Tag: sheikh rasheed

راولپنڈی : وفاقی وزیرریلوے شیخ رشید احمد کا کہنا ہے کہ پاکستان کی طرف کوئی میلی آنکھ سے دیکھنے کی جرات نہیں کرسکتا۔

تفصیلات کے مطابق وزیرریلوے شیخ رشید احمد نے اے آروائی نیوز سے خصوصی گفتگو کرتے ہوئے کہا کہ ریلوے کوبحران سے نکالنے کے لیے ہنگامی اقدامات کر رہے ہیں۔

انہوں نے کہا کہ ریلوے میں 23 ہزارمیں سے 10 ہزار فوری درکارہیں، آج ہمیں 2031 نوکریاں دینے کی اجازت مل گئی ہے۔

شیخ رشید احمد نے کہا کہ یکم اکتوبر سے فیصل آباد ایکسپریس شروع ہوگی، ٹرین فیصل آباد سے واپس 2 بجے لاہور آئے گی۔

انہوں نے بتایا کہ سولہ اکتوبر سے موہنجودوڑو ایکسپریس شروع کر رہے ہیں اور روہی ایکسپریس بھی جلد شروع کی جائے گی۔

وزیرریلوے نے کہا کہ کراچی سے لانڈھی تک ٹرین سروس شروع کر رہے ہیں، کراچی حیدر آباد ٹرین سروس بھی شروع کی جا رہی ہے۔

شیخ رشید احمد نے کہا کہ پشاور سے کراچی تک خوشحال خان ایکسپریس جلد شروع کی جائے گی۔

وعدہ کرتا ہوں بھیس بدل کربھی ریل گاڑیوں کوچیک کروں گا‘ شیخ رشید

یاد رہے کہ 13 ستمبرکو وفاقی وزیرریلوے شیخ رشید احمد کا کہنا تھا کہ ریلوے کوایک سال کے اندرخسارے سے نکالیں گے اور ایک مرتبہ پھر ریلوے کواپنے پاؤں پرکھڑا کر کے دکھائیں گے۔

لاہور: وفاقی وزیر ریلوے شیخ رشید کا کہنا ہے کہ ریلوے میں 23 ہزار نوکریوں کی ضرورت ہے جبکہ فوری طور پر 10 ہزار نوکریوں کی ضرورت ہے۔

تفصیلات کے مطابق وزیر ریلوے شیخ رشید احمد نے نیوز کانفرنس کرتے ہوئے کہا کہ ریلوے میں ایمرجنسی کے حالات ہیں، افرادی قوت کی کمی ہے۔

انہوں نے کہا کہ ریلوے میں 23 ہزار نوکریوں کی ضرورت ہے جبکہ فوری طور پر 10 ہزار نوکریوں کی ضرورت ہے۔ گولڑہ ریلوے اسٹیشن اور میوزیم کے لیے لوگ آئیں اور سرمایہ کاری کریں۔

انہوں نے کہا کہ 15 اکتوبر سے ریلوے اسٹیشن پر صاف پانی کا ٹینڈر کھول رہے ہیں، ریلوے ٹریکنگ اور وائی فائی سے متعلق لوگ کام کر رہے ہیں۔ ریلوے کے بکنگ آفس رات 12 بجے تک کھلے رہیں گے۔

شیخ رشید کا کہنا تھا کہ ٹرینوں میں وائی فائی کی سہولت جلد فراہم کریں گے۔ ایم ایل ون اور ٹو ریلوے کی بہتری کے لیے بہترین منصوبے ہیں، ایم ایل ون یا ٹو پر فوری کام شروع ہونے جا رہا ہے۔ یہ سی پیک میں بھی اہم منصوبہ ہے۔

انہوں نے کہا کہ ٹرینوں کی تعداد 100 دنوں میں 10 سے 15 پر لے کر جائیں گے، ٹرینوں کی تعداد بڑھانے سے متعلق معاہدے ہوگئے ہیں۔ 30 ستمبر تک ٹرینوں کی تعداد 10 سے بڑھ کر 15 ہوجائے گی۔

وفاقی وزیر ریلوے کا مزید کہنا تھا کہ سرمایہ کاروں کو ویلکم کرتے ہیں کہیں بھی سرمایہ کاری کر سکتے ہیں، خوشحال خان ایکسپریس کے حادثے سے متعلق رپورٹ طلب کی ہے۔ حادثے سے متعلق 30 ستمبر تک رپورٹ دی جائے گی۔

انہوں نے کہا کہ فریٹ کی تعداد 100 دنوں میں 10 سے 15 پر لے کر جائیں گے، فریٹ کی تعداد بڑھانے سے متعلق معاہدے ہو گئے ہیں۔

ان کا کہنا تھا کہ ریلوے ہیڈ کوارٹرز کراچی منتقل کر رہے ہیں، ریلوے میں سرمایہ کاری بڑھانے کے لیے مانیٹرنگ کمیٹی بنا دی ہے۔ اس وقت ریلوے کا خسارہ 38 ارب روپے ہے۔

لاہور: وفاقی وزیر ریلوے شیخ رشید کا کہنا ہے کہ مجھے اپنی جیب سے بھی پیسہ لگانا پڑا تو لگاؤں گا ریلوے ٹھیک کروں گا، 4 ہزار کنٹریکٹ ملازمین سے متعلق درمیانی راستہ نکالیں گے۔

تفصیلات کے مطابق وفاقی وزیر ریلوے شیخ رشید کا کہنا تھا کہ ریلوے ہیڈ کوارٹر میں ہم نے ڈپٹی ڈی ایس لگانے کا فیصلہ کیا ہے، 4 ہزار کنٹریکٹ ملازمین سے متعلق درمیانی راستہ نکالیں گے۔ تمام یونین عمران خان اور ان کی پالیسی کے ساتھ کھڑی ہے۔

شیخ رشید نے کہا کہ 12 سال پہلے میں ریلوے کے مزدوروں کو ایک گریڈ دے کر گیا تھا۔ کچھ نہیں چھپاؤں گا جو بھی معاملات ہوں گے سامنے لاؤں گا، مسافروں کا کوئی مسئلہ نہیں، اصل مسئلہ فریٹ کا ہے۔

انہوں نے کہا کہ ای سی سی میں پیر کے دن وزارت ریلوے سے متعلق بریفنگ دیں گے۔ ریلوے کی اربوں کی جائیداد ہے۔ نیب کو لاہور سے پہلا کیس شالیمار سے متعلق بھیج رہے ہیں۔ خواجہ سعد رفیق کے خلاف کسی قسم کی انکوائری کی ہدایت نہیں کی۔

وزیر ریلوے کا کہنا تھا کہ ریلوے بھی اپنے پاؤں پر کھڑی ہوسکتی ہے قرضے بھی اتر سکتے ہیں۔ جو لوگ ریلوے میں کنٹریکٹ پر ہیں مہربانی کر کے خود چلے جائیں۔

انہوں نے کہا کہ تحریک انصاف کے نوجوان آئی ٹی کے ماہرین بڑی حمایت میں آئے ہیں، کراچی میں وائی فائی اور ٹریکر کی سہولت فراہم کر رہے ہیں۔ آسٹریلیا سے بھی تحریک انصاف کے نوجوان نے آ کر ہمیں جوائن کیا ہے۔

انہوں نے کہا کہ تحریک انصاف کے نوجوان مفت میں کام کرنے کے لیے آگے آئے ہیں۔ ایک ویب سائٹ لانچ کر رہے ہیں جس میں آئیڈیاز لیں گے۔ ویب سائٹ کے ذریعے پیغام دیں گے ہمیں مفت میں مشورے دیں۔

ان کا کہنا تھا کہ مزدور کام کرنا چاہتا ہے، معذرت کے ساتھ کام نہیں ہو رہا۔ کوچز کے مسائل کو ٹھیک کریں گے۔ 152 لوکو موٹیو میں 78 کو ٹارگٹ کر کے ٹریکر لگا رہے ہیں۔

شیخ رشید نے کہا کہ مجھے اپنی جیب سے بھی پیسہ لگانا پڑا تو لگاؤں گا ریلوے ٹھیک کروں گا، ایسے ٹریکر لگائے جائیں گے جو سامان کا وزن تک بتائیں گے۔ ہدایت کی ہے جتنا لوڈ لے جایا جا سکتا ہے لے کر جائیں۔ پیٹرول اور ڈیزل سستا ہوا ہے اس کو عمران خان کی قسمت سمجھیں۔

انہوں نے مزید کہا کہ پرائیویٹ مارکیٹنگ افسران بھرتی کریں گے موجودہ افسران تھکے ہوئے ہیں، ریلوے کو جدید خطوط پر استوار کرنے کے لیے نوجوان آگے آئیں۔

کراچی: وفاقی وزیر ریلوے شیخ رشید کا کہنا ہے کہ 65 سال کے لوگوں کا آدھا ٹکٹ معاف کرنے کا اعلان کرتا ہوں، ضعیفوں کا سلیپر میں 25 فیصد اور عام ڈبے میں 50 فیصد کرایہ معاف ہوگا۔

تفصیلات کے مطابق وفاقی وزیر ریلوے آج کراچی پہنچے جہاں انہوں نے سٹی اسٹیشن کا دورہ کیا۔

شیخ رشید کی جی ایم ریلوے اور ڈی ایس سمیت دیگر افسران سے تعارفی ملاقات ہوئی۔ ملاقات میں ریلوے کی کارکردگی اور دیگر امور پر تبادلہ خیال اور جائزہ لیا گیا۔

بعد ازاں میڈیا سے گفتگو کرتے ہوئے شیخ رشید کا کہنا تھا کہ چاہتے ہیں 20 کروڑ عوام ریل گاڑیوں کو سفر کے لیے استعمال کریں۔ اگلی میٹنگ میں ایم کیو ایم سے بھی بات ہوگی۔

شیخ رشید نے کہا کہ 65 سال کے لوگوں کا آدھا ٹکٹ معاف کرنے کا اعلان کرتا ہوں، ضعیفوں کا سلیپر میں 25 فیصد اور عام ڈبے میں 50 فیصد کرایہ معاف ہوگا۔ 60 دن کے بعد دیکھ سکیں گے ٹرین کہاں تک پہنچ گئی۔

انہوں نے کہا کہ 3 افسران کو ہٹا دیا، دو لوگوں کو ایک ماہ کی وارننگ دے کر جا رہا ہوں۔ پیر اور منگل کا دن ریلوے کا اہم دن ہوگا۔ ریل کو خسارے سے نکال کر منافع بخش ادارہ بنانا چاہتے ہیں۔

وزیر ریلوے کا کہنا تھا کہ ریل کے 42 ارب کے ڈیفالٹ کو ختم کرنے کی کوشش کریں گے۔ ریلوے کے اسپتالوں کو پبلک پرائیویٹ پارٹنر شپ کے لیے کھول دیں گے۔ ریل کے ملازمین کے لیے سب سے زیادہ گھر کراچی میں بن سکتے ہیں، کے الیکٹرک بھی میٹر لگانے کے لیے تیار ہوگئی ہے۔

انہوں نے کہا کہ ریلوے سے متعلق اپنا پروگرام کیبنٹ میں لے کر جا رہے ہیں، گرین لائن طرز کی دو نئی ریل گاڑیاں چلائی جائیں گی۔ ریلوے ملک کی معیشت میں ریڑھ کی ہڈی ہے۔ 606 بوگیاں خراب ہیں جنہیں درست کرنے کی ضرورت ہے۔