Tag: sheikh rasheed

لاہور : وفاقی وزیرشیخ رشید نےٹرانسپیرنسی انٹرنیشنل کی رپورٹ کوبکواس قراردے دیا اور کہا عمران خان کی دیانت کی قسم کھاسکتاہوں، ہم میں کوتاہیاں ہیں، آٹےکوڈیل نہ کرسکے، 2020الیکشن کا نہیں ترقی کا سال ہے۔

تفصیلات کے مطابق وفاقی وزیر ریلوے شیخ رشید نے پریس کانفرنس کرتے ہوئے کہا لاہورکےتاجرآگےبڑھیں اورکام کوآگےبڑھائیں، چین پاکستان سےمحبت کرنے والاملک ہے، کوئی بھی سی پیک کی راہ میں رکاوٹ نہیں بن سکتا۔

شیخ رشید کا کہنا تھا کہ آئی ایم ایف کاقرض 6ارب ڈالرہے،خمیازہ قوم بھگت رہی ہے، سخت بات کہہ گیا،قوم استفادہ کررہی ہے، چاہتےہیں بزنس مین موبائل پر دیکھ سکےاس کاسامان کہاں ہے، 5نئےڈرائی پورٹ کی خوشخبری دےرہاہوں،یکم مارچ کی تاریخ مقررہے۔

وفاقی وزیر ریلوے نے کہا کہ جب تک ایم ایل ون نہیں بنتاپاکستان ریلویزترقی نہیں کرسکتا ، میری زندگی کامشن ایم ایل ون ہے،اس کےساتھ ریٹائرہوجاؤں گا، چین نے ریلوےمیں پوری دنیا کو پیچھے چھوڑ دیا ہم نے فائدہ نہیں اٹھایا، ہم چین سےٹریک بچھواسکتےتھےجوہم نےنہیں کیا، ریلوےکی زندگی ایم ایل ون سے ہے ،اسےجلال آبادتک لےجائیں گے۔

ان کا کہنا تھا کہ جومسائل ہمیں ملےوہ پہلےکبھی کسی کونہیں ملے، کوئی ہفتہ نہیں گزرتاکہ حکومت کوکسی مسئلےسےنمٹنانہ پڑے، میں عمران خان کی دیانت کی قسم کھاسکتاہوں، حکومت نےکچھ کیاہویانہیں دیانت کی بنیاد رکھی ہے.

شیخ رشید نےٹرانسپیرنسی انٹرنیشنل کی رپورٹ کوبکواس قرار دیتے ہوئے کہا ہم میں کوتاہیاں ہیں، آٹےکوڈیل نہ کرسکے، آٹاکی برآمد کیخلاف کابینہ میں آواز اٹھائی تھی۔

وفاقی وزیر کا کہنا تھا کہ میں ریلوےکاوزیرلیکن غریب کی آوازہوں، ایم ایل ون ایک لاکھ لوگوں کوروزگاردےگا، معیشت بہترہوگی تولوگوں کو روزگار ملے گا، انشااللہ عمران خان جلدلاہوراورروالپنڈی آئیں گے۔

مہنگائی کے حوالے سے انھوں نے کہا کہ ملک میں ایک مضبوط پرائس کنٹرول کمیٹی ہونی چاہیے، چینی کی قیمت کم ہوئی ہے،منگل کوکابینہ اجلاس میں اور کم کراؤں گا۔

شیخ رشید کا کہنا تھا کہ عمران خان کی حکومت کوآتےہی40مسائل درپیش تھے، عمران خان نے جتنی محنت کی اتنانتیجہ نہیں نکلا، 10سال میں ملک کےقرضےادا کردیے جائیں گے۔

یوم یکجہتی کشمیر کے دن کے حوالے سے وفاقی وزیر نے کہا کہ 5فروری کوکشمیرسےیکجہتی کادن منارہےہیں، یوم کشمیرپر5فروری کوسب کولال حویلی میں دعوت ہے،لال حویلی میں 5فروری کوایک تاریخی جلسہ ہوگا۔

ان کا کہنا تھا کہ آئی ایم ایف اس وقت ضروری ہے،مجبوری ہے، اللہ کرےپاکستان 5سال میں اقتصادی مسائل سےنکل سکے اور عمران خان کے5سال کےدور میں معیشت مضبوط ہوجائے، معیشت اتنی مضبوط ہوجائےکہ ہم آئی ایم ایف کے چنگل سےنکل جائیں۔

شیخ رشید نے مزید کہا کہ عمران خان بزدارکے ساتھ کھڑاہوں، میں عمران خان کےساتھ ہوں، 2020الیکشن کا نہیں ترقی کا سال ہے۔

لاہور : وفاقی وزیر ریلوے شیخ رشید نے کہا ہے کہ مریم اور شہبازشریف کیخلاف مزید کیسز سامنے آنے والے ہیں ، نواز شریف واپس نہیں آرہے اور نہ ابھی بیٹی پاپا سے ملنے جائے گی۔

تفصیلات کے مطابق وفاقی وزیر ریلوے شیخ رشید نے پریس کانفرنس کرتے ہوئے کہا آرمی ترمیمی بل کی سپورٹ پردونوں بڑی جماعتوں کا مشکور ہوں، امید ہے الیکشن کمیشن باہمی رضامندی سے ہی تشکیل پائےگا۔

شیخ رشید کا کہنا تھا کہ شہبازشریف اورمریم نواز کے2نئے کیسز طلوع پذیر ہونے والے ہیں، نیب آرڈیننس میں چلمن کے پیچھے بہتر رائے عامہ جاری ہے، وزیراعظم سے کل بھی کہا تمام میڈیا سے صلح ہونی چاہیے، حکومت سب کی ہوتی ہے، اپوزیشن کرنے کا تمام میڈیا کو کرنے کا حق ہے، 24گھنٹےمیڈیالائیوچلتاہے،ہم نے ان کو سہنا ہے، چینلزکی لڑائی لڑنےوالوں کی مذمت کرتا ہوں۔

مقبوضہ کشمیر کے حوالے سے شیخ رشید نے کہا کہ سمجھتاہوں مسئلہ کشمیر کےایشوپرابھی تک ہم نے کمزوری دکھائی، ہٹلر مودی کے کشمیر کے اقدام پر5فروری کوپاکستانی قوم تاریخی کردار اداکرے گی۔

ان کا کہنا تھا کہ شام، لیبیا اور یمن سے پھیلتی ہوئی جنگ بڑھتی چلی جارہی ہے، پاکستان نے امریکا ایران مسئلے پر بھی ذمہ داری کا مظاہرہ کیا، فضائی، بحری یا زمینی لحاظ سے پاکستانی سرزمین کسی کیلئے استعمال نہیں ہوگی۔

وفاقی وزیر نے کہا ریلوے واحد محکمہ ہے، جس میں 25 ہزارنوکریاں آنے والی ہیں، بڑی تعداد ریٹائرڈ ہونے جارہی ہے، اس لئےاسامیاں آرہی ہیں، مزدور ہی مزدوروں کے دشمن ہیں، اسٹے آرڈر ختم ہونے کا انتظار ہے، ریلوے میں ایک لاکھ افراد کیلئے روزگارکے مواقع پیدا ہوں گے۔

شریف خاندان سے متعلق شیخ رشید کا کہنا تھا کہ یہ سب سوچ سمجھ کر ہی باہر گئے ہیں شہبازشریف لندن جس کام کیلئے گئےہیں وہ انہیں کرنے دیں، نوازشریف نہیں آرہا اور نہ پاپا کو ملنے بیٹی ابھی جارہی، نیب ختم نہیں ہوگا اور نہ پرانے کیسز ختم ہوں گے۔

ملک میں مہنگائی کے حوالے سے انھوں نے کہا مہنگائی ہے لیکن عمران خان کےسوا کوئی اور متبادل نہیں، عوام تین سال کاوقت دیں، مہنگائی پر قابو پالیں گے۔

وزیرریلوے کا کہنا تھا کہ کسی پرتبصرہ نہیں کرناچاہتا،لاہوری5سال پہلےسیاست کوسمجھ جاتےہیں، میں اتحادی ہوں اور عمران خان کے ساتھ سائے کی طرح کھڑا ہوں۔

شیخ رشید نے مزید کہا عمران خان عثمان بزدار کےساتھ ہیں،میں بھی ساتھ ہوں، فوادچوہدری میٹنگ میں کچھ بھی کہہ سکتے ہیں، فواد چوہدری میں ہمت ہے،اس لئے انہوں نے بات کی۔

لاہور : وزیر ریلوے شیخ رشید کا کہنا ہے کہ باربارکہہ رہاہوں شہبازشریف ہماری پارٹی کاآدمی ہے، اپوزیشن کا تعاون سوالاکھ تعویذ کا نتیجہ ہے، اب جہاں جہاں ضرورت ہوگی یہ تعویذکام آئے گا۔

تفصیلات کے مطابق وفاقی وزیر ریلوے شیخ رشید نے پریس کانفرنس کرتے ہوئے کہا اضاخیل میں کل وزیراعظم نئے ڈرائی پورٹ کا افتتاح کررہے ہیں ، ہم نے سوچا کہ عوام کوایک نئی ٹرین دیں، ضروری ہوا تو پشاور کے بجائے نئی ٹرین ہم مردان سےچلادیں گے، پختون بھائیوں کےلیے 65 سال تک آدھا کرایہ کردیا ہے جبکہ 75 سال کے بزرگوں کے لیے کرایہ فری کردیا ہے۔

آرمی ایکٹ ترمیمی بل کے حوالے سے شیخ رشید کا کہنا تھا کہ اچھی فضاہے کہ تمام اپوزیشن نےآرمی چیف کے3سال توسیع میں سپورٹ کیا، ایسےمیں آرمی چیف کو توسیع دینا بہت اچھی بات ہے، میں نے3سال پہلے ہی کہہ دیا تھا ن لیگ اورپیپلزپارٹی ووٹ دیں گے۔

وفاقی وزیر ریلوے نے بھارت میں جاری احتجاج سے متعلق کہا کہ کشمیر میں تو ظلم تھاہی اب بھارت میں بھی شروع ہوگیا ہے، اس وقت دنیامیں سب سے زیادہ احتجاج بھارت میں ہورہا ہے۔

ان کا کہنا تھا کہ ایک نیا سیاسی عمل شروع ہونےجارہاہے، انشااللہ وزیراعظم عمران خان 5سال پورے کریں گے، گوادرکےبعدپشاورمستقبل کی ریلوےٹریک کا مرکزبننے جارہاہے، پوری دنیا کے مفاد میں ہےکہ جلال آباد کے راستے ہم تجارت شروع کریں۔

شیخ رشید نے مزید کہا ایم ایل ون میں ایک لاکھ نوجوانوں کوروزگار ملےگا، ایم ایل ون،تھری ،فوراصل میں یہ سی پیک تھا، انشااللہ اس سال2020میں پشاور کو ایک نئی ٹرین دوں گا۔

وفاقی وزیر ریلوے کا کہنا تھا کہ میں پہلےدن سےکہہ رہاتھاکہ باجوہ ڈن ہےباجوہ ڈن ہے، احتساب ہرصورت ہوناہے،یہ عمران خان کاایجنڈاہے، یقین ہے، مارچ کے بعد احتساب اپنی اصل شکل میں آجائے گا، مارچ کےبعداحتساب میں جان آجائےگی۔

ملک میں بڑھتی مہنگائی کے حوالے سے انھوں نے کہا مہنگائی توخان صاحب نےکہااس سال ختم ہوجائےگی، میں کہتا ہوں کہ مہنگائی3سال میں ختم ہوگی۔

شیخ رشید کا اپوزیشن سے متعلق کہنا تھا کہ یہ تعویذوں کو مانتے ہیں اس لیے تعویذ کیے، باربارکہہ رہاہوں شہبازشریف ہماری پارٹی کاآدمی ہے، شہباز شریف وکٹ کے دونوں طرف کھیل رہاہے، شہباز شریف میرا دوست ہے، اس کے بارے میں غلط بات نہیں کہنا چاپتا۔

وفاقی وزیر نے کہا کہ اسمگلنگ ختم کرنےکاایک ہی طریقہ ہےکہ کنٹینراضاخیل لائیں، اس میں ہمیں عالمی طورامدادملنے کی بھی امیدہے، ہم نےتمام ٹرینوں میں ٹریکرسسٹم لگادیےہیں۔

ان کا کہنا تھا کہ اپوزیشن کا تعاون سوالاکھ تعویذ کا نتیجہ ہے، یہ ہماری بجائے تعویذ کی مان رہے تھے تو ایسے ہی سہی ، اب جہاں جہاں ضرورت ہوگی یہ تعویذکام آئے گا۔