ARYNews.tv | Urdu – Har Lamha Bakhabar

Tag: shehbaz sharif

  • دشمن کو پیغام ہے ان کے عزائم پاؤں تلے روند دیں گے: شہباز شریف

    دشمن کو پیغام ہے ان کے عزائم پاؤں تلے روند دیں گے: شہباز شریف

    اسلام آباد: مسلم لیگ ن کے صدر شہباز شریف کا کہنا ہے کہ چین پاکستان کا بہترین دوست ہے، چینی قونصلیٹ پر حملے سے متعلق پوری قوم کو تشویش ہے۔ دشمن کو پیغام ہے ان کے عزائم پاؤں تلے روند دیں گے۔

    تفصیلات کے مطابق نیب کے راہداری ریمانڈ پر موجود مسلم لیگ ن کے صدر اور قومی اسمبلی میں اپوزیشن لیڈر شہباز شریف قومی اسمبلی کے اجلاس میں شرکت کے لیے پہنچے۔

    اجلاس میں اظہار خیال کرتے ہوئے شہباز شریف کا کہنا تھا کہ حکومت نے چینی قونصلیٹ پر حملے سے متعلق بریفنگ دی، چینی قونصلیٹ پر حملہ تشویشناک ہے۔ چین نے ہر مشکل وقت میں پاکستان کا ساتھ دیا ہے۔

    انہوں نے کہا کہ کسی کوشک نہیں ہونا چاہیئے چین پاکستان کا بہترین دوست ہے۔ چینی قونصلیٹ پر حملے سے متعلق پوری قوم کو تشویش ہے۔ پولیس اور رینجرز کی بر وقت کارروائی سے چینی عملہ محفوظ رہا۔

    شہباز شریف نے کہا کہ دشمن کو پیغام ہے ان کے عزائم پاؤں تلے روند دیں گے۔

    اپوزیشن لیڈر کا کہنا تھا کہ ماضی میں بھی ہمیں ہتھکڑیاں لگائی گئیں، دھمکیوں سے پاکستان کو نقصان ہو رہا ہے۔ 22 کروڑ عوام کا مفاد سب سے زیادہ عزیز ہونا چاہیئے۔

    انہوں نے کہا کہ ہم ان گلیوں سے پہلے بھی گزرے ہیں، قوم کو آج بڑے چیلنجز ہیں، عملی میدان میں آگے بڑھنا ہے۔

  • شہبازشریف کوآج قومی اسمبلی اجلاس میں شرکت کے لیےلایا جائے گا

    شہبازشریف کوآج قومی اسمبلی اجلاس میں شرکت کے لیےلایا جائے گا

    اسلام آباد : قائد حزب اختلاف اور مسلم لیگ ن کے صدر میاں شہبازشریف آج قومی اسمبلی اجلاس میں شرکت کریں گے۔

    تفصیلات کے مطابق اپوزیشن لیڈر شہبازشریف کو نیب حکام کی جانب سے قومی اسمبلی اجلاس میں شرکت کے لیے لایا جائے گا۔

    شہبازشریف کو گزشتہ روز لاہور سے اسلام آباد ان کی رہائش گاہ منتقل کیا گیا تھا، نیب حکام نے شہبازشریف کی رہائش گاہ کو سب جیل قرار دے دیا تھا۔

    احتساب عدالت نے شہبازشریف کا 7 روزہ راہداری ریمانڈ دے دیا

    احتساب عدالت میں گزشتہ روز اپوزیشن لیڈر شہبازشریف کو راہداری ریمانڈ کے لیے نیب عدالت میں پیش کیا گیا تھا۔

    عدالت نے قائد حزب اختلاف اور مسلم لیگ ن کے صدر میاں شہبازشریف کا 7 روزہ راہداری ریمانڈ دیا تھا۔

    یاد رہے کہ آشیانہ ہاؤسنگ اسکینڈل کیس میں گرفتار قائد حزب اختلاف شہبازشریف جسمانی ریمانڈ پر نیب کی حراست میں ہیں۔

    نیب لاہور نے 5 اکتوبرکو شہبازشریف کو صاف پانی کیس میں طلب کیا تھا اور ان کی پیشی پر انہیں آشیانہ ہاؤسنگ کیس میں کرپشن کے الزام میں گرفتار کیا گیا تھا۔

  • احتساب عدالت نے شہبازشریف کا 7 روزہ راہداری ریمانڈ دے دیا

    احتساب عدالت نے شہبازشریف کا 7 روزہ راہداری ریمانڈ دے دیا

    لاہور: احتساب عدالت نے اپوزیشن لیڈر اور مسلم لیگ ن کے صدر شہبازشریف کا 7 روزہ راہداری ریمانڈ دے دیا۔

    تفصیلات کے مطابق قومی احتساب بیورو (نیب) کی جانب سے سابق وزیراعلیٰ پنجاب شہبازشریف کو راہداری ریمانڈ کے لیے احتساب عدالت میں پیش کیا گیا۔

    عدالت نے شہبازشریف سے استفسار کیا کہ بتائیں قومی اسمبلی کا کتنے دن کا سیشن ہے، مجھے کچھ علم نہیں کیونکہ اخبار یا ٹی وی کی سہولت میسرنہیں۔

    اپوزیشن لیڈر نے کہا کہ عدالت نے طبی سہولتیں فراہم کرنے کا حکم دیا ہے، عدالتی حکم کے باوجود میرے اہل خانہ سے ملنے نہیں دیا گیا۔

    شہبازشریف نے کہا کہ ہفتے میں ایک بارملاقات کی قانونی طورپراجازت ہے، سرکاری وکیل نے عدالت کو بتایا کہ ملاقات کے لیے شہبازشریف کے اہل خانہ کی درخواست ہی نہیں آئی۔

    احتساب عدالت نے سوال کیا کہ کیا آپ کے اہل خانہ ملنے آئے اگروہ آئے ہی نہیں توکیسے ملاقات کراتے، میرے ساتھ انسانیت سوز سلوک کیا جا رہا ہے۔

    اپوزیشن لیڈر نے کہا کہ 2 مرتبہ جسمانی ریمانڈ میں توسیع کی گئی، میرے دھیلے کی کرپشن توکیا ایسی نیت تک ثابت نہیں کرسکے۔

    شہبازشریف نے کہا کہ آشیانہ سے متعلق 2014 کی میٹنگ کے شرکا سے ملاقات نہیں کرائی گئی، احتساب عدالت نے ہدایت کی کہ ڈی جی نیب شہبازشریف کے فیملی ممبران اورمیڈیکل کی سہولت کو یقینی بنائیں۔

    شہبازشریف کی عدالت میں پیشی کے باعث سیکیورٹی کے سخت انتظامات کیے گئے جبکہ پولیس نے عدالت کی جانب جانے والے راستے کنٹیرز کھڑے کرکے بند کردیے۔

    اپوزیشن لیڈر آشیانہ ہاؤسنگ اسکیم میں گرفتار ہیں اور اسپیکر قومی اسمبلی کی جانب سے ان کے پروڈکشن آرڈر جاری کیے گئے ہیں۔

    شہبازشریف کو لاہور سے اسلام آباد بذریعہ پی آئی اے کی پرواز لے جایا جائے گا جہاں وہ کل قومی اسمبلی کے اجلاس میں شرکت کریں گے۔

    یاد رہے آشیانہ ہاؤسنگ اسکینڈل میں گرفتار اپوزیشن لیڈر شہبازشریف جسمانی ریمانڈ پر نیب کی حراست میں ہیں۔

    کرپشن کیس: نیب نے شہبازشریف کو گرفتار کرلیا

    واضح رہے نیب لاہور نے گزشتہ ماہ 5 اکتوبر کو شہباز شریف کو صاف پانی کیس میں طلب کیا تھا تاہم ان کی پیشی پرانہیں آشیانہ ہاؤسنگ اسکینڈل میں کرپشن کے الزام میں گرفتار کرلیا گیا تھا۔

  • شہباز شریف این آر او کی بھرپور کوشش کر رہے ہیں: شیخ رشید کا دعویٰ

    شہباز شریف این آر او کی بھرپور کوشش کر رہے ہیں: شیخ رشید کا دعویٰ

    اسلام آباد:  وزیر ریلوے شیخ رشید نے کہا ہے کہ مسلم لیگ ن کے صدر شہبازشریف این آر او کی بھرپور کوشش کر رہے ہیں۔

    تفصیلات کے مطابق شیخ رشید نے میڈیا سے گفتگو کرتے ہوئے کہا کہ صرف شہباز شریف یہ کوشش کر رہے ہیں، آصف علی زرداری کو جیل  جانے سے فرق نہیں پڑتا۔

    [bs-quote quote=”پانچ ہزاراکاؤنٹ نکلے ہیں، انھوں نے مُردوں کو بھی نہیں بخشا
    شیخ رشید” style=”style-7″ align=”left”][/bs-quote]

    انھوں نے کہا کہ جس دن فالودے والے کا اکاؤنٹ کھلے گا، سب کی حقیقت کا اندازہ ہوجائے گا، ایک اقامہ بھی جس دن کھل گیا، سب کی حیثیت پتا چل جائے گی، آج جو مہنگائی ہے، اس کا سبب یہی ہے کہ ملک کو لوٹا گیا۔

    شیخ رشید نے مخالفین کو آڑے ہاتھ لیتے ہوئے کہا کہ پانچ ہزاراکاؤنٹ نکلے ہیں، انھوں نے مُردوں کو  بھی نہیں بخشا، آئندہ سال میں یہ  کہیں دکھائی نہیں دیں گے۔

    مزید پڑھیں:  وزیراعظم پندرہ نومبر کو حیدر آباد ایکسپریس کا افتتاح کریں گے: شیخ رشید

    وزیر ریلوے نے کہا کہ ٹر یکنگ سسٹم شروع کرنےجارہے ہیں، ٹر یکنگ کےبعد اندازہ ہوجائے گا کہ کتنے لوکو موٹیو چل رہے ہیں، دسمبر میں مزید دو مال گاڑیاں شروع کر دیں گے۔

    شیخ رشید نے کہا کہ ایک سال میں 15مال بردار گاڑیاں چلانے کا ہدف ہے، ریلوے کی اصل کمائی مال گاڑی ہے، ریلوےکالونیوں میں جلد بجلی کےمیٹرز کی تنصیب کریں گے۔ اس اقدام سے کروڑوں کی بچت ہو گی۔

  • آشیانہ ہاؤسنگ اسکینڈل: شہبازشریف کے جسمانی ریمانڈ میں 14دن کی توسیع

    آشیانہ ہاؤسنگ اسکینڈل: شہبازشریف کے جسمانی ریمانڈ میں 14دن کی توسیع

    لاہور: احتساب عدالت نے آشیانہ ہاؤسنگ اسکینڈل کیس کے ملزم سابق وزیراعلیٰ پنجاب شہبازشریف کے جسمانی ریمانڈ میں 14 دن کی توسیع کردی۔

    تفصیلات کے مطابق قومی احتساب بیورو( نیب) نے آشیانہ اسکینڈل کیس کے ملزم شہبازشریف کو سید نجم الحسن کی عدالت میں پیش کیا گیا۔

    عدالت میں ملزم شہباز شریف کی پیشی پر کمرہ عدالت میں وکلا کے نعروں پر معزز جج نے کہا کہ اس شور شرابے میں کیسے کیس کی سماعت کروں گا۔

    احتساب عدالت میں سماعت کے آغاز پرنیب کے وکیل نے شہبازشریف کے مزید جسمانی ریمانڈ کی استدعا کرتے ہوئے کہا کہ گزشتہ ریمانڈ میں اسمبلی اجلاس کی وجہ سے تفتیش نہ ہوسکی۔

    نیب نے شہبازشریف کے جسمانی ریماند میں 15 دن کی توسیع کی استدعا کی، شہبازشریف نے عدالت میں کہا کہ حلفاً کہتا ہوں پروڈکشن آرڈرکے دوران بھی مجھ سے تفتیش کرتے رہے۔

    تفتیشی افسر نے عدالت کو بتایا کہ ملزم شہبازشریف نے انہیں دھمکی دی جس پر شہبازشریف نے کہا کہ میں نے کوئی دھمکی نہیں دی الزام غلط ہے۔

    معزز جج نے دوران سماعت حمزہ شہباز کو مخاطب کرتے ہوئے کہا کہ آپ سمجھائیں انہیں، عدالت کا ماحول خراب نہ کریں، حمزہ شہبازنے کہا کہ ہنگامہ آرائی کرنے والے کارکنان نہیں بلکہ وکلا ہیں۔

    شہبازشریف کے وکیل نے دوران سماعت دلائل دیتے ہوئے کہا کہ نیب نے آج تک کوئی ثبوت عدالت میں پیش نہیں کیا، جیسے تفتیش کی اس کے بعد جسمانی ریمانڈ کی کوئی وجہ نہیں بنتی۔

    نیب کے وکیل نے عدالت کو بتایا کہ احد چیمہ نے ایک جعلی فزیبلٹی رپورٹ بنائی، شہبازشریف نے کہا کہ میں نے توبتایا فزیبلٹی رپورٹ سے میرا کوئی تعلق نہیں۔

    عدالت نے آشیانہ ہاؤسنگ اسکینڈل میں شہبازشریف کے جسمانی ریمانڈ میں 14 دن کی توسیع کرتے ہوئے 24 نومبر کو دوبارہ پیش کرنے کا حکم دے دیا۔

    شہبازشریف سے حمزہ شہباز کی ملاقات

    احتساب عدالت میں حمزہ شہباز نے اپنے والد شہبازشریف سے ملاقات کی اور ان کی طبعیت کے بارے میں دریافت کیا جس پر انہوں نے کہا کہ طبیعت اب بہترہے، بے بنیاد کیسزہیں بری ہوں گا۔

    اس سے قبل آج صبح قومی اسمبلی میں قائد حزب اختلاف شہبازشریف کو پی آئی اے کی پرواز پی کے651 میں اسلام آباد سے لاہورلایا گیا۔

    یاد رہے کہ اس سے قبل 29 اکتوبر کو قومی اسمبلی کے اپوزیشن لیڈراورسابق وزیراعلیٰ پنجاب شہباز شریف کو آشیانہ اسکینڈل کیس میں احتساب عالت کے روبرو پیش کیا تھا۔

    قومی احتساب بیورو (نیب) نے آشیانہ اسکینڈل کیس کے ملزم اور سابق وزیر اعلیٰ پنجاب شہباز شریف کے مزید 15 دن کے جسمانی ریمانڈ کی استدعا کی تھی جس پر عدالت نے ان کے ریمانڈ میں 7 نومبر تک توسیع کردی تھی۔

    کرپشن کیس: نیب نے شہبازشریف کو گرفتار کرلیا

    واضح رہے نیب لاہور نے گزشتہ ماہ 5 اکتوبر کو شہباز شریف کو صاف پانی کیس میں طلب کیا تھا تاہم ان کی پیشی پرانہیں آشیانہ ہاؤسنگ اسکینڈل میں کرپشن کے الزام میں گرفتار کرلیا گیا تھا۔

    بعد ازاں اگلے روز شہباز شریف کو احتساب عدالت میں پیش کیا گیا تھا جہاں انہیں جسمانی ریمانڈ پر نیب کے حوالے کردیا گیا تھا۔

  • آشیانہ اسکینڈل میں گرفتار شہبازشریف پل تعمیر کیس میں بھی گرفتار

    آشیانہ اسکینڈل میں گرفتار شہبازشریف پل تعمیر کیس میں بھی گرفتار

    لاہور : قومی احتساب بیورو (نیب ) نے اپوزیشن لیڈر قومی اسمبلی لی شہبازشریف کو پل تعمیر کیس میں بھی گرفتارکرلیا، نیب کا کہنا ہے کہ رمضان شوگرملزکو فائدہ دینےکے لیے پل تعمیرکرایا گیا اور ذاتی مفادکے لیے قومی خزانے کا استعمال کیا گیا۔

    تفصیلات کے مطابق نیب کی جانب سے اپوزیشن لیڈر قومی اسمبلی شہبازشریف کو رمضان شوگرمل پل تعمیر کیس میں بھی گرفتار کرلیا گیا، نیب ذرائع کا کہنا ہے کہ رمضان شوگرملز کو فائدہ دینے کے لیے مبینہ طورپر سرکاری خزانےسے پل تعمیر کرایا گیا، چنیوٹ میں پل کی تعمیرپر مبینہ طورپر23کروڑ کی لاگت آئی اور ذاتی مفاد کے لیے قومی خزانے کا استعمال کیا گیا۔

    نیب کا کہنا تھا کہ شہبازشریف نے پل کی تعمیر کے لیے غیرقانونی طور پر احکامات جاری کیے، پل کے معاملے پر بھی جسمانی ریمانڈ کی استدعا کی جائے گی۔

    اس سے قبل آشیانہ کیس میں گرفتار ملزم شہبازشریف کو لاہورکی احتساب عدالت میں پیش کیا گیا اور نئے کیس میں گرفتاری سے آگاہ کیا گیا، تفتیشی افسر نے ریمانڈ میں توسیع کی استدعا کرتے ہوئے عدالت کو بتایا کہ شہباز شریف نے انھیں دھمکی دی، گزشتہ ریمانڈ میں اسمبلی اجلاس کی وجہ سے تفتیش نہ ہوسکی۔

    جس پر شہباز شریف نے جواب دیا میں نے کوئی دھمکی نہیں دی الزام غلط ہے، حلفا کہتا ہوں کہ پروڈکشن آڈر کے دوران بھی یہ مجھ سے تفیش کرتے رہے ہیں، اس موقع پر وکیل صفائی نے شہبازشریف کوخاموش رہنے کا اشارہ کیا۔

    مزید پڑھیں : شہباز شریف کی مزید کیسز میں بھی گرفتاری ہوگی، ڈی جی نیب لاہور

    یاد رہے2 روز قبل اے آر وائی نیوز کے پروگرام آف دی ریکارڈ میں ڈی جی نیب لاہور شہزاد سلیم نے انکشافات کرتے ہوئے کہا تھا ’میرا خیال ہے شہباز شریف کی مزید کیسز میں بھی گرفتاری ہوگی۔‘

    ان کا کہنا تھا کہ شریف برادرز کے خلاف ایک اسکینڈل رمضان شوگر ملز میں فضلہ ٹھکانے لگانے کا ہے، گاؤں کے سیوریج کی آڑ میں رمضان شوگر مل کو فائدہ پہنچایا گیا، سرکاری خزانے سے رمضان شوگر ملز کا سیوریج سسٹم بنایا گیا، قانونی وضاحت دی گئی تو ٹھیک ورنہ قانون اپنا راستہ خود بنائے گا، رمضان شوگر ملز کے لیے گنا پہنچانے کے لیے بھی سرکاری خزانے سے پل بنایا گیا، کئی چیزیں ایسی ہیں جو میڈیا پر نہیں بتا سکتے۔

    خیال رہے رمضان شوگر ملز کے آلودہ پانی کی نکاسی کے لیے نالے کی تعمیر پر قومی خزانے سے رقم خرچ کرنے کا انکشاف ہوا تھا، نیب ٹیم نے بلدیہ چنیوٹ سے ریکارڈ تحویل میں لے لیا تھا جبکہ نیب ٹیم نے نالے کی تعمیر پر خزانے سے رقم خرچ کے انکشاف پر سابق رکن اسمبلی سے بھی سوالات کیے تھے۔

    رمضان شوگر مل کیس میں حکومتی خزانے سے ادائیگیوں کے معاملے پر نیب ملز کے ڈائریکٹرز حمزہ شہباز اور سلمان شہباز کو طلب کر چکی ہے۔

    واضح رہے نیب لاہور نے5 اکتوبر کو شہبازشریف کو صاف پانی کیس میں طلب کیا تھا تاہم ان کی پیشی پر انہیں آشیانہ ہاؤسنگ اسکینڈل میں کرپشن کے الزام میں گرفتار کرلیا گیا تھا۔

    اگلے روز شہبازشریف کو احتساب عدالت میں پیش کیا گیا تھا جہاں انہیں 10 روزہ جسمانی ریمانڈ پرنیب کے حوالے کردیا گیا تھا۔

    جس کے بعد 16 اکتوبر کو ریمانڈ ختم ہونے پر پیش کیا گیا تو احتساب عدالت نے آشیانہ ہاؤسنگ اسکینڈل کیس میں گرفتار مسلم لیگ ن کے صدر شہبازشریف کے جسمانی ریمانڈ میں 30 اکتوبرتک توسیع کردی تھی۔

    ریمانڈ ختم ہونے پر شہبازشریف کو 29 اکتوبر کو عدالت میں پیش کیا گیا تو (نیب) نے آشیانہ اسکینڈل کیس کے ملزم اور سابق وزیر اعلیٰ پنجاب شہباز شریف کے مزید 15 دن کے جسمانی ریمانڈ کی استدعا کی تھی ، جس پر عدالت نے ان کے ریمانڈ میں 7 نومبر تک توسیع کردی تھی۔

  • پارٹی سے نظریاتی وابستگی رکھنے والے کارکنان کو آگے لایا جائے: شہبازشریف

    پارٹی سے نظریاتی وابستگی رکھنے والے کارکنان کو آگے لایا جائے: شہبازشریف

    اسلام آباد: مسلم لیگ ن کے صدر شہباز شریف نے پارٹی سے نظریاتی وابستگی رکھنے والے کارکنان کو آگے لانے کی ہدایت کر دی.

    تفصیلات کے مطابق آج پاکستان مسلم لیگ ن کی سینٹرل ورکنگ کمیٹی کا اجلاس ہوا، جس میں چاروں صوبوں سے پارٹی رہنماؤں نے شرکت کی.

    اجلاس اپوزیشن لیڈر شہبازشریف کی زیرصدارت پارلیمنٹ ہاؤس میں منعقد ہوا، اجلاس میں اہم فیصلہ کیے گئے.

    اس موقع پر شہبازشریف نے ہدایت جاری کی کہ پارٹی کی تنظیم نو کاعمل تیزی سے مکمل کیا جائے، پارٹی سے نظریاتی وابستگی رکھنے والےکارکنان کو آگے لایا جائے.

    شہبازشریف نے مزید کہا کہ پارٹی کے تمام شعبوں کو  مربوط اندازمیں توسیع دی جائے.

    مزید پڑھیں: نیب اپنا مؤقف دے رہی ہے، تو ن لیگ کی چیخیں نکلنے لگیں: فیاض الحسن چوہان

    انھوں نے ن لیگ کوملک کے کونے کونے تک پھیلائیں کی ہدایت کرتے ہوئے کہا کہ تنظیم نو سے پارٹی میں ایک نئی روح پیداہوگی.

    واضح رہے کہ میاں نوازشریف کے پارٹی عہدے کے لیے نااہل ہونے کے بعد شہبازشریف نے مسلم لیگ کے صدر کا عہدہ سنبھالا تھا.

    یاد  رہے کہ اس وقت شہباز شریف نیب کیسز میں زیرحراست ہیں.

  • علامہ اقبال اس ستارے کی مانند ہیں جس کی روشنی تیزترہورہی ہے‘ شہبازشریف

    علامہ اقبال اس ستارے کی مانند ہیں جس کی روشنی تیزترہورہی ہے‘ شہبازشریف

    لاہور : قومی اسمبلی میں قائد حزب اختلاف شہباز شریف کا کہنا ہے کہ ملکی ترقی، خوشحالی، بہتری کے لیے علامہ اقبال کے پیغام کواپنانا ہوگا۔

    تفصیلات کے مطابق اپوزیشن لیڈر شہبازشریف نے یوم اقبال کے موقع پر اپنے پیغام میں کہا کہ شاعر مشرق ڈاکٹرعلامہ محمد اقبال کے یوم ولادت کو خوشی اور برکت کا دن سمجھتے ہیں۔

    انہوں نے کہا کہ علامہ اقبال اس ستارے کی مانند ہیں جس کی روشنی تیزتر ہو رہی ہے، ملکی ترقی، خوشحالی، بہتری کے لیے علامہ اقبال کے پیغام کو اپنانا ہوگا۔

    مسلم لیگ ن کے صدر شہباز شریف نے اپنے پیغام میں مزید کہا کہ قائداعظم اوراقبال کی فکرسے ہٹ کرملک چلانے کا ہرتجربہ ناکام ہوا۔

    واضح رہے کہ ملک بھر میں آج مفکر پاکستان اور شاعر مشرق ڈاکٹرمحمد علامہ اقبال کا 141 واں یوم پیدائش منایا جا رہا ہے۔

    مزاراقبال پر گارڈز کی تبدیلی کی پُروقار تقریب

    یوم اقبال کے موقع پرملک بھر کے تعلیمی اداروں میں تقاریری مقابلے منعقد کیے جاتے ہیں جس میں شاعرمشرق کے کلام اور ان کی شخصیت پرگفتگو کی جاتی ہے۔

    ڈاکٹرعلامہ محمد اقبال 21 اپریل 1938 کو انتقال کرگئے تھے تاہم ایک عظیم شاعر اور مفکر کے طور پرقوم ہمیشہ ان کی احسان مند رہے گی۔

  • شہبازشریف کے راہداری ریمانڈ میں 10 نومبر تک توسیع

    شہبازشریف کے راہداری ریمانڈ میں 10 نومبر تک توسیع

    اسلام آباد: احتساب عدالت نے قومی اسمبلی میں قائد حزب اختلاف شہبازشریف کے راہداری ریمانڈ میں 10 نومبر تک کی توسیع کردی۔

    تفصیلات کے مطابق مسلم لیگ ن کے صدر شہباز شریف کو راہداری ریمانڈ ختم ہونے پرمعزز جج محمد بشیر کی عدالت میں پیش کیا ۔

    قومی احتساب بیورو نیب کی جانب سے اپوزیشن لیڈر شہبازشریف کے راہداری ریمانڈ میں توسیع کی استدعا کی گئی۔

    احتساب عدالت کے جج محمد بشیر نے شہبازشریف کے راہداری ریمانڈ میں 10 نومبر تک کی توسیع کردی۔

    یاد رہے کہ 31 اکتوبر کو احتساب بیورو نے شہبازشریف کا تین روزہ راہداری ریمانڈ ختم ہونے پرانہیں احتساب عدالت میں پیش کیا تھا۔

    احتساب عدالت نے قومی اسمبلی میں قائد حزب اختلاف شہبازشریف کے راہداری ریمانڈ میں 6 نومبر تک کی توسیع کردی تھی۔

    کرپشن کیس: نیب نے شہبازشریف کو گرفتار کرلیا

    واضح رہے کہ نیب لاہور نے گزشتہ ماہ 5 اکتوبر کو شہبازشریف کو صاف پانی کیس میں طلب کیا تھا تاہم ان کی پیشی پر انہیں آشیانہ ہاؤسنگ اسکینڈل میں کرپشن کے الزام میں گرفتار کرلیا گیا تھا۔

  • آصف زرداری کی شہبازشریف کے ساتھ اسمبلی آمد، ملاقات کی تصدیق، ساتھ چلنے پر اتفاق

    آصف زرداری کی شہبازشریف کے ساتھ اسمبلی آمد، ملاقات کی تصدیق، ساتھ چلنے پر اتفاق

    اسلام آباد: ن لیگ اور پیپلزپارٹی میں فاصلے کم ہونے لگے، شہباز شریف اور آصف زرداری ساتھ ساتھ ایوان میں پہنچے.

    تفصیلات کے مطابق صدر ن لیگ اور سابق صدر کی قومی اسمبلی کے اجلاس میں آمد پر چہ میگوئیاں ہونے لگیں.دونوں رہنما مسکراتے ہوئے لابی سے اسمبلی فلور پر آئے.

     اس دوران شہباز شریف اسپیکرسےٹکراگئے، دونوں کی آمد پر اپوزیشن نے ڈیسک بجاکر استقبال کیا۔

    قبل ازیں  شریک چیئرمین پی پی پی اور  صدر مسلم لیگ ن کی پارلیمنٹ ہاؤس کی لابی میں ملاقات ہوئی، جس میں‌ پیپلزپارٹی اورن لیگ کا مل کر چلنے پر اتفاق ہوا.

    شہباز شریف اور آصف زرداری کا موقف

    بعد ازاں دونوں رہنماؤں نے ملاقات اور تبادلہ خیال کی تصدیق کر دی.

    شہباز شریف نے میڈیا سے بات کرتے ہوئے کہا کہ آصف علی زرداری سے خیریت دریافت کی، اےپی سی کے حوالے سے فیصلہ مشاورت کے بعد ہو گا.

    پارلیمنٹ ہاؤس سے روانگی سے قبل آصف علی زرداری نے کہا کہ شہبازشریف سےملاقات ہوئی ہے، البتہ اےپی سی پرابھی کوئی پیش رفت نہیں ہوئی.

    ویاد رہے کہ گذشتہ دنوں وفاقی وزیر اطلاعات فواد چوہدری نے کہا تھا  کہ اپوزیشن کی آل پارٹیز کانفرنس پر ہمیں کوئی اعتراض نہیں ہے۔ اپوزیشن جتنے چاہے اے پی سی کر لے کوئی فرق نہیں پڑے گا۔