ARYNews.tv | Urdu – Har Lamha Bakhabar

Tag: shehbaz sharif

  • وزیر اعظم کے دورہ متحدہ عرب امارات کا مشترکہ اعلامیہ جاری

    اسلام آباد: وزیر اعظم شہباز شریف کے دورہ متحدہ عرب امارات کے دوران انہوں نے حالیہ سیلاب کے بعد امارات کی فراخدلانہ مدد پر شیخ محمد بن زید النہیان کا شکریہ ادا کیا۔

    تفصیلات کے مطابق وزیر اعظم شہباز شریف کے دورہ متحدہ عرب امارات کا مشترکہ اعلامیہ جاری کردیا گیا۔

    اعلامیے میں کہا گیا ہے کہ وزیر اعظم نے 12 اور 13 جنوری کو متحدہ عرب امارات کا دورہ کیا، وزیر اعظم کا دورہ امارات کے صدر شیخ محمد بن زاید النہیان کی دعوت پر کیا گیا۔

    شہباز شریف کا وزارت عظمیٰ کا عہدہ سنبھالنے کے بعد عرب امارات کا یہ تیسرا دورہ ہے، وزیر اعظم نے شیخ محمد بن زید النہیان سے دو طرفہ ملاقات کی۔ اس موقع پر وزیر اعظم کو صدارتی محل میں گارڈ آف آنر پیش کیا گیا۔

    اعلامیے کے مطابق دونوں رہنماؤں نے دو طرفہ تعلقات مضبوط بنانے کے لیے اقدامات پر تبادلہ خیال کیا، دونوں رہنماؤں نے علاقائی سیاسی اور سلامتی کے امور پر بھی تبادلہ خیال کیا جبکہ سیاسی، دفاعی، اقتصادی، تجارتی اور ثقافتی شعبوں میں تعاون بڑھانے پر بھی اتفاق کیا گیا۔

    وزیر اعظم نے حالیہ سیلاب کے بعد امارات کی فراخدلانہ مدد پر شیخ محمد بن زید النہیان کا شکریہ ادا کیا، دونوں فریقین نے اسٹریٹجک شراکت داری اور تعاون مضبوط بنانے کے لیے تعاون تیز کرنے پر اتفاق کیا۔

    اعلامیے میں کہا گیا کہ انفارمیشن، کمیونی کیشن ٹیکنالوجی شعبے اور ڈیجیٹل تقسیم ختم کرنے کے لیے مل کر کام کرنے پر اتفاق کیا گیا۔

    پاکستان اور متحدہ عرب امارات نے اپنے تاریخی اور برادرانہ تعلقات کا اعادہ کیا، دونوں اطراف نے متعدد علاقائی اور عالمی امور پر خیالات کے یکسانیت پر اطمینان کا اظہار کیا گیا۔

    اعلامیے میں مزید کہا گیا کہ شہباز شریف نے شیخ محمد بن زید النہیان کو دورہ پاکستان کی دعوت دی، امارات کے صدر شیخ محمد بن زید النہیان نے پاکستان کے دورے کی دعوت قبول کر لی۔

  • دہشت گردی کا دوبارہ سر اٹھانا قومی سلامتی کے لیے نیا خطرہ ہے: وزیر اعظم

    دہشت گردی کا دوبارہ سر اٹھانا قومی سلامتی کے لیے نیا خطرہ ہے: وزیر اعظم

    اسلام آباد: وزیر اعظم شہباز شریف کا کہنا ہے کہ ہماری بہادر سیکیورٹی فورسز دہشت گردی کے خطرے سے نمٹنے کی پوری صلاحیت رکھتی ہیں، بنوں آپریشن میں حصہ لینے والے بہادر بیٹوں کو خراج تحسین پیش کرتا ہوں۔

    تفصیلات کے مطابق وزیر اعظم شہباز شریف نے سماجی رابطے کی ویب سائٹ ٹویٹر پر اپنے ٹویٹ میں کہا کہ دہشت گردی کا دوبارہ سر اٹھانا قومی سلامتی کے لیے نیا خطرہ ہے۔

    وزیر اعظم کا کہنا تھا کہ ہماری بہادر سیکیورٹی فورسز اس خطرے سے نمٹنے کی پوری صلاحیت رکھتی ہیں۔

    انہوں نے کہا کہ بنوں آپریشن میں حصہ لینے والے بہادر بیٹوں کو خراج تحسین پیش کرتا ہوں، اللہ ہمارے شہدا کی قربانیوں کو قبول فرمائے۔

  • وزیر اعظم نے معیشت اور توانائی صورتحال پر اہم اجلاس طلب کر لیے

    وزیر اعظم نے معیشت اور توانائی صورتحال پر اہم اجلاس طلب کر لیے

    اسلام آباد: وزیر اعظم شہباز شریف نے معیشت اور توانائی کے اجلاس طلب کر لیے، اجلاس میں معاشی صورتحال پر اہم فیصلے متوقع ہیں۔

    تفصیلات کے مطابق وزیر اعظم شہباز شریف نے معیشت اور توانائی کے الگ الگ اجلاس طلب کر لیے، معاشی اجلاس میں وفاقی وزیر خزانہ اسحٰق ڈار معیشت پر وزیر اعظم کو بریفنگ دیں گے۔

    وزیر اعظم کو آئی ایم ایف پروگرام اور ایکسپورٹ انڈسٹری سے متعلق پیش رفت پر بریفنگ دی جائے گی، گزشہ اجلاس میں وزیر اعظم کی معیشت پر دیے گئے ٹاسک پر رپورٹ بھی دی جائے گی۔

    اجلاس میں معاشی صورتحال پر اہم فیصلے متوقع ہیں۔

    توانائی کے معاملے پر بھی وزیر اعظم اجلاس کی صدارت کریں گے جس میں گیس لوڈ مینجمنٹ پلان، گھریلو صارفین اور انڈسٹری کو گیس سپلائی پر وزیر اعظم کو بریفنگ دی جائے گی۔

    اجلاس میں پیٹرولیم ڈویژن کی جانب سے گیس شارٹ فال اور درآمدی ایل این جی سمیت ایل پی جی پر بھی بریفنگ دی جائے گی، روس سے خام تیل کی درآمد پر پیش رفت کا جائزہ لیا جائے گا۔

    اجلاس میں پاور ڈویژن کی جانب سے توانائی کے دیگر منصوبوں پر بھی بریفنگ دی جائے گی۔

  • موسم سرما میں سیلاب متاثرین کو چھت کی فراہمی اولین ترجیح ہے: وزیر اعظم

    موسم سرما میں سیلاب متاثرین کو چھت کی فراہمی اولین ترجیح ہے: وزیر اعظم

    اسلام آباد: وزیر اعظم شہباز شریف نے مخیر حضرات سے سیلاب متاثرین کی مدد کی اپیل کرتے ہوئے کہا ہے کہ موسم سرما میں بے گھر لوگوں کو چھت فراہم کرنا ایک بہت بڑا چیلنج ہے۔

    تفصیلات کے مطابق وزیر اعظم شہباز شریف نے سماجی رابطے کی ویب سائٹ ٹویٹر پر اپنے ٹویٹ میں کہا کہ وقت گزرنے کے ساتھ ساتھ سیلاب متاثرین کی مشکلات میں مزید اضافہ ہوتا جا رہا ہے۔

    وزیر اعظم کا کہنا تھا کہ رواں موسم سرما میں بے گھر لوگوں کو چھت فراہم کرنا ایک بہت بڑا چیلنج ہے۔

    انہوں نے کہا کہ حکومت سیلاب متاثرین کی بحالی اور ان کو رواں موسم سرما میں چھت کی فراہمی کے لیے ترجیحی بنیادوں پر کام کر رہی ہے۔

    وزیر اعظم کا مزید کہنا تھا کہ میری ملک کے تمام مخیر حضرات سے گزارش ہے کہ بڑھ چڑھ کر حکومت کا ساتھ دیں، ہمیں اس مشکل وقت میں اپنے بہن، بھائیوں، بچوں اور بزرگوں کو قطعاً اکیلا نہیں چھوڑنا ہے۔

  • اقتدار کے بھوکے سیاستدان نوجوانوں کو متعصبانہ ایجنڈے کے لیے استعمال کر رہے ہیں: شہباز شریف

    اقتدار کے بھوکے سیاستدان نوجوانوں کو متعصبانہ ایجنڈے کے لیے استعمال کر رہے ہیں: شہباز شریف

    اسلام آباد: وزیر اعظم شہباز شریف نکا کہنا ہے کہ نوجوانوں کی ترقی میں سرمایہ کاری ضروری ہے، اقتدار کے بھوکے چند سیاستدان نوجوانوں کو متعصبانہ ایجنڈے کے لیے استعمال کر رہے ہیں۔

    تفصیلات کے مطابق وزیر اعظم شہباز شریف نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ نوجوان قوم کا مستقبل ہیں جن سے طاقت حاصل کی جاتی ہے۔

    وزیر اعظم کا کہنا تھا کہ نوجوانوں کی ترقی میں سرمایہ کاری ضروری ہے، اقتدار کے بھوکے چند سیاستدان نوجوانوں کو متعصبانہ ایجنڈے کے لیے استعمال کر رہے ہیں۔

    انہوں نے کہا کہ ہم نے پنجاب میں نوجوانوں کی ترقی کے لیے کئی اقدامات اٹھائے، گزشتہ روز بھی نوجوانوں کو بااختیار بنانے کے لیے کئی اقدامات کا اجرا کیا گیا۔

    وزیر اعظم کا کہنا تھا کہ مزید کئی اقدامات کا اجرا آئندہ آنے والے ہفتوں اور مہینوں میں ہوگا۔

  • صرف عوام کو یہ حق حاصل ہے کہ وہ کسے منتخب کریں: وزیر اعظم

    صرف عوام کو یہ حق حاصل ہے کہ وہ کسے منتخب کریں: وزیر اعظم

    اسلام آباد: وزیر اعظم شہباز شریف کا کہنا تھا کہ الیکشن آئینی و قانونی عمل ہے اور صرف عوام کو یہ حق حاصل ہے کہ وہ کسے منتخب کریں۔

    تفصیلات کے مطابق وزیر اعظم شہباز شریف نے سماجی رابطے کی ویب سائٹ ٹویٹر پر اپنے ٹویٹ میں کہا کہ قومی اسمبلی کے 8 اور پنجاب اسمبلی کے 3 حلقوں میں ضمنی انتخابات کے لیے پولنگ میں عوام بھرپور حصہ لیں۔

    وزیر اعظم کا کہنا تھا کہ یہ آئینی و قانونی عمل ہے اور صرف عوام کو یہ حق حاصل ہے کہ وہ کسے منتخب کریں۔

    انہوں نے کہا کہ ووٹرز سوچ سمجھ کر فیصلہ کریں کیونکہ آپ اور آپ کے ملک کی ترقی و خوشحالی کا دارومدار اسی پر ہے۔

  • مفتاح اسماعیل قابل آدمی ہیں انہوں نے پاکستان کو ڈیفالٹ سے بچایا: وزیر اعظم

    مفتاح اسماعیل قابل آدمی ہیں انہوں نے پاکستان کو ڈیفالٹ سے بچایا: وزیر اعظم

    اسلام آباد: وزیر اعظم شہباز شریف کا کہنا ہے کہ مفتاح اسماعیل قابل آدمی ہیں انہوں نے پاکستان کو ڈیفالٹ سے بچایا۔ کابینہ کے بھرپور تعاون سے مفتاح اسماعیل نے آئی ایم ایف ڈیل کو دوبارہ شروع کروایا۔

    تفصیلات کے مطابق وزیر اعظم شہباز شریف نے وفاقی کابینہ کے اجلاس میں اظہار خیال کرتے ہوئے کہا کہ اسحاق ڈار منجھے ہوئے سیاستدان اور تجربہ کار سینیٹر ہیں، ہماری دعا ہے کہ اللہ انہیں کامیاب فرمائے۔

    وزیر اعظم کا کہنا تھا کہ امید ہے اسحاق ڈار کی شرکت سے مخلوط حکومت کو مدد ملے گی، مفتاح اسماعیل قابل آدمی ہیں انہوں نے پاکستان کو ڈیفالٹ سے بچایا۔ کابینہ کے بھرپور تعاون سے مفتاح اسماعیل نے آئی ایم ایف ڈیل کو دوبارہ شروع کروایا۔

    انہوں نے کہا کہ ثمرقند کا دورہ بہت کامیاب تھا، ایس سی او کے اجلاسوں میں تعمیری گفتگو ہوئی، تمام ممالک کے سربراہان سے ملاقاتیں بھی ہوئیں۔ ایس سی او میں چین اور ترکی کے صدور سے ملاقاتیں ہوئیں۔

    وزیر اعظم کا کہنا تھا کہ پاکستان میں سیلاب کے حوالے سے بھی تفصیلی میٹنگ ہوئیں، بلاول بھٹو کا شکر گزار ہوں انہوں نے زبردست ہوم ورک کیا تھا۔

  • شہباز شریف اور مریم نواز کی ایک اور مبینہ آڈیو لیک ہوگئی

    شہباز شریف اور مریم نواز کی ایک اور مبینہ آڈیو لیک ہوگئی

    لاہور : مسلم لیگ ن کی سینئر نائب صدر مریم نواز نے ایک اور مبینہ آڈیو میں وزیر اعظم کو صحت کارڈ بند کرنے کا مشورہ دیا ہے۔

    تفصیلات کے مطابق کروڑوں پاکستانیوں کو علاج کی فری سہولت فراہم کرنے والے صحت کارڈ پر مریم نواز سیاست کرنے لگیں۔

    ایک اور لیک ہونے والی آڈیو میں انکشاف ہوا ہے کہ مریم نواز نے مبینہ طور پر وزیراعظم شہباز شریف کو فنڈز کی کمی کا بہانہ بنا کرعوام کیلئے ہیلتھ کارڈ کو بند کرنے کا مشورہ دیا ہے۔

    مریم نواز کی مبینہ آڈیو لیک میں ہونے والی گفتگو میں سنا جاسکتا ہے کہ عمران خان کے پاس صحت کارڈ کے علاوہ کچھ نہیں، جس کے جواب میں شہباز شریف کا کہنا ہے کہ وہ تو کوئی مسئلہ نہیں ہے۔

    مزید پڑھیں : مریم نواز کی ایک اور آڈیو لیک، دھمکی آمیز لہجے میں گفتگو

    یاد رہے کہ اس سے قبل بھی مسلم لیگ نواز کی نائب صدر مریم نواز کی ایک اور مبینہ آڈیو منظر عام پر آچکی ہے جس میں وہ کسی سے ان کا کہنا نہ ماننے پر وزیراعظم سے شکایت کی دھمکی دے رہی ہیں۔

    مریم نواز کا دھمکی آمیز لہجے میں مزید کہنا تھا کہ ان کو کہیں اگر آپ نہیں مانتے تو مجھے پرائم منسٹر سے بات کرنی پڑے گی۔

  • پاکستان کو قرض سے ریلیف کی ضرورت ہے، دنیا کو ساتھ کھڑا ہونا ہوگا: وزیر اعظم

    پاکستان کو قرض سے ریلیف کی ضرورت ہے، دنیا کو ساتھ کھڑا ہونا ہوگا: وزیر اعظم

    نیویارک: وزیر اعظم شہباز شریف کا کہنا ہے کہ پاکستان کو قرض سے خاطر خواہ ریلیف کی ضرورت ہے، دنیا کو پاکستان کے ساتھ کھڑا ہونا ہوگا۔ آج ہم موسمیاتی تبدیلی کا نشانہ بنے کل کوئی اور ملک بھی بن سکتا ہے۔

    تفصیلات کے مطابق وزیر اعظم شہباز شریف نے امریکی ٹی وی بلوم برگ کو انٹرویو دیتے ہوئے کہا کہ مجھے اس وقت سیلاب متاثرین کے ساتھ ہونا چاہیئے تھا، میں یہاں اس لیے ہوں کہ دنیا کو بتا سکوں ہمارے ملک میں کیا ہوا۔

    وزیر اعظم کا کہنا تھا کہ ہمارے ملک میں موسمیاتی تبدیلی کی وجہ سےکلاؤڈ برسٹ ہوا، موسمیاتی تبدیلی میں ہمارا حصہ نہیں ہے۔ پاکستان کا کاربن گیسز کا اخراج ایک فیصد سے بھی کم ہے۔ سیلاب سے 3 کروڑ 30 لاکھ افراد متاثر ہوئے، 400 بچوں سمیت 1500 افراد جاں بحق ہوئے، سیلاب کے باعث 4 ملین ایکڑ رقبے پر فصلیں تباہ ہوگئیں جبکہ 10 لاکھ گھر مکمل طور پر تباہ ہوگئے۔

    انہوں نے کہا کہ اقوام متحدہ کے سیکریٹری جنرل نے سیلاب زدہ علاقوں کا دورہ اور تباہی کا مشاہدہ کیا، انہوں نے سیلاب سے تباہی کو ناقابل یقین قرار دیا۔ امریکی صدر نے بھی پاکستان میں سیلاب سے متعلق بات کی ان کا شکر گزار ہوں۔

    وزیر اعظم کا کہنا تھا کہ ہمارے پاس وقت کم ہے، 3 لاکھ بچے وبائی امراض اور بھوک کا شکار ہیں، پاکستان کو قرض سے خاطر خواہ ریلیف کی ضرورت ہے۔ یو این سیکریٹری جنرل اور یورپی ممالک کے سربراہان سے کہا کہ ریلیف کے لیے مدد کی جائے۔

    انہوں نے کہا کہ سیلاب سے ابتدائی طور پر نقصان کا تخمینہ 30 بلین ڈالر لگایا گیا ہے، دنیا کو پاکستان کے ساتھ کھڑا ہونا ہوگا۔ آئی ایم ایف اور ورلڈ بینک سے بات کی کہ متاثرہ افراد کے لیے پروگرام بنایا جائے۔

    وزیر اعظم کا کہنا تھا کہ ہمیں ہر ماہ پیٹرول اور بجلی کی قیمت بڑھانا پڑتی ہے، میری روسی صدر سے ملاقات ہوئی۔ روسی صدر سے پیٹرول خریدنے اور اناج کی برآمد کی بات کی۔

    انہوں نے کہا کہ پاکستان میں تمام دوستوں کی طرف ہاتھ بڑھاتا ہوں، سیاست چھوڑ کر ہم سب کو مل کر کام کرنا ہوگا۔ آج ہم موسمیاتی تبدیلی کا نشانہ بنے کل کوئی اور ملک بھی بن سکتا ہے۔

    وزیر اعظم کا مزید کہنا تھا کہ بھارت ہمارا پڑوسی ہے اور ہمیں ہمیشہ ساتھ رہنا ہے، یہ ہمیں طے کرنا ہے کہ پرامن پڑوسی بن کررہنا ہے یا کشیدگی برقرار رکھنا چاہتے ہیں، بھارت کے ساتھ صرف ایک مسئلہ ہے اور وہ کشمیر کا ہے، بھارت کشمیر پر بات کرنے کو تیار ہے تو ہم بھی مذاکرات کے لیے تیار ہیں۔

  • وزیر اعظم کو بیرون ممالک سے ملنے والے تحائف، شہباز شریف نے نئی روایت قائم کر دی

    وزیر اعظم کو بیرون ممالک سے ملنے والے تحائف، شہباز شریف نے نئی روایت قائم کر دی

    اسلام آباد: وزیر اعظم شہباز شریف نے بیرون ممالک سے ملنے والے تحائف سرکاری خزانے میں جمع کروا دیے اور ان کی ہدایت پر تحائف کو مستقل طور پر وزیر اعظم ہاؤس میں رکھا جائے گا جنہیں عوام بھی دیکھ سکیں گے۔

    تفصیلات کے مطابق وزیر اعظم شہباز شریف نے وزیر اعظم ہاؤس میں نئی روایت قائم کر دی، وزیر اعظم کو ملنے والے غیر ملکی تحائف وزیر اعظم ہاؤس میں مستقل طور پر رکھے جائیں گے۔

    بیرون ممالک سے ملنے والے تحائف عوام بھی دیکھ سکیں گے، وزیر اعظم کی ہدایت پر وزیر اعظم ہاؤس میں جگہ بھی مختص کر دی گئی۔

    بیرون ممالک سے ملنے والے تحائف وزیر اعظم نے سرکاری خزانے میں جمع کروا دیے ہیں، توشہ خانے میں جمع کروائے گئے تحائف کی مالیت 27 کروڑ روپے ہے۔ قیمتی تحائف وزیر اعظم کو خلیجی ممالک کے دوروں کے دوران ملے تھے۔

    تحائف میں ہیرے جڑی 2 قیمتی گھڑیاں بھی شامل ہیں، ایک گھڑی کی مالیت 10 کروڑ اور دوسری کی قیمت 17 کروڑ روپے بتائی گئی ہے، اس کے علاوہ قیمتی قلم، انگوٹھی، کف لنکس اور خوشبویات کے تحائف بھی توشہ خانےمیں جمع کروائے گئے ہیں۔

    شہباز شریف اس سے قبل بطور وزیر اعلیٰ بھی 10 سال تک ملنے والے تحائف توشہ خانہ میں جمع کرواتے رہے ہیں۔