راولپنڈی : عوامی مسلم لیگ کے رہنما شیخ رشید نے کہا ہے کہ مجھے فخر ہے کہ میری پارٹی ایک سیٹ کی ہے، امید ہے تحریک انصاف اور عوامی مسلم لیگ کی مشترکہ حکومت بنے گی۔
ان خیالات کا اظہار انہوں نے میڈیا سے گفتگو کرتے ہوئے کیا، شیخ رشید نے کہا کہ امید ہے عمران خان کی پارٹی حکومت بنانے کی پوزیشن میں آجائے گی، نشستوں پر ٹکٹوں کا فیصلہ عمران خان کرینگے۔
انہوں نے کہا کہ ساری مسلم لیگ وہ کام نہ کرسکی جو صرف میں نے کیا، مجھے بہت سی مذہبی جماعتوں نے کہا ہے کہ وہ میرے ساتھ ہیں، پاکستان کی تاریخ میں اس دفعہ میں سب سےزیادہ ووٹ لوں گا۔
شیخ رشید کا کہنا تھا کہ جس دن شریف خاندان نے سچ بولا وہ ان کی زندگی کا آخری دن ہوگا، اگرعمران خان کی لہر چل پڑی تو نوازشریف کہیں نظرنہیں آئے گا۔
لاہور : عوامی مسلم لیگ کے سربراہ شیخ رشید کا کہنا ہے کہ تلخ حالات کے خاتمے کے لیے سب مل کرکام کریں، تحمل اوربرداشت کے ساتھ الیکشن کی طرف جانا چاہیے۔
تفصیلات کے مطابق لاہور میں ایئرپورٹ پرمیڈیا سے گفتگو کرتے ہوئے عوامی مسلم لیگ کے سربراہ شیخ رشید کا کہنا ہے کہ جلسے کرنا سب کا حق ہے، کراچی میں جو ہوا اس کی پرزورمذمت کرتا ہوں۔
شیخ رشید کا کہنا تھا کہ جب جلسے برداشت نہیں توالیکشن میں کیا صورت حال ہوگی، ایسی ہی صورت حال رہی توالیکشن 2 ماہ کے لیے ملتوی ہوسکتے ہیں۔
وزیرداخلہ پرقاتلانہ حملے کے حوالے عوامی مسلم لیگ کے سربراہ شیخ رشید کا کہنا تھا کہ احسن اقبال پرحملے کی مذمت کرتا ہوں، جب وزیرداخلہ محفوظ نہیں توعام آدمی کا کیا ہوگا۔
شیخ رشید نے میڈیا سے گفتگو کرتے ہوئے کہا کہ اگرنوازشریف جلسے کرنا شروع ہوا ہے تو اچھی بات ہے۔
خیال رہے کہ گزشتہ رات کراچی کے علاقے گلشن اقبال حکیم سعید گراؤنڈ میں پی ٹی آئی اور پی پی کارکنان کے درمیان تصادم کے نتیجے میں متعدد افراد زخمی ہوگئے تھے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔
لاہور: عوامی مسلم لیگ کے سربراہ شیخ رشید نے کہا ہے کہ نواز شریف ملک دشمن طاقتوں کے ہاتھوں میں کھیل رہے ہیں، یہ جو چاہیں کر لیں انہیں ان چیزوں سے کوئی پذیرائی نہیں ملے گی۔
ان خیالات کا اظہار انہوں نے میڈیا سے بات چیت کرتے ہوئے کیا، شیخ رشید کا کہنا تھا کہ نواز شریف آج کل خلائی مخلوق کی باتیں کر رہے ہیں، انہیں ان باتوں سے بھی پذیرائی نہیں ملے گی، شریف خاندان کی سیاست کا حال بہت برا دیکھ رہا ہوں، آئندہ انتخابات میں کوئی کردار نہیں ہوگا۔
ان کا مزید کہنا تھا کہ جو کچھ ہورہا ہے وہ غیر ذمہ دارانہ اور غیر مناسب ہے، غیر ملکی سازش کی جارہی ہے لیکن نواز شریف اور ان کا ٹولہ حالات کو نہیں سمجھ رہا، وہ ملک دشمن قوتوں کے ہاتھوں میں کھیل رہے ہیں۔
خیال رہے کہ گذشتہ دنوں سابق وزیر اعظم نواز شریف نے کہا تھا کہ ن لیگ کا مقابلہ زرداری کے ساتھ ہے نہ عمران کے ساتھ بلکہ ہمارا مقابلہ خلائی مخلوق کے ساتھ ہے، اب پاکستان کی بدنصیبی کا 70 سالہ دور دوبارہ نہیں آئے گا، تحریک انصاف تو کوئی شے ہی کچھ نہیں ہے، یہ بلا لے کر نکلنے والے لوگ قوم سے مذاق کررہے ہیں۔
انہوں نے یہ بھی کہا تھا کہ میں نے پچھلے 4 سال قوم کی خدمت کی اور ملک سے اندھیرے دور کئے، دہشت گردی کو ختم کیا کراچی کا امن بحال کیا، اس کے باوجود ہمارے ساتھ ایسا سلوک رواں رکھا جاتا ہے، اب ہم خلائی مخلوق سے مقابلہ کریں گے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
کراچی: عوامی مسلم لیگ کے سربراہ شیخ رشید نے کہا ہے کہ مجھے خبر ملی ہے کہ چوہدری نثار تحریک انصاف میں شامل نہیں ہوں گے، ان کا مسئلہ نواز شریف کے ساتھ ہے۔
ان خیالات کا اظہار انہوں نے اے آر وائی نیوز کے پروگرام ’الیونتھ آور‘ میں انٹرویو دیتے ہوئے کیا، شیخ رشید کا کہنا تھا کہ سرور خان نے کہا ہے کہ چوہدری نثار جہاں سے الیکشن لڑیں گے میں سامنےکھڑا ہوں گا، چوہدری نثار کا مسئلہ نواز شریف کے ساتھ ہے، وہ اس وقت شہباز شریف کی کلی پر سیاست کر رہے ہیں۔
انہوں نے کہا کہ ملک کو ادارے چلا رہے ہیں نیب چار سال سوتی رہی اب پورا ملبہ اوپر ہے، جج کے گھر پر ایک رات میں 2 فائر ہوسکتے ہیں تو یہ گولی کسی اور کو بھی لگ سکتی ہے، دشمنوں نے جمہوریت کو ہتھیار بنا کر استعمال کرنے کی کوشش کی تو نقصان ہوگا۔
شیخ رشید کا کہنا تھا کہ قوم کی فکری سوچ مفلوج ہوتی جارہی ہیں اور لوگوں کے مسائل گھمبیر ہوتے جارہے ہیں، لوگ چاہتے ہیں مسائل حل ہوں لیکن کرپٹ حکمرانوں نے ملک کا برا حال کر دیا ہے، بے بسی کی انتہا یہ ہے کہ لوگ قبرستانوں کا خرچ بھی نہیں اٹھا سکتے۔
سربراہ عوامی مسلم لیگ نے کہا کہ نواز شریف کے فیصلے یا 31 مئی کے بعد صورت حال واضح ہوجائے گی، پاکستان کی تاریخ کے 29 اپریل کے پی ٹی آئی کے جلسے سے بڑے اثرات آئیں گے، کراچی کے بارے میں لوگ سمجھ رہے ہیں کہ پتنگ ابھی کٹی ہوئی ہے۔
ان کا کہنا تھا کہ میرا خیال ہے کہ کراچی کی پتنگ کٹی ہوئی ہے لیکن گانٹھ لگ سکتی ہے، کراچی کے لوگ اس وقت کشمکش کا شکار ہیں الیکشن کے وقت فیصلہ ہوگا، کراچی کے لوگ الیکشن میں بڑا اہم فیصلہ کریں گے۔
ان کا مزید کہنا تھا کہ شہباز شریف نے ہمیشہ نواز شریف کے لیے راستہ بنایا اور نواز شریف کو سعودی عرب سے شہباز شریف ہی لے کر آئے تھے، وزیر اعلیٰ پنجاب اور شاہد خاقان وکٹ کے دونوں طرف کھیل رہے ہیں۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
رحیم یارخان : عوامی مسلم لیگ کے سربراہ شیخ رشید کا کہنا ہے کہ نوازشریف ووٹ کوعزت دو کی بات کررہا ہے، ووٹ ذلیل ہی نوازشریف کے ہاتھوں ہوا ہے۔
تفصیلات کے مطابق رحیم یار خان میں پریس کانفرنس کرتے ہوئے عوامی مسلم لیگ کے سربراہ شیخ رشید نے کہا کہ پہلی بار صبح کے اوقات میں پریس کانفرنس کررہا ہوں۔
شیخ رشید کا کہنا تھا کہ ووٹ دیتے وقت ہم آنکھوں پر پٹی باندھ لیتے ہیں، عام آ دمی کے پاس آج گیس ہے نہ پانی اور نہ ہی بجلی ہے۔
عوامی مسلم لیگ کے سربراہ شیخ رشید کا کہنا تھا کہ نوازشریف پہلا سیاست دان نہیں ہوگا جوجیل جائے گا۔ ان کا کہنا تھا کہ ہمیں نوازشریف نے لوٹ کھایا ہے، چھوٹی عمر میں ہی نوازشریف کے بچے ارب پتی بن گئے۔
شیخ رشید کا کہنا تھا کہ پاکستان کے خلاف عالمی سازش ہے کہ عدلیہ، فوج کو بدنام کیا جائے۔ ان کا مزید کہنا تھا کہ جج کے گھرپرفائرنگ ہوسکتی ہے توغریب کی بیٹی کیسے محفوظ رہ سکتی ہے۔
اسلام آباد : عوامی مسلم لیگ کے سربراہ شیخ رشید کا کہنا ہے کہ میں نے پہلے بھی کہا تھا اور پھر آج پھر کہہ رہا ہوں کہ نواز شریف جیل جائے گا، نوازشریف کودس لوگ چھوڑگئے، باقی بھی چھوڑجائیں گے، مسلم لیگ ن کانام ونشان تک مٹ جائے گا۔
تفصیلات کے مطابق عوامی مسلم لیگ کے سربراہ شیخ رشید نے میڈیا سے بات کرتے ہوئے کہا کہ چیف جسٹس کے ایک مرتبہ اسپتالوں کے دورےکی ضرورت ہے، اربوں روپے کی پراپرٹی سے لوگ سامان لےجارہےہیں، میں بیرون ملک تھا اس لیےکیس کی سماعت نہیں ہوسکی تھی، آج پھرچیف جسٹس سے مقدمہ سننے کی درخواست کرنے آیا تھا۔
شیخ رشید کا کہنا تھا کہ میں نے کچھ نہیں چھپایا،میرے انکم ٹیکس کےگوشوارے مکمل ہیں، ٹوئٹراور واٹس ایپ پران کی خواہش کے مطابق خبرچلتی ہے، راولپنڈی سے انتقام لیا جارہا ہے۔
سربراہ عوامی مسلم لیگ نے کہا کہ جسٹس اعجازالاحسن کےگھر پر فائرنگ کی گئی، جسٹس اعجازالاحسن کےگھر سے حمزہ کاگھرکچھ فاصلے پر ہے، آج یہ گولی ان کے گھر لگی تو کل آپ کے گھر بھی لگ سکتی ہے، درحقیقت عدیہ کو صرف ڈرانے کی کوشش ہے۔
ان کا کہنا تھا کہ میں نے پہلے بھی کہا تھا اور پھر آج پھر کہہ رہا ہوں کہ نواز شریف جیل جائے گا، میں نے کہا تھا 22 افراد نواز شریف کو چھوڑ جائیں گے،10لوگ چھوڑ گئے باقی بھی چھوڑ جائیں گے۔
شیخ رشید نے کہا کہ ان لوگوں نے میڈیا کے ذریعے عدلیہ کوہدف تنقید بنایا، 23مارچ کولوگ آئے تھے کہ انہیں قطر بھیج دیں ، میرے خلاف فیصلہ آیا تو میں چیخیں نہیں ماروں گا۔
الیکشن کے حوالے سے ان کا کہنا تھا کہ انتخابات ایک سے ڈیڑھ مہینے تاخیر کا شکارہوسکتےہیں، امید ہے جسٹس ثاقب نثارکے دور میں ہی الیکشن ہوں گے، آگےآگے دیکھیں ہوتا ہے کیا، یہ سب تو ہونا ہی تھے۔
عوامی مسلم لیگ کے سربراہ نے مزید کہا کہ مسلم لیگ ن کانام ونشان تک مٹ جائےگا، ہوسکتا ہے کچھ لوگ فارورڈبلاک اور کچھ دوسری پارٹیوں میں جائیں، مسلم لیگ ن سے ان کے اپنے ہی لوگ نالاں ہوچکے ہیں۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔
کراچی: عوامی مسلم لیگ کے سربراہ شیخ رشید نے کہا ہے کہ آج کوئی وزیر اسلام آباد میں ہونے والی پریڈ میں نہیں گیا، یوم پاکستان کی پریڈ میں وفاقی وزرا نے شرکت نہ کر کے ایک پیغام دیا ہے۔
ان خیالات کا اظہار انہوں نے اے آر وائی نیوز کے پروگرام ’سوال یہ ہے‘ میں انٹرویو دیتے ہوئے کیا، شیخ رشید کا کہنا تھا کہ موجودہ حکومت مارشل لا کی پیدا وار ہے، یہ لوگ دنیا گھومتے رہتے ہیں اور یہاں لوگ بے روز گار پھر رہے ہیں لیکن حکومت کو کوئی فکر نہیں۔
انہوں نے کہا کہ نواز شریف معافی مانگ رہا ہے اس لیے کہ ا نہیں سزا نہ ہو، وہ اب کہہ رہا ہے کہ اداروں سے بات چیت کے لیے تیار ہوں، نواز شریف کی بھر پور کوشش ہے کہ درمیانی راستہ نکل آئے، جیسے جیسے سزا کے دن قریب ہوں گے ان کی اور مریم نواز کی سیاست بدلتی جائے گی۔
شیخ رشید کا کہنا تھا کہ تحریک انصاف سے نگراں وزیر اعظم کے لیے نام پر مشاورت کی ہے، اس حوالے سے مزید مشاورت 26 مارچ کو ہوگی، جہاں تک میرا معاملہ ہے تو میں کوئی منی لانڈر نہیں، میں نے 20، 20 کمپنیاں نہیں بنائی، کبھی یہ نہیں کہوں گا کہ مجھے کیوں نکالا۔
سربراہ عوامی مسلم لیگ نے کہا کہ الیکشن ٹریبونل سے اپنی پٹیشن پر کیس جیت چکا ہوں، سپریم کورٹ نے میری درخواست پر فیصلہ محفوظ کیا ہے اس پر بات نہیں کرسکتے، جو بھی فیصلہ ہوگا اسے قبول کروں گا لیکن یہ نہیں کہوں گا کہ مجھے کیوں نکالا۔
اسلام آباد: عوامی مسلم لیگ کے سربراہ شیخ رشید احمد نے کہا ہے کہ ملک میں وزیر اعظم کے جہاز پر وزیر خزانہ ملک سے بھاگ جاتا ہے، وزیر اعظم شاہد خاقان عباسی کا دورہ امریکا مشکوک ہے۔
ان خیالات کا اظہار انہوں نے میڈیا سے گفتگو کرتے ہوئے کیا، نااہلی کیس پر ان کا کہنا تھا کہ جب فیصلہ عدالت میں ہو تو اس پر تبصرہ نہیں کیا جاتا، عدلیہ کا جو بھی فیصلہ ہوگا سر آنکھوں پر ہوگا۔
شیخ رشید نے کہا کہ نواز شریف نے میرے اثاثوں سے متعلق دوبار تحقیقات کرائی، ان کی آنکھوں سے تکبر ابھی تک نہیں نکلا، نواز شریف صرف اللہ کی پکڑ میں آئے ہیں، شہباز شریف اب وکٹ کے دونوں طرف کھیل رہے ہیں۔
سربراہ عوامی مسلم لیگ نے کہا کہ این اے 60 اور 62 سے الیکشن لڑوں گا، آنے والے دنوں میں سب سے بڑا مسئلہ نگراں حکومت ہے، آٗئندہ الیکشن کا فیصلہ عوام کرے گی۔
شیخ رشید نے کہا کہ عوامی مسلم لیگ، پی ٹی آئی کے ساتھ مل کر تحریک چلائے گی، عمران خان کی مشاورت کے بغیر نگراں وزیر اعظم آیا تو اچھی فضا نہیں بنے گی۔
انہوں نے کہا کہ مسلم لیگ ن کے لوگ سمجھتے ہیں کہ کوئی این آر او آئے گا میرے خیال میں ایسا کچھ نہیں ہوگا، چوہدری برادران سیاسی مخالف ہیں مگر کرپٹ نہیں ہیں۔
واضح رہے کہ شیخ رشید احمد کا کہنا تھا کہ نواز شریف کی دماغی حالت قابل رحم ہے، انہیں مری اور چھانگا مانگا میں لگائی گئی منڈیوں کا بھی حساب دینا چاہئے، نواز شریف کا کھیل ختم ہوچکا ہے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
کراچی: سیاست وہ اہم پیشہ ہے جس کے فرائض کی انجام دہی کے دوران عدم برداشت کا پہلو بہت ضروری ہوتا ہے لیکن بعض اوقات عوام کی جانب سے عدم براداشت کے باعث سیاستدانوں کو جوتے کھانے پڑ جاتے ہیں۔
تفصیلات کے مطابق ان دنوں ملک میں وفاقی وزراء اور سینئر رہنماؤں پر جوتے اور سیاہی سے حملے کے واقعات سامنے آرہے ہیں لیکن یہ کوئی خاص بات نہیں اس سے قبل بھی پاکستان میں متعدد سیاست دانوں پو جوتے سے وار ہو چکے ہیں۔
سابق وزیر اعظم نواز شریف آج جب جامعہ نعیمیہ میں منعقد ایک تقریب سے خطاب کر رہے تھے کہ اس دوران ایک شخص نے ان پر جوتا دے مارا جس کے باعث مجمعے میں بھگدڑ مچ گئی تاہم ملزم کو گرفتار کر لیا گیا۔
اس سے قبل وزیر داخلہ احسن اقبال نارو وال میں مسلم لیگ (ن) کے ورکرز کنونشن سے خطاب کر رہے تھے کہ اچانک ایک نوجوان نے ان کی جانب جوتا اچھال دیا جو ان کے ہاتھ میں جالگا، بعد ازاں وزیر داخلہ کے کہنے پر گرفتار ملزم کی رہائی مل گئی۔
علاوہ ازیں گذشتہ دنوں وزیر خارجہ خواجہ آصف سیالکوٹ میں (ن) لیگ کے ورکرز کنونشن سے خطاب کے لیے اسٹیج پر پہنچے ہی تھے ایک شخص نے سیاہی ان کی جانب پھینکی جس کے بعد ان کا چہرہ اور لباس سیاہ ہوگیا۔
خیال کہ پاکستان میں کئی رہنماء جوتا کلب میں شامل رہے ہیں جن میں سابق وزیر اطلاعات پرویز رشید، عوامی مسلم لیگ کے سربراہ شیخ رشید شامل ہیں جبکہ سابق وزیر اعلیٰ سندھ ڈاکٹر ارباب غلام رحیم کو سندھ اسمبلی کے اطراف میں نشانہ بنایا گیا اور سابق پاکستانی صدر جنرل (ر) پرویز مشرف پر انٹرویو کے دوران جوتا اچھالا گیا تھا۔
سیاست دانوں پر جوتے سے حملہ نا صرف پا کستان بلکہ دنیا بھر میں ہوتا ہے، ایسے ہی واقعات عالمی منظر نامے پر متعدد بار دیکھنے میں آئیں۔
سابق امریکی صدر جارج ڈبلیو بش پر 2008 میں عراق میں ایک تقریب کے دوران صحافی کی جانب سے جوتا پھینکا گیا جس سے وہ بال بال بچ گئے تھے جبکہ سابق آسٹریلوی وزیر اعظم جان ہاروڈ پر اس وقت ایک شخص نے ان کی جانب جوتا اچھالا جب وہ نجی ٹی وی کو انٹرویو دے رہے تھے۔
علاوہ ازیں سابق امریکی وزیر خارجہ ہیلری کلنٹن پر لاس ایگاس میں تقریب کے دوران ایک خاتون نے جوتے سے حملہ کیا تھا۔
یاد رہے کہ سابق بھارتی وزیر اعظم من موہن سنگھ، بھارتی سابق وزیر داخلہ چدم برم، عام آدمی پارٹی کے سربراہ اروند کیجر یوال، مقبوضہ کشمیر کے سابق وزیر اعلیٰ عمر عبد اللہ پر بھی جوتوں کے وار ہو چکے ہیں جبکہ برطانوی وزیر اعظم ڈیوڈ کیمرون اور ٹونی بلیئر بھی جوتا کلب کے ممبر رہے ہیں۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
اسلام آباد : عوامی مسلم لیگ کے سربراہ شیخ رشید کا کہنا ہے کہ نا اہل نواز شریف ، شہبازشریف کے ذریعے وکٹ کے دونوں طرف کھیل رہے ہیں، ایک ووٹ پانچ پانچ کروڑ میںبکا، کہیں اتنا پیسہ خرچ کرنے والوں کو اسلام آباد سےکوئی اغوا ہی نہ کرلے۔
تفصیلات کے مطابق عوامی مسلم لیگ کے سربراہ شیخ رشید نے میڈیا سے گفتگو کرتے ہوئے کہا کہ یہ دیکھا جاناچاہئے کہیں حلف اٹھانے والا دہری شہریت تو نہیں رکھتا، ہم مزید4سینیٹرز کے خلاف درخواست لے کر جائیں گے، الیکشن کمیشن کو اس معاملے پر نوٹس لینا چاہئے۔
شیخ رشید کا کہنا تھا کہ 8تاریخ کو اس معاملے پر دوبارہ عدالت لگے گی، امید ہے 8تاریخ کوالیکشن کمیشن حکام پیش ہوں گے، ایک تماشہ لگا ہوا ہے، ارکان کی بےعزتی ہورہی ہے۔
نواز شریف پر تنقید کرتے ہوئے انھوں نے کہا کہ نوازشریف کی اربوں روپے کی کرپشن ہے، نا اہل نواز شریف شہبازشریف کوبیچ میں ڈال کریہ وکٹ کےدونوں طرف کھیل رہاہے۔
سربراہ عوامی مسلم لیگ کا کہنا تھا کہ ایک کروڑمیں ممبر بن سکتا ہے تو5ارب روپے تاوان بھی دے سکتا ہے، ایک ووٹ پانچ پانچ کروڑ میں بکا، ککہیں اتنا پیسہ خرچ کرنےوالوں کواسلام آباد سےکوئی اغوا ہی نہ کرلے۔
یاد رہے کہ چند روز قبل شیخ رشید کا کہنا تھا کہ اصل خطرہ اداروں کےخلاف بات کرنیوالوں سے ہے، جو پاکستان کے اداروں کے خلاف بات کرتا ہے وہ ملک کا غدار ہے۔
سربراہ عوامی مسلم لیگ کا کہنا تھا کہ شریف خاندان سےمناظرے کے لئے تیارہوں، ملک فوج اورعدلیہ کی بدولت چل رہا ہے ، الیکشن دور ہیں ،بہت مسائل ہیں، حکمران لڑائی پر اتر آئے ہیں۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
