Tag: sheikh rasheed

کوئٹہ: وزیر ریلوے شیخ رشید نے کہا دوستوں نے مدد نہیں کی تومجبوری میں آئی ایم ایف کے پاس جانا ہوگا، ابھی مشکل وقت ہے مہنگائی ہوگی لیکن حالات بدلیں گے، نوازشریف سے بڑا شہبازشریف کو معاشی مجرم سمجھتا ہوں۔

تفصیلات کے مطابق وزیر ریلوے شیخ رشید نے میڈیا سے گفتگو کرتے ہوئے کہا کہ پاکستان ریلوے کو ایک سال میں خسارے سے نکالیں گے، وزیراعظم عمران خان ملک میں حقیقی تبدیلی چاہتے ہیں۔

شیخ رشید کا کہنا تھا کہ ماضی کےحکمران اس جگہ پرلےآئےجہاں قرضےکی قسط دینےمیں مشکل ہورہی ہے، عوام مایوس نہ ہوں انشااللہ اس ملک کو مسائل سے نکالیں گے، ریڑھی والے کے اکاؤنٹ سے 86 کروڑ نکل رہے ہیں یہ پیسہ کہاں گیا ہے۔

وزیر ریلوے نے کہا کہ چین میں کرپشن کرنےوالے446چوروں کوگولی ماری گئی، پاکستان میں بھی کرپشن کےخلاف چین کی طرح قانون ہونا چاہیے، چور اور چوکیدار کا فرق ہونا چاہیے، کرپٹ اور ایماندار کا فرق ہونا چاہیے۔

ان کا کہنا تھا کہ موجودہ حکومت ملک کومسائل سےنکالےگی، کوئی کنفیوژن نہیں،مسائل سےنکلیں گے، دوستوں نےمددنہیں کی تومجبوری میں آئی ایم ایف کے پاس جانا ہوگا، امید ہے دوست ہماری مدد کریں گے، معیشت بہتر ہوگی۔

شیخ رشید نے کہا کہ پاکستان ریلوے میں کوئی کچی بستی کو ہاتھ نہیں لگائے گا، لوٹی ہوئی دولت کیلئے بھی ریڑھی والے اور رکشے والا کا کندھا استعمال کیا گیا۔

وزیر ریلوے کا کہنا تھا کہ نوازشریف سےبڑاشہبازشریف کومعاشی مجرم سمجھتاہوں، مجھے تو پہلے معلوم ہی نہیں تھا،وزیر بنا ہوں تو اصل حقائق سامنے آرہے ہیں، نندی پور جیسے پروجیکٹ میں اربوں کے کمیشن کھائے گئے۔

ابھی مشکل وقت ہے مہنگائی ہوگی لیکن حالات بدلیں گے

انھوں نے مزید کہا حالات بدلیں گے تمام ادارے معاشی طور پر مستحکم ہوں گے، 2 ٹرینوں میں50 فیصد ڈسکاؤنٹ دیا ہے،ریلوے میں 50 دنوں میں ایک ارب روپے کا فائدہ دیا۔

شیخ رشید کا کہنا تھا کہ لنگڑ ی معیشت دی گئی وزیراعظم عمران خان کا دورہ چین انتہائی اہمیت کاحامل ہے، ابھی مشکل وقت ہے مہنگائی ہوگی لیکن حالات بدلیں گے، امتحان کاوقت ہے، لوگوں کو سہولت کی بات کی تھوڑا وقت لگے گا۔

انھوں نے مزید کہا اس ملک میں بعض چوروکٹ کے دونوں طرف کھیل رہےہیں، سعد رفیق اور شاہد خاقان وکٹ کی دونوں طرف کھیل رہے ہیں، ماضی میں تفتان کو نظرانداز کیا گیا، خواہش ہے گوادر اور کوئٹہ کے درمیان اسٹینڈر گیج لگایا جائے۔

ایسے نہیں جاؤں گا ریلوے ٹھیک کرکے جاؤں گا

وزیر ریلوے کا کہنا تھا میری نظرتمام مسائل پرہیں، کراچی میں کھڑےانجنز کوبھی استعمال میں لایاجائے گا، 2سے 3مہینے میں سبی اورہرنائی کےراستے ٹھیک ہوجائیں گے، ایسے نہیں جاؤں گا ریلوے ٹھیک کرکے جاؤں گا۔

شیخ رشید نے کہا ریلوے کی بہتری کےلئے نئے انجن منگوائےہیں ، جہاں مسافر ہوں گے وہاں ٹرین ضرور چلائیں گی، پرائیویٹ پارٹنرشپ کےلئے تیار ہیں، لوگوں نے ریلوے کو صرف اپنے مفاد کیلئے استعمال کیا، لوگوں نےصرف اپنے کمیشن بنانے کیلئے ریلوے کو استعمال کیا۔

ان کا کہنا تھا کہ احسن اقبال کے ریلوے اسٹیشن پر43کروڑروپےخرچ کئے گئے، احسن اقبال کا ریلوے اسٹیشن ابھی تک تیار نہیں ہوسکا ، چوروں،ڈاکوؤں اور لٹیروں نے مجھے ریلوے جہیز میں دیاہے، وزیراعظم کے ساتھ چین جارہے ہیں۔

لاہور : وزیرریلوے شیخ رشید نے تیس اکتوبر تک ملک بھرمیں ریلوے ٹریکس کے قریب اسکول اور چھوٹی فیکٹریاں بند کرنے کا اعلان کرتے ہوئے کہا ٹریک پر کھیلنے والے بچوں کے والدین کو پکڑیں گے، پہلے 50 دنوں میں ریلوے کی کمائی میں ایک ارب کا اضافہ ہوا۔

تفصیلات کے مطابق وزیرریلوے شیخ رشید نے اجلاس کے بعد پریس کانفرنس سے خطاب کرتے ہوئے کہا کہ ریلوے ہیڈکوارٹرزمیں ہونے والے اجلاس میں اہم فیصلے کیے گئے، 30 اکتوبر سے گرین لائن ٹرین میں وائی فائی دستیاب ہوگا، 8 ٹرینوں سے بڑھا کر 15 پر لے کر جائیں گے، پہلے 50 دنوں میں ریلوے کی کمائی میں ایک ارب کا اضافہ ہوا۔

وزیرریلوے نے بولان ایکسپریس اکانومی کلاس کے کرائے میں30 فیصد تک کمی کا اعلان کرتے ہوئے کہا لاہور سے کوئٹہ کا کرایہ 700روپے ہوگا۔

شیخ رشید نے کہا صارف موبائل فون کے ذریعے اپنے سامان کو ٹریس کرسکیں گا، کنٹریکٹ ملازمین کو مستقل کرنے کا اختیار میرے پاس نہیں، کنٹریکٹ ملازمین کو مستقل کرنے کا اختیار ہوتا تو آج ہی مستقل کر دیتا، یہ اختیار وزیراعظم کے پاس ہے۔

ان کا کہنا تھا کہ ریلوےکی زمینوں پرآبادغریبوں کیساتھ ناانصافی نہیں ہوگی، ریلوے کی زمینوں پر قبضہ مافیا کو نہیں چھوڑا جائے گا، کراچی دھابیجی، کراچی حیدرآباد ٹرین اس ماہ کے آخر میں شروع کریں گے، کراچی سکھر ایکسپریس کو جیکب آباد تک چلائیں گے۔

وزیرریلوے نے کہا بچے کھیلنے کیلئے ٹریک پر آتے ہیں ، ہینڈز فری لگا کر ٹریک پر بیٹھتے ہیں، ٹریک کے قریب اسکولوں کو بند کیا جارہا ہے۔

شیخ رشید نے ریلوے ٹریک کے ساتھ اسکول اور گراؤنڈ بند کرنے کا اعلان کرتے ہوئے کہا ٹریک پر کرکٹ کھیلنے والے بچوں کے والدین کو پکڑیں گے۔

انھوں نے والدین سے درخواست بچوں کو دوسرے اسکولوں میں داخل کرادیں، لوگ ورزش کے لئے بھی ریلوے ٹریک کااستعمال کرتے ہیں۔

وزیرریلوے کا مزید کہنا تھا کہ میرٹ سے ہٹ کرایک شخص کوبھی بھرتی نہیں کروں گا، ریلوے میں بڑی کرپشن ہوئی ،22 کروڑکا انجن 42 کروڑ میں خریدا گیا، 30 انجن کھڑے ہیں، آڈٹ کرانے کا سوچ رہے ہیں۔

شیخ رشید نے کہا سکھرروہڑی ریلوے اسٹیشن پرمفت وائی فائی کی سہولت دی، لوگ وائی فائی استعمال کرنے ریلوے اسٹیشن پہنچ گئے، ریلوے اسٹیشن ریلوے مسافروں کیلئے ہیں، مفت کے وائی فائی کیلئے نہیں۔

ان کا کہنا تھا کہ شیخ ہوں قیمتیں نیچے آنے کا انتظار کررہا ہوں، سب سے زیادہ خسارہ نارووال سیکشن کا ہے، ہر لوکو موٹیو کے ڈرائیور کو ایک جی پی ایس گھڑی تحفے میں دوں گا، جی پی ایس گھڑیوں کی قیمتیں ذرا نیچے آنے دیں۔

وزیر ریلوے نے کہا احسن اقبال کے حلقے میں ریلوے اسٹیشن پر 46 کروڑ خرچ کیے گئے، اس حلقےمیں موجود ریلوے اسٹیشن کی آمدن6لاکھ بھی نہیں، بحالی کے لئے نام پر ریلوے اسٹیشنوں کو تباہ کیا گیا۔

شیخ رشیداحمد کا کہنا تھا کہ کوچز کی فراہمی ریلوے کا سب سے بڑامسئلہ ہے، ہمیں جہیز میں ڈاکوؤں، چوروں اور لٹیروں کا چھوڑا ہوا خزانہ ملا ہے، ملک جس حال میں ملا اس کو چلانا آسان کام نہیں ہے۔

انھوں نے مزید کہا شہباز شریف نواز شریف سے بڑا چور ہے، نوازشریف کی نسبت شہبازشریف نے زیادہ لوٹ مار کی ہے، اب ڈاکوؤں،چوروں اورلٹیروں کی پکڑہوگی کوئی نہیں بھاگ سکتا۔

سکھر : وفاقی وزیرریلوے شیخ رشید احمد کا کہنا ہے کہ 100 روزہ ایجنڈے میں ملک میں ٹرینوں کا جال بچھا دوں گا۔

تفصیلات کے مطابق سکھر میں وفاقی وزیرریلوے شیخ رشید احمد نے موہن جو دڑو ایکسپریس کا افتتاح کردیا۔ افتتاحی تقریب میں سلمان صادق شیخ سمیت دیگرافسران نے شرکت کی۔

موہن جو دڑوایکسپریس کے افتتاح کے بعد میڈیا سے گفتگو کرتے ہوئے شیخ رشید احمد نے کہا کہ موہن جو دڑو ایکسپریس روہڑی سےکوٹری تک چلے گی۔

وفاقی وزیرریلوے نے کہا کہ پاکستان ریلوے کوسی پیک منصوبے میں اہم کردارحاصل ہوگا، 100 روزہ ایجنڈے میں ملک میں ٹرینوں کا جال بچھا دوں گا۔

شیخ رشید احمد نے کہا کہ پاکستان ریلوے میں مال ٹرینوں کو دگنا کروں گا، ریلوے کے مزدوروں کومراعات دیں گے۔

انہوں نے کہا کہ جتنی غربت سکھرمیں دیکھی اتنی پاکستان میں کہیں نہیں دیکھی، بڑے لوگوں کے جیل جانے تک کرپشن ختم نہیں ہوگی۔

شیخ رشید احمد نے کہا کہ میں غریبوں کا ریلوے منسٹرہوں، میری موجودگی میں کسی کچی آبادی کونہیں ہٹایا جائے گا۔

وفاقی وزیرریلوے نے کہا کہ ریلوے میں جہاں کوئی غلطی ہوگی ذمہ دار ڈی ایس ہوگا۔

رواں ماہ موہن جو دڑو ایکسپریس چلائی جائے گی‘ شیخ رشید

یاد رہے کہ رواں ماہ یکم اکتوبرکو وفاقی وزیر ریلوے شیخ رشید کا کہنا تھا کہ غریب کے لیے 100 روپے ٹکٹ کم کرنا پڑا تو کروں گا۔