Tag: sheikh rasheed

،راولپنڈی : وفاقی وزیر ریلوے شیخ رشید نے کہا 3 ماہ میں مہنگائی کنٹرول ہوگی ،بجلی،گیس کے بل ٹھیک ہو جائیں گے ،بھارت کے مسلمان پوری دنیا کی طرف دیکھ رہےہیں۔

تفصیلات کے مطابق وفاقی وزیر ریلوے شیخ رشید نے سرگودھا روانگی سے قبل میڈیا سے گفتگو سے گفتگو کرتے ہوئے کہا ایک سے16گر یڈ ملازمین کی مراعات کیلئےوزیر اعظم سے بات کروں گا، رائیونڈ سے بھی ٹرین چلانےکافیصلہ کیا ہے، سرگودھا ڈویژن سے ٹرین آج چلائی جائے گی۔

شیخ رشید کا کہنا تھا کہ ریلوے کا خسارہ 3سال میں پورا کریں گے، حکومت گرانے کیلئےغیرجمہوری زبانیں استعمال کی جارہی ہیں، ملک اب بہتری کی طرف جائے گا اور 3ماہ میں مہنگائی کم ہوگی ،بجلی، گیس کے بل ٹھیک ہو جائیں گے۔

وفاقی وزیر نے کہا کہ اچھی بات ہے کہ عدلیہ نے بہتر اقدا م لئے اور زرداری کی ضمانت ہوئی ہے ، مریم اورفریال کےباہرجانے کے لئے حالات سازگار نہیں دیکھ رہا۔

ان کا کہنا تھا کہ اسلام آباد میں جو کل حادثہ ہوا ہے، افسوسناک ہے ، یہی وجہ طلبا یونین کی بحالی میں رکاوٹ ہے، نیب کی ریکوری آنے والی ہے، بلاول 18 سال کے تھے، جب وہ 5کمپنیوں کے ڈائریکٹر تھے، نیب سے اچھی خبریں آئیں گی اور پیسہ بھی واپس آئے گا۔

بھارت کے حوالے سے وفاقی وزیر ریلوے نے کہا کہ ہٹلر مودی نے بھارت میں مسلمانوں کا جینا دوبھر کردیاہے، بھارت کے مسلمان پوری دنیا کی طرف دیکھ رہے ہیں، بھارت کے تمام مسلمانوں کو گھیرا جارہا ہے۔

مزید پڑھیں : جو لوگ الیکشن کا مطالبہ کر رہے ہیں ان کو شرم آنی چاہیئے، شیخ رشید

گذشتہ روز شیخ رشید کا کہنا تھا کہ جو لوگ الیکشن کا مطالبہ کر رہے ہیں ان کو شرم آنی چاہیئے، یہ کیسے کہہ سکتے ہیں الیکشن کمیشن میرا اور جج میرا ہونا چاہیئے۔ چیف الیکشن کمشنر غیر جانبدار ہونا چاہیئے، اپوزیشن نے 2013 اور 2018 کے دونوں الیکشن نہیں مانے۔

وزیر ریلوے نے کہا تھا کہ ملکی حالات ایسے ہیں کہ ٹینشن کم کرنے کی ضرورت ہے۔ عوام مہنگائی میں پس رہے ہیں۔ بجلی گیس کے بل عوام کی پہنچ سے باہر ہوتے جارہے ہیں۔

ان کا کہنا تھا کہ بھارت ایک ہندو اسٹیٹ بنتی جارہی ہے۔ مسلمانوں کو 10 ویں درجے کا شہری بھی تسلیم نہیں کیا جارہا، پاکستان اور ہندوستان کے حالات مزید تلخ ہوجائیں گے، مسئلہ کشمیر کے حل کے لیے ہمیں عملی طور پر کام کرنا ہوگا۔ مودی کے کان پر جوں تک نہیں رینگ رہی۔

راولپنڈی: وفاقی وزیر ریلوے شیخ رشید احمد نے کہا ہے کہ اگر نواز شریف باہر جاسکتے ہیں تو زرداری کا بھی حق ہے۔

تفصیلات کے مطابق وزیر ریلوے شیخ رشید احمد نے میڈیا سے گفتگو کرتے ہوئے کہا کہ نواز شریف باہر جاسکتے ہیں تو زرداری کا بھی حق ہے، بلاول جگ جگ پنڈی آئیں راستے میں پلکیں بچھائیں گے پھول کا فیشن پرانا ہوگیا۔

شیخ رشید نے کہا کہ سابق صدر پرویز مشرف کو غدار سمجھتا ہوں نہ ہی کرپٹ سمجھتا ہوں۔

وزیر ریلوے نے کہا کہ آرمی چیف جنرل قمر جاوید باجوہ کی مدت ملازمت میں توسیع کے لیے سادہ اکثریت چاہیے جو موجود ہے۔

شیخ رشید احمد نے کہا کہ اسکوٹر بیچ کر ریشم کا کاروبار شروع کیا، بینک سے قرض لیتا تو صنعتکار بن جاتا اور بعد میں معاف کرالیتا۔

مزید پڑھیں: عمران خان کی قیادت میں بہتری کی طرف بڑھ رہے ہیں: شیخ رشید

واضح رہے کہ اس سے قبل شیخ رشید کا کہنا تھا کہ عمران خان کی قیادت میں بہتری کی طرف بڑھ رہے ہیں، عالمی اداروں نے پاکستان کی معیشت میں بہتری کا اعتراف کیا ہے۔

وزیر ریلوے کا کہنا تھا کہ ایم ایل ون سے راولپنڈی تا کراچی کا سفر صرف 8 گھنٹے ہوجائے گا، ایم ویل ون سے ایک لاکھ ملازمت کے مواقع پیدا ہوں گے۔

شیخ رشید کا کہنا تھا کہ راولپنڈی میں چھوٹے موٹے مسئلے لگے رہتے ہیں۔ پاکستان کا بہترین اسپتال راولپنڈی میں بننے جا رہا ہے۔ اس اسپتال میں 14 آپریشن تھیٹر ہوں گے۔ وزارت ریلوے کا خسارہ 3 سال میں ختم کریں گے۔