لاہور: سابق چیئرمین پاکستان کرکٹ بورڈ (پی سی بی) شہریار خان انتقال کر گئے۔
خاندانی ذرائع کے مطابق شہریار خان طویل عرصے سے علیل تھے، شہریار خان آج لاہور میں 89 برس کی عمر میں انتقال کر گئے۔
خاندانی ذرائع کا کہنا ہے کہ شہر یار خان کی تدفین کیلئے میت آج کراچی لائی جائے گی، واضح رہے کہ شہریار خان 2 مرتبہ پاکستان کرکٹ بورڈ کے چیئرمین رہے۔
شہریار خان سابق سفارتکار اور سیکرٹری خارجہ بھی رہے ہیں۔
لاہور: چیئرمین پاکستان کرکٹ بورڈ شہریارخان نے ذاتی اور طبی وجوہات کی بنا پر استعفیٰ دیا‘ ان کا کہنا ہے کہ جب تک نئے چیئرمین کا تقرر نہیں ہوجاتا کام کرتے رہیں گے۔
تفصیلات کے مطابق شہریار خان نے اس خبر کی تصدیق لاہور میں پاکستان کرکٹ بورڈ کے ممبران سے ملاقات کے بعد صحافیوں سے گفتگو کرتے ہوئے کی۔
ان کا کہنا تھا کہ ’’انہوں نے بورڈ کے ممبران کو اعتماد میں لیا ہے اور انہیں بتادیا ہے کہ 18 اگست کو اپنے عہدےکی مدت ختم ہونے کے بعد وہ مزید کام نہیں کریں گے‘‘۔
انہوں نے یہ بھی کہا کہ وہ چیئرمین یا کسی بھی دیگر عہدے پر پی سی بی کے لیے اب کام نہیں کرسکیں گے۔ انہوں نے پاکستان کرکٹ بورڈ کے پیٹرن وزیراعظم میاں نواز شریف کو اس معاملے پر لکھ دیا ہے کہ وہ استعفے کے لیے تیار ہیں اور وزیراعظم جب چاہیں اسے منظور کرلیں۔
کرکٹ کی مشہور ویب سائٹ ’کرک انفو‘ کے مطابق شہریارخان پرمسلسل دباؤ تھا ’’کہ وہ پی ایس ایل کے چیئرمین نجم سیٹھی کے حق میں دست بردار ہوجائیں جوکہ گزشتہ ڈیڑھ سال سے اس کے لیے کوشش کررہے ہیں‘‘۔
شہریارخان کو اگست 2014 میں پی سی بی کا چیئرمین مقرر کیا گیا تھا۔ اس سے قبل وہ 2003 میں بھی پی سی بی چیف کے عہدے پر کام کرچکے تھے۔
واضح رہے کہ پاکستان کرکٹ بورڈ کے موجودہ گورننگ بورڈ کے ارکان کی مدت بھی ختم ہونے جا رہی ہے ۔ اس صورتحال میں وزیر اعظم کو پاکستان کرکٹ بورڈ کی جانب سے دو نام بھجوائے جائیں گے جنہیں نئے گورننگ بورڈ میں پیش کر کے چیئرمین کا انتخاب عمل میں لایا جائے گا۔
لاہور: شہریارخان نے کہا ہے کہ ذمہ داریاں واپس لینے کی خبروں میں صداقت نہیں،اگست میں فیصلہ کروں گا، چیئرمین رہوں یا نہیں۔
چیئرمین پی سی بی شہریارخان نےدوٹوک الفاظ میں کہہ دیا استعفی نہیں دے رہا، چھٹیوں پر انگلینڈ جارہاہوں، پاکستان کرکٹ بورڈ کا پہلا منتخب چیئرمین ہوں۔
شہریارخان نے شازشوں کی بھی تردید کرتے ہوئے کہا کہ مجھ سے کوئی ذمہ داری واپس نہیں لی جارہی، اگست میں فیصلہ کروں گا، چیئرمین رہوں یا نہیں۔
شہریارخان نے آسٹریلیا کے شان ہیز کو قومی ٹیم کو فزیو مقرر کردیا، انہوں نے کہا مکی آرتھرنے نائب کوچ کیلئے پاکستانی کوچ کی فرمائش کی ہے،مشتاق احمد کو ہیڈ کوچ کا نائب نہیں بنائیں گے،مکی آرتھر کی مشاورت سے سپورٹنگ اسٹاف کا فیصلہ کریں گے۔
احمدشہزاد اورعمراکمل کے حوالے سے شہریارخان نے کہا کہ دونوں کھلاڑی ڈریسنگ روم کا ماحول خراب کرتے تھے، دونوں کوڈراپ کرکے مثال قائم کی ہے، دونوں کےمعاملے پر چیف سلیکٹرکے فیصلے کو بیک کیا ہے۔
شہریارخان کا کہنا تھا کہ محمد عامرکیلئے انگلینڈ کے ویزے کی تمام ضروریات پوری ہیں، امید ہے عامر کو ویزہ مل جائےگا۔
لاہور: پاک بھارت سیریز کےلئے شہریار خان نے وزیراعظم کو خط لکھ دیا، شہریارخان کا کہنا ہے وزیراعظم اچھےکرکٹرہیں،امید ہےمثبت فیصلہ کریں گے۔
پاک بھارت سیریز پر دونوں بورڈز تو ٹریک پر آگئے لیکن اب گیند دونوں ممالک کی حکومت کے کورٹ میں ہے، پی سی بی نے سیریز کے لئے بورڈ کے پیٹرن ان چیف وزیر اعظم نواز شریف کو خط لکھ دیا ہے۔
چیئرمین پی سی بی شہریار خان کا کہنا ہے کہ خط میں تمام تفصیلات بتادی ہیں،امید ہے جلد جواب آجائے گا۔
شہریارخان نے وزیراعظم کی تعریف کرتے ہوئے کہا کہ نوازشریف اچھے کرکٹررہے ہیں وہ خود ان کے ساتھ زمبابوے میں کھیل چکے ہیں امید ہے اچھا فیصلہ کریں گے۔
سیریز کی میزبانی پر آمادگی ظاہر کرتے ہوئے سری لنکن کرکٹ بورڈ کا کہنا تھاکہ سیریز کیلئے پی سی بی نے رابطہ کیاہے اور سیریز ہوئی تو میچ پالی کیلے اور کولمبومیں کھیلے جائیں گے۔
دوسری جانب بھارتی بورڈ کے ستائیس نومبر کو ہونے والے اجلاس میں سیریز پر ہاں یا نا کا جواب آنے کا امکان ہے، سری لنکن کرکٹ بورڈ کی عبوری کمیٹی نے پاک بھارت سیریز کے انعقاد کی منظوری دی دی ہے۔
کرکٹ سری لنکا کا کہنا ہے کہ پی سی بی نے سیریز کے لئے رابطہ کیا ہے، سیریز حتمی ہوتی ہے تو میچز پالیکیلے اور پریماداسا میں کھیلے جائیں گے۔
اسلام آباد: وزیراعظم نواز شریف نے پاکستان کرکٹ بورڈ کو بھارت کے ساتھ کرکٹ روابط قائم کرنے روک دیا ہے۔
وزیراعظم نے ہدایت کی ہے کہ حکومتی اجازت کے بغیر پاکستانی کرکٹ ٹیم کا دورہ بھارت ترتیب دیا جائے نہ ہی بھارت کے ساتھ کرکٹ روابط کی بحالی کے لیے بات کی جائے۔
اس سے قبل وفاقی وزیر داخلہ چوہدری نثار علی خان نے کہا تھا کہ وہ پاکستانی ٹیم کے بھارت جا کر کھیلنے کی مخالفت کریں گے اور اس سلسلے میں وہ وزیراعظم سے بات کریں گے۔
وزیرداخلہ کے بیان پر چیر مین پی سی بی نے ردعمل ظاہر کرتے ہوئے کہا تھا کہ وفاقی وزیر داخلہ کا بیان نا مناسب سمجھتے ہیں۔
چیئرمین پی سی بی شہریار خان نے میڈیا سے گفتگو کرتے ہوئے کہا تھا کہ بھارت کے ساتھ سریز کھیلنا چاہتے ہیں تاہم موجودہ حالات میں ایسا ہوتا ممکن نظرنہیں آرہا۔
واضح رہے کہ بھارت نے پی سی بی کو دعوت دی تھی کہ پاک بھارت مختصر سیریز کھیلنے کیلئے پاکستانی ٹیم بھارت آجائے۔
اس سے قبل پی سی بی نے بھارت کے سیکورٹی خدشات پریواے ای میں سیریز کھیلنے کی دعوت دی تھی۔
لاہور: چیئرمین پی سی بی شہریار خان کو بغیر اجازت بھارت جانامہنگا پڑگیا حکومت نے نوٹس لے لیا وفاقی وزیر کھیل ریاض پیر زادہ نے پی سی بی کو خط لکھ دیا۔
وفاقی وزیر کھیل ریاض پیرزادہ نے شہریارخان سے دورے کی تفصیل طلب کرلی، ریاض پیرزادہ نے پی سی بی کو خط لکھا، جس میں دورہ بھارت میں پیش آئے ناخوشگوار واقعات سے متعلق رپورٹ طلب کی گئی ہے۔
خط میں مزید کہا گیا ہےکہ پی سی بی بھارت سے کسی بھی قسم کے معاملات حکومت کے علم میں لائے بغیر طے نہ کرے اوراگر بھارتی بورڈ رابطہ کرتا ہے تو پہلے حکومت کو بتایا جائے۔
شہریار خان کو گذشتہ ماہ انیس اکتوبر کوپاک بھارت کرکٹ مذاکرات پر ششانک منوہرسے ملاقات کرنا تھی، لیکن ملاقات کے موقع پر شیوسینا کے غنڈے بھارتی بورڈ کے دفتر میں گھس گئےاور بھارت چھوڑنے کا مطالبہ کیا تھا۔
لاہور : پی سی بی کے چیئرمین شہریار خان نے کہا ہے کہ بھارتی کرکٹ بورڈ نے بدتہذیبی کی انتہا کردی۔ ممبئی واقعے کے ڈیڑھ دن بعد بھی ششانک منوہر نے معذرت کا ایک لفظ نہیں کہا۔
ان خیالات کا اظہار انہوں نے بھارت سے وطن واپسی کے بعد قذافی اسٹیڈیم میں پریس کانفرنس سے خطاب کرتے ہوئے کہی، وہ پی آئی اے کی پرواز پی کے 721کے ذریعے نئی ہلی سے لاہور پہنچے۔
ان کے ہمراہ ان کی اہلیہ نجمہ شہر یار بھی تھیں۔البتہ انہوں نے اس موقع پر میڈیا سے کوئی بات نہیں کی۔ بعد ازاں پریس کانفرنس سے خطاب کرتے ہوئے ان کا کہنا تھا کہ چند لوگوں نے بھارت کو ہرغمال بنارکھا ہے۔
انہوں نے کہا کہ بھارتی بورڈ کی دعوت پر وہاں گیا تھا۔ ممبئی میں ملنے پر تحفظات تھے، لیکن بھارتی کرکٹ بورڈ نے اصرار کیا اور بھارتی حکام نے سیکورٹی کی یقین دہانی کروائی تھی۔
معاملات حل کرنے گیا تھا اور آئی سی سی میٹنگ میں بھی بھارت سے سیریز کے حوالے سے جواب مانگا تھا لیکن کوئی مثبت جواب نہیں ملا۔
شہریار خان نے کہا کہ پاک بھارت سیریز کے امکانات بہت کم ہیں اور اگر 10 دن میں جواب نہ آیا تو سمجھیں گے کہ سیریز نہیں ہو گی۔
سیریز نہ کھیلنے کے نقصانات برداشت کرنے کو تیار ہیں۔ حالات ایسے رہے تو ٹی 20 ورلڈ کپ کھیلنے بھارت نہیں جائیں گے۔
انہوں نے کہا آئی سی سی صدر ظہیر عباس نے بھی کہا پاکستان کو ٹی 20 ورلڈ کپ کھیلنے نہیں جانا چاہئیے۔
شہریار خان نے کہا کہ اب دعوت نامہ ملا تو ہماری بھی شرائط ہوں گی۔ 8 سال سے بھارت سے نہیں کھیلے تو اب بھی فرق نہیں پڑے گا، لیکن کرکٹ میں پیش رفت سے باہمی تعلقات مضبوط ہوتے ہیں۔
ممبئی: بھارت میں شیوسینا کے ارکان نے بھارتی کرکٹ بورڈ کے دفترپاکستان کرکٹ بورڈ کے چیئرمین شہریار خان کی آمد کے موقع پراحتجاج کے دوران طوفانِ بدتمیزی برپا کردیا۔
بھارتی میڈیا کے مطابق شہریار خان اور نجم سیٹھی بی سی سی آئی کو دسمبر میں پاک بھارت کرکٹ سیریز کے انعقاد کے لئے قائل کرنے کے لئے بھارت پہنچے ہوئے ہیں۔
اس موقع پر شیو سینا کے ارکان بھی وہاں پہنچے اور بھارتی بورڈ کے صدر ششانک منوہرکی شہریار خان کے ساتھ میٹنگ کے خلاف نا صرف احتجاج کیا بلکہ دفتر کے باہر توڑ پھوڑ بھی کی۔
غیر ملکی خبر رساں ایجنسی کے مطابق شیو سیناکے کارکن بی سی سی آئی کے دفتر کے اندر تک گھس آئے اس موقع پر انہوں نے پلے کارڈز اٹھا رکھے تھے اور نعرے لگائے کہ ’’شہریارخان واپس جاؤ‘‘۔
پولیس نے اس سارے ہنگامے میں مداخلت کرتے ہوئے شیو سینا کے کئی کارکن گرفتار کرلئے گئے ہیں۔
اس موقع پر پاکستانی کرکٹ بورڈ کے سابق چیئرمبیں توقیر ضیا کا کہنا تھا کہ بھارتیوں کے سیکیورٹی کے سخت اور مزید بہتر اقدامات کرنےچاہیئے، ہم نے تو کبھی مہمانوں کے ساتھ اس طرح کا سلوک نہیں کیا۔
اس موقع پر راولپنڈی سے تعلق رکھنے والے ایم این اے اورنامور رہنماءشیخ رشید کا کہنا ہے کہ پی سی بی کے سربراہ کو بھارت نہیں جانا چاہئے تھا اس سے پاکستان کی توہین ہوئی ہے۔
واضح رہے کہ اس ماہ کے اوائل میں پاکستان کے سابق وزیرِخارجہ خورشید قصوری کی کتاب کی بھارت میں تقریبِ رونمائی کے موقع پر بھی شیوسینا نے احتجاج کیا تھا اور تقریب کے آرگنائزرسدھارت کلجرنی منہ پر سیاہ رنگ بھی مل دیا تھا۔
بھارت کے معروف فلمساز مہیش بھٹ نے بھی بی سی سی آئی کے دفترپرشیوسینا کے حملہ کو افسوسناک قراردیتے ہوئے کہا ہے بھارت میں انتہا پسندانہ سوچ پروان چڑھ رہی ہے۔
اس موقع پر پاکستانی دفترِخارجہ کے ترجمان قاضی خلیل اللہ نے ایک سوال کے جواب میں کہا کہ بھارت میں پاکستانی شہریوں کی تقاریب اور ملاقاتوں کی شدت پسندوں کی جانب سے درہم برہم کئے جانےپر ہم پہلے ہی انتہائی سنجیدگی سے نوٹس لے چکے ہیں اور پی سی بی کے چیئرمین شہریارخان کی بھارتی ہم منصب کو سبوتاژ کرنےکے عمل پربھی بھارت سے احتجاج کیا جائے گا۔
لاہور: پاکستان کرکٹ بورڈ کے چیئرمین شہریار خان نے کہا ہے کہ بھارتی کرکٹ بورڈ آئندہ ماہ آئی سی سی اجلاس کے دوران پاک بھارت سیریز پر حتمی بات چیت کرے گا۔
لاہور میں میڈیا سے گفتگو کرتے ہوئے چیئرمین پی سی بی شہریار خان کا کہنا تھا کہ بھارت نے سیریز کھیلنے سے انکار کیا تو کیا لائحہ عمل ہوگا ابھی فیصلہ نہیں کیا۔
انہوں نے کہا کہ وزیراعظم نے پاک بھارت سیریز کی بات نیویارک میں کرکے پاکستان کی کرکٹ کھیلنے کی خواہش ظاہر کردی ہے۔
انہوں نے کہا کہ بگ تھری کے معاملہ پر پاکستان کو انگلینڈ اور آسٹریلیا کی طرف سے کئی فوائد دئیے گئے ہیں۔
لاہور :بنگلہ دیش کی کرکٹ ٹیم بہت جلد ٹیسٹ ون ڈے اور ٹی ٹوینٹی سیریز کھیلنے کیلئے پاکستان کا دورہ کرے گی۔
تفصیلات کے مطابق یوم دفاع پر چیئرمین پی سی بی شہریارخان نے خوشی کی خبر سنادی۔ ان کا کہنا ہے کہ بنگلہ دیش کی ٹیم جلد پاکستان کا دورہ کرے گی۔
اے آروائی نیوز سے خصوصی گفتگو کرتے ہوئےچیئرمین پی سی بی شہریارخان نے کہا کہ ورلڈ ٹی ٹوئنٹی سے قبل ہانگ کانگ اور اومان کی ٹیمیں بھی پاکستان کا دورہ کریں گی۔
بنگلہ دیشی ٹیم بھی جلد پاکستان کا دورہ کرے گی۔ انھوں نے کہا کہ زمبابوے کیخلاف ون ڈے سیریز میں اظہرعلی کی کپتان ہوں گے۔
اظہرعلی فریضہ حج اداکرنے کے بعد زمبابوے پہنچ جائیں گے۔ شہریارخان نے مزید کہا کہ انگلینڈ اینڈ ویلز کرکٹ بورڈ کے چیئرمین جائلز کلارک نومبر میں پاکستان کا دورہ کریں گے۔ ایم سی سی سے بھی بین الاقوامی ٹیم پاکستان بھیجنے کی درخواست کریں گے۔