Tag: sheikh rasheed

لاہور : وفاقی وزیر ریلوے شیخ رشید نے کا کہ شہبازشریف کو مریم نواز پھنسانے جارہی ہے اور نوازشریف نے درخواست واپس لی ان کوپتہ ہے کچھ بھی ہوسکتا ہے، نوازشریف کو واپس لانے کیلئے حکومت عدالت جائے گی۔

تفصیلات کے مطابق وفاقی وزیر ریلوے شیخ رشید نے پوسٹ گریجویٹ کالج میں خطاب کرتے ہوئے کہا راولپنڈی میں تعلیم کے کئی نئے ادارے قائم کئے ہیں، خیابان سرسید میں بھی کالج کی تعمیر کا منصوبہ زیرغورہے، راولپنڈی میں انٹرنیشنل یونیورسٹی بنانے جارہے ہیں۔

وفاقی وزیر ریلوے کا کہنا تھا کہ عمران خان حکومت کو کریڈٹ جاتا ہے کالج پنجاب حکومت کومنتقل کیا، راولپنڈی پہلا شہر ہوگاجہاں 5یونیورسٹیاں ہوں گی اور برصغیر کی سب سے بڑی یونیورسٹی راولپنڈی میں ہوگی، جس کے لئے چین سے بات کریں گے۔

شیخ رشید نے کہا کہ راولپنڈی میں مزید 2کالجز کا افتتاح رواں یا اگلے سال کریں گے ، راولپنڈی میں سماجی شعبے کے متعدد منصوبے مکمل کئے ، کوشش ہے، راولپنڈی میں آئی ٹی یونیورسٹی بھی بنائی جائے۔

ان کا کہنا تھا کہ مین بیماری سے نکلا ہوں ،زندگی اللہ تحفہ ہے ، میں نےاس بیماری پرکتاب لکھی ہے ،ہم نے تھانہ ،کچہری،پٹواری کی سیاست نہیں کی۔

وفاقی وزیر ریلوے نے عوام کو اچھی خبر سناتے ہوئے کہا کہ آٹا ،چینی امپورٹ کرنے جارہے ہیں، جس سے آٹا اورچینی سستی ہوگی، سارےذخیرہ اندوز وں کو تباہ وبرباد کریں گے۔

شیخ رشید کا مزید کہنا تھا کہ مولانافضل الرحمان نے تحریری معاہدے کی درخواست کی، فضل الرحمان نے تحریری معاہدے کی درخواست چھوڑ کرنہیں جائیں گے، عمران خان کوئی بھی بڑا فیصلہ کرسکتا ہے این آر او نہیں دے گا۔

اپوزیشن کے حوالے سے انھوں نے کہا کہ بلاول بھٹو ابھی بچہ ہے کچا ہے ، رہنے دیں اس کو، مریم کی پیشی پرپتھر نیب کو نہیں شہبازشریف کی سیاست کو لگے تھے، شہبازشریف کو مریم نواز پھنسانے جارہی ہے، شہبازشریف اپنی تاش لگاتا ہے مریم نوازبکھیر دیتی ہے۔

نواز شریف سے متعلق وفاقی وزیر ریلوے کا کہنا تھا کہ نوازشریف نے درخواست واپس لی ان کوپتہ ہے کچھ بھی ہوسکتا ہے، نوازشریف کو واپس لانے کیلئے حکومت عدالت جائے گی۔

شیخ رشید نے کہا کہ ایم ایل ون پاکستان کی تقدیر بدلے گا، چین کے ساتھ ایم او یو کرنے لگے ہیں ، کراچی میں اپنے حصےکی کےسی آر بنانے جارہےہیں، عثمان بزدار کا کچھ نہیں ہونا ، وہ قائم رہے گا۔

لاہور : وفاقی وزیر ریلوے شیخ رشید کا کہنا ہے کہ تیسرا سال پی ٹی آئی حکومت اورعمران خان حکومت کا مثالی سال ہوگا، عمران خان کوئی بھی فیصلہ کرسکتا ہے مگر ان کو این آر او نہیں ملے گا، ان کی خواہش پر پانی پھر جائے گا۔

تفصیلات کے مطابق وفاقی وزیر ریلوے شیخ رشید نے پریس کانفرنس کرتے ہوئے کہا کہ سارے لوگ اپنی رپورٹ پیش کررہے ہیں تو ہم نے سوچا ہم بھی عوام کی عدالت میں پیش ہوں، ایم ایل ون کی ایکنک سےمنظوری ہوئی ہے، ایم ایل ون کا ٹینڈر بھی اسی ماہ ہوجائےگا، ایم ایل ون کی منظوری کاکریڈٹ وزیراعظم اور آرمی چیف کوجاتا ہے۔

وفاقی وزیر ریلوے کا کہنا تھا کہ ایم ایل ون سے کراچی تالاہور کا سفر 8گھنٹے کا رہ جائےگا، ہمیں 150سال پہلےکے ٹریک ملے ہیں، تمام پھاٹک ختم ہوجائیں گے ،سگنل سسٹم نیاہوجائےگا، ٹرین کےکچھ حادثات ہوئے جو ہمارے لئے باعث تکلیف تھے۔

شیخ رشید نے کہا کہ پارٹیوں میں آپس کی گروپنگ ہے ، کوئی شک نہیں کہ مسائل ہیں پوری کوشش کی کہ ازالہ ہوسکے، یہ پی ٹی آئی حکومت اور پاکستان کی ترقی کا مثالی سال ہوگا، باتیں کرنیوالے سارے لوگ نیب زدہ ہیں۔

ان کا کہنا تھا کہ عمران خان این آراو نہیں دے گا، ان کی خواہش دل میں ہی رہےگی، عمران خان کوئی بھی فیصلہ کرسکتا ہے مگر ان کواین آر او نہیں ملے گا، ان کی این آراو کی خواہش پر پانی پھر جائے گا۔

وفاقی وزیر نے کہا کہ انگریز کے بعد عمران خان کے دور میں ریلوے کو نئی زندگی مل رہی ہے، آٹے کے کنٹینر آنے والے ہیں یا آچکے ہیں، کابینہ میں تجویز پیش کروں گا کہ چینی امپورٹ کریں۔

شیخ رشید کا کہنا تھا کہ اے پی سی پرکہا تھا کہ عید کے بعد محرم اورپھر ربیع الاول ہوگا ، تیسرا سال پی ٹی آئی حکومت اورعمران خان حکومت کا مثالی سال ہوگا، بہت سارے لوگ باتیں کررہے ہیں یہ سب کےسب نیب زدہ ہیں، نیب دونوں اطراف موو کرے گی۔

انھوں نے مزید کہا کہ اب ان تلوں میں تیل نہیں ہے،عمران خان5سال پورے کریں گے ، اپوزیشن بھی جرات نہیں کرسکتی کہ ملک میں اسرائیل کی بات کرے، پیپلز پارٹی اور ن لیگ کے بہت سارے لوگ نااہل ہوتے دیکھ رہا ہوں۔

وفاقی وزیر ریلوے کا کہنا تھا کہ شہبازشریف اور حمزہ شہباز کا کیس سنجیدہ دیکھ رہاہوں ، مریم نواز کا ایک ہی مطالبہ تھا کہ لندن جانےدیاجائے ، مریم نواز نے مایوس ہوکر گاڑی پر پتھراؤ کرایا ، مریم نواز نے پھر میڈیا پر یہ دکھایا کہ میری گاڑی پر پتھراؤ ہوا،سیاسی زندگی میں ایسا جلوس نہیں دیکھا جو پتھر بھی گھر سےلیکرآئے ہوں، پہلے بھی نوازشریف کو مروایا ہے اب بھی ن لیگ کو مروائے گی۔

شیخ رشید نے کہا کہ لوگ طعنے دیتے تھے 5سال کیسے پورے کریں گے ، عمران خان وہ انجن ہے جس کے پیچھے میرے جیسے ٹوٹے پھوٹے ڈبے بھی لگے ہیں۔

ان کا کہنا تھا کہ کے سی آر کو بھی اسی سال اپنی حدتک پورا کرنےجارہےہیں، گرین لائن کو بریج دیناسندھ حکومت کا کام ہے ، سندھ حکومت راستہ دے تو کراچی میں کے سی آر اپنے حصے کا بنائیں گے۔

وفاقی وزیر نے مزید کہا انگریز نے جو ٹریک چھوڑا تھا وہ بھی غائب ہوگیا ہے ، ہم نے ریلوے کی 400ایکڑ زمین خالی کرائی ہے ، ٹریک نیا بنے گا گاڑیاں بھی نئی چلیں گی۔

لاہور : وفاقی وزیر ریلوے شیخ رشید نے صحتیابی کی دعاؤں کیلئے پوری قوم کا شکریہ ادا کرتے ہوئے کہا وزیر اعظم اورآرمی چیف کا خصوصی طور پر مشکور ہوں۔

تفصیلات کے مطابق وفاقی وزیر ریلوے شیخ رشید نے کورونا کو شکست دینے کے بعد اپنے پیغام میں کہا کہ پوری قوم کاشکریہ ادا کرتا ہوں،میری صحتیابی کے لئے دعاکی، وزیر اعظم اورآرمی چیف کاخصوصی طورپرمشکورہوں جبکہ صدرمملکت، اسپیکرقومی اسمبلی اورچیئرمین سینیٹ کابھی مشکور ہوں،یہ تمام شخصیات میرےعلاج سےمتعلق معلوم کرتی رہیں۔

خیال رہے زیر ریلوے شیخ رشید احمد کا کرونا ٹیسٹ منفی آگیا اور وہ اب مکمل صحت یاب ہیں ، انہیں آج ایم ایچ اسپتال سے گھر جانے کی اجازت ملے گی۔

مزید پڑھیں : وزیرریلوے شیخ رشید نے کروناوائرس کو شکست دے دی

عوامی مسلم لیگ کے رہنما شیخ راشد شفیق کا کہنا تھا کہ شیخ رشید احمد آج گھر پہنچ جائیں گے، ڈاکٹروں کے مشورے کے بعد انہیں گھر جانے کی جازت دی گئی ہے، اللہ کا شکر ہے قوم کی دعائیں ساتھ ہیں۔

یاد رہے کہ وفافی وزیر 8 جون کو کروناوائرس کا شکار ہوئے تھے۔ جس کے بعد وہ اپنے گھر میں سیلف آئسولیشن میں چلے گئے تھے، بعد ازاں انہوں نے 10 جون کو بھی وائرس کا ٹیسٹ کروایا تب بھی مثبت آیا بعد ازاں انھیں ملٹری اسپتال منتقل کردیا گیا تھا۔

گزشتہ ہفتے اسپتال سے جاری پیغام میں انہوں نے کہا تھا کہ اب وہ بہتر محسوس کر رہے ہیں۔ فیملی کا کہنا تھا کہ انہیں احتیاطی تدابیر کے پیش نظر اسپتال منتقل کیا گیا تھا، شیخ رشید کو کوئی پیچیدگی لاحق نہیں تھی۔

لاہور: وفاقی وزیرریلوےشیخ رشید کا کہنا ہے کہ نیب قانون کے ساتھ ہوں، کسی ترمیم کی حمایت نہیں کروں گا، چھوٹی عیدپرقربانیاں نہیں گرفتاریاں ہوں گی،31 جولائی سے پہلے پہلے جھاڑو پھر جائے گی، عید کے بعد دونوں طرف گرفتاریاں ہوں گی۔

تفصیلات کے مطابق وفاقی وزیر ریلوے شیخ رشید نے پریس کانفرنس کرتے ہوئے کہا 2 کروڑروپے کے عید کی سواری سے پہلے ٹکٹ خرید لیے گئے، اجازت مل گئی تو لوگوں کوگھروں تک پہنچائیں گے اور اجازت نہ ملی تو 24کروڑ روپے واپس کرنے پڑیں گے۔

شیخ رشید کا کہنا تھا کہ ٹرین کےسفرکےلیےایس اوپی بنالیےہیں، صوبےبسوں اورجہازوں کو تو اجازت دے رہے ہیں، پوری دنیا کے برعکس ہمارے ہاں ٹرین نہیں چل رہی ، پیر کو پریس کانفرنس میں ٹرین چلانے سے متعلق اعلان کریں گے۔

وفاقی وزیر ریلوے نے کہا کہ جلد اعلان نہ ہوا تو عید پر ٹرینیں نہیں چلاسکیں گے اور اگر منگل تک اجازت ملی تو 24 گھنٹے کے نوٹس پرٹرین چلادیں گے، ،وزیراعظم کو پیغام بھیج دیا، پیرتک بتا دیا جائے،ورنہ 24 کروڑ روپے لوگوں کو لوٹا دیں گے۔

ان کا کہنا تھا کہ 3.2 ارب پنشن اور2ارب تنخواہیں ہرماہ دیتےہیں، ہمارے پاس کوئی ریونیو اور پیسےنہیں ہیں، ہم نے لوگوں سے کہا کہ سارے حفاظتی انتظام خودکریں، جس طرح کے حالات ہیں ڈر ہے، ادارہ دیوالیہ نہ ہوجائے۔

شیخ رشید نے کہا کہ اس مہینے عید کے لیے لوگوں کے 23.2کروڑ کے ٹکٹ بک کرائے، ٹرین نہ چلی تو عید کے 15دن بعد پیسے واپس کردیں گے،ہماری 500کوچز ایئرکنڈیشن ڈس انفیکشن کے بعد تیار ہیں۔

اپوزیشن کے حوالے سے وفاقی وزیر کا کہنا تھا کہ ن لیگ پی پی والےکہہ رہے ہیں کہ نیب ختم کردو، ان کو پتہ ہےکہ نیب والے عید کے بعد جھاڑو پھیردیں گے، عید کے بعد دونوں طرف گرفتاریاں ہوں گی، مونس نے جہانگیرترین سے ملاقات کی توان کا اپنے دفاع کا حق ہے۔

انھوں نے مزید کہا کہ چوہدری کبھی بھی گیلی زمین پرپاؤں نہیں رکھتے، سوال ہی پیدانہیں ہوتاکہ ختم نبوت پرکوئی اثرآئے، یہ نوازشریف کادورنہیں،یہ عمران خان کا دور ہے، عمران خان کے دورمیں سوال ہی پیدا نہیں ہوتا کہ ختم نبوت قانون پر کوئی اثرہو۔

شیخ رشید کا کہنا تھا کہ عمران خان کی کوئی اپوزیشن نہیں یہ ٹی وی ٹی وی کھیل رہےہیں، اپوزیشن کاکوئی گراؤنڈ ورک ہوتا ہے وہ شہروں میں نکلتی ہے، میں کوئی بیان دوں گا تو وہ جواب دے دیں گے،بس یہ اپوزیشن ہے، عمران خان اپنے 5سال پورے کرے گا۔

نیب قوانین کے حوالےسے وفاقی وزیر ریلوے نے کہا میں نیب کےقانون کےساتھ ہوں،کسی ترمیم کی حمایت نہیں کروں گا ،چوروں اورلٹیروں کو کھینچ کے رکھنا چاہیے۔

ان کا کہنا تھا کہ کورونا کیخلاف لڑنے والے ڈاکٹروں ،طبی عملےاورریلوےکےملازمین کوسیلیوٹ کرتاہوں، انہوں نے کوئی چھٹی نہیں کی۔

شہباز شریف سے متعلق شیخ رشید نے کہا کہ لاک ڈاؤن شہبازشریف کےلیےلاک اپ بھی بن سکتاہے، شہبازشریف کودستاویزلانےکی اجازت نہیں ملےگی، 31 شہباشریف اپنےٹریپ میں خودپھنس گئےہیں، اگر وہ اپناسافٹ ویئربدل لےتوبچ سکتاہے۔

وفاقی وزیر نے پیش گوئی کی کہ 31 جولائی سے پہلے پہلے جھاڑو پھر جائے گی، چھوٹی عید پر قربانیاں نہیں گرفتاریاں ہوں گی۔

وفاقی وزیر کا کہنا تھا کہ حکومت چندووٹوں پرنہیں کھڑی،پہلےبھی ایک ایک ووٹ پرحکومت چلی، صرف وزیراعظم کو جانتے اور مانتے ہیں، نیب کے قانون میں ترمیم سے پیغام جائے گا کہ ہم کمزور ہیں، علی عمران بھی شہبازشریف کے ساتھ ہے۔