Tag: sheikh rasheed

لاہور : وزیر ریلوے شیخ رشید نے کہا ہے کہ پورا یقین ہے شہباز شریف مولانا کے مارچ کا حصہ نہیں ہوں گے ، پانچ لوگوں کوعمران خان این آراو دے دیں تو ساری تحریکیں ختم ہوجائیں گی۔

تفصیلات کے مطابق وفاقی وزیر ریلوے شیخ رشید نے گفتگو میں کہا کہ عمران خان نے جنرل اسمبلی میں امت مسلمہ کی بات کی، مولانا صاحب کشمیر جانے کے بجائے اسلام آباد آرہے ہیں۔

شیخ رشید کا کہنا تھا کہ امید ہےاپوزیشن کی طرف سے شہبازشریف بہتر فیصلہ کریں گے اور میراخیال ہے بلاول بھٹو آزادی مارچ میں شریک نہیں ہوں گے ، وہ آزادی مارچ کی صورتحال کو مانیٹر کریں گے۔

آزادی مارچ ناکام ہوتے دیکھ کرمولاناصاحب کو مایوسی ہوگی

وفاقی وزیر نے کہا آزادی مارچ ناکام ہوتے دیکھ کرمولاناصاحب کو مایوسی ہوگی ، مولاناصاحب جس سوچ کےساتھ بیٹھے ہیں ایسےانھیں کامیابی نہیں ملے گی، آزادی مارچ کے حوالےسےحکومتوں کی اپنی اسٹریٹجی ہوتی ہے۔

ان کا کہنا تھا کہ پورا یقین ہے شہباز شریف مولانا کے مارچ کا حصہ نہیں ہوں گے، آج شہبازشریف اور نوازشریف کی سیاست مختلف ہے، پانچ لوگوں کوعمران خان این آراو دے دیں تو ساری تحریکیں ختم ہوجائیں گی، عمران خان دھرناقبول کرلیں گے، ان پانچوں کو نہیں چھوڑیں گے۔

عمران خان دھرناقبول کرلیں گے، ان لوگوں کو نہیں چھوڑیں گے

شیخ رشید نے کہا کہ آرمی چیف اورعمران خان ایک ہی گاڑی کے2پہیےہیں، وزیراعظم دورہ چین پر جارہے ہیں میں بھی ساتھ جاؤں گا۔

مزید پڑھیں : سب معاملات طے ہیں لانگ مارچ کی نوبت ہی نہیں آئے گی، شیخ رشید کا دعویٰ

یاد رہے گذشتہ روز وفاقی وزیرریلوے شیخ رشید نے دعویٰ کیا تھا کہ سب معاملات طے ہیں لانگ مارچ کی نوبت ہی نہیں آئے گی، نہیں چاہتےکہ مولانا ڈینگی سے لڑیں۔

انھوں نے مزید کہا تھا کہ عمران خان کے کشمیر کے زبردست مؤقف پرقوم اور شہبازشریف ساتھ ہیں، تھوڑے دنوں میں بلاول بھی مسئلہ کشمیر پرعمران خان کےساتھ ہوگا اور دونوں لیڈران فضل الرحمان کوسمجھانے میں کامیاب ہوں گے

لاہور : وفاقی وزیرریلوے شیخ رشید نے دعویٰ کیا ہے کہ سب معاملات طے ہیں لانگ مارچ کی نوبت ہی نہیں آئے گی، نہیں چاہتےکہ مولانا ڈینگی سے لڑیں، عمران خان کے کشمیر کے زبردست مؤقف پرقوم اور شہبازشریف ساتھ ہیں، تھوڑے دنوں میں بلاول بھی عمران خان کے ساتھ ہوں گے۔

تفصیلات کے مطابق وفاقی وزیر ریلوے شیخ رشید نے تقریب سے خطاب کرتے ہوئے کہا وزیراعظم عمران خان 7اکتوبر کو دورہ چین پر جارہےہیں ، ایم ایل ون پر کراچی سےراولپنڈی کاسفر7 گھنٹے پر محیط ہوگا، ایم ایل ون سے ریلوے کی بہتری کا نیا دور شروع ہوگا اور این ایل سی کوبھی ایم ایل ون پر کام کرنے کاموقع دیں گے۔

شیخ رشید کا کہنا تھا کہ ریلوے خسارہ کم کریں گے اور مسافروں کی تعداد80لاکھ تک بڑھی ہیے، ایک لاکھ لوگوں کو ایم ایل ون میں نوکریاں ملیں گی، پاکستان کی 70فیصد آبادی سےریلوے لائن گزرتی ہے ، ہم مال گاڑیاں افغانستان کےبارڈر تک لے جائیں گے۔

اندر کی بات یہ ہے عمران خان 5 سال مکمل کریں گے

وفاقی وزیر ریلوے نے کہا کہ چور کا پتا جب لگتا ہے جب وہ اقتدار میں آتا ہے ، صرف نواز شریف اور زرداری چور نہیں ،پورا معاشرہ چور ہے۔

ان کا کہنا تھا کہ ریلوے کے مسافر بڑھنے میں کسی کا کوئی کمال نہیں، آبادی ہی اتنی بڑھ گئی ہے لوگ ریلوےپرہی سفرکرتےہیں، ہم نے آج تک 15فریٹ ٹرینیں چلا چکے ہیں، پلوامہ حملے کے بعد پوچھا گیا ٹرینوں کی کیا پوزیشن ہے۔

شیخ رشید نے کہا عمران خان نے اقوام متحدہ میں بھرپور مؤقف اپنایا، مولانا فضل الرحمان کو عمران خان کا مشکور ہونا چاہیے ، اندر کی بات یہ ہے عمران خان 5 سال مکمل کریں گے۔

ہم نہیں چاہتے مولوی اسلام آباد میں ڈینگی سے لڑیں

وفاقی وزیر نے دعویٰ کیا کہ اپوزیشن سے تمام معاملات ٹھیک ہیں ، معاملات طے ہیں،لانگ مارچ اوردھرنے کا وقت نہیں آئے گا، ہم نہیں چاہتے مولوی اسلام آباد میں ڈینگی سے لڑیں، میں مولانا فضل الرحمان کو ڈینگی سے بچانا چاہتا ہوں۔

انھوں نے مزید کہا کہ عمران خان کے کشمیر کے زبردست مؤقف پرقوم اور شہبازشریف ساتھ ہیں، تھوڑے دنوں میں بلاول بھی مسئلہ کشمیر پرعمران خان کےساتھ ہوگا اور دونوں لیڈران فضل الرحمان کوسمجھانے میں کامیاب ہوں گے۔

لاہور : وفاقی وزیر ریلوے شیخ رشید نے کہا کہ سلامتی کونسل میں 52 سال بعد کشمیر کا مسئلہ عمران خان لے کر گئے، عمران خان اور جنرل باجوہ کی قیادت میں مسئلہ کشمیر آگے جائے گا اور کشمیر آزاد ہو گا۔

تفصیلات کے مطابق وفاقی وزیر ریلوے شیخ رشید نے نیوز کانفرنس کرتے ہوئے کہا عمران خان ایم ایل اے ون کے ساتھ ہیں، نو یا دس اکتوبر کو چین جائیں گے، ریلوے معیشت کے لیے شریان کی حیثیت رکھتی ہے۔

وفاقی وزیر ریلوے کا کہنا تھا کہ فضل الرحمان کے پروپیگنڈے کا مقصد کچھ اور ہے، پیپلزپارٹی اور مسلم لیگ ن ان کے ساتھ نہیں چلے گی، پیپلزپارٹی مذہب کارڈ استعمال کرنے پر مولانا کے ساتھ نہیں اور نہ ن لیگ کسی مذہبی کارڈ کے استعمال میں شامل ہوگی۔

مولانا فضل الرحمن ناموس رسالت پر لوگوں کو اکٹھا کر رہے ہیں

شیخ رشید نے کہا اسلام آباد بند ہونے نہیں جارہا، پی ٹی آئی حکومت کیخلاف زہریلا پروپیگنڈا ہورہاہے، ہم ناموس رسالت کے سپاہی ہیں، جیلیں بھی کاٹی ہیں۔

ان کا کہنا تھا کہ سلامتی کونسل میں 52سال بعد کشمیرکا مسئلہ عمران خان لے کرگئے، عمران خان کشمیر کے مظلوموں کے لئے اپنا کیس ستائیس ستمبر کو اقوام متحدہ میں لڑنے جا رہے ہیں ، کشمیر کے اندر سے تحریک اٹھے گی اور پتھراستعمال کرنے والے اب کچھ اور استعمال کریں گے۔

کشمیر کے اندر سے تحریک اٹھے گی اور پتھراستعمال کرنے والے اب کچھ اور استعمال کریں گے

وفاقی وزیر ریلوے نے کہا کشمیری زندہ قوم ہے،انہیں پتہ ہےکیا قدم اٹھاناہے، ٹرمپ دونوں طرف کھیلے، سپر پاور ہمیشہ اپنا مفاد دیکھتی ہے، پاک فوج کے جوان وطن عزیز کیلئے جانوں کے نذرانے پیش کر رہے ہیں۔

شیخ رشید کا کہنا تھا کہ عمران خان اور جنرل باجوہ کی قیادت میں مسئلہ کشمیر آگے جائے گا اور کشمیر آزاد ہو گا، جنگ کا فیصلہ قمر باجوہ اور عمران خان نے کرنا ہے لیکن جنگ ہوتے ہوئے نہیں دیکھ رہا، اگر پاکستان پر حملہ ہوا تو پاک فوج ٹارگٹ کے ساتھ تیار ہے۔

جنگ کا فیصلہ قمر باجوہ اور عمران خان نے کرنا ہے

انھوں نے کہا ہٹلر نے پوری فوج و قوم کو تباہ و برباد کردیا تھا،مودی وہی کرے گا، پوری قوم آرمی چیف کے فیصلے کے پیچھے کھڑی ہے۔

وفاقی وزیر ریلوے کا کہنا تھا کہ عمران خان کی ایران کے روحانی پیشوا سے ملاقات ہو گی، ہم امن چاہتے ہیں، اگر جنگ ہوتی ہے تو پورا خطہ لپیٹ میں آ جائے گا۔

ہم امن چاہتے ہیں، اگر جنگ ہوتی ہے تو پورا خطہ لپیٹ میں آ جائے گا

شیخ رشید نے کہا بھمبر پر کھڑے ہو کر کل کشمیریوں کو پیغام دوں گا اور کشمیریوں سے اظہار یکجہتی کے لئے کل تتہ پانی، چکوٹھی اور راولا کوٹ جاؤں گا۔

افغانستان کے حوالے سے ان کا کہنا تھا کہ افغان امن کے لئے پاکستان ہرممکن تعاون کررہاہے، نوازشریف نے مودی سے جو کابل میں بات کی وہ جاتی امرا میں بھی کی۔

سی پیک پیک ہونے کا پراپیگنڈہ غلط ہے

وفاقی وزیر نے کہا سی پیک پیک ہونے کا پراپیگنڈہ غلط ہے، چین کے ساتھ دوستی سمندر سے گہری ، ہمالیہ سے بلند ہے، حکومت کے خلاف زہریلا پروپیگنڈا جاری ہے۔

ان کا کہنا تھا کہ پی ٹی آئی کا ممبر نہیں، عمران خان کے ساتھ سائے کی طرح ہوں، موجودہ حکومت کے جتنے ترجمان ہیں اتنے زندگی میں نہیں دیکھے۔

شیخ رشید نے مزید کہا کہ جنہوں نے پاکستان کا مال کھایا ہے وہ لندن سے بھی گرفتار ہوسکتے ہیں، شہبازشریف کی سیاست امتحان میں ہے، وہ مذاکرات کو کامیاب کرانے کے بڑے حامی ہیں، شہباز شریف میری پارٹی کا آدمی ہے، اس میں لچک ہے۔

لندن سےبیٹھ کرکالیں کرنےوالےلندن میں گرفتاربھی ہوسکتےہیں

وزیر ریلوے کا کہنا تھا کہ نواز شریف ضدی ہیں، بہت سارے مسئلے خراب کرتے ہیں، آصف زرداری کی ٹیم نے پیسے دینے شروع کر دیئے ہیں، نوازشریف کنجوس اور زرداری کھلے دل کا آدمی ہے۔

نوازشریف کنجوس اور زرداری کھلے دل کا آدمی ہے

شیخ رشید نے کہا فضل الرحمٰان کو گرم جگہ پر پاؤں نہ رکھنے کا مشورہ دیا ہے، لاہورمیں کل بینرز دیکھے، وہ بری طرح ضائع ہو جائیں گے، پیغام بھجوایا مولانا ہم مدرسوں کو دین کا مینار سمجھتے ہیں، دنیا میں الزام لگ رہے ہیں کہ ہم دہشت گرد ہیں، وزیراعظم عمران خان نے کہا ایسا کوئی الزام نہیں لگنا چاہیے۔

فضل الرحمٰان کو گرم جگہ پر پاؤں نہ رکھنے کا مشورہ دیا ہے

وفاقی وزیر کا کہنا تھا کہ تاجروں سے بات چیت کرنی چاہیے، ان کیلئے ماحول بنانا چاہیے، ایف بی آر کے چیئرمین سے کہوں گا تاجروں کو آن بورڈ کریں۔

انھوں نے کہا کہ عبدالغفور حیدری کے ذریعے مولانا فضل الرحمان کو پیغام بھجوایا، مولانا سیاست جاری رکھیں، جو سوچ رہے ہیں، وہ کیا تو ضائع ہو جائیں گے، مولانا کے ساتھ کوئی اپوزیشن جماعت کھڑی نہیں ہوگی۔

شیخ رشید کا کہنا تھا کہ والدہ کے جنازے کے لئے میرا پروڈکشن آرڈر جاری نہیں کیا گیا، کسی نے 2 ماہ سے سنا نواز شریف کی صحت خراب ہے، باہر جانے دو؟

صحافی نے شیخ رشید سے سوال کیا بلاول بھٹو کا آج برتھ ڈے ہے ؟ تو شیخ رشید نے جواب میں کہا ہپی برتھ ڈے مائی لو۔

لودھراں : وزیرریلوے شیخ رشید نے کہا پاکستان کی سرحدوں کی طرف دیکھنے والوں کی آنکھیں نکال دیں گے، پاکستان کے 24کروڑ عوام ملک کے دفاع کے لیے تیارہیں۔

تفصیلات کے مطابق وفاقی وزیرریلوے شیخ رشید نے لودھراں جنکشن پرخطاب کرتے ہوئے کہا معاشی ترقی کیلئےریل کا پہیہ چلنا چاہیے، پاکستان کی سرحدوں کی طرف دیکھنے والوں کی آنکھیں نکال دیں گے۔

شیخ رشید کا کہنا تھا کہ بھارت ایک قدم بھی آگے بڑھا تو اسے نیست ونابود کر دیں گے، پاکستان کے 24 کروڑ عوام ملک کے دفاع کے لیے تیار ہیں۔

یاد رہے وفاقی وزیر ریلوے شیخ رشید احمد نے یوم دفاع کے موقع پر اپنے پیغام میں کہا تھا کہ عمران خان نے آج کے دن کو پاک فوج اورکشمیریوں کےنام کیا وزیراعظم اور آرمی چیف کی قیادت میں کشمیریوں کے ساتھ ہیں۔

مزید پڑھیں : عمران خان اورآرمی چیف کی قیادت میں کشمیریوں کے ساتھ ہیں، شیخ رشید

ان کا کہنا تھا کہ  مودی نے جوکام کیا اس نے بڑی غلطی کردی اب کشمیر آزاد ہوگا، کشمیریوں پر72 سال سے ہندوستان بربریت کررہا ہے، آج ہم نے کوئی کوتائی کی تو کشمیری ہمیں معاف نہیں کریں گے۔

شیخ رشید احمد نے کہا کہ مودی عالمی دہشت گرد اورکشمیریوں کی نسل کشی میں ملوث ہے، کشمیر کا مسئلہ حل کیے بغیر پاکستان اور بھارت میں امن قائم نہیں ہوسکتا۔

خیال رہے ملک بھر میں یوم دفاع یوم یکجہتی کشمیر کے طور پر منایا جا رہا ہے، جس کا مقصد وطن عزیز کے لیے جانوں کا نذرانہ پیش کرنے والے شہدا کے ساتھ ساتھ بھارت مقبوضہ کشمیر میں مظلوم کشمیریوں کے ساتھ پاکستانی عوام کی حمایت کا اعادہ کرنا ہے۔