ARYNews.tv | Urdu – Har Lamha Bakhabar

Tag: sheikh rasheed

  • بہادر افواج نے بھارتی فوج کے دانت کھٹے کردیے، شیخ رشید

    بہادر افواج نے بھارتی فوج کے دانت کھٹے کردیے، شیخ رشید

    اسلام آباد: سابق وزیر داخلہ شیخ رشید احمد کا کہنا ہے کہ منہ کی کھانے کے بعد آج بھارت کے اندر مودی پر لعن طعن ہو رہی ہے۔

    سپریم کورٹ کے باہر میڈیا سے گفتگو کرتے ہوئے سابق وزیر داخلہ شیخ رشید احمد کا کہنا تھا کہ بہادر افواج نے بھارتی فوج کے دانت کھٹے کئے، قوم کو مبارکباد پیش کرتا ہوں۔

    انہوں نے کہا کہ بھارت کا خیال تھا کہ پاکستان معاشی طور پر کمزور ہو چکا ہے، پاکستانی افواج نے ایسی جرات، مہارت سے جواب دیا کہ دشمن سنبھل نہیں پایا۔

    سابق وزیر داخلہ نے کہا کہ اس ردعمل میں اگر مودی نے کوئی اور غلطی کی تو اسے کرارا جواب دیا جائے گا، ہمارے پاس ایسی ٹیکنالوجی ہے کہ دشمن سوچتا ہی رہ جائیگا اور نیست و نابود ہو جائیگا۔

    واضح رہے کہ بین الاقوامی جریدے ”دی نیشنل انٹرسٹ”نے بھی پاک فوج کی برتری کو تسلیم کر لیا ہے، جو اس تاریخی کامیابی کا عالمی اعتراف ہے۔

    تفصیلات کے مطابق عالمی سطح پر پاک فوج نے بھارت پراپنی برتری ثابت کردی ہے، دی نیشنل انٹرسٹ کا کہنا ہے پانچ بھارتی جنگی طیاروں کو مار گرانا پاکستان کی زبردست کامیابی ہے۔

    دی نیشنل انٹرسٹ کے مطابق پاک فضائیہ نے جے 10 سی طیاروں اور پی ایل ففٹین میزائلوں کی مدد سے بھارتی فضائیہ کو بھاری نقصان پہنچایا ہے۔

    جنگ بندی کے بعد پاکستان اور بھارت کے ڈائریکٹر جنرلز ملٹری آپریشنز کے درمیان آج اہم رابطہ ہوگا

    جریدے کا کہنا ہے رافیل جیسے جدید بھارتی جنگی طیارے تباہ ہونا بھارت کیلیے ناقابلِ تلافی دھچکا ہے، دفاعی ماہرین کے مطابق پاکستان کی دفاعی طاقت اور عسکری حکمت عملی نے بھارت کے غرور کو خاک میں ملا دیا، دشمن کو سبق سکھانا پاک فوج خوب جانتی ہے، اور حالیہ فتح اس کی روشن مثال ہے۔

  • شیخ رشید کو عدالت سے بڑا ریلیف مل گیا

    شیخ رشید کو عدالت سے بڑا ریلیف مل گیا

    صدر آصف علی زرداری پر بانی پی ٹی آئی عمران خان کو قتل کرانے کی سازش کے الزام کے مقدمے سے شیخ رشید کو بری کر دیا گیا۔

    تفصیلات کے مطابق ڈسٹرکٹ اینڈ سیشن کورٹ اسلام آباد نے صدر آصف علی زرداری کے خلاف قتل کی سازش کرنے کے کیس میں سابق وزیر داخلہ شیخ رشید احمد کو بری کر دیا۔

    جوڈیشل مجسٹریٹ یاسر محمود نے سابق وفاقی وزیر شیخ رشید کی درخواست بریت پر محفوظ فیصلہ سنایا، عدالت کے باہر میڈیا سے گفتگو میں کہا اب صرف دہشت گردی کے چودہ کیس رہ گئے ہیں۔

    شیخ رشید احمد کا کچہری کے باہر میڈیا سے گفتگو کرتے ہوئے کہنا تھا آج اللہ تعالیٰ کی مدد سے یاسرمحمود کی عدالت سے بری ہوا ہوں، میں اپنے وکلا اور لوگوں کا مشکور ہوں جنہوں نے میرا کیس لڑا، اب بس دہشت گردی کے 14 کیس رہ گئے ہیں۔

    سابق وفاقی وزیر نے کہا کہ ان حکمرانوں سے جو کام لینا تھا وہ لے لیا گیا ہے، اب یہ خود کہہ رہے ہیں انڈے اور ٹماٹر پڑتے ہیں، آپ دونوں پارٹیاں نفرت کا نشان ہیں ہر کوئی آپ سے نفرت کرتا ہے، حالات اتنا خراب ہوتے دیکھ رہا ہوں کہ قومی حکومت وجود میں آسکتی ہے۔

    شیخ رشید کا کہنا تھا میں یہاں تھا ہی نہیں جب واقعہ ہوا مگر دہشتگردی کے مقدمات بنادیے گئے، مجھے کہا گیا آپ کا سامان واپس ہوگا مگر نہیں ہوا، ایسی جگہ بھی کیس ہوئے جو میں نے دیکھی ہی نہیں۔

    شیخ رشید کا کہنا تھا کہ بھارت کرکٹ نہیں کھیلنا چاہتا تو کشمیر میں کیا کررہا ہے، منی پور میں مسلمانوں سے ہونیوالے مظالم پر کوئی بیان نہیں دیاگیا۔

  • سابق وزیر داخلہ شیخ رشید ضمانت پر اڈیالہ جیل سے رہا

    سابق وزیر داخلہ شیخ رشید ضمانت پر اڈیالہ جیل سے رہا

    راولپنڈی: سابق وزیر داخلہ شیخ رشید کو ضمانت پر اڈیالہ جیل سے رہا کر دیا گیا۔

    تفصیلات کے مطابق سابق وزیر داخلہ شیخ رشید کو انسداد دہشت گردی عدالت راولپنڈی نے 9 مئی کے واقعات کے سلسلے میں ضمانت پر رہا کر دیا۔

    شیخ رشید کو 9 مئی کے روز جلاؤ گھیراؤ اور توڑ پھوڑ سے متعلق کیس میں 16 جنوری کو گرفتار کیا گیا تھا، شیخ رشید کی ضمانت کے لیے ان کے وکلا کی جانب سے ضمانت کی درخواست دی گئی تھی، جسے عدالت نے 2 لاکھ روپے کے مچلکوں کے عوض منظور کرتے ہوئے کیس کی سماعت 12 فروری تک ملتوی کر دی ہے۔

    رہائی کے بعد شیخ رشید نے میڈیا سے گفتگو کرتے ہوئے کہا ’’یہ میرا تیسرا چِلّا ہے، میں ہارا ہوں، میں نے الیکشن مہم میں حصہ نہیں لیا، مجھے کچھ خبر نہیں کہ ملک میں کیا ہو رہا ہے۔‘‘

  • شیخ رشید کا کاغذات نامزدگی مسترد ہونے پر رد عمل

    شیخ رشید کا کاغذات نامزدگی مسترد ہونے پر رد عمل

    راولپنڈی: شیخ رشید نے کاغذات نامزدگی مسترد ہونے پر ایک ویڈیو پیغام جاری کرتے ہوئے کہا ہے کہ وہ چین سے نہیں بیٹھیں گے اور سپریم کورٹ جائیں گے۔

    تفصیلات کے مطابق سربراہ عوامی مسلم لیگ شیخ رشید کے کاغذات نامزدگی مسترد ہو گئے ہیں، جس پر ایک وڈیوپیغام میں انھوں نے کہا آر او نے انھیں فیصلے کی کاپی بھی نہیں دی ہے، وہ سپریم کورٹ تک جائیں گے، اور قلم دوات کے نشان پر این اے 56 اور 57 سے انتخاب لڑیں گے۔

    انھوں نے کہا ’’گزشتہ روز مجھے بلا کر بتایا گیا کہ مری کے ریسٹ ہاؤس میں رہنے پر 942 روپے بقایا جات ادا نہیں کیے، جس پر مجھے نا اہل قرار دیا گیا ہے، یہ ایک مذاق ہے جس کی جتنی مذمت کی جائے کم ہے، میں 50 سال میں کسی بھی ریسٹ ہاؤس نہیں ٹھہرا، ثابت ہو تو سیاست سے دست بردار ہو جاؤں گا۔‘‘

    پی ٹی آئی کے 54 امیدواروں نے الیکشن کمیشن میں مشترکہ درخواست دیدی

    شیخ رشید نے کہا میں اپنے حق کے لیے لڑوں گا، پی ٹی آئی ووٹرز کی بھی حمایت حاصل ہے، میری واضح کامیابی دیکھتے ہوئے مجھے نا اہل قرار دیا گیا ہے، فیصلے کی کاپی فراہم کی جائے تاکہ اپنے حق کے لیے سپریم کورٹ تک جاؤں، آخری دم تک آئینی قانونی لڑائی لڑتا رہوں گا۔

    واضح رہے کہ بڑے نام کاغذات منظور کرانے میں ناکام رہے ہیں، پی ٹی آئی کی ٹاپ لیڈر شپ الیکشن کمیشن کی کسوٹی پر پوری نہ اتری، پی ٹی آئی کے صدر پرویز الہٰی، سابق اسپیکر اسد قیصر، ڈپٹی اسپیکر قاسم سوری، حماد اظہر، مراد سعید، اعظم سواتی، یاسمین راشد اور زلفی بخاری کے کاغذات پر بھی ریجیکٹڈ کا ٹھپہ لگ گیا۔

  • 9 مئی لعنتی پروگرام تھا برے لوگوں کا کیا ہوا کام تھا: شیخ رشید

    9 مئی لعنتی پروگرام تھا برے لوگوں کا کیا ہوا کام تھا: شیخ رشید

    راولپنڈی: سابق وزیر داخلہ شیخ رشید احمد نے کہا ہے کہ 9 مئی لعنتی پروگرام تھا برے لوگوں کا کیا ہوا کام تھا، عاصم منیر میرے شہر کی عزت اور عظیم سپہ سالار ہیں۔

    تفصیلات کے مطابق ہائی کورٹ راولپنڈی بینچ نے لال حویلی سیل کرنے کا فیصلہ کالعدم قرار دے دیا جس کے بعد سابق وزیر داخلہ شیخ رشید احمد نے میڈیا سے گفتگو کرتے ہوئے کہا کہ آج لال حویلی کو کھول دیا گیا ہے، میرے والدین کا جنازہ یہاں سے اٹھا تھا۔

    شیخ رشید نے کہا کہ سارے شہر کو پورے ملک کی ایک ایک چیز کا پتا ہے، پنڈی قبر کی دیوار تک دوستی اور دشمنی نبھاتا ہے، ہم اللہ پر چھوڑتے ہیں ہم نسلی اور اصلی ہیں۔

    انہوں نے کہا کہ سی پی او سے کہنا چاہتا ہوں 17 ستمبر سے 22 اکتوبر تک میں انکے پاس تھا، سی پی او صاحب کو پتا ہے میں کہاں تھا، خدا کو گواہ بنا کر کہتا ہوں ہمارے ساتھ کوئی زیادتی نہیں ہوئی، ہم پاک فوج کے شانہ بشانہ کھڑے ہیں، ندیم انجم ہماری آن شان اور بان ہیں۔

    شیخ رشید نے مزید کہا کہ چلے کی وجہ سے میں ایک نیا شیخ رشید بن گیا ہوں، میں پکڑا گیا تو جیل کے اندر سے بھی دونوں سیٹوں پر الیکشن لڑوں گا، راولپنڈی کی دونوں سیٹیں عوامی مسلم لیگ کی ہیں، یہ دونوں سیٹیں ہم پی ڈی ایم کے خلاف لڑیں گے۔

    سابق وفاقی وزیر کا کہنا تھا کہ سی پی او صاحب میں تینوں کیسز میں بری ہوں، سی پی او صاحب ڈرائیور، کک کو اٹھانے کے بجائے مجھے فون کریں اسی وقت تھانے آجاؤں گا، میں نے نعرہ لگایا تھا موت میری محبوبہ ہے جیل میرا سسرال ہے۔

  • جب تک گرفتار نہیں ہوتا روزانہ ٹوئٹ جاری رہے گی، شیخ رشید

    جب تک گرفتار نہیں ہوتا روزانہ ٹوئٹ جاری رہے گی، شیخ رشید

    راولپنڈی: شیخ رشید احمد نے ٹوئٹ کرتے ہوئے کہا ہے کہ جب تک وہ گرفتار نہیں ہوتے، تب وہ روزانہ ٹوئٹ کرتے رہیں گے۔

    تفصیلات کے مطابق ملک میں پاکستان تحریک انصاف کے رہنماؤں کی گرفتاریوں اور پارٹی چھوڑنے کے اعلانات کا سلسلہ عروج پر ہے، ایسے میں شیخ رشید ایک بار پھر جیل جانے کے لیے تیار رہنے کا اعلان کر دیا ہے۔

    انھوں نے آج بدھ کو ٹوئٹ کیا ’’میں پہلے بھی جیل گیا، اور اب پھر جانے کو تیار ہوں، جب تک گرفتار نہیں ہوتا روزانہ ٹوئٹ جاری رہے گی۔‘‘

    شیخ رشید نے لکھا ’’آج کل پریس کانفرنس نہیں پریشر کانفرنس ہو رہی ہیں، دو تین مہینے سسرال جیل کاٹنے سے قیامت نہیں آ جاتی، میں نے کلاشن کوف کے جھوٹے مقدمے میں 7 سال قید کاٹ کاٹی، کڑیاں والا قتل میں بھی سسرال گیا ہوں۔‘‘

    انھوں نے مزید لکھا ’’معاشی اقتصادی سیاسی تباہی کا ملبہ موجودہ نااہل حکومت پر گرنا چاہیے، مسئلہ اقتصادی ہے، سیاسی بنا دیا گیا تاکہ مصنوعی بجٹ پیش کیا جا سکے۔‘‘

    شیخ رشید کا کہنا تھا کہ قوم 9 مئی واقعے کی مذمت کرتی ہے، ملزموں سے کوئی ہمدردی نہیں، لیکن چادر اور چار دیواری اور خواتین کا احترام ضروری ہے، لیول پلیئنگ فیلڈ ہو چکا، نہیں ہوا تو 15 جون تک ہو جائے گا۔‘‘

  • بڑی عدالتی جنگ شروع ہونے جارہی ہے آر یا پار ہوجائے گا، شیخ رشید

    بڑی عدالتی جنگ شروع ہونے جارہی ہے آر یا پار ہوجائے گا، شیخ رشید

    راولپنڈی :سابق وزیر داخلہ شیخ رشید کا کہنا ہے کہ بڑی عدالتی جنگ شروع ہونے جارہی ہے آر یا پار ہوجائے گا، ایک ہفتے میں قبضہ گروپ پر آرٹیکل 6 لگنا چاہیے۔

    تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ آج 3:30 بجے زمان پارک میں عمران خان سے ملاقات کروں گا، ایک طرف عمران خان سے گرینڈ سیاسی ڈائیلاگ چاہتے ہیں ، دوسری طرف گرفتاریاں اور مینار پاکستان جلسےمیں رکاوٹیں ڈال رہے ہیں۔

    شیخ رشید کا کہنا تھا کہ ان کا مسئلہ اب آئی ایم ایف ہے نہ غریب کی بھوک ہے، عمران خان کے کلین سویپ کا خوف ہے، بڑی عدالتی جنگ شروع ہونے جارہی ہے آر یا پار ہوجائے گا۔

    سابق وزیر داخلہ نے ایک اور ٹوئٹ میں لکھا ‘ان کا مسئلہ نہ سیکیورٹی ہے نہ پیسے ہیں ، اپریل میں الیکشن نہیں ہوسکتے تو اکتوبر میں پیسے کہاں سے آئیں گے، ملک کو معاشی سیاسی اور اقتصادی طور پر تباہ کردیا ہے، ایسے اناڑیوں کو کھلاڑی بنا کر بٹھا دیا ہے، جن کو گھروالے نہیں جانتے۔

    عوامی مسلم لیگ کے سربراہ کا مزید کہنا تھا کہ تمام سیاسی عیاشیوں کے لیے پیسے ہیں الیکشن کے لیے پیسےنہیں ، 2اسمبلیاں اس لیے تحلیل کی تھیں کہ 90 روز میں انتخاب ہوں گے۔

    انھوں نے کہا ایک ہفتے میں قبضہ گروپ پر آرٹیکل 6 لگنا چاہیے ورنہ ملک میں کچھ بھی ہوسکتا ہے، سوموار تک الیکشن کمیشن کے آئینی بحران کے فیصلے کا پتا لگ جائے گا، ن لیگ کی 8 اکتوبر کو بھی الیکشن کی نیت نہیں کیونکہ عوام ان سے سیاسی انتقام لے گی۔

  • 28 مارچ تک پتہ چل جائے گا،حالات کس جانب جاتے ہیں ، شیخ رشید

    28 مارچ تک پتہ چل جائے گا،حالات کس جانب جاتے ہیں ، شیخ رشید

    راولپنڈی : عوامی مسلم لیگ کے سربراہ شیخ رشید کا کہنا ہے کہ 28 مارچ تک پتہ چل جائے گا، حالات کس جانب جاتے ہیں۔

    تفصیلات کے مطابق عوامی مسلم لیگ کے سربراہ شیخ رشید نے اے آر وائی نیوز کے پروگرام باخبر سویرا میں خصوصی گفتگو کرتے ہوئے عمران خان کے مذاکرات کے لئے تیار ہونے کے بیان پر کہا کہ عمران خان کٹھ پتلیوں سے بات نہیں کرناچاہتے.

    پی ڈی ایم کے حوالے سے شیخ رشید کا کہنا تھا کہ پی ڈی ایم کی جماعتیں اپنے اپنے نشان پر انتخابات میں اتر رہی ہیں، 6 پارٹیوں نے کاغذات نامزدگی جمع کرائے۔

    سابق وزیر نے کہا کہ آئی ایم ایف کی اسٹاف لیول کی میٹنگ نہیں ہورہی ہے، کل شہباز شریف اور اسحاق ڈار نے اچھی بات کہی کہ ہم اپنے اثاثوں پر کوئی سمجھوتا نہیں کریں گے۔

    مینار پاکستان پر جلسے کے حوالے سے عوامی مسلم لیگ کے سربراہ کا کہنا تھا کہ جلسے کی اجازت اس اتوار نہیں تو اگلے اتوار کی مل جائے گی۔

    انھوں نے کہا کہ پی ڈی ایم کا جنازہ نکل گیا، 28 مارچ تک پتہ چل جائے گا،حالات کس جانب جاتے ہیں۔

    لندن پلان کے حوالے سے سوال پر شیخ رشید کا کہنا تھا کہ اسکول کے زمانے سے سیاست میں ہوں لندن پلان کا سنتا آرہا ہوں، لندن پلان ہے کیا عمران خان سے پوچھوں گا، کون کون پارٹنرز ہیں۔

    سابق وزیر داخلہ نے اپنی ضمانت سے متعلق بتایا کہ پنجاب حکومت نے میری ضمانت منسوخی کی درخواست دی ہے، کل میری ضمانت منسوخ ہوئی تو خوشی سے سسرال چلا جاؤں گا۔

    ان کا کہنا تھا کہ آصف زرداری اوربلورانی نے 6 شہروں میں مقدمے کئے ہیں، سیاست قربان کر نے کی بات کررہے ان کی سیاست بچی کب ہے۔

    شیخ رشید نے بتایا کہ نواز شریف کا معافی نامہ الیکشن والے دن جاری کروں گا، وہ برگر کھانے کیلئے ساڑھے 4 سال سے نظر بند ہے اور ہم یہاں جیل میں روز دیسی گھی کے پراٹھے کھاتے ہیں۔

    عمران خان سے رابطے کے سوال پر سابق وزیر نے کہا کہ اب تو آڈیو ویڈیو آجاتی ہے، پتہ نہیں نئے فونز میں کیا رکھا ہے، پرانے فون اچھے تھے۔

    ان کا کہنا تھا کہ سابق وزیرداخلہ وزرات داخلہ کی کیا مجال کہ سپریم کورٹ کو کہے سیکیورٹی نہیں دے سکتے۔

  • ‘عمران خان ریل میں ہو یا جیل میں حکومت سے نہیں سنبھالا جائے گا’

    ‘عمران خان ریل میں ہو یا جیل میں حکومت سے نہیں سنبھالا جائے گا’

    راولپنڈی : عوامی مسلم لیگ کے سربراہ شیخ رشید کا کہنا ہے کہ عمران خان ریل میں ہویاجیل میں حکومت سے نہیں سنبھالاجائے گا۔

    تفصیلات کے مطابق عوامی مسلم لیگ کے سربراہ شیخ رشید نے سماجی رابطے کی عمران خان ریل میں ہویاجیل میں حکومت سےنہیں سنبھالاجائےگا ، مریم نواز تنقید کر رہی ہے لیکن وہ نہیں جانتی کہ فائنل گول عدلیہ نے ہی کرنا ہے، والد کوعدلیہ لائے گی یا اللہ لائے گا۔

    شیخ رشید کا کہنا تھا کہ ملک افواہوں کی زدمیں ہے،دنیامیں ہمارامعاشی بحران سوالیہ نشان بن گیا،حکومت خواب خوگوش میں ہے۔

    عوامی مسلم لیگ کے سربراہ نے ایک اور ٹوئٹ میں لکھا آئی ایم ایف کی بیل ابھی بھی منڈیرنہیں چڑھی نہ دنیامیں انکی کوئی لابی ہے ، نہ بیرونی فنانسنگ کی یقین دہانی ہے ان کو کوئی سنجیدہ نہیں لیتا۔

    ان کا مزید کہنا تھا کہ پیڑول5 روپے اور ڈیزل13روپے مزید مہنگا کر دیا ہے۔

    شیخ رشید نے مزید کہا کہ کل دنیا کے تمام چینل پرزمان پارک کی کشیدگی پہلی خبرتھی، عمران خان کے 84 مقدمات پر دنیا لعن طعن کررہی ہے۔

  • اگر مجھ پر کرپشن کا کوئی چارج ہے تو میں خود کو پھانسی لگا دوں گا، شیخ رشید

    اگر مجھ پر کرپشن کا کوئی چارج ہے تو میں خود کو پھانسی لگا دوں گا، شیخ رشید

    لاہور : عوامی مسلم لیگ کے سربراہ شیخ رشید کا کہنا ہے کہ اگر مجھ پرکرپشن کا کوئی چارج ہے تو میں خود کو پھانسی لگا دوں گا۔

    تفصیلات کے مطابق عوامی مسلم لیگ کے سربراہ شیخ رشید نے عدالت میں پیشی کے موقع پر میڈیا سے گفتگو کرتے ہوئے کہا کہ آصف زرداری اور بلاول کو خراج تحسین پیش کرتا ہوں، آج عدالت آیا ہوں مجھ پر 2مارچ کو فردجرم لگائی جائے گی۔

    سربراہ عوامی مسلم لیگ کا کہنا تھا کہ شیخ رشید نہیں دبے گا، قوم کی دعائیں میرے ساتھ ہیں، عدالت میں درخواست دی کہ ہمارے گھر ڈکیتی ہوئی، 7لاکھ روپے لے گئے، اتنے بھوکے ہیں کہ فریج سے کھانے پینے کی چیزیں بھی نکال کرلےگئے۔

    شیخ رشید نے بتایا کہ مجھ سےپاسورڈبھی مانگ رہےتھے ، جیسےیہ چالان کاٹ رہے ہیں لگ رہا ہے مجھے سسرال جانا پڑے گا۔

    ان کا کہنا تھا کہ یہ پرائیوٹ جہاز استعمال کرتے ہیں ،میں نے 7 سال قیدکاٹی ہے، شیخ رشید کو جانتےنہیں ہیں انہوں نے مجھے دکھا دے کر گریا ہے۔

    عوامی مسلم لیگ کے سربراہ نے کہا کہ جہاں فواد چوہدری کو رکھاگیا اسی چکی میں مجھے بھی رکھا گیا، 16 دن تک کسی شخص کی صورت تک نہیں دیکھی تھی۔

    شیخ رشید کا کہنا تھا کہ میں 16 بار وزیر رہا ہوں 16دن مجھے قید تنہائی میں رکھا گیا، میں اکیلا ہی پاکستان میں نکلوں گا ان کو ختم کردوں گا۔

    انھوں نے بتایا کہ یہ سب عمران خان کا راستہ روکنا چاہتے ہیں،میں اس کا اتحادی ہوں ،امیری کسی سے لڑائی نہیں سب میڈیا والوں کا شکریہ ادا کرتا ہوں

    سربراہ عوامی مسلم لیگ نے کہا کہ اگرمجھ پرکرپشن کا کوئی چارج ہے تو میں خود کو پھانسی لگا دوں گا۔

    پی ڈی ایم کے حوالے سے شیخ رشید کا کہنا تھا کہ پی ڈی ایم والےکوئی الیکشن نہیں لڑرہے،انہوں نےطےکیاہےصوبےاورمرکز کے الیکشن اکٹھے کرائیں گے، ان کاایک ہی ایجنڈا ہے عمران خان کونا اہل کراناہے۔