Tag: sheikh-rasheed-disqualification

  • ایٹمی پاکستان کا خالق، جدید پاکستان کا معمار نوازشریف نا اہل،باقی سب اہل ہیں،  سعدرفیق

    ایٹمی پاکستان کا خالق، جدید پاکستان کا معمار نوازشریف نا اہل،باقی سب اہل ہیں، سعدرفیق

    لاہور : مسلم لیگ ن کے رہنما خواجہ سعد رفیق کا کہنا ہے کہ سارے ضابطے صرف نواز شریف کو سزا دینے کے لئے ہیں،ایٹمی پاکستان کا خالق، جدید پاکستان کا معمار نوازشریف نا اہل،باقی سب اہل ہیں۔

    تفصیلات کے مطابق مسلم لیگ ن کے رہنما خواجہ سعد رفیق نے سماجی رابطے کی ویب سائٹ ٹوئٹر پر شیخ رشید کے اہلی کے فیصلے پر درعمل دیتے ہوئے کہا ایٹمی پاکستان کا خالق، جدید پاکستان کا معمار نوازشریف نا اہل،باقی سب اہل ہیں۔

    خواجہ سعد رفیق ایک اور ٹوئٹ میں کہا کہ ہم عدالتوں سے سیاستدانوں کی نااہلی کی حمایت نہیں کرتے، شیخ رشید سے مقابلہ سیاسی میدان میں ہوگا، سارے ضابطے صرف نوازشریف کو سزا دینے کے لئے ہیں، قوم کُھلی آنکھوں سے سب ناانصافیاں دیکھ رہی ہے۔

    یاد رہے کہ سپریم کورٹ نے عوامی مسلم لیگ کے سربراہ شیخ رشید کو الیکشن لڑنے کے لئے اہل قرار دے دیا اور ن لیگ کے رہنما شکیل اعوان کی درخواست خارج کردی۔

    شکیل اعوان نےدرخواست میں الزام عائد کیا تھا کہ شیخ رشیدنے دو ہزار تیرہ کے کاغذات نامزدگی میں اثاثےکم ظاہر کیے، اثاثے چھپائے، غلط بیانی کی گئی۔

    عدالت عظمیٰ کے فیصلے کے بعد عوامی مسلم لیگ کے سربراہ شیخ رشید 2018 کے انتخابات میں حصہ لے سکیں گے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شیخ رشید کی نا اہلی کیلئے لاہور ہائیکورٹ میں درخواست دائر

    شیخ رشید کی نا اہلی کیلئے لاہور ہائیکورٹ میں درخواست دائر

    اسلام آباد : پاکستان عوامی مسلم لیگ کے سربراہ شیخ رشید کی نا اہلی کیلئے درخواست دائر کردی گئی ، جس میں کہا گیا کہ غلط بیانی پرشیخ رشیدآرٹیکل 62،63 پر پورا نہیں اترے، عدالت شیخ رشید کو قومی اسمبلی کی نشست سے نااہل قرار دے۔

    تفصیلات کے مطابق لاہور ہائیکورٹ میں پاکستان عوامی مسلم لیگ کے سربراہ شیخ رشید کی نا اہلی کیلئے درخواست دائر کردی گئی، درخواست میں مؤقف اختیار کیا گیا ہے کہ متحدہ اپوزیشن جلسے میں استعفیٰ دینے کا اعلان کیا، شیخ رشید نے استعفی کا اعلان کیا مگر استعفیٰ دینے سے انکار کردیا۔

    درخواست میں کہا گیا ہے کہ شیخ رشید نے استعفیٰ سے متعلق عوام سےجھوٹ بولا، غلط بیانی پرشیخ رشیدآرٹیکل 62،63 پر پورا نہیں اترے۔

    دائر درخواست میں استدعا کی کہ عدالت شیخ رشید کو قومی اسمبلی کی نشست سے نااہل قرار دے۔


    مزید پڑھیں :  شیخ رشید کا قومی اسمبلی کی رکنیت سے مستعفی ہونے کا اعلان


    واضح رہے کہ مال روڈ پر متحدہ اپوزیشن کے جلسے میں خطاب کرتے ہوئے عوامی مسلم لیگ کے سربراہ شیخ رشید نے قومی اسمبلی کی رکنیت سے مستعفی ہونے کا اعلان کیا کرتے ہوئے کہا تھا کہ ایسی پارلیمنٹ پر لعنت بھیجتا ہوں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔