Tag: Shehryar Afridi

لاہور: وزیر مملکت برائے داخلہ شہریار آفریدی کا کہنا ہے کہ ہماری ذمہ داری ہے کہ قوم کو حقیقت بتائیں۔ یورپ اور امریکا سے سیکھیں لیکن واپس آئیں اور خدمت کریں، مستقبل پاکستان ہے یہ ملک ترقی کرے گا اور بہت آگے جائے گا۔

تفصیلات کے مطابق وزیر مملکت برائے داخلہ شہریار آفریدی نے تقریب سے خطاب کرتے ہوئے کہا کہ تعلیمی اداروں میں منشیات کی بات کروں تو کہتے ہیں سخت باتیں کرتے ہیں، یہ ہماری ذمہ داری ہے کہ قوم کو حقیقت بتائیں۔

شہریار آفریدی نے کہا کہ ہائبرڈ وار کے تحت آپ پر کام ہو رہا ہے، آپ کو تقسیم کیا جا رہا ہے۔ بلوچستان، فاٹا اور گلگت بلتستان فرسٹ لائن آف ڈیفنس ہیں۔ یورپ اور امریکا سے سیکھیں لیکن واپس آئیں اور خدمت کریں۔

انہوں نے کہا کہ دنیا میں کوئی چیز ناممکن نہیں، ہمت کی جائے تو ہر کام ممکن ہے۔ مستقبل پاکستان ہے یہ ملک ترقی کرے گا اور بہت آگے جائے گا۔

خیال رہے کہ چند روز قبل شہریار آفریدی نے کہا تھا کہ اسلام آباد کے ٹاپ اسکولوں میں ایک سروے کیا گیا، معلوم ہوا کہ 75 فیصد لڑکیاں کرسٹل آئس استعمال کرتی ہیں اور 45 فیصد لڑکے کرسٹل استعمال کرتے ہیں۔

شہریار آفریدی نے یہ بھی کہا تھا کہ یہ اعداد و شمار انتہائی تشویشناک ہیں، معاشرہ تباہ ہو رہا ہے، والدین کو اس کا احساس کرنا ہوگا کہ ان کے بچے کیا کر رہے ہیں کہاں جا رہے ہیں۔

اسلام آباد: وزیرِ مملکت برائے داخلہ شہریار آفریدی نے کہا ہے کہ مولانا سمیع الحق کے قتل کی 90 فی صد تحقیقات مکمل ہو چکی ہیں تاہم جب تک مکمل تحقیقات نہ ہوں کوئی بات نہیں کرنی چاہیے۔

تفصیلات کے مطابق وزیرِ مملکت کا کہنا ہے کہ مولانا سمیع الحق کے قتل کی نوّے فی صد تحقیقات مکمل ہو چکیں لیکن ابھی کچھ بتا نہیں سکتا کیوں کہ قتل کی تحقیقات متاثر ہونے کا خدشہ ہے۔

[bs-quote quote=”وزیرِ اعظم عمران خان نے شہید طاہر داوڑ کی فیملی کے لیے 5 کروڑ امداد کا اعلان کیا ہے۔” style=”style-7″ align=”left” color=”#dd3333″ author_name=”شہریار آفریدی” author_job=”وزیرِ مملکت برائے داخلہ”][/bs-quote]

اسلام آباد میں پریس کانفرنس کرتے ہوئے شہریار آفریدی نے کہا کہ پولیس افسر طاہر داوڑ کی شہادت سے خاندان ہی نہیں جنوبی اور شمالی وزیرستان کا بھی نقصان ہوا، وزیرِ اعظم نے یقین دہانی کرائی ہے کہ اس سلسلے میں پارلیمانی کمیٹی جے آئی ٹی بنائے گی۔

وزیرِ مملکت نے کہا کہ وزیرِ اعظم عمران خان نے شہید طاہر داوڑ کی فیملی کے لیے 5 کروڑ امداد کا اعلان کیا ہے، شہید افسر کے بھائی کو پولیس میں نوکری دی جائے گی۔

شہریار آفریدی نے کہا ’کچھ لوگ قوم اور زبان کی بنیاد پر سیاست کر رہے ہیں، وہ ملک میں لسانی سیاست کو ہوا دینا چاہتے ہیں، افغانستان ہمارا برادر ملک ہے، طاہر داوڑ اپنے گھر کے ساتھ ساتھ 4 خاندانوں کا کفیل تھا، آج ریاست اور اسٹیک ہولڈرز میں خلیج ہو تو فائدہ دشمن کو ہوگا۔‘

یہ بھی پڑھیں:   ماحولیات کے لیے بہتر پالیسی اپنانا ہوگی: شہریار آفریدی

انھوں نے مزید کہا ’تمام اسٹیک ہولڈرز کو وقت سے پہلے بات نہیں کرنی چاہیے، پاکستان کے تمام ادارے ایک پیج پر ہیں، سوال یہ ہے کہ طاہر داوڑ کو کیسےافغانستان منتقل کیا گیا، پارلیمانی کمیٹی کا مقصد اوورسائٹ اور قوم کو فیکٹ سے آگاہ کرنا ہے، بہادر سپوتوں کی ذمہ داری حکومت پر ہوتی ہے۔‘

شہریار آفریدی کا یہ بھی کہنا تھا کہ اسلام آباد کے نئے آئی جی کے آنے کے بعد 40 فی صد جرائم کم ہوئے، اصلاحات ہی مسائل کا حل ہے، میرا دفتر سب کے لیے کھلا ہے، مجھے دھمکیاں بھی مل رہی ہیں۔

اسلام آباد : وزیرمملکت برائےداخلہ شہریارآفریدی کا کہنا ہے کہ دنیا ہمارے وجود کو تسلیم کرے، ہمیں اپنوں کو خوش کرنا ہے غیروں کو نہیں، ہمارے لئے سب سے پہلے پاکستان ہے، ہندوستان کا افغانستان پر اثر و رسوخ اس قدر بڑھ گیا ہے کہ افغانستان نے ہمیں ہمارے پولیس افسر کی لاش دینے سےانکار کردیا۔

تفصیلات کے مطابق اسلام آباد میں وزیرمملکت برائےداخلہ شہریارآفریدی نے تقریب سے خطاب کرتے ہوئے کہا خطےکی سلامتی میں ہم اہم شراکت دارہیں، دنیاہمارےوجودکوتسلیم کرے، کیانیشنل سیکیورٹی یہ ہے کہ کوئی جب چاہے جوچاہے بیان دیدے۔

وزیرمملکت برائےداخلہ کا کہنا تھا کہ ماضی میں اپنوں کوچھوڑ کردیگرکے مفاد کا خیال رکھا گیا، ماضی میں قومی سلامتی کو کبھی ترجیح نہیں دی گئی، ہمیں اپنوں کوخوش کرنا ہے غیروں کو نہیں، ہمارے لئے سب سے پہلے پاکستان ہے اورہونابھی چاہیے۔

شہریارآفریدی نے کہا افغانستان اورایران کی سرحدیں ماضی میں غیر محفوظ تھیں، ہمارےہاں حالات کے مطابق پہلے منصوبہ بندی کیوں نہیں کی جاتی، ہمیں کہا جاتا ہے کہ اس طرح کرو اس طرح ہوگا، ان کےایجنڈے پر چلنے کے لیے پہلے دانا ڈالا جاتا ہے، ٹریپ کیا جاتا ہے، اب پاکستان ان کے ایجنڈے پر نہیں چلے گا۔

[bs-quote quote=”ہندوستان کا اثر و رسوخ اس قدر بڑھ گیا ہے کہ افغانستان نے ہمیں ہمارے پولیس افسر کی لاش دینے سےانکار کردیا ” style=”style-6″ align=”left”][/bs-quote]

ان کا کہنا تھا کہ شکاگومیں کرائم سب سےزیادہ ہیں،وہاں کے ادارے اسے نہیں دکھاتے، بھارت میں انسانیت کےساتھ بہت براسلوک ہورہا ہے، ہمارے بیانیے کو کیوں اہمیت نہیں دی جارہی ہے، ہماری ہی چادراورچادردیواری کی ویڈیوچلیں گی تو اپنا دفاع کیسے کریں گے۔

وزیرمملکت برائےداخلہ نے کہا افغان فوجی میرےساتھ سیلفیاں بنواتیں اورپھراچانک سےلہجہ بدل جاتاہے، میرا اپنا پاکستانی افغان فوجیوں کیساتھ کھڑا ہو کر کہتا ہے ان کولاش نہیں دو، یہ کس کاعمل دخل ہے اور کس کی ایما پر سب کچھ ہورہا ہے،ہمارا میڈیا اپنے ملک کواون کرے۔

شہریارآفریدی کا کہنا تھا کہ ہندوستان نےافغانستان میں اپنےپنجےگاڑھ لیےہیں اور افغانستان پر اثر و رسوخ اس قدر بڑھ گیا ہے کہ افغانستان نے ہمیں ہمارے پولیس افسر کی لاش دینے سےانکار کردیا، ہم نے کبھی اپنی نیشنل سیکیورٹی کو اہمیت نہیں دی، بین الاقوامی این جی اوز کو لائسنس دیا کہ آؤ اور ہمارے اقدار تباہ کرو۔

انھوں نے مزید کہا اقتدارمیں بیٹھےلوگوں نےقومی سلامتی پرسمجھوتےکیے، اس چیز کو کیوں نہیں اٹھایاجاتا، طاہرداوڑ کی لاش لینےکےلیے مجھےڈھائی گھنٹے سرحد پر کھڑے ہونا پڑا،اوورسیزپاکستانیوں کی کامیابیوں کواجاگرکرناہوگا۔

[bs-quote quote=” ملک کےحکمران ٹیکس دینے والوں کےایک ایک پیسے کے امین بنیں گے،” style=”style-6″ align=”left”][/bs-quote]

وزیرمملکت داخلہ کا کہنا تھا اب سول ملٹری اوراسٹیک ہولڈرزایک پیج پرہیں، ملک کےحکمران ٹیکس دینے والوں کےایک ایک پیسے کے امین بنیں گے، منظورپشتین بھی ہماراہے،جوسرینڈرکرے گا گلے لگاؤں گا۔

شہریارآفریدی نے کہا ہم نے اپنے گھر کو ٹھیک کرناہے ،یوتھ کو مصروف کرناہے، تھوڑا انتظار کرلیں ہر چیز کھل کر سامنے آجائے گی۔

اسلام آباد: وزیر مملکت برائے داخلہ شہریار آفریدی کا کہنا ہے کہ ہم نے اقوام عالم کو اپنی قربانیوں کا باور کروانا ہے، پاکستان تمام انسانیت کے لیے سب سے بڑی جنگ لڑ رہا ہے۔

تفصیلات کے مطابق وزیر مملکت برائے داخلہ شہریار آفریدی کا کہنا ہے کہ پاکستان سپر لیگ کی اسلام آباد میں ڈرافٹنگ حکومت کی بڑی کامیابی ہے، ہم نے انٹرنیشنل کرکٹ پاکستان واپس لانی ہے۔ دنیا کو بتا دیا ہے ہم نے بہت قربانیاں دی ہیں۔

شہریار آفریدی کا کہنا تھا کہ پی ایس ایل بہت آگے جائے گا ہم نے نتیجہ دیا ہے، حکومت پی ایس ایل کو مکمل سپورٹ کرے گی۔

انہوں نے کہا کہ ہم نے اقوام عالم کو اپنی قربانیوں کا باور کروانا ہے، پاکستان تمام انسانیت کے لیے سب سے بڑی جنگ لڑ رہا ہے۔ سفارتکاری سے باور کروانا ہے ہماری قربانیاں رائیگاں نہیں جائیں گی۔

وزیر داخلہ کا کہنا تھا کہ ہمیں دنیا میں کسی کے سرٹیفکیٹ کی ضرورت نہیں۔

خیال رہے کہ دو روز قبل امریکی صدر کا کہنا تھا کہ ہم نے پاکستان کی امداد اس لیے بند کی کیونکہ پاکستان نے ہمارے لیے کچھ نہیں کیا، امریکا نے پاکستان کو سالانہ 1.3 بلین ڈالر کی امداد دی۔

بعد ازاں وزیر اعظم عمران خان نے ٹرمپ کے بیان پر ردعمل دیتے ہوئے کہا تھا کہ امریکی صدر کے غلط بیانات زخموں پر نمک چھڑکنے کے مترادف ہیں، امریکی جنگ کا خمیازہ مالی و معاشی عدم استحکام کی شکل میں بھگتا ہے۔

وزیر اعظم کا کہنا تھا کہ ٹرمپ کو تاریخی حقائق سے آگاہی درکار ہے، امریکی جنگ میں پہلے ہی کافی نقصان اٹھا چکے ہیں، اب ہم وہی کریں گے جو ہمارے مفاد میں ہوگا۔

حکومت کے 100 دن کے حوالے سے انہوں نے کہا کہ 100 دن کا پلان اور 6 نکاتی ایجنڈے کے تحت 35 چیزوں کو مانیٹر کر رہے ہیں۔