Tag: sheikh khalid al ghamidi

لاہور:  امام کعبہ شیخ خالد الغامدی گرینڈ مسجد بحریہ ٹاؤن میں آج خطبہ جمعہ دینگے اور نماز پڑھائیں گے، لوگوں کی بڑی تعداد وقت سے پہلے ہی مسجد میں پہنچ گئی ہے۔

امام کعبہ شیخ خالد الغامدی آج گرینڈ جامع مسجد بحریہ ٹاؤن لاہور میں نمازِ جمعہ کی امامت کریں گے اور خصوصی خطاب کرینگے، اس موقع پر بحریہ ٹاؤن نے گرینڈ جامع مسجد اور اردگرد کے علاقے میں عظیم الشان اجتماع جمعہ کے لئے خصوصی اقدامات کئے ہیں۔

نامور اکابرین دین، مذہبی رہنماؤں، نامور علماء کرام اور شہریوں کی بڑی تعداد نماز جمعہ کے لئے گرینڈ جامع مسجد کا رخ کررہی ہے، خواتین کیلئے بھی خصوصی جگہ مختص کی گئی ہیں۔

واضح رہے کہ گرینڈ جامع مسجد لاہور کو دنیا کی ساتویں بڑی جبکہ پاکستان کی اندرونی گنجائش کے لحاظ سے سب سے بڑی مسجد ہونے کا اعزاز بھی حاصل ہے، مسجد کی اندر 25 ہزار نمازیوں کی گنجائش ہیں جبکہ بیک وقت 70 ہزار نمازی نماز ادا کرسکتے ہیں۔