Tag: Shehryar Afridi

اسلام آباد: وزیرمملکت برائے داخلہ شہریار خان آفریدی کا کہنا ہے کہ نیوزی لینڈ میں شہید پاکستانیوں کے خاندان کےغم میں برابرشریک ہیں۔

تفصیلات کے مطابق وزیرمملکت برائے داخلہ شہریار خان آفریدی نے سماجی رابطے کی ویب سائٹ ٹویٹر پراپنے پیغام میں نیوزی لینڈ حملے میں شہید ہونے والے پاکستانیوں کے لواحقین سے ہمدردی کا اظہار کیا۔

شہریارخان آفریدی نے کہا کہ شہید پاکستانیوں کے خاندان کےغم میں برابرشریک ہیں، انہوں نے کہا کہ دکھ کی اس گھڑی میں پاکستانی عوام نیوزی لینڈ کے ساتھ ہے۔

وزیرمملکت برائے داخلہ نے اپنے پیغام میں مزید کہا کہ دہشت گردی کا کوئی مذہب نہیں ہوتا۔

My prayers for Pakistani citizens who lost their life in #ChristchurchTerrorAttack, Terrorism has no Religion. We have been fighting wd this menace & we realize the pain. Our another brave soul Naeem Rashid tried to combat the terrorist bravely. Pak is with NZ in these dark days.

— Shehryar Afridi (@ShehryarAfridi1) March 16, 2019

نیوزی لینڈ کی 2 مساجد میں فائرنگ‘ 49 افراد جاں بحق

یاد رہے کہ گزشتہ روز نیوزی لینڈ کی دو مساجد میں دہشت گرد حملے کیے گئے جس کے نتیجے میں خواتین وبچوں سمیت 49 افراد جاں بحق اور 20 زخمی ہوئے تھے۔

مرکزی حملہ آور کی شناخت 28 سالہ برینٹن ٹیرنٹ کے نام سے ہوئی ہے اور وہ آسٹریلوی شہری ہے جس کی تصدیق آسٹریلوی حکومت نے کردی۔

اسلام آباد: وزیر مملکت برائے داخلہ شہریار آفریدی کا کہنا تھا کہ بھارت کو پیغام ہے الزام سے نکلو، دلائل سے بات کرو۔ ہم امن کے داعی ہیں، عزت دیں گے۔ ہمیں کوئی نہ بتائے کہ جنگ کیا ہوتی ہے۔

تفصیلات کے مطابق وزیر مملکت برائے داخلہ شہریار آفریدی کا کہنا تھا کہ خواتین کی بڑی تعداد بنیادی تعلیم سے محروم رہ جاتی ہیں، ہم نے انسانیت کو عزت دینی ہے۔ انسان سے نفرت نہیں کرنی، عزت دینی ہے۔

شہریار آفریدی کا کہنا تھا کہ بھارت کو پیغام ہے الزام سے نکلو، دلائل سے بات کرو۔ ہم امن کے داعی ہیں، عزت دیں گے۔ ہمیں کوئی نہ بتائے کہ جنگ کیا ہوتی ہے۔

انہوں نے کہا کہ پاکستانی قوم کی عزت و وقار پر آج دنیا حیران ہے، اس دھرتی پر سب قربان ہے۔

اس سے قبل ایک تقریب کے دوران شہریار آفریدی کا کہنا تھا کہ دنیا کو پیغام دینا ہے پاکستانی قوم ایک ذمہ دار قوم ہے، ملک میں انصاف اور امن ہمارا مقصد ہے، انتہا پسندی اور تنگ نظری کا خاتمہ کردیا ہے۔ پاکستان کی پوری دنیا عزت کر رہی ہے۔

وزیر داخلہ کا کہنا تھا کہ پاکستان نے دہشت گردی کے خلاف کامیابی سے جنگ لڑی، عوام نے دہشت گردی کی جنگ میں بے پناہ قربانیاں دیں۔ دشمنوں نے پاکستانیوں کو آپس میں لڑانے کے لیے حربے استعمال کیے۔

انہوں نے کہا تھا کہ دشمن کے حربے ناکام بنانے پر قوم کے سپوت ستائش کے قابل ہیں، پاکستانیوں جاگ جاؤ اور دشمن کو بتا دو کہ ہم متحد ہیں۔ ’اب پاکستان کے فیصلے پاکستان میں ہوں گے، سر نہیں جھکائیں گے‘۔

اسلام آباد : وزیرِ مملکت شہریار آفریدی کا کہنا ہے کہ مسلمان آج ڈراہوا،سہما ہوا ہےکچھ کر نہیں پارہا، جاگ جاؤ مسلمانو جاگ جاؤ اور دنیاکوبتادو کہ ہم ایک مضبوط قوم ہیں ، پوری قوم دیکھےگی ساہیوال واقعے کے ذمہ داروں کوکیسےعبرت کانشان بنایاجائے گا۔

تفصیلات کے مطابق وزیرمملکت برائےداخلہ شہریارآفریدی نے تقریب سے خطاب کرتے ہوئے کہا آج ہم نے دنیا کو مثبت جواب دینا ہے، مسلمان آج ڈراہوا،سہما ہوا ہےکچھ کر نہیں پارہا ، آج چین اور پاکستان کے بہترین تعلقات ہیں ، غیرملکی وفود دیکھیں یہ وہ قابل لوگ ہیں جو خدمت کررہے ہیں۔

جاگ جاؤمسلمانوجاگ جاؤ اور دنیاکوبتادو کہ ہم ایک مضبوط قوم ہیں

شہریارآفریدی کا کہنا تھا کہ اٹھیں اورجاگیں دنیاکوبتادیں ہم ایک مضبوط قوم ہیں، آج مسلمان گھروں میں چھپ کربیٹھاہواہے، ہم نے عہد کرنا ہے کہ ہم کسی سے نفرت نہیں کریں گے، جاگ جاؤ مسلمانوجاگ جاؤ، ففتھ جنریشن وارجاری ہے ہم کنفیوزہوچکے ہیں، دشمن عناصر ہمیں جنگ میں مصروف رکھنا چاہتے ہیں۔

وزیرمملکت برائےداخلہ نے کہا جس ملک میں ڈھائی کروڑ بچے اسکول نہ جائیں وہ کیسےترقی کرے گا، آج ہم تنگ نظرہوتےجارہےہیں ، باشعورہوں گے تو کوئی یہ نہیں پوچھےگا بچوں پر فائرنگ کیوں کی گئی، ملک اپنے ابتدائی 2 دہائیوں میں سب سے تیزی سے ترقی کرنے والا تھا، پاکستان کے لوگ دنیا کے ہر شعبے میں مقابلہ کرسکتے ہیں۔

قوم اطمینان اوربھروسہ رکھےذمہ داروں کونشان عبرت بنائیں گے

ان کا کہنا تھا کہ کل قومی اسمبلی میں سانحہ ساہیوال سےمتعلق بحث ہوئی، جےآئی ٹی رپورٹ کےبعدملزمان کونشان عبرت بنایاجائیگا، پوری قوم دیکھےگی ذمہ داروں کوکیسےعبرت کانشان بنایاجائے گا، آئین ہر شخص کو فیصلے کرنے کا اختیار نہیں دیتا، انکوائری ہونے دیں۔

شہریارآفریدی نے کہا وزیراعظم عمران خان قطرے کے دورے میں مصروف ہیں، کیسے نہتے انسانوں کو قتل کیاگیا، مجرموں کو سزا ضرور ملےگی، جج یا وکیل نہیں، جے آئی ٹی رپورٹ کا تھوڑا انتظار کرلیں، جےآئی ٹی کی رپورٹ جیسے ہی آئے گی ذمہ داروں کو سزادی جائے گی، قوم اطمینان اور بھروسہ رکھے ذمہ داروں کو نشان عبرت بنائیں گے۔