے بھارتی الزامات کو مسترد کردیا تھا۔