ARYNews.tv | Urdu – Har Lamha Bakhabar

Tag: sheikh rasheed

  • نوازشریف کی سیاست کاسورج ڈوب چکا ہے،عمران خان کاخوف ہے،شیخ رشید

    نوازشریف کی سیاست کاسورج ڈوب چکا ہے،عمران خان کاخوف ہے،شیخ رشید

    اسلام آباد : عوامی مسلم لیگ کے سربراہ شیخ رشید کا کہنا ہے کہ نوازشریف کی سیاست کاسورج ڈوب چکا ہے،عمران خان کاخوف ہے، نوازشریف کو منہ کی کھانا پڑی ہے، ان کی کرپشن بے نقاب ہوچکی ہے۔

    تفصیلات کے مطابق عوامی مسلم لیگ کے سربراہ شیخ رشید نے نواز شریف کی پریس کانفرنس پر ردعمل کا اظہار کرتے ہوئے کہا کہ الیکشن میں چند ماہ رہ گئے اور نوازشریف نے پہلے ہی الزام لگا دیا ہے، اب تو کوئی شک نہیں رہا،نوازشریف نے بتا دیا وہ کیا کرنے والے ہیں۔

    شیخ رشید کا کہنا تھا کہ نوازشریف کون لیگ کی شکست پہلےہی نظرآگئی ہے، نوازشریف نےآئندہ انتخابات کومشکوک اوردھاندلی زدہ قراردیا ہے، سپریم کورٹ پر حملے تو نوازشریف اور ن لیگ کیا کرتی تھی۔

    سربراہ عوامی مسلم لیگ نے کہا کہ نوازشریف کی سیاست کاسورج ڈوب چکاہے،عمران خان کاخوف ہے، نوازشریف ملک میں انتشارچاہتےہیں اسی لیےایساماحول بنارہےہیں، نوازشریف کومنہ کی کھاناپڑی ہے،ان کی کرپشن بے نقاب ہوچکی ہے۔

    مزید پڑھیں : پردے کے پیچھے کارروائیاں نہ رُکیں تو ثبوت عوام کے سامنے رکھوں گا، نواز شریف

    یاد رہے کہ سابق وزیراعظم نوازشریف نے پریس کانفرنس کرتے ہوئے کہا تھا کہ خفیہ راستوں، غیرقانونی فیصلوں کے ذریعے کسی کا راستہ نہ روکا جائے، پردے کے پیچھے کارروائیاں نہ رکیں تو ثبوت عوام کے سامنے رکھوں گا۔

    انکا مزید کہنا تھا کہ کوشش کی جارہی ہےانتخابات میں ایک جماعت کاراستہ روکاجائے، مسلم لیگ ن کاووٹ بینک ماضی کی نسبت اوربھی بڑھ گیا ہے، ن لیگ کوبھی انتخابات میں حصہ لینےکیلئےیکساں مواقع ملنےچاہئیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نوازشریف پوری عرب دنیاسےمل لیں این آراو نہیں ملےگا،شیخ رشید

    نوازشریف پوری عرب دنیاسےمل لیں این آراو نہیں ملےگا،شیخ رشید

    ،اسلام آباد : عوامی مسلم لیگ کے سربراہ شیخ رشید کا کہنا ہے کہ نواز شریف ساری عرب دنیا سے مل لیں این آراو نہیں ملے گا اور جو سیاستدان کہہ رہے ہیں این آراو ہورہا ہے ان کی عقل پرماتم کرنے کا دل چاہتا ہے۔

    تفصیلات کے مطابق عوامی مسلم لیگ کے سربراہ شیخ رشید نے میڈیا سے گفتگو کرتے ہوئے کہا کہ آج کہا جا رہا ہے سعودی عرب میں این آر او ہو رہا ہے۔۔۔ این آر او کسی صورت نہیں ہوگا، جو سیاستدان کہہ رہےہیں این آراوہورہاہےان کی عقل پرماتم کرنے کا دل چاہتا ہے۔

    شیخ رشید کا کہنا تھا کہ نواز شریف ساری عرب دنیا سے مل لیں این آر او نہیں ملے گا، نوازشریف کل سے بیٹھے ہوئے ہیں، سعودی بادشاہ نے بارآوری کی درخواست قبول نہیں کی۔

    سربراہ عوامی مسلم لیگ نے دعویٰ کیا کہ میں سمجھتاہوں اسمبلیوں سے استعفوں کا وقت آگیا، اسمبلیوں سے استعفیٰ دیکر چوراہوں اورسڑکوں جوڈو کراٹے کرنے چاہئیں۔

    انھوں نے مزید کہا کہ کرپٹ پرسنالٹی مکہ مدینہ بھی جاتی ہے توپیچھےسےآوازلگتی ہےچورہےچورہے۔

    پاکستان عوامی تحریک کی آل پارٹیز کانفرنس کو کامیاب قرار دیتے ہوئے کہا کہ لطیف کھوسہ نے وعدہ کیا کہ حدیبیہ اور ایل این جی کا کیس میری طرف سےلڑیں گے، اس لیے میری اے پی سی کامیاب ہوگئی ہے، باقیوں کا پتہ نہیں ہے۔

    مزید پڑھیں :  قوم جاتی امراء کا گھیراؤ کرلے، فروری تک حکومت چلی جائے گی: شیخ رشید

    یاد رہے دو روز قبل شیخ رشید کا کہنا تھا کہ اے پی سی کا اعلامیہ جتنا مضبوط ہونا چاہیے تھا، اتنا مضبوط نہیں، اے پی سی میں کہا کہ پہلااستعفیٰ  دینے کو تیار ہوں، چاہتا تھا کہ نوازشریف کے خلاف ہم فوری باہر نکلیں۔

    شیخ رشید نے کہا تھا کہ حکومت کو گھر بھیجنے کے لیے باہر نکلنا ہوگا، قوم جاتی امراء کا گھیراؤ کرلے، 10 سے 15 فروری تک تحریک شروع ہوجائے گی، یقین ہے فروری تک حکومت چلی جائے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • عوامی مسلم لیگ کے جلسے میں کتنے اخراجات آئے، شیخ رشید کا حیران کُن دعویٰ

    عوامی مسلم لیگ کے جلسے میں کتنے اخراجات آئے، شیخ رشید کا حیران کُن دعویٰ

    ڈیرہ غازی خان: عوامی مسلم لیگ کے سربراہ شیخ رشید احمد کا کہنا ہے کہ میری پارٹی چھوٹی اور غریب ہے اس لیے کم پیسوں میں جلسے منعقد کرتے ہیں، آج کے جلسے میں صرف 20 ہزار روپے کے اخراجات آئے۔

    پنجاب کے جنوبی علاقے ڈیرہ غازی خان میں پارٹی کی جانب سے منعقدہ جلسے سے خطاب کرتے ہوئے شیخ رشید احمد کا کہنا تھا کہ ’ڈی جی خان کے عوام وعدہ کریں کہ چوروں کو ووٹ نہیں دیں گے میں اُن کے لیے خود دھرنا دوں گا‘۔

    اُن کا کہنا تھا کہ ’7 بار قومی اسمبلی کا ممبر بن چکا اب مجھے کچھ نہیں چاہیے، آئندہ انتخابات کا ساتھ دوں گا، مسلم لیگ ن چار سالہ حکومت کی کارکردگی کا دعویٰ کرتی ہے کہ اُس نے کارخانے لگائے جبکہ حقیقت یہ ہے کہ 20 ارب ڈالر کی برآمدات رُک گئی ہے‘۔

    مزید پڑھیں: نوازشریف کی تقریرسے زیادہ توہین عدالت نہیں ہوسکتی، شیخ رشید

    شیخ رشید احمد کا کہنا تھا کہ ’حکومت کی ناقص کارکردگی کے باعث درآمدات 50 ارب ڈالر سے تجاوز کرچکی اور ہر شعبے کا پاکستانی حکمرانوں کے مظالم کا شکار ہے‘۔

    عوامی مسلم لیگ کے سربراہ کا مزید کہنا تھا کہ ’حکمرانوں نے ہمیں غلام سمجھا ہوا ہے مگر اب ایسا نہیں ہوگا، جو لوگ غریب ہاریوں سے گنا نہیں خریدیں گے ہم اُس ترازو کو آگ لگادیں گے‘۔

    شیخ رشید احمد نے حکومت کو ایک بار پھر اپنی صفیں درست کرنے کا مشورہ دیتے ہوئے کہا کہ ’نوازشریف جو عدلیہ کے فیصلوں کو للکار رہے ہیں اُس سے باز رہیں وگرنہ بہت سنگین صورتحال پیدا ہوجائے گی‘۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کیس جیتنےمیں جمائماکی کاوشیں ہیں،ان کاشکرگزارہوں،شیخ رشید

    کیس جیتنےمیں جمائماکی کاوشیں ہیں،ان کاشکرگزارہوں،شیخ رشید

    اسلام آباد : عوامی مسلم لیگ کے سربراہ شیخ رشید کا کہنا ہے کہ عمران خان بچ گئے ہیں پی ٹی آئی اب آگے بڑھے گی، کیس جیتنے میں جمائما کی کاوشیں ہیں،ان کا شکرگزار ہوں، عمران خان کومشورہ دوں گاجمائماسے دوبارہ رابطہ کریں۔

    تفصیلات کے مطابق سپریم کورٹ کی جانب سے عمران خان کے حق میں نااہلی کیس کے فیصلے پر اظہارِ خیال کرتے ہوئے عوامی مسلم لیگ کے سربراہ شیخ رشید نے کہا کہ عمران خان میراتھون ریس جیت گئے ہیں،عمران خان بچ گئے ہیں پی ٹی آئی اب آگے بڑھے گی۔

    شیخ رشید کا کہنا تھا کہ کیس جیتنےمیں جمائماکی کاوشیں ہیں، ان کاشکرگزار ہوں، عمران خان کومشورہ دوں گاجمائماسےدوبارہ رابطہ کریں، طلاق کے بعد خواتین مردوں کے خلاف ہوجاتی ہیں، طلاق کےباوجودجمائما نے عمران خان کی بھرپور مدد کی۔

    جہانگیرترین کی نااہلی کے فیصلے کے حوالے سے سربراہ عوامی مسلم لیگ نے کہا کہ جہانگیرترین کےخلاف فیصلےپرنظرثانی اپیل کی جانی چاہیے، عمران خان کو جہانگیرترین کی نااہلی کا افسوس ہے۔

    انکا کہنا تھا کہ پریشان نہ ہوں درباری اسی لیے تو وزیر بنائے گئےہیں، درباری ایسی باتیں کرتی رہیں گے پریشان نہیں ہونا۔

    حدیبیہ کیس کے حوالے سے شیخ رشید نے کہا کہ حدیبیہ پیپرملزکیس کی درخواست خارج کرنے پر مایوسی ہوئی، نیب کی جانب سےحدیبیہ کیس کمزور پیش کیا گیا۔

    د رہے کہ سپریم کورٹ نے بڑا فیصلہ سناتے ہوئے پی ٹی آئی کے چئیر مین عمران خان اہل جبکہ جنرل سیکریٹری جہانگیر ترین نااہل قرار دیا۔

    مزید پڑھیں :  نا اہلی کیس: عمران خان بری/ جہانگیر ترین نا اہل قرار

    جہانگیرترین کے خلاف نااہلی کی درخواست قابل سماعت قرار دیتے ہوئے کہا تھا کہ جہانگیرترین نے50کروڑروپےبیرون ملک منتقل کیے، آف شورکمپنیاں جہانگیرترین کی ملکیت ہیں، جہانگیرترین پرآرٹیکل62ون ایف کااطلاق ہوتاہے، بینفیشل مالک پرجہانگیرترین کاجواب واضح نہیں تھا، جہانگیرترین نےاثاثےچھپائے،صادق اورامین نہیں رہے۔

    سپریم کورٹ نے الیکشن کمیشن کوجہانگیرترین کی نااہلی کانوٹیفکیشن جاری کرنے کی ہدایت کردی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • آئندہ90 دن پاکستان کی سیاست میں بہت اہم ہیں ، شیخ رشید

    آئندہ90 دن پاکستان کی سیاست میں بہت اہم ہیں ، شیخ رشید

    اسلام آباد : عوامی مسلم لیگ کے سربراہ شیخ رشید کا کہنا ہے کہ آئندہ90 دن پاکستان کی سیاست میں بہت اہم ہیں، کرپشن تب ختم ہوگی جب کرپٹ لوگوں کو پھانسی دی جائے گی۔

    تفصیلات کے مطابق عوامی مسلم لیگ کے سربراہ شیخ رشید نے میڈیا سے گفتگو کرتے ہوئے کہا کہ آئندہ تین ماہ پاکستان کی سیاست میں بہت اہم ہیں، اس ملک کو سپریم کورٹ نے بچانا ہے، کرپشن تب ختم ہوگی جب کرپٹ لوگوں کو پھانسی دی جائے گی۔

    شیخ رشید کا کہنا تھا کہ تمام سیاست دان مارشل لا کی نرسری سے نکلے، عدالت عظمی ہی آئندہ الیکشن کا فیصلہ کرے گی‌‌، جولوگ بھٹو کے ساتھ تھے وہی مشرف کےساتھ تھے، جو ہر حکمران کے ساتھ وزیر رہے وہ آئندہ90دن میں پھر وزیر ہوسکتے ہیں۔

    سربراہ عوامی مسلم لیگ نے کہا کہ 70 سال میں40.3بلین، ان4 سال میں35ارب ڈالرقرض لیا، گرمیوں میں بجلی،سردیوں میں گیس ملے گی تو جمہوریت قائم رہے گی۔

    حدیبیہ پیپرز ملز کیس کے حوالے سے انکا کہنا تھا کہ کل کی سماعت میں اہم فیصلے ہونے ہیں، حدیبیہ کیس دوبارہ کھلے گا یا نہیں، فیصلہ کل ہوگا۔

    مزید پڑھیں : مسلم لیگ ن کا دھڑن تختہ ہوتا نظرآ رہا ہے‘ شیخ رشید

    شیخ رشید نے مزید کہا کہ وزیراعظم اور وزیر دفاع سالمیت پر شک کرے تو ملک کا کیا ہوگا، سپریم کورٹ کو اول اور اعلیٰ ادارہ سمجھتاہوں، 11 دسمبر سے پاکستان کا سیاسی اتار چڑھاؤ شروع ہوجائے گا۔

    یاد رہے کہ دو روز قبل عوامی مسلم لیگ کےسربراہ شیخ رشید نے میڈیا سے گفتگو کرتے ہوئے کہا تھا کہ مسلم لیگ ن کا دھڑن تختہ ہوتا نظرآ رہا ہے، نواز شریف اور شہباز شریف جھوٹوں کے آئی جی ہیں۔

    شیخ رشید نے کہا تھا کہ 200 ارب کی چوری کا بل عام آدمی کی جیب میں ڈال دیا جاتا ہے، نواز شریف سے زیادہ دولت اسحاق ڈار نے لوٹی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پنجاب حکومت کو مارچ سے پہلے کِک مارچ ہوجائے گا، شیخ رشید

    پنجاب حکومت کو مارچ سے پہلے کِک مارچ ہوجائے گا، شیخ رشید

    اسلام آباد : لاہور ہائیکورٹ کے سانحہ ماڈل ٹاؤن کی انکوائری پورٹ منظر عام پر لانے کا حکم کے بعد سیاسی رہنماوں کا کہنا ہے حکومت کو لاہور ہائی کورٹ کے فیصلے کا احترام کرنا چاہئیے، فیصلے سے لوگو ں کو انصاف ملے گا۔

    تفصیلات کے مطابق لاہور ہائیکورٹ کے سانحہ ماڈل ٹاؤن کی انکوائری پورٹ منظر عام پر لانے کے فیصلے پر سیاسی رہنماؤں نے درعمل کا اظہار کرتے ہوئے کہا کہ حکومت کو لاہور ہائی کورٹ کے فیصلے کا احترام کرنا چاہئیے۔

    ہائیکورٹ کے فیصلے پر عمل ہوناچاہئے،سیاست نہیں کرناچاہتا، خورشید شاہ

    اے آر وائی نیوز سے بات کرتے ہوئے اپوزیشن لیڈر خورشید شاہ نے کہا رپورٹ منظر عام پر آنی چاہئیے، حکومت کی کوشش تھی کہ اہم رپورٹ منظر عام پر نہ آئے، سانحہ ماڈل ٹاؤن پر انکوائری رپورٹ بہت اہم ہے، ہائیکورٹ کے فیصلے پر عمل ہوناچاہئے،سیاست نہیں کرناچاہتا۔

    خورشید شاہ کا کہنا تھا کہ ہائیکورٹ کا فیصلہ سپریم کورٹ میں چیلنج کرناپنجاب حکومت کا حق ہے ، اہم فیصلے پر امن وامان کی پرواہ نہیں کرنی چاہئے۔

    پنجاب حکومت کو مارچ سے پہلے کِٰک مارچ ہوجائے گا، شیخ رشید

    عوامی مسلم لیگ کے سربراہ شیخ رشید نے اے آر وائی نیوز سے بات کرتے ہوئے کہا کہ میں نے پہلے ہی کہا تھا ان کا تابوت نکلے گا اب سپریم کورٹ بھی ان کا کیس نہیں سنے گا، یہ لوگ اپنے آپ کو خدا سمجھتے تھے ، پنجاب حکومت نے ماڈل ٹاؤن میں ظلم کیا تھا۔

    شیخ رشید کا کہنا تھا کہ پنجاب حکومت کو مارچ سے پہلے کِٰک مارچ ہوجائے گا۔

    آج انصاف کی جیت ہوئی ہے ہر شہری چاہتا ہے کہ ماڈل ٹاؤن متاثرین کو انصاف ملے، فواد چوہدری

    تحریک انصاف کے رہنما فواد چوہدری لاہور ہائیکورٹ کے فیصلے پر درعمل کا اظہار کرتے ہوئے کہا کہ آج انصاف کی جیت ہوئی ہے ہر شہری چاہتا ہے کہ ماڈل ٹاؤن متاثرین کو انصاف ملے، انکوائری رپورٹ میں ملزمان کا تعین ہوچکا ہے۔

    فوادچوہدری کا کہنا تھا کہ ملزمان کا تعین ہوچکا ہے اس لئے حکومت ہچکچارہی ہے، پہلے ایک جج اور اب 3ججز نے فیصلہ دیا ہے، رپورٹ منظر عام پر آنے سے امن وامان کیسے خراب ہوگا سمجھ سے باہرہے، پنجاب حکومت کا مؤقف مضحکہ خیز ہے۔

    باقرنجفی رپورٹ آج ہی حاصل کرکےرہیں گے، خرم نواز گنڈا پور

    خرم نواز گنڈا پور کا سانحہ ماڈل ٹاؤن کی انکوائری رپورٹ منظر عام پر لانے کے فیصلہ پر کہنا ہے کہ باقرنجفی رپورٹ آج ہی حاصل کرکےرہیں گے، عدالتی حکم کے مطابق متاثرین کوفوری رپورٹ کی کاپی دی جائے۔

    دوسری جانب سیاسی رہنما کا کہنا ہے کہ لاہور ہائی کورٹ کے فیصلے سے لوگو ں کو انصاف ملے گا۔

    مزید پڑھیں : لاہور ہائیکورٹ کا سانحہ ماڈل ٹاؤن انکوائری رپورٹ 30 دن میں شائع کرنے کا حکم

    یاد رہے کہ لاہور ہائیکورٹ میں جسٹس عابد سعیدشیخ کی سربراہی میں3رکنی بینچ نے حکومتی اپیل پر فیصلہ سناتے ہوئے رپورٹ شائع کرنے کا سنگل بینچ کا حکم برقرار رکھا۔

    لاہور ہائکیورٹ نے سانحہ ماڈل ٹاؤن رپورٹ شائع کرنے کے حکم کیخلاف حکومتی اپیل مسترد کردی اور باقرنجفی رپورٹ 30 دن میں شائع کرنے کا حکم دیدیا۔

    عدالت نے یہ بھی حکم دیا کہ متاثرین کو فوری طور پر رپورٹ کی کاپی فراہم کی جائے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئرکریں۔

  • شیخ رشید احمد کا محمود خان اچکزئی پر سنگین الزام

    شیخ رشید احمد کا محمود خان اچکزئی پر سنگین الزام

    راولپنڈی: عوامی مسلم لیگ کے سربراہ شیخ رشید احمد نے کہا ہے کہ محمود خان اچکزئی افغانستان کے فرنٹ مین ہیں اور وہ فاٹا انضمام کے معاملے میں سب سے بڑی رکاوٹ ہیں۔

    میڈٰیا سے گفتگو کرتے ہوئے شیخ رشید احمد کا نے الزام عائد کرتے ہوئے کہا کہ ’محمود خان اچکزئی افغانستان کے فرنٹ مین ہیں اور وہ اپنے حلقے میں صرف شناختی کارڈ کے معاملے پر سیاست کرتے ہیں‘۔

    شیخ رشید احمد نے دعویٰ کیا کہ ’فاٹا انضمام کے معاملے میں سب سے بڑی رکاوٹ محمود خان اچکزئی ہیں اور مسلم لیگ ن اپنے اتحادی کی وجہ سے حکومت اس معاملے کو طول دے رہی ہے‘۔

    عوامی مسلم لیگ کے سربراہ کا کہنا تھا کہ ’ نوازشریف  بیٹے سے تنخواہ لینے کے باوجود پوچھتے ہیں کہ مجھے کیوں نکالا، حسین نواز  نے 19 کمپنیاں قائم کیں اور وہ  وزیراعظم کے صاحبزادے ہیں تو سرمایہ کاری سے متعلق سوال اٹھانا سب کا حق ہے‘۔

    شیخ رشید احمد کا مزید کہنا تھا کہ مولانا فضل الرحمان کے رویے کو دیکھ کر افسوس ہوتا ہے، حکومتی کارکردگی دیکھتے ہوئے یہ بات کہتا ہوں کہ عوام مسلم لیگ ن کو دوبارہ ووٹ نہیں دیں گے بلکہ وہ عمران خان کومنتخب کریں گے اور یہی  بڑی تبدیلی کانام ہوگا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • اسحاق ڈار کے مستعفی ہونے کے فیصلے پر سیاستدانوں کا ردعمل

    اسحاق ڈار کے مستعفی ہونے کے فیصلے پر سیاستدانوں کا ردعمل

    اسلام آباد : اسحاق ڈار کے مستعفی ہونے کے فیصلے پر اپوزیشن کا کہنا ہے کہ اسحاق ڈار کو خود سے استعفیٰ دے دینا چاہیے تھا، اسحاق ڈار بیمار ہے یا نہیں لیکن پاکستان کی معیشت بیمار کرگئے۔

    تفصیلات کے مطابق اسحاق ڈار کے مستعفی ہونے کے فیصلے پر سیاستدانوں کا ردعمل سامنے آیا ، کسی نے کہا ڈار کو بھگا دیا تو کسی نے کہا ڈار سے زیادہ ملکی معیشت بیمار ہے۔

    عوامی مسلم لیگ کے سربراہ شیخ رشید نے اسحاق ڈار کے مستعفی ہونے کے فیصلے پر درعمل کا اظہار کرتے ہوئے کہا کہ اسحاق ڈارکوبھگادیا گیا،نہ بھگایا جاتا تو شریف خاندان کے راز اگل دیتے۔

    نواز شریف اور ان کے خاندان کے خزانے کی چابی اسحاق ڈار کے پاس ہے، جووعدہ معاف ایک مرتبہ بن سکتاہےوہ آئندہ بھی ثبوت دے سکتا ہے،چنددن انتظارکرلیں ابھی بہت کچھ سامنے آئے گا۔

    اے آروائی نیوز سے بات کرتے ہوئے تحریک انصاف کے رہنما  فواد چوہدری نے کہا کہ اسحاق ڈار ملک کی معیشیت کو بیمار کر کے چلے گئے۔

    وزیراعلیٰ سندھ مرادعلی شاہ نے اسحاق ڈار کے مستعفی ہونے کے فیصلے پر درعمل کا اظہار کرتے ہوئے کہا کہ اسحاق ڈار کے استعفے کا معلوم نہیں ہے، مسائل کے حل کیلئے آگے بڑھنا چاہیے۔

    سندھ اسمبلی کے اسپیکر آغاسراج درانی کا اسحاق ڈار کے استعفیٰ سے کہنا تھا کہ ن لیگ جب بھی مشکل میں ہوتی ہے تو وزرا کو کمرمیں درد ہوتا ہے، اسحاق ڈارکو پہلےہی استعفیٰ دینا چاہئے تھا۔

    پاکستان تحریک انصاف کے رہنما عثمان ڈار نے اسحاق ڈار کے مستعفی ہونے کے فیصلے پر کہا کہ عمران خان نےکرپشن الیون کی ایک اور وکٹ گرادی، تعجب ہےوزارت خزانہ وزیراعظم نےسنبھالنےکامنصوبہ بنالیا، لگتاہےوزارت خارجہ بھی وزیر اعظم کوہی سنبھالناہوگی۔

    پپپلز پارٹی کے سنیٹر سلیم مانڈوی والا کا کہنا تھا کہ اسحا ق ڈار لندن میں بیٹھ کر وزارت چلانا چاہتے تھے،اسحاق ڈار کو خود سے استعفیٰ دے دینا چاہیے تھا اس میں سیاسی بات نہیں وزارت خزانہ کی ساکھ کاسوال تھا۔

    پی ٹی آئی کے رہنما خرم نوازگنڈاپور نے اسحاق ڈار کے مستعفی ہونے کے فیصلے پر کہا کہ اسحاق ڈارکےاستعفےکی خبریں نئی ڈرامہ بازی ہے، شریف خاندان نے منصوبہ بندی کےتحت اسحاق ڈارکو فرارکرایا، اسحاق ڈارکرپشن کیسز کے اہم گواہ اور ملزم ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شریف فیملی کو مائنس ہوتا دیکھ رہا ہوں، کوئی این آر او نہیں ہوگا، شیخ رشید

    شریف فیملی کو مائنس ہوتا دیکھ رہا ہوں، کوئی این آر او نہیں ہوگا، شیخ رشید

    راولپنڈی: عوامی مسلم لیگ کے سربراہ شیخ رشید احمد نے کہا ہے کہ شریف فیملی کو مائنس ہوتا دیکھ رہا ہوں، کوئی این آر او نہیں ہوگا۔

    اے آر وائی نیوز کے پروگرام دی رپورٹرز میں گفتگو کرتے ہوئے شیخ رشید نے کہا کہ مارچ سے پہلے شریف خاندان کا مارچ ہوجائے گا، نواز شریف کو سزا ہوئی تو دنیا بھر میں دولت ضبط ہوجائے گی۔

    انہوں نے کہا کہ مریم نواز لندن فلیٹس کی بینیفشری ہیں، برطانوی حکومت نے تصدیق کردی ہے، مریم نواز کا سیاست میں مستقبل ختم ہوچکا ہے، مستقبل کی سیاست میں شریف برادران کا کوئی کردار نہیں دیکھ رہا، شریف خاندان ساری حرکتیں سیاسی شہید بننے کے لیے کررہا ہے۔

    شیخ رشید نے کہا کہ ڈیڑھ سال سے نواز شریف کے پاس کوئی ثبوت نہیں دیکھ رہا، چور آگے آگے بھاگ رہے ہیں، ہم ان کے پیچھے پیچھے جارہے ہیں۔

    سربراہ عوامی مسلم لیگ نے کہا کہ نواز شریف اور شاہد خاقان عباسی کے درمیان بھی اعتماد کی کمی ہے، خاقان عباسی، اسحاق ڈار میں اتنی دوری ہے جتنی نواز اور شہباز میں ہے، خاقان عباسی نے قریبی دوستوں کو بتایا کہ اسحاق ڈار پھنسنے والا ہے، خاقان عباسی نے چیدہ چیدہ افراد کو اپنا ساتھ دینے کا کہا ہے، شاہد خاقان نے نئے وزیر خزانہ کے لئے نام مانگ لئے ہیں۔

    انہوں نے کہا کہ خاقان عباسی اور اسحاق ڈار میں بڑا فاصلہ پیدا ہوچکا ہے، خاقان عباسی نے بتایا کہ وہ اسٹیبلشمنٹ کے ذریعے راستہ بناسکتے ہیں، خاقان عباسی کا کہنا ہے ساتھ دیا جائے تو وہ مستقل وزیر اعظم بن سکتے ہیں۔

    شیخ رشید نے کہا کہ ہم پاک چین راہداری منصوبے کے حامی ہیں، سی پیک منصوبے میں کوئٹہ کے قریب پاور پلانٹ میں تاخیر ہوئی ہے، چین گوادر میں اپنا سٹی پلان چاہتا ہے۔

    یہ پڑھیں: تیس دسمبر تک نوازشریف کے کیس اور ماڈل ٹاؤن کیس کا فیصلہ ہوجائے گا ،شیخ رشید

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • تیس دسمبر تک نوازشریف کے کیس اور ماڈل ٹاؤن کیس کا فیصلہ ہوجائے گا ،شیخ رشید

    تیس دسمبر تک نوازشریف کے کیس اور ماڈل ٹاؤن کیس کا فیصلہ ہوجائے گا ،شیخ رشید

    اسلام آباد : عوامی مسلم لیگ کے سربراہ شیخ رشید نے پیش گوئی کی ہے کہ تیس دسمبرتک نوازشریف کےکیس اور ماڈل ٹاؤن کیس کا فیصلہ ہوجائےگا، یہ بڑا حساس اور فیصلہ کن مہینہ ہے، الیکشن اصلاحات کا بھی فیصلہ دیکھ رہا ہو۔

    تفصیلات کے مطابق عوامی مسلم لیگ کے سربراہ شیخ رشید نے نواز شریف کی احتساب عدالت میں پیشی کے موقع پر کہا کہ ملک کی بدنصیبی ہے نااہل آدمی 40گاڑیاں لیکر باہرنکلتا ہے، نیب میں ریفرنسز کا فیصلہ سپریم کورٹ نے دیا ہے، یہ وقت پاکستان کی سیاست کے لئے بہت اہم ہے۔

    شیخ رشید کا کہنا تھا کہ نوازشریف پیش ہورہے ہیں تو یہ قوم پر احسان نہیں ہے ، شریف خاندان نیب عدالت میں تاخیری حربے استعمال کررہاہے، حکمران ملک سے باہر چھپ چھپ کر جاتے ہیں، ساری حکومتیں بھی اس کی،اپوزیشن کارول بھی یہی اداکر رہے ہیں۔

    سربراہ عوامی مسلم لیگ نے کہا کہ ان کا کیس ختم ہوچکا ہے اس میں کوئی جان نہیں ہے، نوازشریف اور مریم نواز کے پاس دفاع کیلئے کچھ نہیں، دسمبر سے پہلے ماڈل ٹاؤن کا اہم فیصلہ دیکھ رہا ہوں۔

    انکا مزید کہنا تھا کہ 30 دسمبر سے پہلے نااہل شخص پارٹی صدارت کے کیس کا فیصلہ دیکھ رہا ہوں، نوازشریف کے کیس کا فیصلہ بھی انتخابات پر اثرانداز ہوگا، قبل ازوقت انتخابات جیسے فیصلے جلد ہونے چاہیں۔

    مزید پڑھیں : نواز شریف، شہباز شریف سے این آر او کرنا چاہتے ہیں، شیخ رشید

    اس سے قبل عوامی مسلم لیگ کے سربراہ شیخ رشید احمد کا کہنا تھا کہ نواز شریف شہباز شریف سے این آر او کرنا چاہتے ہیں، ایک ہزار این آر او بھی شریف خاندان کو انصاف سے نہیں بچاسکتے۔

    انکا کہنا تھا کہ ایک نااہل آدمی کے لیے قانون نہیں بن سکتا، چوروں سے نجات کا وقت آگیا ہے، جمہوریت سے نواز شریف کو شدید خطرات ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔