ARYNews.tv | Urdu – Har Lamha Bakhabar

Tag: sheikh rasheed

  • شیخ رشید کا اپنی ساری جائیداد یونیورسٹی کے نام کرنے کا اعلان

    شیخ رشید کا اپنی ساری جائیداد یونیورسٹی کے نام کرنے کا اعلان

    اسلام آباد: وفاقی وزیر ریلوے شیخ رشید نے اپنی ساری جائیداد یونیورسٹی کے نام کرنے کا اعلان کرتے ہوئے کہا ہے کہ وزیر اعظم عمران خان نے راولپنڈی میں اسپتال کے لیے ایک ارب روپے دیے ہیں۔

    تفصیلات کے مطابق وفاقی وزیر ریلوے شیخ رشید کا کہنا ہے کہ اقتدار آنی جانی چیز ہے، 7 مرتبہ حکومت میں رہا۔ اس میں کوئی شک نہیں کہ ماضی میں ڈیلیور نہیں ہوسکا۔

    وزیر ریلوے کا کہنا ہے کہ وزیر اعظم عمران خان 27 اپریل کو ایم ایل ون پر دستخط کے لیے جا رہے ہیں، ایم ایل ون پر دستخط ہوگئے تو ڈیڑھ لاکھ لوگوں کو روزگار ملے گا، ڈیڑھ لاکھ لوگوں کو روزگار نہ دے سکا تو عہدہ چھوڑ دوں گا۔

    انہوں نے کہا کہ یقیناً مہنگائی ہوئی ہے لیکن امید رکھیں سب بہتر ہوگا۔ بجلی گیس مہنگی ہے، یقین کریں ان حالات سے جلد نکل جائیں گے۔ چور، ڈاکوؤں اور لٹیروں نے بہت لوٹا ہے۔

    شیخ رشید کا کہنا تھا کہ عثمان بزدار پہلے عوامی وزیر اعلیٰ ہیں جو ٹرین پر راولپنڈی پہنچے۔ راولپنڈی میں گرلز کالج کے لیے میری زندگی کے 14 سال لگ گئے، راولپنڈی میں جلد نرسنگ اسپتال بھی بنائیں گے۔

    شیخ رشید نے بڑا اعلان کرتے ہوئے کہا کہ اپنی ساری جائیداد یونیورسٹی کے نام کرتا ہوں، فاطمہ جناح یونیورسٹی کے لیے ریلوے نے ایک ارب روپے دیا۔

    انہوں نے کہا کہ عمران خان نے زچہ و بچہ اسپتال کے لیے ایک ارب دیا ہے۔ وزیر اعظم عمران خان کالج کا بھی جلد افتتاح کریں گے۔ عمران خان کی قیادت میں راولپنڈی کا نقشہ بدل دیں گے۔

  • اگر مودی کوووٹ نہ ملے تو بھارت بلوچستان اور کے پی پر حملہ کرسکتا ہے، شیخ رشید

    اگر مودی کوووٹ نہ ملے تو بھارت بلوچستان اور کے پی پر حملہ کرسکتا ہے، شیخ رشید

    لاہور : وزیر ریلوے شیخ رشید احمد نے کہا کہ بھارتی انتخابات میں اگر مودی کو مطلوبہ ووٹ نہ ملے تو حالات خراب ہو سکتے ہیں اور بھارت بلوچستان اور کے پی پر حملہ کرسکتاہے۔

    تفصیلات کے مطابق وزیر اعلٰی پنجاب سردار عثمان بزدار کے ہمراہ ٹرین کے ذریعے راولپنڈی روانگی سے قبل لاہور ریلوے اسٹیشن پر میڈیا سے گفتگو کرتے  ہوئے وزیر ریلوے شیخ رشید احمد نے کہا زیراعظم عمران خان چین اور ایران کادورہ کریں گے، دورے کے بعد چین اور ایران کےسفیروں اوران کےاہلخانہ کو ریل کےسفر کی دعوت دیں گے۔

    وزیر ریلوے کا کہنا تھا سفیروں اور ان کی فیملیز کو اٹک خورد تک سفر کروایا جائے گا اور واپسی پر راولپنڈی میں وزیراعظم کی طرف سے ظہرانہ بھی دیا جائے گا جبکہ وزیراعظم خود سرسید ایکسپرس میں سفر کریں گے۔

    وزیراعظم خود سرسید ایکسپرس میں سفر کریں گے

    شیخ رشید نے کہا کہ ہمارے لیے اعزاز کی بات ہے کہ وزیراعلی پنجاب ریل کے ذریعے سفر کر رہے ہیں، راولپنڈی میں پوسٹ گریجوایٹ کالج کا سنگ بنیاد رکھیں گے اور ڈگری کالج کو یونیورسٹی کا درجہ دینے کا اعلان بھی کریں گے۔

    ان کا کہنا تھا انصاف پرکوئی بات نہیں کرسکتااس پرانگلی اٹھاناغیرمناسب ہے، اعتزاز احسن بھی ضمانتی فیصلوں پر تنقید کر رہے ہیں، وہ کہتے ہیں دنیا بھر میں ان جیسے ضمانتی فیصلوں کی نظیر نہیں ملتی، لاہورمیں جوہورہاہےاس پراعتزازاحسن کاسوالیہ نشان ہے۔

    اعتزازاحسن کہتےہیں ایسی ضمانتوں کی دنیامیں نظیرنہیں ملتی

    بھارتی انتخابات کے حوالے سے وزیر ریلوے نے کہا کہ اگر بھارتی الیکشن میں مودی کو پہلے مرحلے میں حسب خواہش ووٹ نہ ملےتو ہندوستان خیبرپختونخوا اور بلوچستان میں اپنے نیٹ ورک کےذریعے دہشت گردی کی کوشش کرے گا۔

    انھوں نے مزید کہا وزیراعظم عمران خان نےٹورازم کی بہتری کابیڑااٹھایاہے ، انشاءاللہ صدرپاکستان بھی ٹرین میں سفرکرنےوالےہیں، ہم زندہ قوم ہیں، عمران خان تمام مسائل پر قابو پالے گا۔

  • 30 جون تک سارے چور سلاخوں کے پیچھے ہوں گے: شیخ رشید

    30 جون تک سارے چور سلاخوں کے پیچھے ہوں گے: شیخ رشید

    حسن ابدال: وفاقی وزیر ریلوے شیخ رشید کا کہنا ہے کہ 30 جون تک سارے چور سلاخوں کے پیچھے ہوں گے، عمران خان کو کہا تھا نواز مر جائیں گے پیسے نہیں دیں گے۔ ’ن لیگ کفن میں جیب لگوا کر ساتھ لے کر جائے گی‘۔

    تفصیلات کے مطابق وفاقی وزیر ریلوے شیخ رشید نے میڈیا سے گفتگو کرتے ہوئے کہا کہ آئندہ سال جب سکھ آئیں گے تو سری پنجہ اسٹیشن مکمل ہوگا۔ 15 اپریل کو میں خود سکھ مہمانوں کو خدا حافظ کہوں گا۔

    شیخ رشید نے کہا کہ پنجہ صاحب کے لیے 25 کروڑ کا منصوبہ ہے، دیوار بھی بنا رہے ہیں۔ اسٹیشن کے اطراف تجاوزات کو جلد ختم کر دیا جائے گا۔ آئندہ سال تک ایک تاریخی اسٹیشن بنا دیں گے۔ اگر 27 اپریل کو ایم ایل ون پر دستخط ہوگئے تو ڈیڑھ لاکھ روزگار پیدا ہوگا۔

    انہوں نے کہا کہ تجزیہ ہے 30 جون تک سارے چور سلاخوں کے پیچھے ہوں گے، ان لوگوں کا بینک بیرون ملک ہے 15 اپریل کو کمپنی کا نام بتا دوں گا۔ میرے مؤکل بڑے مضبوط ہیں۔ آصف زرداری بڑے دل کا آدمی ہے وہ پیسے دے سکتا ہے، عمران خان کو کہا نواز مر جائیں گے پیسے نہیں دیں گے۔

    شیخ رشید کا کہنا تھا کہ عمران خان سچا آدمی ہے میں نے 9 سال پہلے جھوٹ بولنا چھوڑا، عمران خان کہتا ہے میں کسی صورت این آر او نہیں دوں گا۔ شہباز شریف کے علاوہ کسی کو کچھ نہیں کہا ہے۔ مولانا فضل الرحمٰن ایک دینی طاقت ہے۔ ’بجلی، گیس اور دیگر چیزیں مہنگا ہونے کے ذمہ دار یہ چور ہیں‘۔

    انہوں نے کہا کہ بظاہر ن لیگ اور پیپلز پارٹی نے پیغام دیا کہ بات نہیں مانی، اندر سے ن لیگ اور پیپلز پارٹی ملے ہوئے ہیں۔ جس نے زرداری کی منی لارڈنگ کی وہی شہباز کی بھی کر رہی ہے۔ زرداری اچھا آدمی ہے پیسے دے دے گا۔ ’ن لیگ تو کفن میں جیب لگوا کر ساتھ لے کر جائے گی‘۔

    وفاقی وزیر نے مزید کہا کہ مودی کا ایجنڈا مسلمان نفرت ہے اس سے بھارت میں پاکستانی بنیں گے۔ مودی کا ایجنڈا بھارت میں کہیں پاکستان بنا دے گا۔

  • دو سےتین ماہ میں چورجیل چلےجائیں گے، شیخ رشید

    دو سےتین ماہ میں چورجیل چلےجائیں گے، شیخ رشید

    لاہور : وزیر ریلوے شیخ رشید نے انکشاف کیا شہبازشریف کواین آراومانگتے سنا ہے، شریف اور زرداری خاندان نےملک لوٹا اور اب ملک سے فرار ہونا چاہتے ہیں، دو سےتین ماہ میں چورجیل چلےجائیں گے، عمران خان اور پی ٹی آئی کے ساتھ ہوں ، وزارت کا بھوکا نہیں۔

    تفصیلات کے مطابق وزیر ریلوے شیخ رشید نے میڈیا سے گفتگو میں کہا آصف زرداری، حمزہ شہباز کے پیسے نکل رہے ہیں ، نوازاور شہباز شریف نے ج ولوٹا اس کا سود 7ارب ادا کررہےہیں ، قبائلی اضلاع میں تحریک انصاف کی حکومت پرفضل الرحمان پریشان ہیں۔

    نوازاور شہباز شریف نے جولوٹا اس کا سود 7ارب ادا کررہےہیں

    شیخ رشیداحمد نے انکشاف کیا شہبازشریف کواین آراومانگتے سنا ہے، شہباز، حمزہ شہباز اورسلمان کا کیس سیریز ہے، شریف اور زرداری خاندان نےملک لوٹا اور اب ملک سے فرار ہونا چاہتےہیں، زرداری کا فالودہ والا اور شہبازشریف کا ہتھوڑے والاایک ہی نکلے، دو سےتین ماہ میں چورجیل چلےجائیں گے۔

    وزیر ریلوے کا کہنا تھا مودی الیکشن جیتتاہےتو پاکستان اور بھارت کے تعلقات اچھے ہیں، میرا وزیراعظم کے ساتھ وزارت کا کوئی تعلق نہیں، مودی کی حکومت دوبارہ آئی تو پاک بھارت تعلقات ٹھیک نہیں ہوں گے، مودی نےجونقشہ کھینچاہےوہ جنگ کاہے۔

    مودی کی حکومت دوبارہ آئی تو پاک بھارت تعلقات ٹھیک نہیں ہوں گے

    انھوں نے کہا عمران خان ملک کی معیشت کو ٹھیک کر رہے ہیں، تھوڑے بہت لوگوں کو قربانی دینی پڑے گی، چوروں نے خزانے کو لوٹا بہت ظلم کیا ہے ۔

    شیخ رشیداحمد کا کہنا تھا آصف زرداری کےفالودے والے سے 2 ارب نکل رہے ہیں، اربوں روپے لوٹ کر باہر لے گئے ،اب خودباہرجاناہے، وہ گیدڑ ہوتا ہے جو لوگوں کو لوٹتا اور بھاگ جاتا ہے۔

    گیس، پیٹرول اور بجلی کے بعد اگرگوشت بھی مہنگا ہوگیا توکوئی عذاب نہیں آجائےگا

    مہنگائی کے حوالے سے انھوں نے کہا گیس، پیٹرول اور بجلی کے بعد اگرگوشت بھی مہنگا ہوگیا توکوئی عذاب نہیں آجائےگا۔

  • سیاست دانوں کے پاس حرام کا مال آجاتا ہے تو وہ بزدل ہوجاتے ہیں: شیخ رشید

    سیاست دانوں کے پاس حرام کا مال آجاتا ہے تو وہ بزدل ہوجاتے ہیں: شیخ رشید

    اسلام آباد: وفاقی وزیر ریلوے شیخ رشید کا کہنا ہے کہ جب سیاست دانوں کے پاس حرام کا مال آجاتا ہے تو ڈرتے ہیں، نیب کے جاتے ہی حمزہ شہباز میڈیا پر چوں چاں کرتے ہیں۔ نیب کی ٹیم دوبارہ پہنچی ہے تو اب گھر سے باہر نہیں نکل رہے۔

    تفصیلات کے مطابق وفاقی وزیر ریلوے شیخ رشید کا کہنا ہے کہ اربوں روپے سڑکوں پر ضائع کیے، ایک روپیہ سگنل پر نہیں لگایا، پورے ملک میں انتظار تھا کہ رائل پام کیس کا فیصلہ ہوجائے، 9 سال سے اس کیس کا فیصلہ رکا ہوا ہے۔ 11 تاریخ کو عدالت فیصلہ سنائے گی۔

    شیخ رشید کا کہنا تھا کہ قومی سانحہ کے ڈاکوؤں نے ایک ایک ارب کی مشینیں لی ہیں، میری مجبوری ہے میں قانون کی پابندی کر رہا ہوں۔ مجھے پاکستان ریلوے کے مزدوروں پر اعتماد ہے، مگر ہمارے مزاج میں ہڈ حرامی گھس گئی ہے۔

    انہوں نے کہا کہ 6 ماہ میں 15 لاکھ لیٹر تیل بچایا ہے، جتنا انجن چلے گا ٹریکر کے ذریعے پتہ چلے گا۔ 20 مال گاڑیاں چلائیں گے، پی ایس او کا جلد کنٹریکٹ ملنے والا ہے، 15 اپریل سے رحمٰن بابا ایکسپریس کے ساتھ اے سی کوچ لگائیں گے۔

    شیخ رشید کا کہنا تھا کہ گرین اور جناح ایکسپریس میں بچوں کا کرایہ 50 فیصد کردیا، ایک ماہ تک بچوں کا کرایہ صرف 3 ہزار لیا جائے گا۔ ایم ایل ون کے لیے چین میں 27 اپریل کو دستخط کیے جائیں گے، پرانی کوچز پر بننے والی ٹرینوں کی بکنگ 100 فیصد ہے۔

    انہوں نے کہا کہ افسران کو وارننگ دے دی، کوتاہی برداشت نہیں کی جائے گی، 35 ارب کی پنشن ہے اس کی وجہ سے ریلوے میں مشکلات ہیں۔

    وفاقی وزیر کا کہنا تھا کہ مسلم لیگ ن لیگ کا یہ حال ہے صرف 20 لوگ احتجاج کر رہے ہیں۔ حمزہ شہباز دعوے کرتے تھے کہ میں ورکر کی بات کرتا ہوں۔ 20 لوگ بھی احترام میں کہہ رہا ہوں ورنہ 8 لوگ ہیں۔ ’لاہوریے ان کے حق میں گھروں سے باہر نہیں نکلے، لاہور میں یہ حال ہے تو باقی شہروں میں مقبولیت کا کیا حال ہوگا‘۔

    انہوں نے کہا کہ جب سیاست دانوں کے پاس حرام کا مال آجاتا ہے تو وہ بزدل ہوجاتے ہیں، نیب کے جاتے ہی حمزہ شہباز میڈیا پر چوں چاں کرتے ہیں۔ نیب کی ٹیم دوبارہ پہنچی ہے تو اب گھر سے باہر نہیں نکل رہے۔

    شیخ رشید کا مزید کہنا تھا کہ میری بلاول بھٹو سے صلح ہوگئی ہے، بلاول کو کہا شیخ رشید پر بات کریں پر انہوں نے نہیں کی۔

  • وزیر ریلوے شیخ رشید نے ٹرین حادثے اور تاخیر پر قوم سے معافی مانگ لی

    وزیر ریلوے شیخ رشید نے ٹرین حادثے اور تاخیر پر قوم سے معافی مانگ لی

    اسلام آباد : وفاقی وزیر ریلوے شیخ رشیدا حمد نے ٹرین حادثہ اور تاخیر پر قوم سے معافی مانگتے ہوئے کہا لوگ خبریں لگوا رہے ہیں کہ ہم نے فالتو ٹرینیں چلائیں، مخالفین سن لیں ہم 16 ٹرینیں اور چلائیں گے۔

    تفصیلات کے مطابق وفاقی وزیر ریلوے شیخ رشیدا حمد نے میڈیا سے گفتگو میں ٹرین حادثےپر قوم سے معافی مانگ لی اور کہا ہماری 18 گھنٹے کی کوشش کو ناکام بنایا گیا، لوگ خبریں لگوا رہے ہیں کہ ہم نے فالتو ٹرینیں چلائیں، مخالفین سن لیں ہم 16 ٹرینیں اور چلائیں گے۔

    شیخ رشید کا کہنا تھا مزید10فریٹ ٹرینیں بھی چلائیں گے ، عمران خان نے پی ایس او کا کام ریلوے کو دلوا دیا ہے۔

    جہانگیر ترین اور شاہ محمود کا مسئلہ پی ٹی آئی کے گھر کا ہے

    جہانگیر ترین اور شاہ محمود تنازع پر انھوں نے کہا جہانگیر ترین اور شاہ محمود کا مسئلہ پی ٹی آئی کے گھر کا ہے، گھر کی بات گھر میں رہنے دی جائے تو بہتر ہے جبکہ جہانگیر ترین کے معاملے پر شاعری کی زبان میں بھی تبصرہ کیا۔

    وزیر ریلوے نے کہا رائل پام برصغیر کی تاریخ کا سب سے بڑا فراڈ ہے ، 2001 سےلاہور کا مافیا 200 ارب کی زمین پر قابض ہے ، نو سرباز گروہ دولت کے زور پر سب کو خرید لیتا ہے ، جج کہتےہیں کہ آئندہ جمعرات کوکیس نمٹادیں گے۔

    شیخ رشید کا کہنا تھا عوام کا پیسہ ہے، ہم جو وکیل کریں اسے خرید لیا جاتا ہے ، رائل پام کا کیس اب خود لڑوں گا ، عدالت کے حکم پر ریفرنس دائر ہوچکا ہے ، وکیل کو دی گئی 45 لاکھ فیس کی وصولی پر سوچیں گے۔

    خیال رہے رحیم یارخان میں مال گاڑی کوحادثے کے باعث 4دن بعدبھی ٹرینوں کی آمدورفت متاثر ہے، کراچی سےروانہ ہونے والی ٹرینیں تاحال کراچی نہ پہنچ سکیں، پاک بزنس ،بہاالدین زکریا،ملت ایکسپریس کوکراچی سے روانہ ہوناتھا۔

    شدیدگرمی میں مسافرانتظارکی اذیت سے دوچار ہے، مسافروں کی کاؤنٹرزپرعملے سے تلخ کلامی معمول بن گئی جبکہ ریلوے حکام مسافروں کو درست معلومات فراہم نہیں کررہے۔

  • عمران خان کو تحریک انصاف سمجھتا ہوں ان کے ساتھ کھڑا ہوں: شیخ رشید

    عمران خان کو تحریک انصاف سمجھتا ہوں ان کے ساتھ کھڑا ہوں: شیخ رشید

    اسلام آباد: وفاقی وزیر ریلوے شیخ رشید کا کہنا ہے کہ نواز شریف اور زرداری خاندان کی کوئی سیاست نہیں دیکھ رہا۔ 30 جون تک تمام اہم کیسز کے فیصلے ہوتے دیکھ رہا ہوں۔ عمران خان کو تحریک انصاف سمجھتا ہوں ان کے ساتھ کھڑا ہوں۔

    تفصیلات کے مطابق وفاقی وزیر ریلوے شیخ رشید کا کہنا تھا کہ بلاول بھٹو سے 10 لاکھ 55 ہزار وصول کیے ہیں، بلاول بھٹو نے ٹرین کو گندہ کیا تھا۔ عمران خان کو تحریک انصاف سمجھتا ہوں ان کے ساتھ کھڑا ہوں۔

    شیخ رشید کا کہنا تھا کہ مدرسے اسلام کا قلعہ ہیں کوئی طاقت انہیں چھو بھی نہیں سکتی، نواز شریف اور زرداری خاندان کی کوئی سیاست نہیں دیکھ رہا۔ 30 جون تک تمام اہم کیسز کے فیصلے ہوتے دیکھ رہا ہوں۔

    انہوں نے کہا کہ مسلم لیگ ن میں اصل میں لڑائی مریم اور شہباز کے درمیان ہے، شہباز شریف کی رائے ہے عمران خان سے صلح کرلیں۔

    گزشتہ روز لاہور میں میڈیا سے گفتگو کرتے ہوئے انہوں نے کہا تھا کہ مہنگائی میں اضافے کے علاوہ حکومت کے پاس کوئی آپشن نہیں، گزشتہ چوروں اور ڈاکوؤں کی وجہ سے آج حکومت کو سزا مل رہی ہے۔

    شیخ رشید کا کہنا تھا کہ این آر او کے لیے حکومت پر کوئی دباؤ نہیں، شہباز شریف حکومت کے ساتھ چلنا چاہتے ہیں، اس وقت مریم نواز اور شہباز شریف کی سیاست ایک دوسرے سے مختلف ہے۔

    شیخ رشید نے شریف برادران کی اگلی نسل میں خلیج پیدا ہونے کا بھی دعویٰ کیا تھا، اپنی لڑائیوں کے بارے میں تبصرہ کرتے ہوئے کہا تھا کہ چھوٹی موٹی ساس بہو کی لڑائی چلتی رہے گی۔

  • سانحہ سمجھوتہ ایکسپریس پر عالمی عدالت جانے کا سوچ رہا ہوں: شیخ رشید

    سانحہ سمجھوتہ ایکسپریس پر عالمی عدالت جانے کا سوچ رہا ہوں: شیخ رشید

    لاہور: وفاقی وزیر ریلوے شیخ رشید کا کہنا ہے کہ میں اس وقت وزیر تھا جب سمجھوتہ ایکسپریس کو آگ لگائی گئی، سوچ رہا ہوں کہ سمجھوتہ ایکسپریس پر عالمی عدالت جاؤں۔

    تفصیلات کے مطابق وفاقی وزیر ریلوے شیخ رشید نے نیوز کانفرنس کرتے ہوئے کہا کہ 15 تاریخ تک گرین لائن کی بکنگ 90 فیصد تک ہوگئی ہے، 28 تاریخ تک گرین لائن کے ٹینڈر کھولے گئے۔ جناح ایکسپریس اور گرین لائن کا کرایہ ایک ہوگا۔

    شیخ رشید کا کہنا تھا کہ ایم ایل ون ریلوے کا انقلابی پراجیکٹ ہے، تافتان ٹو کوئٹہ اسٹینڈرڈ گیج کیے جارہے ہیں۔

    وفاقی وزیر نے کہا کہ بھارت کی جدید آبدوز پاکستان کے نشانے پر آگئی تھی لیکن ہمارے ہاتھ بندھے ہوئے تھے۔ مودی سرکار نے اس جگہ بم گرائے جہاں کوئی نہیں تھا۔ اسی جگہ کا انتخاب کیا گیا جہاں شاید ایک کوا زخمی ہوا۔

    انہوں نے کہا کہ ہم بھارت سے میزائل ٹیکنالوجی میں بہت آگے ہیں، بھارتی فضائیہ کے رنگ پسٹن گھسے ہوئے ہیں۔ وزیر اعظم اور آرمی چیف نے قوم کے جذبات کو بلند رکھا اور جنگ بھی نہیں ہونے دی۔

    شیخ رشید نے کہا کہ میں اس وقت وزیر تھا جب سمجھوتہ ایکسپریس کو آگ لگائی گئی، خود سوچ رہا ہوں کہ سمجھوتہ ایکسپریس پر عالمی عدالت جاؤں۔ میں نے ہی قوم کو بتایا تھا کہ سمجھوتہ ایکسپریس کو آگ لگائی گئی۔

    سیاسی مخالفین کے بارے میں گفتگو کرتے ہوئے وفاقی وزیر کا کہنا تھا کہ کوئی بیماری ایسی نہیں جو ان کو جیل جانے کے بعد نہ ہوئی ہو، لوگ جیل جاتے ہیں جرات سے تمام چیزوں کا سامنا کرتے ہیں، تمام بارگین کا ماسٹر مائنڈ شہباز شریف ہے۔

    انہوں نے کہا کہ نواز شریف اور شہباز شریف 5 روپیہ بھی واپس نہیں کریں گے، ن لیگ چاہتی ہے کہ اس کے سارے کیس لاہور میں لگیں۔ پیپلز پارٹی والے چاہتے ہیں کہ ان کے کیس کراچی میں لگیں، میں مرضی کے شہر میں کیس لگوانے کی خواہش پر عدالت جاؤں گا۔

    شیخ رشید نے مزید کہا کہ میں شریف اور بھٹو خاندان کا سیاست میں مزید کوئی کردار نہیں دیکھتا، نیب کے آرڈیننس کی تبدیلی کے لیے ووٹ نہیں دوں گا۔

  • شاہد خاقان عباسی اپنے کرتوتوں کی وجہ سے نیب جارہے ہیں، شیخ رشید

    شاہد خاقان عباسی اپنے کرتوتوں کی وجہ سے نیب جارہے ہیں، شیخ رشید

    اسلام آباد: وزیر ریلوے شیخ رشید کا کہنا ہے شاہد خاقان عباسی اپنے کرتوتوں کی وجہ سے نیب جارہے ہیں، پرسوں عمران خان جناح ایکسپریس کا افتتاح کریں گے، میرے لیےاعزازکی بات ہے، عمران خان سے بھائیوں والے تعلقات ہیں۔

    تفصیلات کے مطابق وزیر ریلوے شیخ رشید نے شاہد خاقان عباسی کے بیان پر ردعمل دیتے ہوئے کہا شاہد خاقان عباسی اپنے کرتوتوں کی وجہ سے نیب جارہے ہیں، سابق وزیراعظم نے ملکی خزانے کو لوٹا، میں نے بطور وفاقی وزیر جو ریسرچ کی وہ دی، اب نیب نےفیصلہ کرناہے۔

    شیخ رشید نے بلاول کےٹرین مارچ پر طنز کرتے ہوئے کہا مجھےبلاول کو ٹرین پر لانا تھا میں اس کام میں کامیاب ہوگیا، چند سو لوگوں کو ٹرین پر سوار کرکےوہ خود کو ہیروسمجھ رہے ہیں ، کرپشن ان کی سیاست کی چتا کو آگ لگادےگی، آج نوازشریف کیس کا اہم فیصلہ ہے جوقانون اور آئین کہےگاوہی ٹھیک ہوگا۔

    عمران خان سے بھائیوں والے تعلقات ہیں

    وزیر ریلوے نے کہا پرسوں عمران خان جناح ایکسپریس کا افتتاح کریں گے، میرے لیےاعزازکی بات ہے، عمران خان سے بھائیوں والے تعلقات ہیں، انھوں نے میری ڈیوٹی ریلوے میں لگائی ہے اورمیں اپنا کام کررہا ہوں، میرا کسی کے ساتھ جھگڑا نہیں۔

    ان کا کہنا تھا عمران خان نےکہاتوگوادر اسٹیشن کاسنگ بنیاد 29 مارچ کورکھ دیں گے، کوئٹہ گوادرجا رہا ہوں، ریلوے اسٹیشن کی زمین خرید لی، ٹریک کی زمین خریدرہے ہیں۔

    یہ سب اللہ کی پکڑمیں آئےہیں دونوں خاندانوں کی سیاست ختم ہوچکی ہے

    شیخ رشید نے کہا مجھے نہیں پتہ اس بار عید جیل میں کس کی ہوگی، یہ سب اللہ کی پکڑمیں آئےہیں دونوں خاندانوں کی سیاست ختم ہوچکی ہے، طاہر القادری نے بھی کہا اپنا کیس اللہ پرچھوڑ دیا، یہ اللہ کی پکڑمیں آگئےہیں۔

    یاد رہےسابق وزیراعظم شاہد خاقان عباسی نیب راولپنڈی دفتر  پہنچے تو  میڈیا سے گفتگو میں کہا میں ضمانت کا قائل نہیں ، بٹھالیا توبیٹھ جاؤں گا، لمبا پرچہ ہے، تمام سوالات کےجوابات دینا ممکن نہیں تھا، جوابات کے لیےسرکاری ریکارڈ درکار ہے، جس کے لئے سیکرٹری پیٹرولیم کو خط لکھا ہے۔

  • طلبا اسمارٹ فون کا استعمال چھوڑ دیں‘ شیخ رشید

    طلبا اسمارٹ فون کا استعمال چھوڑ دیں‘ شیخ رشید

    راولپنڈی: وفاقی وزیر ریلوے شیخ رشید احمد کا کہنا ہے کہ ہم اس لیے پیچھے رہ گئے کہ ہماری عورت مرد کے شانہ بشانہ نہیں ہے۔

    تفصیلات کے مطابق وفاقی وزیرریلوے شیخ رشید احمد نے ویمن کالج میں خطاب کرتے ہوئے کہا کہ
    دنیا میں کامیابی کے لیے صبح جلدی اٹھیں۔

    انہوں نے کہا کہ جومحنت کرتے ہیں وہ موت کے منہ سے بھی کامیابی کوچھین لیتے ہیں، اپنی زندگی کا ایک ٹارگٹ رکھیں، ایک سیکنڈ ضائع نہیں کریں۔

    وفاقی وزیر ریلوے شیخ رشید احمد نے کہا کہ میں نے بہت سارا وقت پڑھنے میں کم اور سیاست میں زیادہ گزارا۔

    شیخ رشید احمد نے میڈیا سے گفتگو کرتے ہوئے کہا کہ راولپنڈی کےلوگ غیرت مند، اصول پسند ہیں۔

    وفاقی وزیر ریلوے نے کہا کہ جس دن سورج مجھ سے پہلے طلوع ہوگیا، سیاست چھوڑدوں گا۔

    شیخ رشید احمد نے کہا کہ طلبا اسمارٹ فون کا استعمال چھوڑدیں، میرا بس چلے تو اسمارٹ فون پرپابندی لگا دوں۔

    وفاقی وزیرریلوے نے کہا کہ ہم اس لیے پیچھے رہ گئے کہ ہماری عورت مرد کے شانہ بشانہ نہیں، ہمارے معاشرے جیسی ماؤں کی مثال نہیں ملتی۔

    بلاول اگرکرپشن کے خلاف ہوتا توقومی ہیرو ہوتا‘ شیخ رشید

    یاد رہے کہ دو روز قبل وزیر ریلوے شیخ رشید احمد کا کہنا تھا کہ بلاول بھٹو اپنے والد کے لیے اپنا سیاسی مستقبل ختم کررہے ہیں، اگر بلاول کرپشن کے خلاف باہرنکلتا تو قومی ہیرو ہوتا۔

    شیخ رشید احمد کا کہنا تھا کہ عمران خان کی قیادت میں ریلوے میں انقلاب لائیں گے، اللہ تعالیٰ نے عمران خان کی حکومت میں ٹرین کا پہیہ چلا دیا ہے، گزشتہ حکومت نے ریلوے پر توجہ نہیں دی۔