Tag: sheikh rasheed

اسلام آباد : وزیر ریلوے شیخ رشید نے کہا بھارت اب آزادکشمیرپرحملہ کرسکتاہے ،  میں3 سے 6 ماہ کے اندر سرحدوں پر جنگ ہوتے دیکھ رہا ہوں، مودی  کی جانب سے اب یہ اعلان جنگ ہے مذاکرات کےراستےبندہیں۔

تفصیلات کے مطابق وزیر ریلوے شیخ رشید نے قومی اسمبلی اجلاس میں خطاب کرتے ہوئے کہا تاریخ میں ایسے وقت آتے ہیں جب کوئی سیاستدان غلط فیصلے کرتا ہے، میرے خیال میں مودی کا فیصلہ کشمیریوں کے لئے نیاشعلہ جواں بنےگا۔

شیخ رشید کا کہنا تھا مودی نےبی جےپی میں ایک مسلمان کوٹکٹ نہیں دیا، بھارت میں 24 کروڑ مسلمان پاکستان کی طرف دیکھ رہاہے، بھارت اسرائیل کا پیٹرن  لایا، مودی وہی صورتحال پیدا کررہا ہے، جو اسرائیل نے پیدا کی تھی۔

مودی کافیصلہ کشمیریوں کیلئےنیاشعلہ جواں بنےگا

وزیر ریلوے نے کہا میں 3سے 6ماہ کے اندر سرحدوں پر جنگ ہوتے دیکھ رہا ہوں، ایٹمی ہتھیار استعمال نہیں کرنے کیونکہ وہاں بھی 24 کروڑ مسلمان ہیں، کشمیری اب گھرمیں نہیں بیٹھیں گے۔

ان کا کہنا تھا کہ  میں سمجھتاہوں پاکستان آرمی چیف اب چین جائیں گے، لداخ سےچین کابھی تعلق ہے اس لیےوہاں بھی بےچینی ہے، کوئی شخص کشمیریوں کوانڈراسٹیمیٹ نہ کرے، تاریخ ایک ایسا فیصلہ لینے جارہی ہے، جب کشمیر میں نئی جدوجہد ہوگی۔

ایٹمی ہتھیاراستعمال نہیں کرنےکیونکہ وہاں بھی24کروڑمسلمان ہیں

شیخ رشید  نے کہا کہ  آج کشمیرمیں جگہ جگہ برہان وانی کی آوازہے، یہ وہی مودی ہےجس کو امریکا ویزہ نہیں دیتا تھا، آج وہی مودی امریکا کے ہاتھ کا چھالہ بن گیا ہے۔

وفاقی وزیر کا کہنا تھا کہ  آج مولانا آزاد کی تھیوری ختم ہوگئی، شملہ معاہدہ ختم ہوگیا، آج کشمیر کا ایک نیا معاہدہ جنم پایا ہے، جب تک شہدا کا قبرستان ہے کشمیری تحریک کو لیکر چلیں گے، مجھے امید ہے شام تک عرب دنیا کا بھی ایک واضح پیغام آجائےگا، چین نے بھی کہا لداخ کی طرف میلی آنکھ سے مت دیکھنا۔

مجھےامیدہےشام تک عرب دنیاکابھی ایک واضح پیغام آجائےگا

انھوں نے کہا کہ  مودی کی جانب سے اب یہ اعلان جنگ ہے مذاکرات کے راستے بند ہیں، مذاکرات بھٹو نے سورن سنگھ کیساتھ کیے کیا نتیجہ نکلا، مودی نے فیصلہ کیا ہوا ہے، مسلمانوں کوتکلیف دینی ہے، بھارت میں24 کروڑم سلمان ہیں، مودی نے کسی سے ووٹ نہیں مانگا۔

شیخ رشید   نے مزید کہا کہ  میں ایک انقلابی قدم اٹھتا دیکھ رہاہوں، بھارت اب آزاد کشمیر پر حملہ کرسکتا ہے۔

کراچی: وزیرریلوے شیخ رشید نے کہا صادق سنجرانی کو آصف زرداری اپنا بچہ کہتےتھے اب بچہ بچ گیا ہے تورو کیوں رہے ہیں، حاصل بزنجو کو زنگ لگ گیا ہے، کیا پدی اور کیا پدی کا شوربہ۔

تفصیلات کےمطابق ریلوے کیمپ افس کراچی میں وزیرریلوے شیخ رشید نے پریس کانفرنس کرتے ہوئے کہا سے بارشوں کی وجہ سے ریلوے ٹریک متاثر ہوا ہے، 138 ریل گاڑیاں روزانہ چل رہی ہیں، ایم ایل ون میں نئےٹریک بنیں گے جس سے فائدہ ہوگا، ڈرگ روڈ،ملیرمیں لوگ ٹریک پربیٹھ کرگپ شپ کررہے ہوتے ہیں اور سکھر میں ٹریک کیساتھ قبرستان اور دکانیں بنی ہوئی ہیں۔

شیخ رشید کا کہنا تھا ستر فیصدآبادی میں ریل گاڑیاں گزرتی ہیں، فریٹ 4سے7فیصدزیادہ کیےہیں، کے سی آر38 کلومیٹر خالی کرادی ہے، 38 کلو میٹر زمین ریلوے نے اپنے وسائل سے خالی کرائی۔

ایم ایل ون مکمل ہوگی تو ریلوے مزید محفوظ ہوجائےگی

وزیر ریلوے نے کہا کے پی ٹی سےایس اےپی ٹی ایل کامعاہدےکرنےجارہےہیں، 10 اگست سےسندھ ایکسپریس براستہ روہڑی ملتان تک جائے گی، ریلوے کے حادثےگزشتہ سال سے کم ہیں، ایم ایل ون مکمل ہوگی تو ریلوے مزید محفوظ ہوجائےگی۔

ان کا کہنا تھا کہ صادق سنجرانی کوئی قومی اسمبلی سےمنتخب نہیں ہوئے، سینیٹ میں تمام پارٹیوں کے سلیکٹڈ لوگ آئے ہیں، 10دن پہلے کہا تھا صادق سنجرانی جیت رہے ہیں، صادق سنجرانی کو آصف زرداری اپنا بچہ کہتےتھے اب بچہ بچ گیا ہے تورو کیوں رہے ہیں۔

شیخ رشیدعمران خان کےساتھ سائےکی طرح کھڑاہے

شیخ رشید نے کہا جنہوں نے ملک کولوٹاوہ عمران خان کیخلاف باتیں کررہے ہیں، شیخ رشید عمران خان کے ساتھ سائے کی طرح کھڑا ہے، ناموس رسالت ﷺ پر 10 ہزار وزارتیں قربان ہیں۔

وزیر ریلوے کا کہنا تھا کہ عمران خان سےکہتاہوں ان کوکھاکھا کر مرنے دو، بچے ابو کیلئے اور ابو بچوں کے لیے کر رہے ہیں، مریم باپ کو اور شہباز بیٹے کوبچانے کی کوشش کررہ ےہیں۔

وفاقی وزیر نے کہا کہ بلاول مجھ سےاستعفیٰ مانگیں ان کےہاتھ میں استعفیٰ دوں گا، میری بے شک ایک سیٹ ہے یکن یہ سب پر بھاری ہے۔

بلاول مجھ سےاستعفیٰ مانگیں ان کےہاتھ میں استعفیٰ دوں گا

حاصل بزنجو کے بیان پر ان کا کہنا تھا کہ حاصل بزنجورنگ پسٹن بننے کی کوشش کررہے ہیں، ان سب لوگوں کے پلکز زنگ آلود اور کچرا لگا ہوا ہے، کیا پدی اور کیا پدی کاشوربہ۔ مینڈک کواگر زکام ہوجائے اس کا مطلب یہ نہیں کی تالاب سےنکالیں۔

شیخ رشید نے کہا سب بھاگ گئے ہیں منی لانڈرنگ اورایفی ڈرین میں ملوث ہیں ، شہبازشریف خود کہاں کھڑا ہے اجلاس بلا لیا ہے ، پہلے شہباز شریف اورمریم نوازایک سیٹ پرہیں، کراچی کیلئے کچھ کرنا چاہتا ہوں۔

حاصل بزنجوکوزنگ لگ گیاہے،کیاپدی اورکیاپدی کاشوربہ

انھوں نے کہا فضل الرحمان مدرسے کے بچوں نہ بہکائیں ورنہ خود مدرسےچلا جاؤں گا، میری کسی پارٹی سے لڑائی نہیں ہے ، عمران خان ایک مشن کیساتھ نکلے ہیں میں ان کیساتھ ہوں۔

شیخ رشید کا کہنا تھا کہ افغان ٹھیک ہوجائیں گے وہاں کی سیاست سمجھتاہوں ، طاقتور لوگوں کوکمزور دیکھنا چاہتا ہوں، حسین حقانی نے جیسے غدار کو آصف زرداری نے پٹرول دیا، حسین حقانی نے پوری کوشش کی عمران خان دورہ ناکام ہو۔

رحیم یار خان: وفاقی وزیر ریلوے شیخ رشید احمد نے کہا صوبے کی نہیں قومی سیاست کرتا ہوں ، مہنگائی چوروں اور ڈاکوؤں کی وجہ سے ہے جو پیسے لے گئے۔

تفصیلات کے مطابق وزیرریلوے شیخ رشید رحیم یار خان ریلوے اسٹیشن پہنچے، دورہ میں ریلوے کے اعلیٰ افسران ان کے ہمراہ ہیں، وزیر ریلوے نے خصوصی ریل کار کے ذریعے ٹریک کا معائنہ کیا۔

اس موقع پر وفاقی وزیر ریلوے شیخ رشید احمد نے میڈیا سے گفتگو کرتے ہوئے کہا رحیم یار خان سےکراچی تک کا چار دن کا دورہ ہے ، سب سے زیادہ ٹریک اور سگنل کا مسئلہ سکھر ڈویژن میں ہے۔

چیئرمین سینیٹ کا مقابلہ بہت سخت ہے

وزیر ریلوے کا کہنا تھا کہ گزشتہ سال پرانی کوچز کوبحال کر کے 10ارب زیادہ کمائے، ٹریک ایم ایل ون جس دن شروع ہوا ہے، ریل کی ترقی ہوگی، ایم ایل ون کا کام سکھر ڈویژن سے شروع ہوگا، دنیا کا سب سے بڑا ٹریک بچھایا جائےگا۔

شیخ رشید نے کہا چیئرمین سینیٹ کا مقابلہ بہت سخت ہے، صوبے کی نہیں قومی سیاست کرتا ہوں ، جنوبی پنجاب صوبے پر کام ہورہا ہے، چوروں نے غیر ضروری اسٹیشن بنائے، اربوں روپے ان اسٹیشن پر لگائے گئے جن کی ضرورت نہیں تھی۔

ان کا کہنا تھا کہ مہنگائی چوروں اور ڈاکوؤں کی وجہ سے ہے جو پیسے لے گئے، پہلا ٹوئٹ صبح کروں گا 4سال پرانی ویڈیوز چلا کر کردار کشی کی جا رہی ہے۔

مولانا بادشاہ آدمی ہے اسمبلی نہیں آیا تو کونسی بڑی بات ہے

مولانا فضل الرحمان کے حوالے سے وزیر ریلوے نے کہا مولانا بادشاہ آدمی ہے اسمبلی نہیں آیا تو کونسی بڑی بات ہے، مولانا سمجھتے ہیں کہ وہ اکھاڑ پچھاڑ کریں گے تو ان کی اپنی اکھاڑ پچھاڑ ہو گی۔

راولپنڈی : وفاقی وزیر ریلوے شیخ رشید نے کہا رواں برس گزشتہ سالوں سے زیادہ بارشیں ہو سکتی ہیں، راولپنڈی کو سیلابی صورت حال کا سامنا کرنا پڑسکتا ہے۔

تفصیلات کے مطابق وفاقی وزیر ریلوے شیخ رشید احمد نالہ لئی گوالمنڈی پہنچے ، جہاں ضلعی انتظامیہ افسران اورایم ڈی واسا نے انھیں بارش کی صورتحال پربریفنگ دی۔

شیخ رشید نےگوالمنڈی پل سےنالہ لئی میں ممکنہ طغیانی کا جائزہ لیا اور ممکنہ سیلابی صورت حال سے نمٹنے کے لئے انتظامیہ اور متعلقہ اداروں کو الرٹ رہنے کی ہدایت کی۔

اس موقع پر وفاقی وزیر ریلوے نے کہا رواں برس گزشتہ سالوں سے زیادہ بارشیں ہو سکتی ہیں، راولپنڈی کو سیلابی صورت حال کا سامنا کرناپڑسکتاہے۔

شیخ رشید کا کہنا تھا نالہ لئی ایکسپریس وے اینڈ فلڈ چینل کی تعمیر نا گزیر ہے، لئی ایکسپریس وے اینڈ فلڈ چینل پروفاق اور پنجاب حکومت سے رابطے میں ہوں۔

انھوں نے مزید کہا 80 ارب کےمنصوبے کے لیےعالمی کمپنیاں اظہاردلچسپی کر چکی ہیں، امید ہے اسی سال منصوبے پر کام شروع ہو جائےگا، 26 کلو کے لئی ایکسپریس وے سے راولپنڈی کو نئی شکل ملے گی، ٹرانسپورٹ اور کاروبار کی بہترین سہولتیں میسر آئیں گی۔

یاد رہے اسلا م آباد راولپنڈی میں موسلادھار بارش سے کئی نشیبی علاقے زیر آب آگئے، پانی گھروں میں داخل ہوگیا اور پانی میں ڈوب کر ایک خاتون اور بچہ جاں بحق اور چھ افراد بے ہوش ہوگئے، راولپنڈی میں بھی مسلسل بارش سے نالہ لئی میں طغیانی آگئی۔

واسا کےعملےنےمختلف علاقوں سےنکاسی آب کاکام شروع کردیا یہے ، نالہ لئی میں پانی کی سطح کٹاریاں کے مقام پر 9 ،گوالمنڈی پر 6 فٹ ہے ، رین ایمرجنسی نافذ کر کے عملے کی چھٹیاں بھی منسوخ کردی گئی ہیں۔

خیال رہے محکمہ موسمیات نے جمعرات سے ہفتہ تک جڑواں شہروں سمیت ملک کے دیگرعلاقوں میں بارش کی پیشگوئی کی ہے۔