Tag: sheikh rasheed

راولپنڈی: وفاقی وزیر ریلوے شیخ رشید نے دعویٰ کیا ہے کہ شہبازشریف اب بھی نہیں آئیں گے انہیں جا کر پکڑنا پڑے گا ،کورونا وائرس سےمتاثرہ افراد کے لیے ٹرین تیارہے ، امید کرتا ہوں 2 اپریل یا یکم مئی سے محدود ٹرینیں چلادیں گے۔

تفصیلات کے مطابق وفاقی وزیر ریلوے شیخ رشید احمد نے میڈیا سے گفتگو کرتے ہوئے کہا کہ کورونا وائرس سےمتاثرہ افراد کے لیے ٹرین تیار ہے ، جب چاہیں ٹرین استعمال کی جاسکتی ہے۔

وفاقی وزیر ریلوے کا کہنا تھا کہ ریلوے اس بحران کے وقت قوم کے ساتھ ہے، ہمارے750اسٹیشن ہیں جہاں ضرورت ہوئی ٹرین پہنچا دیں گے،ریلوے کے پاس آئسولیشن کیلئے بہت ڈبےہیں ، یکم مئی سے محدود پیمانے پر ریل آپریشن شروع کررہے ہیں۔

شیخ رشید نے کہا کہ ہمیں اس وقت سیاست نہیں کرنی چاہیے، ہم سب کواس وقت ایک ہوکر کھیلناہے، کورونا کے بعدزندہ رہے تو سیاست کر لیں گے۔

شہباز شریف سے متعلق وفاقی وزیر کا کہنا تھا کہ شہبازشریف کوروناکی وجہ سے نہیں کورونا کی پرواز سے آئے ہیں، شہبازشریف اب بھی نہیں آئیں گے انہیں جا کر پکڑنا پڑے گا۔

ان کا کہنا تھا کہ میں نےکل وزیراعظم سےکہا تمام میڈیا اور مخالفین سے صلح کریں، رمضان آرہا ہے صلح کا وقت ہے،سیاست بعد میں کر لیں گے، مسئلہ ہے کہ کوئی سیاست کی طرف نہیں دیکھ رہا ملک کو بچانے کی طرف دیکھا جارہاہے، اس وقت سیاست نہیں ہونی چاہئے۔

نیب کے حوالے سے وفاقی وزیر ریلوے نے مزید کہا کہ نیب نےمیرےبیان کےساتھ دم کابیان ساتھ لگایاہے، میں نے جومذاق میں کہا نیب نے سیریس لے لیا، نیب والوں کو بتانا چاہتا ہوں کہ میرے پاس 2مؤکل ہیں۔

شیخ رشید کا کہنا تھا کہ کوروناوائرس بڑھ رہاہےسفیدپوش کوبچاناہے، عمران خان کی پالیسی کوروناوائرس پربہت اچھی ہے، مشکل وقت میں تمام لوگوں کو غریبوں کی امداد کرنی چاہیئے،شوزیراعظم نے غریبوں کیلئے احسا س پروگرام شروع کیا ہے۔

انھوں نے مزید کہا کہ ریلوے کے اسپتالوں میں6وینٹی لیٹرزموجود تھے، ریلوے کےمزدوروں نے ایک دن کی تنخواہ وزیراعظم فنڈ میں دی ہے جبکہ ملازمین نے 5 کروڑ ایک لاکھ روپے عطیہ دیئے۔

وفاقی وزیر کا کہنا تھا کہ اپٹماوالےسےدرخواست کروں گا5ارب روپیہ دیں، جوسڑک پرہےلوگ اس کی مددکررہےہیں، دکاندارطبقہ پس گیا ہے، مرادعلی شاہ سے بھی کہہ چکاہوں لوگوں کو چھوڑو، امید کرتا ہوں 25یا پہلی تاریخ کو محدود ٹرینیں چلادیں گے۔

لاہور: وزیر ریلوے شیخ رشید کا کہنا ہے کہ وزیراعظم عمران خان معیشت پراچھی خبردیں گے اور اس مہینےآٹااورچینی چوروں کےناموں کااعلان کریں گے۔

تفصیلات کے مطابق وفاقی وزیر ریلوے شیخ رشید نے پریس کانفرنس کرتے ہوئے کہا پچھلےسال کی نسبت مسافراورفریٹ میں3ارب زیادہ کمارہےہیں، فری ٹریک پالیسی لارہے ہیں اور9 ٹرینوں کو پرائیویٹ سیکٹر کو دینے جارہے ہیں، بزنس، اے سی اسٹینڈرڈ کیلئے دو طرفہ ٹکٹس پر 25فیصدچھوٹ ہوگی۔

شیخ رشید کا کہنا تھا کہ عمران خان اسی مہینے چینی اور آٹا مافیا کو شکنجے میں لیں گے ، لوگوں کامطالبہ ہے چینی اورآٹاچوروں کو بے نقاب کیاجائے، اس مہینے آٹا اور چینی چوروں کے ناموں کا اعلان کریں گے۔

وفاقی وزیر ریلوے نے کہا کہ ایم ایل ون میری زندگی کا مشن ہے ، وزیراعظم کو کہا میں ریلوے میں ایم ایل ون کے لیے آیا ہوں ،ایم ایل ون میں کوئی ریلوے کراسنگ نہیں ہوگی۔

ان کا کہنا تھا کہ گوجرانوالہ ٹرین بہتر چل رہی ہے، ہمارے ساتھ ٹریفک مافیا کی بھی لڑائی ہے ، شکر کریں میری ایک سیٹ ہے ،اگر2 ہوتیں تو دنیا کو چکرا دیتا، زندگی میں 8 دفعہ وزیر بنا ہوں، میرا مشن نالہ لئی اور ایم ایل ون ہے۔

شیخ رشید نے کہا وزیراعظم عمران خان معیشت پراچھی خبردیں گے، نیب آرڈیننس پیپلزپارٹی اور پی ٹی آئی مل کر بنارہی ہے، مافیا اتنے مہنگے وکیل رکھتے ہیں تو وہ ویسے ہی متاثرہوتےہیں، نیب کوبھی اچھے وکیل رکھنےچاہئیں۔

وفاقی وزیر کا کہنا تھا کہ کچھ نیا نہیں ہونے جارہاہے، شاہدخاقان جتنی باتیں کررہے ہیں عنقریب فیصلےآئیں گے اور بلاول کے ہاتھوں پیپلزپارٹی کی پنجاب میں دال نہیں گل سکتی۔

انھوں نے مزید کہا کہ فنانس، پلاننگ پیسے دیں گے اور 6ماہ میں کے سی آر چلانےکی کوشش کریں گے ، پہلوان وہ ہوتے ہیں جو اکھاڑے میں کھیلتےہیں۔

مقبوضہ کشمیر اور بھارت کے حوالے سے شیخ رشید کا کہنا تھا کشمیرکے3دورےکرکےآیاہوں ، بھارت میں مسلمانوں کے ساتھ برا سلوک ہو رہا ہے، یہاں کے مسلمانوں کے سوچنے کا مقام ہے ، پاکستان کتنی بڑی جنت ہے، کشمیر پر عمران خان کی کوئی کمزور پالیسی نہیں۔

لاہور : وزیر ریلوے شیخ رشید کا کہنا ہےمولانااگر دھرنا دینے آئیں گے تو دھرلیا جائےگا، چور ڈاکو باہر جا کر نئی ٹوپیاں پہنیں یہ حکومت برداشت نہیں کرے گی، مہنگائی ہماری اپوزیشن اورسوکن ہے۔

تفصیلات کے مطابق وزیر ریلوے شیخ رشید نے پریس کانفرنس کرتے ہوئے کہا کراچی کالوڈکےسی آرپرمنتقل کریں گے، اپریل کے آخر میں کوچز کو نئی شکل دینے جارہے ہیں، سپریم کورٹ کےحکم پر کے سی آر پر کام شروع کرنے جا رہے ہیں، پچھلے سال کی طرح اس  سال بھی خسارہ کم کریں گے۔

شیخ رشید کا کہنا تھا کہ پیپلزپارٹی اور ن لیگ کوئی لڑائی نہیں کریں گی، دونوں میڈیا میڈیا کھلیں گی، نیب آرڈیننس مل کربناسکتے ہیں تو حکومت کے لئے گنجائش پیدا کر سکتے ہیں، مریم نواز کے باہر جانے میں کابینہ بھی رکاوٹ ہے۔

وزیر ریلوے نے کہا کہ وزیراعظم عمران خان بہت محنت کررہے ہیں، ریونیومیں اضافے کیلئےسب کو ساتھ لےکر چلنا چاہتے ہیں ، ہم نے کسی کو بھی ایک مرلہ زمین نہیں دی۔

ان کا کہنا تھا کہ آٹےکا بحران سازش تھا، چینی کا بحران بحران تھا ، آٹا چینی بحران میں جو بھی ملوث تھا وزیراعظم گھیرا تنگ کررہے ہیں۔

شیخ رشید نے کہا کہ ایم کیوایم شریف پارٹی ہے ہمارے ساتھ ہے ، ہمارے ساتھ صرف مولانافضل الرحمان نہیں، مولانا اگر دھرنادینےآئیں گے تو دھرلیا جائےگا، مولانا جلسہ کرنے آئیں گے تو پکوڑوں اور سموسوں سےاستقبال کریں گے۔

مقبوضہ کشمیر کے حوالے سے وفاقی وزیر کا کہنا تھا کہ دنیاکی کوئی طاقت کشمیریوں کوآزادی سےنہیں روک سکتی، مودی نے کشمیرمسئلے کو زیادہ زندہ کیا ہے ، بھارت کےاسٹیجز پر پاکستان زندہ بادکےنعرےلگ رہے ہیں،بھارت میں بچیاں پاکستان زندہ باد کےنعرےلگارہی ہیں۔

انھوں نے مزیدکہا کہ مریم آتی ہےتوپھرشہبازشریف کی سیاست کی پوزیشن کوئی اورہوگی، چورڈاکوباہرجاکرنئی ٹوپیاں پہنیں یہ حکومت  برداشت نہیں کرے گی، بلاول کی نظر کیا خطرناک ہوگی اسے اپناصدقہ دیتےرہناچاہیے۔

شیخ رشید کا کہنا تھا کہ مہنگائی ہماری اپوزیشن اورسوکن ہے، 3بارعمران خان کشمیر کےمسئلےکویو این لےکر گئے ہیں، ہماری معاشی ٹیم گرےلسٹ سے نکلنے کی کوشش کر رہی ہے۔

وزیر ریلوے نے کہا کہ سانحہ تیزگام کےمتاثرین کومعاوضہ مل چکا،چندایک کامسئلہ ہےجوحل ہوجائے گا۔