لاہور: وزیراعلیٰ پنجاب شہبازشریف کا کہنا ہے کہ عمران خان نے جھوٹ بولنے کے ریکارڈ بنائے ہیں، جھوٹ بولنا،غلط بیان اورگمراہ کرنا عمران خان کامعمول ہے، میری بات آتی ہے تو چوہدری نثار کنجوسی سے کام لیتے ہیں۔

تفصیلات کے مطابق وزیراعلیٰ پنجاب شہباز شریف نے تقریب سے خطاب کرتے ہوئے کہا کہ ایک نئی اتھارٹی بنارہے ہیں ، فوڈاینڈڈرگ اتھارٹی نام ہوگا، خوراک سے متعلق سیمپلز  جمع کرکے ان کا ٹیسٹ کیا جائے گا، اتھارٹی کےذریعےخوراک مضر صحت تو نہیں جانچاجائے گا۔

شہباز شریف کا کہنا تھا کہ پنجاب میں انقلابی دور آیا،بڑے ترقیاتی پروجیکٹ مکمل کیے، قصور اور مردان میں زیادتی کے واقعات ہوئے، فرانزک لیب نہ ہوتی تو پتہ نہیں کیس میں کتنا وقت لگتا، پنجاب فرانزک لیب میں دنیا بھر سے کیسز  آتے ہیں، فوڈ اینڈ ڈرگ اتھارٹی پنجاب سے بے پناہ تقویت ملے گی۔

انھوں نے کہا کہ یہ تھری ان ون منصوبہ ہے،اربوں فنڈزجاری کیےجاچکے، ٹریننگ لیب اس سال نومبرتک مکمل ہوجائےگی، تربیتی لیبارٹری اپنی نوعیت کا پہلا منصوبہ ہے، ایک ارب کی لاگت کے ساتھ لیب بنائی گئی ہے۔

چوہدری نثار کے حوالے سے وزیراعلیٰ پنجاب کا کہنا تھا کہ چوہدری نثار  پارٹی کےسینئر ترین لیڈرز میں سےہیں، پارٹی میں چوہدری نثار کا مقام اور  بہت احترام ہے، میری بات آتی ہے تو چوہدری نثار کنجوسی سے کام لیتے ہیں۔

[bs-quote quote=” میری بات آتی ہے تو چوہدری نثار کنجوسی سے کام لیتے ہیں۔” style=”default” align=”left” author_name=”شہباز شریف ” author_job=”مسلم لیگ ن ” author_avatar=”https://arynewsudweb.wpengine.com/wp-content/uploads/2018/05/Shahbaz60x60-1.jpg”][/bs-quote]

انھوں نے کہا کہ چوہدری نثار کو مسلم لیگ ن میں ایک مقام حاصل ہے، چوہدری نثارمیرے دوست ہیں، اس میں کوئی شک نہیں، چوہدری نثار کے جو تحفظات ہیں انہیں دور کریں گے، امید ہے چوہدری نثار تحفظات ختم کرکے ساتھ چلیں گے۔

شہبازشریف کا کہنا تھا کہ اجتماعی کوشش ہے مل کر قائدکا پاکستان بنائیں گے، احسن اقبال پرحملے سے پاکستان کی جگ ہنسائی ہوئی، تابناک مستقبل چاہتے ہیں تو مل بیٹھیں اور مسائل حل کریں۔

عمران خان پر تنقید کرتے ہوئے وزیراعلیٰ پنجاب نے کہا کہ عمران خان اعتراف کرچکےہیں خیبرپختونخوا میں کرپشن ہوئی، عمران خان نےجھوٹ بولنے کے ریکارڈ بنائے ہیں، جھوٹ بولناخان صاحب کا معمول بن گیا ہے۔

ان کا کہنا تھا کہ قوم2018 انتخابات میں خان صاحب کو جواب دےگی، عمران خان کے  پی میں نیا پاکستان بنانےکی ایک مثال تو دیں، جھوٹ بولنا،غلط بیان اور گمراہ کرنا عمران خان کا معمول ہے، میٹرو منصوبہ پشاور میں شروع کیا، جو عمران خان مکمل نہ کرسکے، تبدیلی لانے کیلئے ہمیشہ صبر کرنا پڑتا ہے، کچھ عناصر تبدیلی لانے کے دعوے کرتے ہیں لیکن کرتے کچھ نہیں۔

شہباز شریف نے کہا کہ سنا ہے نوازشریف کیخلاف4.9منی لانڈرنگ کا الزام لگایاگیاہے، اسٹیٹ بینک کیساتھ ورلڈبینک نے بھی کل تردیدکی ہے، ورلڈ بینک کی تردید کے بعد نیب کی ساکھ کو نقصان پہنچا، امید ہے چیئرمین نیب اس نوٹس کی تحقیقات کاحکم دیں گے، نیب سے جو یہ کام کرایا گیا اس سے نیب کی ہی ساکھ متاثر ہوئی۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

مٹیاری: مسلم لیگ ن کے صدر شہباز شریف نے کہا ہے کہ سندھ ترقی نہیں کرسکتا، تو پاکستان بھی ترقی نہیں کرسکتا۔

ان خیالات کا اظہار انھوں نے مٹیاری میں عوامی جلسے سے خطاب کرتے ہوئے کیا، ان کا کہنا تھا کہ سندھ صوفیوں کی سرزمین اور پاکستان کاعظیم خطہ ہے، شاہ لطیف بھٹائی کی سرزمین پر یہ میرا پہلا جلسہ ہے۔ 

وزیر اعلیٰ پنجاب کا کہنا تھا کہ زرداری کےزمانے میں سندھ کےعوام کے ساتھ بہت ظلم ہوا، آصف زرداری نے صرف اپنے محلات بنائے، الیکشن میں ن لیگ کو ووٹ دیا، تو سندھ کو پنجاب بنادوں گا۔

شہباز شریف نے کہا کہ ہم نے پنجاب کے دیہی علاقوں میں 100ارب روپے کی سڑکیں بنائیں، سندھ کی سڑکیں ٹوٹ پھوٹ کا شکار ہیں، سندھ کی ترقی کے ساتھ پاکستان کی ترقی جڑی ہوئی ہے۔

ان کا کہنا تھا کہ سندھ کی دھرتی نہ تو پی پی کی ہے، نہ ہی پی ٹی آئی کی ہے، یہ دھرتی صوفیوں کی ہے، پاکستان کی ہے، آج سندھ بے حال اور صرف زرداری خوشحال ہے، پنجے گاڑے زرداری ہے، بے بس کسان وہاری ہے۔

انھوں نے کہا کہ ظالموں سے بدلہ لینے کا وقت آگیا، سندھ کےاسپتالوں،اسکولزمیں سہولت نام کی کوئی چیز نہیں، سندھ کی دھرتی پر اب بار بار آؤں گا، اسے پنجاب جیسا بنا کر دکھاؤں گا۔

انھوں نے کہا کہ زرداری اوربنی گالہ ہم پیالہ ہم نوالہ ہیں، یہ اکٹھےہو چکے ہیں، یہ لوگ سندھ کے اربوں روپے کھا کر دبئی لے گئےہیں، واسکٹ پہن کر بھاشن دیتے ہیں کہ کرپشن ختم کریں گے، پنجاب آپ کا اور سندھ میرا ہے، مل کر پاکستان کو بنانا ہے۔ سندھ کو سب سے بڑا صوبہ بنا کر دم لوں گا، چاہے جان چلی جائے۔

ہم سب مل کر شہباز شریف کو وزیر اعظم بنائیں گے، خواجہ سعد رفیق

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

لاہور: وزیراعلیٰ پنجاب شہبازشریف کا کہنا ہے کہ ترقیاتی منصوبے ملکی تاریخ میں سنہری حروف سے لکھے جائیں گے، جتنے منصوبےموجودہ دورمیں مکمل ہوئے، تاریخ میں مثال نہیں ملتی۔

تفصیلات کے مطابق لاہور میں وزیراعلیٰ پنجاب شہبازشریف سے وزیردفاع خرم دستگیر نے ملاقات کی جس میں سیاسی امورسمیت ملکی صورت حال پر تبادلہ خیال کیا گیا۔

وزیراعلیٰ پنجاب کا کہنا تھا کہ 5 سال خدمت کی، باشعورعوام ن لیگ کوہی ووٹ دیں گے، توانائی بحران، دہشت گردی کا خاتمہ ن لیگی حکومت کا اعزازہے۔

شہبازشریف کا کہنا تھا کہ عمران خان اورآصف زرداری نےعوام کومایوسی کےسوا کچھ نہیں دیا، موقع ملا توسندھ، کے پی اور میں ترقی کے ریکارڈ قائم کریں گے۔

اس موقع پروزیردفاع خرم دستگیر کا کہنا تھا کہ شہبازشریف پر پورے پاکستان کو فخر ہے، شہبازشریف نے صوبے میں یکساں ترقی کے وژن پرعمل کیا، ترقی کا تسلسل مسلم لیگ ن ہی برقرار رکھ سکتی ہے۔

جب تک جان میں جان ہےعوام کی بے لوث خدمت کرتا رہوں گا‘ شہبازشریف

خیال رہے کہ گزشتہ ہفتے وزیراعلیٰ پنجاب شہبازشریف کا کہنا تھا کہ خدمت کھوکھلے نعروں سے نہیں ہوتی، خدمت کے لیے مٹی کے ساتھ مٹی ہونا پڑتا ہے۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔