Tag: sheikh rasheed

اسلام آباد: سابق وزیر داخلہ شیخ رشید کے خلاف فرد جرم عائد کرنے کے لیے 2 مارچ کی تاریخ مقرر کر دی گئی۔

تفصیلات کے مطابق اسلام آباد پولیس نے سابق صدر آصف علی زرداری پر عمران خان کے قتل کی مبینہ سازش کے حوالے سے تھانہ آبپارہ میں درج مقدمے کا چالان جوڈیشل مجسٹریٹ کو پیش کر دیا۔

سابق صدر آصف زرداری کے خلاف عمران خان کے قتل کی مبینہ سازش کے بیان پر شیخ رشید کے خلاف درج مقدمے کی سماعت جوڈیشل مجسٹریٹ عمر شبیر نے کی۔

شیخ رشید کی طرف سے گرفتاری کے وقت پولیس کی جانب سے قبضے میں لی گئی اشیا کی سپرداری اور تھانہ آبپارہ کے ایس ایچ او اشفاق وڑائچ کے خلاف اندراج مقدمہ کی درخواست دائر کی گئی۔

عدالت کی جانب سے ریمارکس دیے گئے کہ مقدمے کا چالان پیش کر دیا گیا ہے، دو مارچ کو فرد جرم عائد کریں گے، اندارج مقدمہ کی درخواست سننے کا اختیار سیشن عدالت کا ہے اس لیے یہ واپس کررہے ہیں۔

شیخ رشید نے استدعا کی کہ فرد جرم کے لیے 15 مارچ کی تاریخ رکھ دیں، ایک کانفرنس میں شرکت کے لیے جانا ہے۔ تاہم عدالت نے کہا کہ فرد جرم کے لیے اتنی لمبی تاریخ نہیں رکھ سکتے، ٹرائل شروع ہوگا تو پھر دیکھ لیں گے۔

کیس کی سماعت دو مارچ تک ملتوی کر دی گئی ہے۔

عدالت کے باہر گفتگو کرتے ہوئے شیخ رشید نے کہا کہ آج ہم نے عدالت میں درخواست دی ہے کہ ہمارے گھر ڈکیتی ہوئی، اور وہ 7 لاکھ روپے لے گئے، اتنے بھوکے ہیں کہ فریج سے کھانے پینے کی چیزیں بھی نکال کر لے گئے، مجھ سے پاسورڈ بھی مانگ رہے تھے۔

انھوں نے کہا ’’اگر مجھ پر کرپشن کا کوئی چارج ہے تو میں خود کو درخت پر لٹکا دوں گا۔‘‘

راولپنڈی : عوامی مسلم لیگ کے سربراہ شیخ رشید کا کہنا ہے کہ مجھے ساری رات سخت ترین سردی میں بٹھایا اور سونے نہیں دیا۔

تفصیلات کے مطابق اسلام آباد پولیس عوامی مسلم لیگ کے سربراہ شیخ رشید کو لے کر پولی کلینک پہنچی، جہاں ان کا شعبہ ایمرجنسی میں معائنہ کیا گیا۔

اس موقع پر شیخ رشید نے میڈیا سے گفتگو کرتے ہوئے کہا کہ شیخ رشید شہبازشریف کی سیاسی موت ہے، 15 فروری کے بعد سیاسی صورتحال بدل جائے گی۔

سابق وزیر داخلہ کا کہنا تھا کہ مجھےساری رات سخت ترین سردی میں بٹھایا،سونےنہیں دیا،

شیخ رشید نے کہا کہ مجھے گرفتارکرنےوالی تمام حکومتوں کا خاتمہ ہوا ہے، چاہے وہ حکومت ایوب خان،یحییٰ، بھٹو، نواز شریف کی ہو ،ختم ہوئی ہیں۔

انھوں نے شہباز شریف کو مخاطب کرتے ہوئے کہا کہ شہباز شریف تمہارے دن گنے جا چکے ہیں، ان کو خوف ہے ان کی حکومت جا رہی ہے، ساری قوم عمران خان کے ساتھ ہیں۔

سابق وزیر داخلہ کا مزید کہنا تھا کہ امپورٹڈ حکومت ہے ختم کر کے رہیں گے، میری گھڑیاں اور پیسے لے گئے ہیں، میرے ملازمین کو مارا پیٹا گیا۔

لاہور : عوامی مسلم لیگ کے سربراہ شیخ رشید کا کہنا ہے کہ پولیس مجھے ہرحال میں گرفتارکرنا چاہتی ہے۔

تفصیلات کے مطابق سربراہ عوامی مسلم لیگ شیخ رشید نے میڈیا سے گفتگو کرتے ہوئے کہا پولیس کی پوری کوشش ہے کہ مجھے گرفتار کیا جائے۔

شیخ رشید کا کہنا تھا کہ پولیس نے بھی میڈیا کے ذریعے مجھے طلب کیا ہے، میں اپنے بیان پر قائم ہوں، عمران خان صحیح کہتا ہے زرداری اسےقتل کروانا چاہتا ہے۔

سربراہ عوامی مسلم لیگ نے کہا کہ ان کامنصوبہ عمران کونااہل اورمائنس کرناہے اور آصف زرداری کی خواہش ہےکہ اقتدار کو طول دیاجائے۔

سابق وزیر نے کہا کہ عمران خان نے جو بیان دیا ہے کہ آصف زرداری ایک منصوبے کے ذریعے قتل کروانا چاہتے ہیں،آصف زرداری عمران خان کو دہشت گرد تنظیم کے زریعے قتل کروانا چاہتا ہے۔

لال حویلی کے حوالے سے ان کا کہنا تھا کہ لال حویلی پر ان نے قبضہ کیا جو میری ملکیت ہے ، 16وزارتوں میں کچھ نہ ملا توحکومت اوچھے ہتھکنڈوں پراترآئی ہے۔

قومی اسمبلی میں ضمنی انتخاب سے متعلق شیخ رشید نے کہا کہ راولپنڈی کی تینوں سیٹوں سےعمران خان الیکشن لڑیں گے، میری نشست پر بھی عمران خان الیکشن لڑیں گے۔

سربراہ عوامی مسلم لیگ کا کہنا تھا کہ کے پی میں الیکشن کی تاریخ آگئی ہے پنجاب میں بھی اجائے گی، ان کے ڈبوں میں سے ہوں کی آواز آئے گی۔

انھوں نے مزید کہا کہ تھانوں میں غنڈا گردی ہے،اپنے ایس ایچ اوز لگائے جارہےہیں، ہم اپنا کیس آئین وقانون کے تحت لڑنا چاہتے ہیں۔

مہنگائی کے حوالے سے شیخ رشید کا کہنا تھا کہ گھر گھر میں ایک قیامت کا پہلو ہے، لوگ جو مر رہے ہیں ان کے پاس قبر کے پسے نہیں ہیں۔

راولپنڈی : سابق وزیر داخلہ شیخ رشید کا کہنا ہے کہ عمران خان نے لاہور کو ن لیگ کا پانی پت بنادیا اب نواز شریف قُل پڑھے گا۔

تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ عمران خان نے لاہور کو ن لیگ کا پانی پت بنادیا اب نوازشریف قُل پڑھے گا، 27کلومیٹر کا جزیرہ گھیرے میں ہے ، سازش دفن ہوگئی اور نواز شریف کی آمدبھی کھٹائی میں پڑگئی، حکمران نہ منہ دیکھانے نہ چور دروازے سے آنے کے قابل رہے۔

شیخ رشید کا کہنا تھا کہ حکمران اتحادی شکست کے لیے تیار رہیں ، 100 دن میں الیکشن شیڈول آجائے گا۔

عمران خان نےلاہورکو ن لیگ کاپانی پت بنادیااب نوازشریف قُل پڑھےگا27کلومیٹرکاجزیرہ گھیرےمیں ہےگینگ آف5کی فاشسٹ سازش دفن ہوگئی نوازشریف کی آمدبھی کھٹائی میں پڑگئی حکمران نہ منہ دیکھانےنہ چوردروازےسےآنےکےقابل رہےحکمران اتحادی شرم ناک شکست کےلیےتیاررہیں 100دن میں الیکشن شیڈول آجائے گا

— Sheikh Rashid Ahmed (@ShkhRasheed) January 12, 2023

سابق وزیر نے ایک اور ٹوئٹ میں کہا کہ وزیرداخلہ نےتختہ لاہورلےکرآناتھاوہ ن لیگ کاتابوت لےکرواپس آئے، آب ان کو سمجھ آجانی چاہیےکہ عمران خان کوسیاست آتی ہے۔

اعتمادکی منصوبہ بندی 3 دن پہلےکرلی گئی تھی، ن لیگ کی سیاست کو اُن کے شہرلاہورمیں دفن کردیاگیا ہے، عمران خان اسمبلیاں تحلیل کرے گا اور عنقریب انتخابی مہم زخمی حالت میں شروع کرے گا۔

وزیرداخلہ نےتختہ لاہورلےکرآناتھاوہ ن لیگ کاتابوت لےکرواپس آئےآب ان کو سمجھ آجانی چاہیےکہ عمران خان کوسیاست آتی ہےاعتمادکی منصوبہ بندی3دن پہلےکرلی گئی تھی ن لیگ کی سیاست کواُن کےشہرلاہورمیں دفن کردیاگیا ہےعمران خان اسمبلیاں تحلیل کرےگااورعنقریب انتخابی مہم زخمی حالت میں شروع کرےگا

— Sheikh Rashid Ahmed (@ShkhRasheed) January 12, 2023