ARYNews.tv | Urdu – Har Lamha Bakhabar

Tag: shehbaz sharif

  • صاف پانی کرپشن اسکینڈل: شہبازشریف آج نیب کےسامنے پیش ہوں گے

    صاف پانی کرپشن اسکینڈل: شہبازشریف آج نیب کےسامنے پیش ہوں گے

    لاہور: قومی احتساب بیورو (نیب) نے صاف پانی کمپنی کرپشن اسکینڈل میں سابق وزیراعلیٰ پنجاب شریف کو آج طلب کرلیا۔

    تفصیلات کے مطابق نیب نے سابق وزیراعلیٰ پنجاب کو صاف پانی کمپنی کرپشن کیس میں تمام افسران کی تنخواہوں اور دیگرمراعات کا ریکارڈ لے کر آج پیش ہونے کی ہدایت کی ہے۔

    صاف پانی کرپشن اسکینڈل میں اس سے قبل شہبازشریف کے بیٹے حمزہ شہباز، داماد عمران علی یوسف، سابق وزیرخزانہ عائشہ غوث پاشا، سابق رکن اسمبلی اورممبربورڈ آف ڈائریکٹروحید گل بھی پیش ہوچکے ہیں۔

    سابق وزیراعلیٰ پنجاب شہبازشریف رواں سال 11 فروری کو صاف پانی ازخود نوٹس کی سماعت میں سپریم کورٹ لاہور رجسٹری میں بھی پیش ہوچکے ہیں۔

    شہبازشریف نے عدالت عظمیٰ کو یقین دہانی کرائی تھی کہ تین ہفتوں میں صاف پانی کی فراہمی اور واٹرٹریٹمنٹ کا منصوبہ پیش کردیں گے۔

    خیال رہے کہ اس سے قبل نیب لاہور صاف پانی کمپنی کرپشن کیس میں کروڑوں روپے کی مالی بے ضابطگیوں کے الزام میں 4 افسران کو گرفتار کرچکی ہے۔

    نیب کے مطابق ملزمان کی ملی بھگت سے حکومتی خزانے کو کروڑوں روپے کا نقصان پہنچا اور ملزمان نے بہاولپور ریجن میں انتہائی مہنگے داموں 116 واٹرفلٹریشن پلانٹس نصب کیے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ن لیگ کےدورحکومت میں دہشت گردی کےجن کوبوتل میں بند کیا گیا‘ شہبازشریف

    ن لیگ کےدورحکومت میں دہشت گردی کےجن کوبوتل میں بند کیا گیا‘ شہبازشریف

    لاہور : مسلم لیگ ن کے صدر شہبازشریف کا کہنا ہے کہ پنجاب میں 4 گیس پاور پلانٹ میں قوم کے اربوں روپے بچائے گئے۔

    تفصیلات کے مطابق سابق وزیراعلیٰ پنجاب شہبازشریف کا کہنا ہے کہ مسلم لیگ ن کے دورحکومت میں دہشت گردی کےجن کوبوتل میں بند کیا گیا۔

    شہبازشریف نے کہا کہ لوڈشیڈنگ کی بنا پر اندھیرے دور ہو چکے ہیں، شدیدگرمی اورپن بجلی کی پیداوار میں کمی کے باوجود بجلی مل رہی ہے، وفاق اور پنجاب حکومت نے ہزاروں میگاواٹ کے پاور پلانٹس لگائے۔

    انہوں نے کہا کہ پنجاب میں 4 گیس پاور پلانٹ میں قوم کے اربوں روپے بچائے گئے، 150 ارب روپے بچا کر پاکستان کی تاریخ میں نئی مثال قائم کی گئی۔

    مسلم لیگ ن کے صدر شہبازشریف نے کہا کہ دہشت گردی سے نمٹنے کے لیے سیاسی وعسکری قیادت نے مل کر فیصلے کیے۔

    عمران خان یوٹرن کےماسٹر ہیں‘ سیاست ان کےبس کی بات نہیں‘ شہبازشریف

    خیال رہے کہ دو روز قبل شہبازشریف کا کہنا تھا کہ ن لیگ کی حکومت نے 5 برس عوام کی بے لوث خدمت کی، ہماری کارکردگی عوام کے سامنے ہے۔

    انہوں نے کہا تھا کہ عوام جانتے ہیں کس نے وقت ضائع کیا اور کس نے خدمت کی جبکہ 25 جولائی کو دودھ کا دودھ اور پانی کا پانی ہوجائے گا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

  • عمران خان یوٹرن کےماسٹر ہیں‘ سیاست ان کےبس کی بات نہیں‘ شہبازشریف

    عمران خان یوٹرن کےماسٹر ہیں‘ سیاست ان کےبس کی بات نہیں‘ شہبازشریف

    لاہور: وزیراعلیٰ پنجاب شہبازشریف کا کہنا ہے کہ باہمی مشاورت سے ناصرسعید کھوسہ کے نام پراتفاق کیا گیا لیکن عمران خان نے اس معاملے پریو ٹرن لیا ہے یہی ان کا وتیراہے۔

    تفصیلات کے مطابق وزیراعلیٰ پنجاب شہبازشریف نے لاہور پریس کلب کے وفد سے ملاقات کی جس میں انہوں نے کہا کہ نگراں وزیراعلیٰ کے لیے ہم نے نیک نیتی سے اپوزیشن لیڈر سے مشاورت کی۔

    شہبازشریف نے کہا کہ تحریک انصاف نے نام واپس لے کرپھریوٹرن مارا، کیا یو ٹرن لینے والاوزیراعظم کےعہدے کاحقدار ہو سکتاہے؟۔

    انہوں نے کہا کہ نیازی یو ٹرن کے ماسٹر ہیں، سیاست ان کے بس کی بات نہیں ہے وہ سیاست چھوڑ کر حجرے میں جا کر بیٹھ جائیں۔

    وزیراعلیٰ پنجاب نے کہا کہ بلوچستان اسمبلی کی قرارداد سے قطعاََ اتفاق نہیں کرتا، بروقت الیکشن ہی پاکستان میں جمہوریت کے لیے سودمند ہیں۔

    شہبازشریف نے کہا کہ عام انتخابات میں تاخیرملک و قوم کے مفاد میں نہیں جبکہ بلوچستان اسمبلی کی الیکشن ملتوی کرانے کی قرارداد نیک شگون نہیں۔

    انہوں نے کہا کہ دوسری بار جمہوری حکومت اپنی مدت پوری کر رہی ہے، تابناک مستقبل بروقت، منصفانہ اور شفاف الیکشن سے جڑا ہے۔

    وزیراعلیٰ پنجاب نے کہا کہ ن لیگ کی حکومت نے 5 برس عوام کی بے لوث خدمت کی، ہماری کارکردگی عوام کے سامنے ہے۔

    شہبازشریف نے کہا کہ عوام جانتے ہیں کس نے وقت ضائع کیا اور کس نے خدمت کی جبکہ 25 جولائی کو دودھ کا دودھ اور پانی کا پانی ہوجائے گا۔

    انہوں نے کہا کہ شدید گرمی کے باوجود لوڈشیڈنگ کا نہ ہونا حکومت کا کریڈٹ ہے، مسلم لیگ (ن) کی حکومت نے بجلی کے کئی کارخانے لگائے، وفاق اورپنجاب نے اپنے وسائل سے بجلی کے کارخانے لگائے۔

    وزیراعلیٰ پنجاب نے کہا کہ پنجاب میں گیس کے 4 پاور پلانٹس میں 150 ارب جبکہ اورنج لائن میٹروٹرین میں قوم کے75 ارب بچائے گئے۔

    ناصرسعید کھوسہ نے نگراں وزیراعلیٰ پنجاب کاعہدہ سنبھالنے سے معذرت کرلی

    دوسری جانب ذرائع کا کہنا ہے کہ سابق چیف سیکرٹری پنجاب ناصرسعید کھوسہ نے نگراں وزیراعلیٰ پنجاب کا عہدہ سنبھالنے سے معذرت کرلی۔

    ذرائع کے مطابق نگراں وزیراعلیٰ پنجاب کے لیے سابق بیوروکریٹ ناصرسعید کھوسہ کا نام تجویزکرنے سے پہلے ان سے مشاورت نہیں کی گئی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • دہشت گردی کے خلاف جنگ ہماری بقا کی جنگ ہے، شہباز شریف

    دہشت گردی کے خلاف جنگ ہماری بقا کی جنگ ہے، شہباز شریف

    لاہور: وزیر اعلیٰ پنجاب اور مسلم لیگ (ن) کے صدر شہباز شریف نے کہا ہے کہ ضرب عضب کے بعد ردالفساد کی کامیابی قوم کی کامیابی ہے، پاک فوج کے افسروں اور جوانوں کی جرأت کو سلیوٹ کرتا ہوں، دہشت گردی کے خلاف جنگ ہماری بقا کی جنگ ہے۔

    ان خیالات کا اظہار انہوں نے میرانشاہ میں 7 ڈویژن ہیڈ کوارٹرز اور پاک افغان سرحد کا دورہ کیا، سینیٹر مشاہد حسین، امیر مقام۔ ملک محمد احمد خان بھی وزیر اعلیٰ کے ہمراہ تھے، جنرل آفیسر کمانڈنگ 7 ڈویژن میجر جنرل اظہر عباسی نے شہباز شریف کو بریفنگ دی۔

    شہباز شریف نے 7 ڈویژن ہیڈ کوارٹرز میں شہدا کی یادگار پر پھول چڑھائے اور شہدا کے ایصال ثواب کے لیے فاتحہ خوانی کی، وزیر اعلیٰ پنجاب نے کہا کہ دہشت گردی کے خلاف جنگ ہماری بقا کی جنگ ہے، تاریخ عالم میں ایسی جنگ کبھی لڑؑی گئی نہ لڑی جائے گی۔

    وزیر اعلیٰ پنجاب نے پاک افغان سرحد کے علاقہ کیٹون کا بھی دورہ کیا، شہباز ششریف کو پاک افغان سرحد کی مینجمنٹ، باڑ لگانے پر بریفنگ دی گئی، انہوں نے یونس خان اسپورٹس کمپلیکس کا بھی دورہ کیا۔

    شہباز شریف کے مطابق پاک افغان سرحد پار باڑ لگانے سے دہشت گردی میں کمی آئی، باڑ لگانے کے لیے پنجاب حکومت نے تعاون کیا آئندہ بھی کریں گے، فوجی جوانوں سے اظہار یکجہتی کے لیے میرانشاہ، پاک افغان سرحد آیا، دہشت گردی کے خلاف جنگ میں بے مثال کامیابیاں حاصل کیں، کامیابی کی تاریخ بہادر سپوتوں نے اپنے لہو سے لکھی ہے۔

    وزیر اعلیٰ پنجاب نے کہا کہ جوانوں کی قربانیوں کی اقوام عالم میں دوسری مثال موجود نہیں، پاک فوج کے جوانوں نے ملک کے لیے تاریخی کارنامہ انجام دیا ہے، قوم پاک فوج کے جوانوں کی قربانیوں کو کبھی فراموش نہیں کرسکے گی، پاک دھرتی سے دہشت گردی کے ناسور کے خاتمے کے لیے قربانیاں دی گئیں، پاک فوج کا کردار سنہری حروف سے لکھا جائے گا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کشمیری عوام نے اپنے خون سے تحریک آزادی کونئی جلا بخشی‘ شہبازشریف

    کشمیری عوام نے اپنے خون سے تحریک آزادی کونئی جلا بخشی‘ شہبازشریف

    لاہور: وزیراعلیٰ پنجاب شہبازشریف نے مقبوضہ کشمیر میں بھارتی فوج کی بربریت کی مذمت کرتے ہوئے کشمیری نوجوانوں کی شہادت پردکھ اور افسوس کا اظہار کیا ہے۔

    تفصیلات کے مطابق وزیراعلیٰ پنجاب نے مقبوضہ کشمیر میں بھارتی فوج کی بربریت کی مذمت کرتے ہوئے کہا کہ ظلم وجبرسے حق خودارادیت کی تحریک کودبایا نہیں جاسکتا۔

    شہبازشریف نے کہا کہ انسانی حقوق کی خلاف ورزی پرعالمی برادری خاموش ہے، بھارتی افواج کے ظلم پرعالمی ضمیر کو بیدارہونے کی ضرورت ہے۔

    وزیراعلیٰ پنجاب نے کہا کہ مظالم کشمیریوں کوحق خودارادیت سےمحروم نہیں رکھ سکتے جبکہ بھارتی حکومت گولیوں سے جذبہ حریت کو نہیں کچل سکتی۔

    شہبازشریف نے کہا کہ کشمیری عوام نے اپنے خون سے تحریک آزادی کو نئی جلا بخشی ہے۔

    مقبوضہ کشمیرمیں بھارتی فوج کی ریاستی دہشت گردی ‘ 5 کشمیری نوجوان شہید

    خیال رہے کہ گزشتہ روز مقبوضہ کشمیر میں قابض بھارتی فوج نے ضلع کپواڑہ میں سرچ آپریشن کے دوران 5 کشمیری نوجوانوں کو شہید کردیا تھا۔

    مقبوضہ کشمیرمیں بھارتی فوج کی فائرنگ‘ 20 نوجوان شہید

    یاد رہے کہ گزشتہ ماہ 2 اپریل کو مقبوضہ کشمیر میں قابض بھارتی فورسز نے سرچ آپریشن کے نام پر فائرنگ کرکے20 کشمیری نوجوانوں کو شہید جبکہ 300 سے زائد افراد کو زخمی کردیا تھا۔

    واضح رہے کہ مقبوضہ کشمیر میں بھارتی فوج آزادی کی آواز کو دبانے کے لیے مختلف ہتھکنڈے استعمال کررہی ہے اور اب تک ہزاروں کشمیری شہید اور زخمی ہوچکے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • قومی خدمت کی بھرپور کوشش کی اور ہم سرخرو ہورہے ہیں، شہباز شریف

    قومی خدمت کی بھرپور کوشش کی اور ہم سرخرو ہورہے ہیں، شہباز شریف

    جھنگ: مسلم لیگ (ن) کے صدر اور وزیر اعلیٰ پنجاب شہباز شریف نے کہا ہے کہ قومی خدمت کی بھرپور کوشش کی اور ہم سرخرو ہورہے ہیں، 70 سال میں تیزی سے مکمل منصوبوں کی مثال نہیں ملتی۔

    ان خیالات کا اظہار انہوں نے حویلی بہادر شاہ پاور پراجیکٹ کے دورے کے بعد میڈیا سے گفتگو کرتے ہوئے کیا، شہباز شریف نے کہا کہ حکومت پنجاب نے بجلی پیدا کرنے میں اربوں ڈالر لگائے ہیں، پیسہ پنجاب لگا رہا ہے مگر بجلی پورے پاکستان کی ہے۔

    وزیر اعلیٰ پنجاب کے مطابق قوم اسی طرح محنت کرے گی تو ہندوستان کو پیچھے چھوڑ دیں گے، عمران خان نے 2012 میں کہا تھا پانچ سال میں پورے پاکستان کو بجلی دیں گے، کے پی نے پانچ سال میں مائنس 6 میگاواٹ بجلی پیدا کی ہے۔

    [bs-quote quote=”تاریخ کے سستے ترین بجلی کے منصوبے لگائے ہیں، نیب کو چاروں منصوبوں پر سرٹیفکیٹ دینا چاہئے” style=”style-2″ align=”left” author_name=”شہباز شریف” author_job=”وزیراعلیٰ پنجاب”][/bs-quote]

    شہباز شریف نے کہا کہ سندھ حکومت نے بھی صرف 15،20 میگاواٹ بجلی پیدا کی ہوگی، سستے منصوبے سے سستی بجلی پیدا ہوگی، اس سال دسمبر میں 800 میگاواٹ مزید بجلی مہیا کررہے ہوں گے، چاروں منصوبوں سے بجلی ساڑھے 7 روپے فی یونٹ دستیاب ہوگی، 66 برسوں میں 18 ہزار میگا واٹ بجلی پیدا ہوئی۔

    وزیر اعلیٰ پنجاب نے کہا کہ یہ منصوبے کم از کم 50 فیصد کم لاگت پر لگے ہیں، حویلی بہادر شاہ منصوبہ دسمبر میں 800 میگاواٹ بجلی دے گا، حویلی بہادر شاہ کی دیکھ بھال کا خرچ بھی دیگر منصوبوں سے کم ہے، تاریخ کے سستے ترین بجلی کے منصوبے لگائے ہیں، نیب کو چاروں منصوبوں پر سرٹیفکیٹ دینا چاہئے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • تاریخ ہمارے دورکے سنہری کارناموں کو یاد رکھے گی، شہبازشریف

    تاریخ ہمارے دورکے سنہری کارناموں کو یاد رکھے گی، شہبازشریف

    لاہور : وزیراعلیٰ پنجاب شہباز شریف کا کہنا ہے کہ نوازشریف کی قیادت میں بے مثال نتائج حاصل کئے، تاریخ ہمارےدورکےسنہری کارناموں کو یاد رکھے گی، عام انتخابات میں سر اٹھا کر عوام کے پاس جائیں گے۔

    تفصیلات کے مطابق وزیراعلیٰ پنجاب شہبازشریف نے ڈویژنل و ڈسٹرکٹ کمیٹیوں کے اراکین سے خطاب کرتے ہوئے کہا کہ حکومت نےپاکستان کی تاریخ میں غیر معمولی کام کیا ہے، نوازشریف کی قیادت میں بے مثال نتائج حاصل کئے، تاریخ ہمارےدورکےسنہری کارناموں کو یاد رکھے گی۔

    شہباز شریف کا کہنا تھا کہ شفافیت کے حوالے سے یہ ملکی تاریخ کا بہترین دور ہے، آج تک پاکستان میں اتنی شفافیت سے بجلی کے منصوبے نہیں لگے، نا مساعد حالات کے باوجود ترقی کے سفر کو آگے بڑھایا ہے۔

    پی ٹی آئی پر تنقید کرتے ہوئے وزیراعلیٰ پنجاب نے کہا کہ تحریک انصاف نے منصوبوں میں رکاوٹیں کھڑی کیں، تحریک انصاف کی وجہ سے میٹرو ٹرین منصوبہ 22 ماہ لٹکا رہا، عمران خان نے صرف الزامات،جھوٹ کی سیاست کی۔

    ان کا کہنا تھا کہ احتساب سب کا بلاامتیاز ہونا چاہئے، مخصوص احتساب سے پاکستان آگے نہیں بڑھے گا، میٹرو ٹرین منصوبے میں 75 ارب روپے بچائے ہیں، سیاسی مخالفین نے قوم کا وقت ضائع کیا ہے۔

    شہباز شریف نے کہا کہ لوڈشیڈنگ اور دہشت گردی سے نمٹا گیا ہے، دہشت گردی کے خلاف جنگ میں بے مثال کامیابی ملی ہے، ہمیں اب متحد رہ کر پاکستان کو بنانا ہے، محاذ آرائی ملک و قوم کے مفاد میں نہیں ، عام انتخابات میں سر اٹھا کر عوام کے پاس جائیں گے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • وزیراعلیٰ پنجاب کا کوئٹہ میں دہشت گردی ناکام بنانے پرفورسزکوخراج تحسین

    وزیراعلیٰ پنجاب کا کوئٹہ میں دہشت گردی ناکام بنانے پرفورسزکوخراج تحسین

    لاہور : وزیراعلیٰ پنجاب شہبازشریف نے کوئٹہ میں دہشت گردی ناکام بنانے پرفورسز کو خراج تحسین پیش کرتے ہوئے کہا کہ بہادر سیکیورٹی فورسز نے ملک کو بڑے نقصان سے بچا لیا۔

    تفصیلات کے مطابق سماجی رابطے کی ویب سائٹ ٹویٹرپروزیراعلیٰ پنجاب شہبازشریف نے اپنے پیغام میں کہا کہ سیکیورٹی ادارے دہشت گردی کے خلاف جنگ میں قربانیاں دے رہے ہیں۔

    وزیراعلیٰ پنجاب نے کہا کہ قوم مسلح افواج، پولیس اورسیکیورٹی ایجنسیز کے شانہ بشانہ کھڑی ہے، سیکیورٹی اداروں کی مادروطن کے لیے قربانیوں پرفخرہے۔

    شہبازشریف نے کوئٹہ میں دہشت گردی ناکام بنانے پرفورسز کو خراج تحسین پیش کرتے ہوئے کہا کہ بہادر سیکیورٹی فورسز نے ملک کو بڑے نقصان سے بچا لیا۔

    کوئٹہ میں ایف سی سینٹر پر حملہ، جوابی کارروائی میں 5 دہشت گرد ہلاک

    خیال رہے کہ گزشتہ رات سیکیورٹی فورسز نے کوئٹہ کے علاقے چمن ہاؤسنگ اسکیم کے قریب فرنٹیئرکور مددگار سینٹرپردہشت گردوں کا حملہ ناکام بناتے ہوئے پانچوں حملہ آوروں کو ہلاک کردیا۔

    بلوچستان میں کارروائی: دو خودکش بمبار سمیت 3دہشت گرد ہلاک، ایک کرنل شہید

    یاد رہے کہ گذشتہ روز سیکیورٹی فورسز نے بلوچستان میں بڑی کارروائی کرتے ہوئے سو سے زائد افراد کے قتل میں ملوث دہشت گرد اور دو خود کش بمباروں کو ہلاک کردیا تھا جبکہ دہشت گردوں سے مقابلے میں ملٹری انٹیلی جنس کے کرنل سہیل عابد شہید ہوگئے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • زرداری نے سندھ اور نیازی نے خیبرپختونخوا کو کرچی کرچی کردیا، شہباز شریف

    زرداری نے سندھ اور نیازی نے خیبرپختونخوا کو کرچی کرچی کردیا، شہباز شریف

    لاہور: وزیر اعلیٰ پنجاب اور مسلم لیگ (ن) کے صدر شہباز شریف نے کہا ہے کہ بنی گالا اور بلاول ہاؤس ہم پیالہ ہم نوالہ، یہ دونوں ایک ہوگئے ہیں، زرداری اور نیازی نے سندھ اور خیبرپختونخخوا کو کرچی کرچی کردیا ہے۔

    ان خیالات کا اظہار انہوں نے لکشمی چوک پر تقریب سے خطاب کرتے ہوئے کیا، شہباز شریف نے کہا کہ ایک کے پاس بلا، ایک پاس تیر، شیر پر ٹھپہ مارنا یہ نظر بھی نہیں آئیں گے۔

    وزیر اعلیٰ پنجاب نے کہا کہ ان کا سیاسی بوریا بستر گول کریں گے اور پاکستان کو خوشحال بنائیں گے، میں جنگلا بس نہیں قوم کے لیے سڑکیں بناتا ہوں، اسکول کالج بناتا ہوں، انہیں اب پتہ چلا میں کتنا خطرناک ہوں، آگے آگے دیکھیں پتہ چل جائے گا۔

    شہباز شریف نے کہا کہ کے پی، سندھ اور بلوچستان کو بھی پنجاب جیسا بنائیں گے، تکلیف میں ہے بہت نیازی، تاخیر کے باوجود بھی اورنج ٹرین لے گئی بازی، آصف زرداری کی جماعت نے سندھ اور کراچی کو کچرے کا ڈھیر بنادیا ہے۔

    مسلم لیگ (ن) کے صدر کے مطابق 22 ماہ تاخیر نہ ہوتی تو بھاٹی سے ایئرپورٹ تک بلو لائن پر کام شروع ہوجاتا، چین نے چار سال پہلے کہا تھا اورنج لائن پاکستان کے لیے تحفہ ہے، اورنج لائن منصوبے پر چینی قونصل جنرل کا بھرپور شکریہ ادا کریں گے۔

    انہوں نے کہا کہ پی ٹی آئی نے ن لیگ کی دشمنی میں عوام سے دشمنی کی ہے، الزام خان کی طرح جھوٹ نہیں بولوں گا، الزام خان نے 5 سال الزام لگائے، 22 ماہ اورنج لائن پر کام بند رہا، ساڑھے تین ماہ بعد ہم دن رات اورنج لائن منصوبے سے سفر کریں گے، نیازی خان پراڈو، ہیلی کاپٹر، جہاز میں سفر کرتے ہیں انہیں غیور عوام کی کیا فکر ہوگی۔

    شہباز ششریف نے کہا کہ پشاور میں ڈینگی آیا تو عمران خان پہاڑوں پر چڑھ گئے، پشاور میں اسکول بنے نہ اسپتال، پنجاب میں اسکول، اسپتال اور میٹرو بھی بنی ہے، شوکت خانم کا نعرہ لگا کر عمران خان کہتے ہیں مجھے ووٹ دو، الیکشن 2018 میں پی ٹی آئی کے جہاز کو آپ نے ووٹ سے ڈبونا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ایک اخبار نے نواز شریف کا بیان توڑ مروڑ کر پیش کیا، شہباز شریف

    ایک اخبار نے نواز شریف کا بیان توڑ مروڑ کر پیش کیا، شہباز شریف

    میرپورخاص: مسلم لیگ ن کے صدر اور وزیر اعلیٰ پنجاب شہباز شریف نے کہا ہے کہ ایک اخبار نے نواز شریف کے بیان کو توڑ مروڑ کر پیش کیا، کیا نواز شریف اس طرح کی بات کرسکتے ہیں۔

    ان خیالات کا اظہار انہوں نے میرپورخاص کے علاقے سندھڑی میں جلسہ عام سے خطاب کرتے ہوئے کیا، شہباز شریف نے کہا کہ سمجھوتہ ایکسپریس دہشت گردی میں بھارتی فوج کا حاضر سروس کرنل ملوث نکلا۔

    مسلم لیگ ن کے صدر نے کہا کہ پاکستان نے دہشت گردی کے خلاف جنگ میں ہزاروں قربانیاں دیں، کیا وہ ریاست کسی دہشت گرد کو اپنی اپنی دھرتی استعمال کرنے کی اجازت دے گی؟

    شہباز شریف نے کہا کہ آصف زرداری نے سندھ تباہ کرکے دولت دبئی منتقل کردی، سندھ میں کتنے دانش اسکول بنائے گئے؟ پنجاب میں دانش اسکول بنائے جہاں غریب اور یتیم بچے پڑھتے ہیں، دانش اسکول میں مفت کھانا، وردی اور کتابیں ملتی ہیں، بچے دانش اسکول میں پڑھ کر ڈاکٹر، انجینئر بن کر امریکا چلے گئے۔

    وزیر اعلیٰ پنجاب نے کہا کہ پاکستان اس لئے نہیں بنا تھا ہاری بے حال ہوجائے اور زرداری خوشحال ہوجائے، ذوالفقار علی بھٹو اور بینظیر بھٹو عظیم لیڈر تھے تاہم ن لیگ کو کامیاب کرایا تو سندھ کو پنجاب، کراچی کو لاہور بنادوں گا۔

    انہوں نے کہا کہ سندھ کے عوام نہیں چاہتے تو کالا باغ ڈیم نہیں بنے گا، کالا باغ ڈیم ایک نہیں 100 بار سندھ کی محبت میں قربان کردیں گے، صوبوں کو حق کے مطابق پانی مل رہا ہے، پانی چوریاں خود کرتے ہیں اور الزام وفاق پر لگاتے ہیں۔

    شہباز شریف نے کہا کہ آصف زرداری کو دس سال سندھ میں حکومت کرتے ہوئے ہوگئے، دل پر ہاتھ رکھ کر بتائیں کتنے کسانوں کو سستی کھاد ملی ہے؟ پنجاب میں کسانوں کو بلاسود قرضے دیے کیا آپ کو بلاسود قرضے ملے۔

    مزید پڑھیں: ممبئی حملوں میں کالعدم تنظیمیں ملوث ہیں، نوازشریف کے بیان پربھارتی میڈیا چلّا اٹھا

    واضح رہے کہ سابق وزیر اعظم نواز شریف کا کہنا تھا کہ پاکستان میں متحرک عسکریت پسند تنظیمیں ممبئی میں بھارتیوں کی ہلاکت کی ذمہ دار ہیں، نواز شریف کے متنازعہ بیان کو بھارتی میڈیا نے بھارت کی فتح قرار دیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔