ARYNews.tv | Urdu – Har Lamha Bakhabar

Tag: shehbaz

  • رمضان شوگر ملز ریفرنس ، شہباز شریف اور حمزہ شہباز کو 4 مارچ کے لئے نوٹس جاری

    رمضان شوگر ملز ریفرنس ، شہباز شریف اور حمزہ شہباز کو 4 مارچ کے لئے نوٹس جاری

    لاہور : احتساب عدالت نے رمضان شوگر ملز ریفرنس میں شہباز شریف اور حمزہ شہباز کو 4 مارچ کے لئے نوٹس جاری کر دیئے، نیب نے گذشتہ روز رمضان شوگر ملز کا باضابطہ ریفرنس دائر کیا تھا۔

    تفصیلات کے مطابق احتساب عدالت کے جج نجم الحسن نے رمضان شوگر ملز کیس کی سماعت کی، نیب کی جانب سے رمضان شوگر ملز کا باضابطہ ریفرنس گذشتہ روز عدالت میں دائر کیا گیا، ریفرنس میں شہباز شریف اور حمزہ شہباز کو نامزد کیا گیا ہے۔

    ریفرنس میں کہا گیا کہ شہبازشریف نے اپنے خاندان کی مل کو فائدہ پہنچانے کے لئے عوامی مفاد کا نام لیا، شہباز شریف کے اس فیصلے سے سرکاری خزانے کو 213 ملین کا نقصان ہوا، سرکاری خزانے کا نقصان شہباز اور حمزہ شہباز کی ملی بھگت سے ہوا۔ اتنے شواہد موجود ہیں کہ ریفرنس دائر کیا تاکہ کیس چلایا جا سکے۔

    ریفرنس میں کہا گیا کہ حمزہ شہباز کے خلاف انکوائری جاری ہے، مکمل ہونے پر ضمنی ریفرنس دائر کیا جائے گا، شہباز شریف اور حمزہ شہباز کے خلاف ٹرائل جلد مکمل کر کے قانون کے مطابق سزاء دی جائے۔

    مزید پڑھیں : شہباز شریف اور حمزہ شہباز کے خلاف رمضان شوگرملز ریفرنس دائر

    نیب ریفرنس میں مزید کہا گیا کہ رمضان شوگر ملز اس وقت کے وزیراعلی اور ان کے خاندان کی ملکیت ہے، رمضان شوگر ملز کے لیے 9 سے دس کلومیٹر طویل نالہ تعمیر کیا، حکام نے دھوکہ دہی سے اس نالے کی تعمیر کو مقامی آبادیوں کے لئے ضروری قرار دیا۔ تفتیش سے یہ بات ثابت ہوئی کہ نالے کی تعمیر رمضان شوگر ملز کی نکاسی آب کے لئے کی گئی۔

    نیب کے مطابق گذشتہ برس چار جولائی کو شہبازشریف اور رمضان شوگر ملز انتطامیہ کے خلاف انکوائری شروع کی گئی، تفتیش سے ثابت ہوا کہ شہباز شریف نے رمضان شوگر ملز کو فائدہ دینے کے لیے اپنے اختیارات کا غلط استعمال کیا۔

    جس پر عدالت نے شہباز شریف اور حمزہ شہباز کو چار مارچ کے لئے نوٹس جاری کر دیئے۔

    یاد رہے 2 فروری کو لاہور میں ڈی جی نیب شہزاد سلیم کی زیرصدارت ریجنل بورڈ کے اجلاس میں رمضان شوگر ملز کیس کا ریفرنس منظوری کیلئے نیب ہیڈ کوارٹر ارسال کرنے کا حکم جاری کیا گیا تھا، ریفرنس میں شہباز شریف اور ڈائریکٹر رمضان شوگر ملز حمزہ شہباز کو مرکزی ملزم نامزد کیا گیا تھا، ملزمان پر مبینہ طور پر21کروڑ روپے کی کرپشن کی تحقیقات جاری تھیں۔

    واضح رہے قومی اسمبلی میں اپوزیشن لیڈر شہباز شریف کے دونوں بیٹوں حمزہ شہباز اور سلمان شہباز پر سرکاری خزانے کے غیر قانونی استعمال کا الزام ہے۔

    خیال رہے سابق وزیراعلیٰ پنجاب اور قومی اسمبلی میں اپوزیشن لیڈر کے عہدے پر برا جمان شہباز شریف اس وقت مختلف کیسز کا سامنا ہے، لاہور ہائی کورٹ نے آشیانہ اوررمضان شوگرملزکیس میں شہبازشریف کی درخواست ضمانت منظور کرکے 1 ،1 کروڑ روپے مچلکے جمع کرانے اور رہائی کا حکم دیا تھا جبکہ حمزہ شہباز بیٹی کی خراب طبیعت کے باعث لندن میں ہیں۔

  • ایم ایم اے کا وزیراعظم کے لئے شہباز شریف کو ووٹ نہ دینے کا عندیہ

    ایم ایم اے کا وزیراعظم کے لئے شہباز شریف کو ووٹ نہ دینے کا عندیہ

    لاہور : پیپلزپارٹی کے بعد ایم ایم اے نے بھی وزیراعظم کے لئے شہباز شریف کو ووٹ نہ دینے کا عندیہ دے دیا، ایم ایم اے کا کہنا ہے کہ ن لیگ نے اے پی سی کے فیصلوں سے روگردانی کی۔

    تفصیلات کے مطابق متحدہ اپوزیشن کے اتحاد میں پھوٹ پڑگئی، پیپلزپارٹی کےبعد ایم ایم اے بھی ن لیگ سے منحرف ہوگئی، ایم ایم اے نے وزیراعظم کے لئے نامزد امیدوار شہباز شریف کو ووٹ نہ دینے کا عندیہ دے دیا ہے۔

    ایم ایم اے کا مؤقف ہے کہ ن لیگ نے اے پی سی کے فیصلوں سے روگردانی کی۔

    ایم ایم اے کے رہنما لیاقت بلوچ کا کہنا ہے کہ وزیراعظم کے ووٹ کے لئے جماعت اسلامی پابند نہیں، اپوزیشن کو واضح اور دو ٹوک ترجیحات طے کرنا ہوں گی۔

    مزید پڑھیں : شہباز شریف کو وزارتِ عظمیٰ کے لیے ووٹ نہیں دیں گے، چوہدری منظور

    گزشتہ روز پیپلزپارٹی چیئرمین بلاول بھٹو زرداری کا بیان سامنے آیا تھا، جس میں ان کا کہنا تھا کہ ن لیگ سے وزیراعظم کا امیدوار تبدیل کرنے کا مطالبہ کریں گے، شہبازشریف کو ووٹ نہیں دیں گے۔

    قومی اسمبلی میں اسپیکر کے انتخاب کے دوران بھی دیکھا گیا کہ پیپلز پارٹی نے احتجاج کے دوران مسلم لیگ نواز کا ساتھ نہیں دیا تھا۔

    پیپلزپارٹی رہنماچوہدری منظورنے بھی تصدیق کرتے ہوئے کہا تھا کہ پیپلزپارٹی کی مرضی کا امیدوار نہ آیا تو ہوسکتا ہے، ووٹنگ میں حصہ ہی نہ لیں۔

    ان کا کہنا تھا کہ ہم شہبازشریف کوووٹ نہیں دیں گے، زرداری صاحب رائیونڈ گئے تو شہبازشریف سے نہیں ملے۔

    دوسری جانب پاکستان مسلم لیگ (ن) اپنے فیصلے پر ڈٹ گئی ہے اور کہا کہ شہباز شریف ہی اپوزیشن کی طرف سے وزارتِ عظمیٰ کے لیے امیدوار ہوں گے۔

    مسلم لیگ (ن) نے فیصلہ کیا ہے کہ پیپلز پارٹی کو قائل کرنے کی آخری وقت تک کوشش کی جائے گی کہ وہ وزارتِ عظمیٰ کے لیے شہباز شریف کی حمایت کرے،  اگر پی پی نے ساتھ نہ دیا تو بھی عمران خان کے لیے میدان خالی نہیں چھوڑا جائے گا۔

    خیال رہے وزیر اعظم کا انتخاب کل سہ پہر ساڑھے 3بجے ہوگا،عمران خان اور شہباز شریف کی جانب سے کاغذات نامزدگی جمع کرائے گئے ہیں۔

  • شہباز شریف کے گرد بھی نیب کا گھیرا تنگ، 16 جولائی کو طلب

    شہباز شریف کے گرد بھی نیب کا گھیرا تنگ، 16 جولائی کو طلب

    لاہور: نواز شریف، مریم نواز اور کیپٹن ریٹائرڈ صفدر کے بعد سابق وزیر اعلیٰ پنجاب شہباز شریف کے گرد بھی نیب کا گھیرا تنگ ہونے لگا، 16 جولائی کو طلب کر لیا گیا۔

    تفصیلات کے مطابق سابق وزیر اعظم نواز شریف، ان کی صاحبزادی مریم نواز اور داماد کیپٹن ریٹائرڈ صفدر کی سزاؤں کے بعد سابق وزیر اعلیٰ پنجاب شہباز شریف کے گرد قانون کا گھیرا تنگ ہوتا جارہا ہے۔

    ن لیگی صدر کو پاک پاور سپلائی کیس میں نیب لاہور نے سولہ جولائی کو طلب کیا ہے، جہاں ان سے مذکورہ کیس سے متعلق سوالات کیے جائیں گے۔

    نوازشریف، مریم نواز کو لے کر غیرملکی ایئرلائن کی پرواز لندن سے روانہ

    قبل ازیں انہوں نے آج لاہور میں پریس کانفرنس بھی کی، اس موقع پر شہباز شریف کا کہنا تھا کہ یاد رکھیں وقت ایک جیسا نہیں رہتا، پاکستان کے سابق وزیر اعظم جانتے ہیں کہ انہیں جیل کی سلاخوں کے پیچھے ڈال دیا جائے گا۔

    انہوں نے یہ بھی کہا تھا کہ نواز شریف جانتے ہیں انہیں کوئی ٹرافی نہیں دی جائے گی، میاں صاحب کا پاکستان پہنچنے پر فقید المثال استقبال کیا جائے گا، ہمیں ڈرانے والے یاد رکھیں وقت کبھی بھی ایک جیسا نہیں رہتا۔

    نواز شریف کا فقید المثال استقبال کیا جائے گا، شہباز شریف

    خیال رہے کہ ایون فیلڈ ریفرنس میں سزا پانے والے نواز شریف اور مریم نواز کو لے کر غیر ملکی ایئرلائن کی پرواز لندن سے روانہ ہوچکی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • نوازشریف ،شہبازشریف اور رانا ثنااللہ31 دسمبر تک سرینڈرکردیں،طاہرالقادری

    نوازشریف ،شہبازشریف اور رانا ثنااللہ31 دسمبر تک سرینڈرکردیں،طاہرالقادری

    لاہور: سربراہ پاکستان عوامی تحریک ڈاکٹر طاہرالقادری کا کہنا ہے کہ نوازشریف، شہبازشریف اور رانا ثنااللہ 31 دسمبر تک سرینڈر کردیں،31 دسمبر کے بعد آئندہ کے لائحہ عمل کااعلان کروں گا، نوازشریف کا عدلیہ کے فیصلوں کو دوہرا معیار قرار دینا آئینی بغاوت ہے۔

    تفصیلات کے مطابق سربراہ پاکستان عوامی تحریک ڈاکٹر طاہرالقادری نے میڈیا سے گفتگو کرتے ہوئے کہا کہ نوازشریف نےآج پھر عدلیہ کیخلاف ہرزہ سرائی کی، نوازشریف نے ہرزہ سرائی کرکےبغاوت کاارتکاب کیاہے، عدلیہ کے فیصلوں کو دوہرا معیار قرار دینا آئینی بغاوت ہے۔

    ڈاکٹر طاہرالقادری کا کہنا تھا کہ عدل وانصاف کاخون کرنے والے عدلیہ کی حرمت کاخون کررہےہیں، یہ لوگ ملک میں بغاوت کا ماحول پیدا کرنے کی کوشش کر رہے ہیں، اہم اداروں اور عدلیہ سے درخواست ہے ہرزہ سرائی کا نوٹس لیں۔

    سانحہ ماڈل ٹاؤن کے انصاف میں تاخیر برداشت نہیں کریں گے

    پی اے ٹی سربراہ نے کہا کہ سانحہ ماڈل ٹاؤن کے انصاف میں تاخیر برداشت نہیں کریں گے، ہوسکتا ہے آج میں ٹائم فریم کا اعلان کردوں، تھوڑا انتظار کریں، سانحہ ماڈل ٹاؤن میں 14بے گناہ معصوم شہریوں کو خون بہایا گیا، سانحہ ماڈل ٹاؤن کےانصاف کیلئے زیادہ انتظار نہیں کروں گا۔

    انکا کہنا تھا کہ بریفنگ کے اختتام پر شاید ایک اور وارننگ کا اعلان کردوں، شہبازشریف سانحہ ماڈل ٹاؤن کےوقت اورآج بھی وزیراعلیٰ ہیں، ساڑھے3 سال سے انصاف مانگ رہے ہیں، ریاست کی ذمےداری ہے ، شہریوں اور ریاستی اداروں کی حفاظت کرے۔

    طاہرالقادری  نے کہا کہ حکمرانوں نے سانحہ ماڈل ٹاؤن کوسنجیدہ نہیں لیا، ریاست سے کہتا ہوں ریاستی اداروں کی حرمت کو للکارا جارہا ہے، ٹارگٹ کیلئے لاشیں گرانے کا حکم دیا گیا یہ بات ریکارڈ پر ہے، ریاست،ریاستی ادارے، نوازشریف، شہبازشریف جواب دیں۔

    نوازشریف اورشہبازشریف دسمبرکےآخرتک سرینڈرکردیں

    ان  کا کہنا تھا کہ نجفی رپورٹ میں لکھاہے13تھانوں کی پولیس کوماڈل ٹاؤن بھیجاگیا، سانحہ ماڈل ٹاؤن کے کسی بھی ذمہ دار کیخلاف کارروائی نہیں ہوئی۔

    سربراہ پاکستان عوامی تحریک نے کہا کہ نوازشریف اورشہبازشریف دسمبرکےآخرتک سرینڈرکردیں،دسمبرکےآخرتک وقت دے رہاہوں، ہمیں انصاف فراہم کریں نوازشریف اورشہبازشریف آپ کوقتل عام کا جواب دیناہوگا، نوازشریف اورشہبازشریف کو14شہیدوں کابدلہ دیناہوگا۔

    نوازشریف اورشہبازشریف کو14شہیدوں کابدلہ دیناہوگا۔

    انکا مزید کہنا تھا کہ چنددنوں کی بات ہےسن لیں ورنہ میں اہم اعلان کروں گا، جن لوگوں نےآپ کاحکم ماناان لوگوں کو آپ نے نوازا، آپ کے مرضی کے ریفریوں کے ساتھ میچ نہیں ہونے دینگے،

    دسمبرکےآخرتک انصاف،عہدے چھوڑنے کا وقت دےرہاہوں

    علامہ طاہر القادری نے کہا کہ  راناثنااللہ31دسمبرتک استعفیٰ دے دیں، 31 دسمبرکےبعدآئندہ کےلائحہ عمل کااعلان کروں گا، دسمبرکےآخرتک انصاف،عہدے چھوڑنے کا وقت دےرہاہوں، آپ کی مرضی کےبینچ نہیں چاہتے، ایک کیس کافیصلہ سامنےآیااورآپ چیختےپھررہےہیں، ایک اورفیصلہ آئیگا، جس میں آپ کی چیخیں دنیا میں سنی جائیں گی۔

    ایک کیس کا فیصلہ آگیا، ایک اورفیصلہ آئیگا، جس میں آپ کی چیخیں دنیا میں سنی جائیں گی

    سربراہ پی اے ٹی کا کہنا تھا کہ 31 دسمبرتک شہبازشریف راناثنااللہ خودکوقانون کےحوالےکریں،طاہرالقادری سیکریٹریزوزیراعلیٰ کےماتحت تھے بڑا آپریشن کیسے ہوگیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • شہبازشریف نے ماڈل ٹاؤن میں لوگوں کا ناحق خون بہایا،پرویزالٰہی

    شہبازشریف نے ماڈل ٹاؤن میں لوگوں کا ناحق خون بہایا،پرویزالٰہی

    گجرات : کستان مسلم لیگ کے سینئرمرکزی رہنما چودھری پرویزالٰہی نے کہا ہے کہ شہبازشریف نےماڈل ٹاؤن میں لوگوں کاناحق خون بہایا، قتل عام کے مجرم شہبازشریف اور رانا ثناء اللہ کو سزائیں ملیں تو آئندہ کسی بیگناہ شہری کو خون میں نہلانے کی جرات نہیں ہوگی۔

    تفصیلات کے مطابق گجرات میں ظہورالٰہی شہید کی برسی سے خطاب کرتے ہوئے چودھری پرویزالٰہی نے کہا کہ چودھری ظہورالٰہی کی شہادت پر تمام مخالفین اکٹھے ہو گئے اور ہمارے خاندان کی سیاست کو ختم کرنے کی ہر ممکن کوشش کی مگر اس مقصد میں ناکام رہے جس کا ثبوت آپ سب کی یہاں موجودگی ہے۔

    چودھری پرویزالٰہی نے کہا کہ شہبازشریف چھوٹوگینگ سمجھتے ہیں یہ بچ جائیں گے، شہبازشریف نےماڈل ٹاؤن میں لوگوں کاناحق خون بہایا، 14 افراد کی شہادت پرشہبازشریف اورساتھیوں کوسزاملےگی، ماڈل ٹاؤن کے ملزمان کو سزا ملے گی، جو تاریخ میں یاد رکھی جائے گی۔

    انکا کہنا تھا کہ جب عزت ہی نہ رہے تو حکمرانی اور دولت کاکیا فائدہ ہے، بتائیں کوئی ایسا کام جوانہوں نے غریب کیلئےکیاہو، غریبوں اورکسانوں سےشریف برادران نے حق چھیناہے، غریبوں سےتعلیم کاحق،دوائیاں چھینیں،اسپتالوں کاحال دیکھ لیں،پ عوام کےٹیکس کاتمام پیسہ انہوں نے میٹروبس پرلگادیا، ورلڈبینک نےکہا 63فیصدبجٹ لاہورمیں لگایاگیا، ہم نےاپنے دور میں میٹرک تک کتابیں مفت کی تھیں۔

    پاکستان مسلم لیگ کے سینئرمرکزی رہنما نے کہا کہ سابق آئی جی پنجاب سانحہ ماڈل ٹاؤن کےمرکزی ملزم ہیں، یہ لوگ چھوٹو گینگ نہیں پکڑ سکے عوام کا کیا تحفظ کرینگے، پورےجہان کوسمجھ آگئی انہیں کیوں نکالالیکن انہیں نہیں آرہی، انہیں کرپشن اورغریب عوام کاخون چوسنےپرنکالاگیا،پرویزالٰہی

    چودھری پرویزالٰہی کا کہنا تھا کہ نوازشریف کولوگوں نے دل سے بھی نکال دیا ہے، عام آدمی تو محبت ہی دے سکتا ہے پیسہ تو سارا ان کے پاس ہے، شریفوں کے لوگوں نےعوام کو دونوں ہاتھوں سے لوٹا ہے۔

    انھوں نے مزید کہا کہ پچیس سال سے ن لیگ حکومت میں ہے پھر بھی ان کی جگ ہنسائی ہو رہی ہے، خود ہی میچ کرواتے ہیں اس میں اور جہاں بھی جاتے ہیں چور چور کے نعرے لگتے ہیں، ایسی دولت اور حکمرانی کا کیا فائدہ جس میں عزت ہی نہ رہے۔

    نوازشریف نے ذاتی انا کیلئے ہر وہ کام کیا جو ان کے حق میں اور ملک کے خلاف ہو، چودھری شجاعت حسین

    دوسری جانب چودھری شجاعت حسین نے کہا کہ میں نے آج تک پاکستان میں اتنا برا وقت نہیں دیکھا، نوازشریف نے ذاتی انا کیلئے ہر وہ کام کرنے کی کوشش کی جو ان کے حق میں اور ملک کے خلاف ہو۔

    انہوں نے کہا کہ ہر جگہ گو نواز گو ہو رہا ہے، دنیا میں ایک جگہ ایسی ہے جہاں دشمن جا کر بھی ایسا نہیں کرتا، مسجد نبوی کے اندر بھی چور چور کے نعرے لگ گئے ، اس سے زیادہ اور کیا بے عزتی ہو سکتی ہے۔

    چودھری شجاعت حسین کا کہنا تھا کہ انہیں اپنا نہیں تو اپنے مرحوم والد کا ہی خیال کرنا چاہئے، نوازشریف نے تو اپنی بیٹی کو بھی نہیں معاف کیا، جعلی دستاویزات پر اس کے دستخط کروا لیے اور پھر کہتے ہیں کہ مجھے کیوں نکالا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سانحہ ماڈل ٹاؤن:عدالتی حکم کے باوجود مقدمہ درج نہ ہو سکا

    سانحہ ماڈل ٹاؤن:عدالتی حکم کے باوجود مقدمہ درج نہ ہو سکا

    لاہور: عدالتی حکم کے باوجود فیصل ٹائون پولیس نوازشریف اور شہباز شریف سمیت اکیس افراد کے خلاف مقدمہ درج کرنے میں لیت لعل سے کام لینے لگی۔ فیصل ٹائون پولیس نے سیشن کورٹ کے حکم کے باوجود اب تک مقدمہ درج نہیں کیا ، فیصل ٹائون پولیس کا کہنا ہے کہ نہ تو مقدمہ درج کرنے کیلئے عدالتی احکامات موصول ہوئے نہ کسی مدعی نے تھانے کا رخ کیا۔مقدمہ عدالتی احکاما ت ملنے بعد ہی درج کیا جا سکتا ہے ۔

    گزشتہ روز سیشن کورٹ نے وزیراعظم۔ وزیراعلیٰ پنجاب اورآٹھ وزرا سمیت اکیس افراد کے خلاف ماڈل ٹاون فائرنگ کامقدمہ درج کرنے کا حکم ایڈیشنل سیشن جج راجہ اجمل نے ادارہ منہاج القرآن کی درخواست پر دیا تھا ۔ درخواست میں موقف اختیار کیا گیاتھا کہ وزیراعظم ، وزیراعلیٰ پنجاب ، پرویز رشید، خواجہ سعد رفیق ، رانا ثنااللہ اور ڈاکٹر توقیر شاہ اور چوہدری نثار سمیت اکیس شخصیات پر سانحہ ماڈل ٹاون کی براہ راست ذمہ داری عائد ہوتی ہے۔

    استغاثہ اور صفائی کے وکلا کے دلائل سننے کے بعد عدالت نے پولیس کو منہاج القرآن کا موقف ریکارڈ کرنےاورقانون کے مطابق مقدمہ درج کرنے کا حکم دیا تھا ۔