لاہور : وفاقی وزیر ریلوے شیخ رشید نے کہا کیاہم نےایٹمی ٹیکنالوجی کرائے پردینےکیلئےرکھی ہے؟ یہ ہتھیارشب برات یادیوالی پرچلانےکیلئےنہیں رکھے ، جب پاکستان کے دفاع کا وقت آئےگا تو سب کو نیست ونابود کردیں گے، جہادہماراایمان ہے اور ہمیں جہادکی ضرورت ہے۔
تفصیلات کے مطابق وفاقی وزیر ریلوے شیخ رشید نے میڈیا سے گفتگو کرتے ہوئے کہا ہمیں کشمیریوں کےساتھ قدم سےقدم ملاناہے، قائداعظم نےوقت سے پہلے ہی صورتحال کوبھانپ لیاتھا اور مسلمان دشمن سوچ کاپہلےہی اندازہ لگالیاتھا، مسلم دشمن سوچ کےمدنظرقائداعظم نےالگ وطن کامطالبہ کیا۔
وزیر ریلوے کا کہنا تھا کہ سیاست دان وہ ہوتاہے، جس کا فہم اور تدبر آنے والے وقت کےلیےہوتاہے،فاشسٹ مودی کی راہ میں صرف پاکستان ہی رکاوٹ ہے، ہماری خوش قسمتی ہےکہ ہمارےساتھ چین جیسادوست کھڑاہے، چین نےہم سےدوستی پرکبھی سمجھوتانہیں کیا۔
فاشسٹ مودی کی راہ میں صرف پاکستان ہی رکاوٹ ہے
شیخ رشید نے کہا کہ سیاست دان وہ ہےجو دیوار کے پیچھے دیکھنےکی صلاحیت رکھتاہے، میں آج پھرکہناچاہتاہوں کہ گھی سیدھی انگلی سےنہیں نکلےگا، 72سال جوہم نےتیاری کی اب اس کے فائنل راؤنڈ کاوقت آگیاہے۔
ان کا کہنا تھا کہ ہندودست کوسپرپاوردیکھنےوالافاشسٹ مودی ہے، کل بھی چین کےنائب فوجی سربراہ ہمارے آرمی چیف کےساتھ موجودتھے۔
72سال جوہم نےتیاری کی اب اس کے فائنل راؤنڈ کاوقت آگیاہے
وزیر ریلوے نے کہا جتنا مضبوط میڈیا پاکستان کاہے کہیں اورکانہیں، آج امریکا کے کیمرے میں وہ طاقت نہیں ، جو پاکستان کےکیمروں میں ہے، آج پاکستان کا میڈیا دنیا کے ہر میڈیا کا مقابلہ کرسکتا ہے۔
شیخ رشید کا کہنا تھا کہ 24 دن سے کشمیر میں کرفیولگا ہوا ہے، کیاعالم اسلام کی زبانیں بندہوچکی ہیں، اب کشمیری کسی کی جانب نہیں دیکھےگاوہ خودہی کافی ہے، جوسمجھ رہےہیں کہ مذاکرات کی گنجائش ہےوہ بیوقوف ہیں، اب مذاکرات کی گنجائش ختم ہوچکی ہے۔
آج پاکستان کا میڈیا دنیا کے ہر میڈیا کا مقابلہ کرسکتا ہے۔
انھوں نے مزید کہا میں پاکستان کی ترقی میں نوجوانوں کااہم کرداردیکھ رہاہوں، ہم تھکےہوئےسیاست دان پاکستان کوٹھیک نہیں کرسکے، آپ کی معیشت مضبوط ہوگی توخارجہ پالیسی مضبوط ہوگی، اس پاکستان کوہم نےلوٹااورتباہ بربادکیاہے۔
بھارت سے اب مذاکرات کی گنجائش ختم ہوچکی ہے
وفاقی وزیر کا کہنا تھا کہ مودی نےٹرمپ سےکہا1947میں بھی اکھٹےتھے آج بھی بات کرلیتےہیں ، یعنی مودی کامطلب تھاکہ1947میں یہ ایک ہی حصہ تھا، آج بھارت میں ہندودہشت گردی ہے اور اس کا اثر پاکستان میں بھی ہوگا۔
شیخ رشید نے کہا لال حویلی کاسرینگرکےلال چوک سےبڑاگہراتعلق ہے، ثابت کروں گاکہ لال چوک اورلال حویلی کاایک ہی مشن ہے، جہادپرجس مسلمان کاایمان نہیں وہ دوزخ میں جائےگا۔
وزیر ریلوے نے سوال کیا کیاہم نےایٹمی ٹیکنالوجی کرائے پردینےکیلئےرکھی ہے؟ جوہری ہتھیارشب برات یادیوالی پر چلانے کے لیے نہیں رکھے، پاکستان کے دفاع کا وقت آیا تو خون کے آخری قطرےتک لڑیں گے اور سب کو نیست ونعبود کردیں گے۔
جوہری ہتھیارشب برات یادیوالی پرچلانےکےلیےنہیں رکھے
انھوں نے کہا وزیراعظم کی کال پر جمعہ کو راولپنڈی میں واک کررہے ہیں، تمام کالجز، اسکول اور یونیورسٹیاں کشمیریوں کیلئے یک زبان ہیں، مسئلہ کشمیر کا حل پاکستان کی زندگی کا اہم مشن ہے، مودی ہٹلر نے جو غلطی کی یہ کشمیر کی آزادی کا راستہ کھولےگی۔
شیخ رشید کا کہنا تھا کہ راولپنڈی کابچہ بچہ کشمیر کی آزادی کیلئے تیار ہے، بھارت سے مذاکرات اب مسئلے کا حل نہیں، مذاکرات بھٹو اور سورن سنگھ کے درمیان بھی ہوئے تھے۔
مودی ہٹلرنےجوغلطی کی یہ کشمیرکی آزادی کاراستہ کھولےگی
وزیر ریلوے نے کہا کہ 27تاریخ کووزیراعظم نےاقوام متحدہ میں خطاب کرناہے، کشمیرکی جدوجہدآزادی میں پوری قوم اپناحصہ ڈالےگی، پوری پاکستانی قوم سر فروش ہے، جانیں دینے کو تیار ہیں، قوم پاک فوج کے ساتھ کھڑی ہے۔
کراچی کی صورتحال کے حوالے سے ان کا کہنا تھا کہ وقت آگیا ہے اب کراچی کا کچرا کچرا نہیں کھیلنا، آپس میں ایک دوسرے پر کیچڑ نہیں اچھالناہے، لال حویلی کا لال چوک سے رشتہ ہے یہ وقت ثابت کرےگا۔
انھوں نے کہا کہ مولانافضل الرحمان کوسمجھالیں گےوقت آنےپروہ سمجھ جاتےہیں، مولانافضل الرحمان کشمیرکمیٹی کا سربراہ رہاوہ ساری باتوں کوسمجھتاہے، جب تک کشمیر کا مسئلہ ہے، میں ذاتی سیاست نہیں کروں گا۔
آصف زرداری کومارنےکی کوئی کیوں کوشش کرےگا، ان کے توآخری5اوورزباقی ہیں
شیخ رشید کا کہنا تھا کہ ٹرمپ اگلےالیکشن کی طرف دیکھ رہاہے، وزیراعظم نےکہاہےکہ ایم ایل ون ہرصورت بنےگا، وزیراعظم عمران خان پرمجھے یقین ہے، آصف زرداری کومارنےکی کوئی کیوں کوشش کرےگا، آصف زرداری کے توآخری5اوورزباقی ہیں، میں نےتوکہا ہےکہ تھوڑابہت لےلواوران کی جان چھوڑو۔
