لاہور: مسلم لیگ ن کے صدر شہبازشریف کا کہنا ہے کہ مسلم لیگ ن نے کام کے ذریعےعوام کے دلوں میں جگہ بنائی، ہماری خدمت، محنت اور کام خود بولتے ہیں۔

تفصیلات کے مطابق مسلم لیگ ن کے صدر شہبازشریف کا کہنا ہے کہ سیاسی مخالفین صرف جھوٹ بولتے رہے، مخالفین نے اپنے صوبوں کےعوام کے لیے کچھ نہیں کیا۔

شہبازشریف کا کہنا تھا کہ بہتان تراشیاں کرنے والےاس دکھی قوم پررحم کریں، خیبرپختونخواہ، سندھ کوکھنڈربنانے والےعوام میں کس منہ سے جائیں گے۔

وزیراعلیٰ پنجاب کا کہنا تھا کہ زرداری اورنیازی ایک ہوچکے ہیں، ان کا گٹھ جوڑعوام کی خدمت کے لیے نہیں بلکہ کرسی کے لیے ہے، عوام باشعورہوچکے ہیں اوروہ ان کے جھانسے میں نہیں آئیں گے۔

آصف زرداری اورنیازی عوامی خدمت کے جذبے سےعاری ہیں،شہبازشریف

خیال رہے کہ دو روز قبل وزیراعلیٰ پنجاب شہباز شریف کا کہنا تھا کہ آصف زرداری اورنیازی عوامی خدمت کےجذبے سےعاری ہیں، دونوں نے خیبرپختونخوااور سندھ میں عوام کے لیےکچھ نہیں کیا۔

واضح رہے کہ رواں ہفتے وزیراعلیٰ پنجاب شہباز شریف کا کہنا تھا کہ باشعورعوام خدمت،امانت،دیانت کی سیاست کرنے والوں کوووٹ دیں گے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

لاہور : وزیراعلیٰ پنجاب شہباز شریف کا کہنا ہے کہ 5 سال بعدن لیگ ملک کی مقبول ترین جماعت ہے،ہم نے رکاوٹوں کے باوجود فلاح و بہبود کے منصوبوں کو مکمل کیا ، آئندہ بھی موقع ملا تو فلاح عامہ کے پروگرام ملک بھرمیں پھیلائیں گے۔

تفصیلات کے مطابق وزیراعلیٰ پنجاب شہباز شریف نے اپنے بیان میں کہا کہ ن لیگ کی حکومت نےہمیشہ پاکستان کے مفادات کومقدم رکھا ، 5 سال بعدن لیگ ملک کی مقبول ترین جماعت ہے، ہماری حکومت نے ریکارڈ مدت میں میگا پراجیکٹ مکمل کیے۔

شہباز شریف کا کہنا تھا کہ سیاسی مخالفین نےغریب قوم کاوقت ضائع کرنےکےسواکچھ نہ کیا، پی ٹی آئی اورپیپلز پارٹی نےاپنےاپنےصوبے میں عوام کومایوس کیا، دونوں جماعتوں نے بے بنیاد الزامات اورمنفی سیاست کوپروان چڑھایا۔

وزیراعلیٰ پنجاب نے کہا کہ باشعورعوام دونوں جماعتوں کی تخریبی سیاست سےمتنفر ہیں، ہم نے رکاوٹوں کےباوجود فلاح و بہبودکےمنصوبوں کومکمل کیا ، آئندہ بھی موقع ملا توفلاح عامہ کے پروگرام ملک بھرمیں پھیلائیں گے۔

مزید پڑھیں : آصف زرداری اورنیازی عوامی خدمت کےجذبے سےعاری ہیں،شہبازشریف

گذشتہ روز وزیراعلیٰ پنجاب نے مخالفین پر تنقید کرتے ہوئے کہا تھا کہ آصف زرداری اورنیازی عوامی خدمت کےجذبے سےعاری ہیں، دونوں نے خیبرپختونخوا اور سندھ میں عوام کے لیےکچھ نہیں کیا، روشنیوں کے شہر کراچی کی ابتر صورتحال دیکھ کر دل جلتا ہے، خیبر پختو نخوا میں میٹروبس کے نام پر شہر کو اکھاڑ دیا گیا۔

ان کا کہنا تھا کہ روزاول سے عوام کی خدمت کو اپنا شعار بنایا ہے، ماضی اور حال عوام کی خدمت سےعبارت ہے ، انتخابات میں کامیاب ہوکرخدمت کے سفر کو آگے بڑھائیں گے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

لاہور: وزیراعلیٰ پنجاب شہبازشریف کا کہنا ہے نئے صوبوں سے متعلق ہمارے عزم کا ثبوت پنجاب اسمبلی سے قرارداد کی منظوری ہے، نئے صوبوں کے نعرے پرجھوٹے وعدے نہیں کریں گے۔

تفصیلات کے مطابق وزیراعلیٰ پنجاب شہبازشریف نے سماجی رابطے کی ویب سائٹ ٹویٹرپراپنے پیغام میں کہا کہ گورننس عوام کے دروازے تک ہماری سیاست کا امتیازی نشان ہے۔

وزیراعلیٰ پنجاب شہبازشریف کا کہنا ہے کہ نچلی سطح پرعوام کے اختیارسے ہی خدمات کی مؤثرفراہمی ممکن ہے۔

شہبازشریف کا کہنا تھا کہ نئے صوبوں کے نعرے پرجھوٹے وعدے نہیں کریں گے، نئے صوبوں سے متعلق ہمارے عزم کا ثبوت پنجاب اسمبلی سے قرارداد کی منظوری ہے۔

جھوٹ کی سیاست کے پاؤں نہیں ہوتے‘ شہبازشریف

خیال رہے کہ گزشتہ ہفتے وزیراعلیٰ پنجاب شہبازشریف کا کہنا تھا کہ الزامات کی سیاست کرنے والوں کے چہرے عیاں ہوچکے ہیں، آئندہ عام انتخابات میں شکست ان عناصر کا مقدر ہے۔

شہبازشریف کا کہنا تھا کہ تبدیلی کے دعویداروں نے کھوکھلے نعروں کے علاوہ کچھ نہیں دیا، لوٹ مار اور دھرنا دینے والے ہماری کارکردگی سے خوفزدہ ہیں، آئندہ عام انتخابات میں شکست ان عناصر کا مقدر ہے۔

وزیراعلیٰ پنجاب کا کہنا تھا کہ ترقی کے مخالف عناصر کوعوام آئندہ الیکشن میں سبق سکھائیں گے، منفی حربوں کے باوجود ترقی وخوشحالی بڑھاتےجائیں گے۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔