ARYNews.tv | Urdu – Har Lamha Bakhabar

Tag: sheikh rasheed

  • کراچی: پی ٹی آئی اور ن لیگ کارکنان آمنے سامنے، تصادم ہوتے ہوتے رہ گیا

    کراچی: پی ٹی آئی اور ن لیگ کارکنان آمنے سامنے، تصادم ہوتے ہوتے رہ گیا

    کراچی: شیخ رشید کی قیادت میں پی ٹی آئی کے کارکنوں نے پی ایس 114 میں انتخابی ریلی نکالی، ایک موقع پر ن لیگ اور پی ٹی آئی کے کارکنان آمنے سامنے آگئے جہاں تصادم ہوتے ہوتے رہ گیا۔

    تفصیلات کے مطابق عوامی مسلم لیگ کے سربراہ شیخ رشید کی قیادت میں پی ٹی آئی کے کارکنوں نے محمود آباد میں ریلی نکالی جس میں پی ٹی آئی رہنما حلیم عادل شیخ اور دیگر نے بھی شرکت کی۔

    ریلی میں پی ٹی آئی کے کارکنوں نے ڈھول کی تھاپ پر رقص بھی کیا، ایک موقع پر محمود آباد میں پی ٹی آئی اور ن لیگ کے کارکنان آمنے سامنے آگئے، دونوں پارٹیوں کے کارکنان نے ایک دوسرے کے خلاف نعرے بازی کی۔

    اطلاعات ہیں کہ شیخ رشید کی قیادت میں پی ٹی آئی کی ریلی جارہی تھی کہ اسی وقت ن لیگ کی ریلی بھی آگئی، دونوں جماعتوں کے کارکنوں کی ایک دوسرے سے تلخ کلامی بھی ہوئی اور تصادم ہوتے ہوتے رہ گیا۔

    میرے حلقے کے لوگوں نے کہا، شیخ جھکنا نہیں، شیخ رشید

    ریلی سے خطاب کرتے ہوئے شیخ رشید نے کہا کہ غریب غریب تر اور امیر ارب پتی سے کھرب پتی بنتا جارہا ہے، حکمرانوں نے غریبوں کی زندگی اجیرن کردی ہے، ایک شخص ہے جو اس ملک میں کرپٹ اور کمیشن خوروں کو للکارتا ہے۔

    انہوں نے کہا کہ آج نواز شریف کے ساتھ کوئی سیاسی جماعت نہیں ہے، یہ لوگ جے آئی ٹی کو دھمکیاں دے رہے ہیں، میرے حلقے کے عوام کہتے ہیں کہ شیخ رشید جھکنا نہیں نواز شریف کے خلاف ڈٹ جانا، عمران خان کے ساتھ کھڑا ہوں،کرپٹ مافیا کو نہیں چھوڑیں گے۔

  • نوازشریف نےخوداپنےخلاف سازش کی ہے‘ شیخ رشید

    نوازشریف نےخوداپنےخلاف سازش کی ہے‘ شیخ رشید

    کراچی: عوامی مسلم لیگ کےسربراہ شیخ رشید کا کہناہےکہ نیاوزیراعظم کون ہوگا،فیصلہ نوازشریف نےکرناہے۔

    تفصیلات کےمطابق کراچی میں عوامی مسلم لیگ کےسربراہ شیخ رشید نے میڈیاسےگفتگوکرتے ہوئےکہاکہ مرکزکےساتھ صوبوں کی اسمبلیاں بھی تحلیل ہونی چاہیے،صرف مرکزکوتحلیل کیاگیاتوقبول نہیں کریں گے۔

    شیخ رشید کا کہناتھاکہ نوازشریف کے پاس حکومت کرنےکاجوازنہیں رہا۔انہوں نےکہاکہ نوازشریف نے2تہائی اکثریت آنے کےبعد خود اپنے پیرپرکلہاڑی ماری۔

    عوامی مسلم لیگ کےسربراہ کا کہناتھاکہ شریف خاندان کی تلاشی کرانےکاکریڈٹ عمران خان کوجاتاہے۔انہوں نے کہاکہ آج اسفندیارولی اورمولانافضل الرحمان نوازشریف کےساتھ نہیں ہیں۔

    شیخ رشید نےکہاکہ عمران خان کےکہنےپرپی ایس114کےامیدوارکوسپورٹ کررہاہوں،پوری امیدہےپی ایس114سےعمران خان کاامیدوارجیتےگا۔

    حکمراں شواہد اورمنی ٹریل دینے کے بجائے جے آئی ٹی کو دھمکیاں دے رہے ہیں، عمران خان

    یاد رہےکہ گزشتہ روز اسلام آباد میں میڈیا سے بات کرتے ہوئےچیئرمین تحریک انصاف عمران خان کاکہناتھا کہ شواہد دینےاورمنی ٹریل بتانےکے بجائے دھمکیاں دی جارہی ہیں اداروں کوتباہ کرکےکون سی جمہوریت بچارہے ہیں۔

    واضح رہےکہ عمران خان کا کہناتھاکہ کہ آئی سی آئی جے کی ویب سائٹ پرآج بھی نوازشریف اور بچوں کی تصاویر موجود ہیں اور ان کے نام بھی پانامالیکس میں آئے پیں جس پرسوالات پوچھنا ہماراحق تھا اور ہم نے آئین اور قانون کے تحت اپنا کردار ادا کیا اور وزیراعظم کو عدالت کے کٹہرے میں لا کھڑا گیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • مریم نواز کی کل پیشی پر پورے پنجاب میں ڈنڈے اور لاٹھیاں تقسیم کی جارہی ہے، شیخ رشید

    مریم نواز کی کل پیشی پر پورے پنجاب میں ڈنڈے اور لاٹھیاں تقسیم کی جارہی ہے، شیخ رشید

    لاہور: پاکستان عوامی مسلم لیگ کے سربراہ شیخ رشید کا کہنا ہے کہ مجھے یقین ہے مریم نواز کے جعلی دستخط بھی وزیر خزانہ نے استعمال کئے، نوازشریف کی آنکھوں میں آنکھیں ڈال کربات کرسکتا ہوں۔

    تفصیلات کے مطابق پاکستان عوامی مسلم لیگ کے سربراہ شیخ رشید نے میڈیا سے گفتگو کرتے ہوئے کہا کہ کل ایک صاحبزادی جے آئی ٹی میں پیش ہونے جارہی ہے، پورے پنجاب میں ڈنڈے اور لاٹھیاں تقسیم کی جارہی ہیں، قانون اورچوروں کےدرمیان لڑائی ہے، جو خود کوجمہوریت کے چیمپئن کہتے ہیں، انہی سے جمہوریت کو خطرہ ہے۔

    شیخ رشید نے کہا اسحاق ڈار دستاویزات میں ردو بدل کے ماہر ہیں، مجھے یقین ہے وزیرخزانہ نے مریم نوازکے جعلی دستخط بھی استعمال کئے، اسحاق ڈار بہت غصے میں ہیں،میں انہیں منشی کہتا ہوں، اسحاق ڈارنے آئی ایم ایف اور ورلڈ بینک کو بھی غلط دستاویز دیے تھے، صرف یہ بتادیں کہ یہ مال کہاں سے آیا ہے۔

    انکا کہنا تھا کہ نوازشریف کی آنکھوں میں آنکھیں ڈال کربات کرسکتا ہوں، جس اسمبلی کی بات کی جاتی ہے وہاں میرااسپیکرہی نہیں کھلتا، چار بار نوازشریف کو شکست دےکر اسمبلی میں پہنچا ہوں، جس کسی نے کرپشن کی اللہ نے اس کی اولاد کو سزا دی، بدقسمتی سے آپ پر8،8کروڑ کے فلیٹوں کے کیس بن گئے ہیں۔

    پاکستان عوامی مسلم لیگ کے سربراہ نے کہا کہ شریف برادران نے اداروں کو تباہ کیا، شریف برادران کی30فیکٹریاں بن گئیں، غریب کو نوکری نہیں مل رہی، نوازشریف نےخود کہا کوئی پاگل ہوگا جو دولت اپنے نام پر رکھے گا، جمہوریت کی تباہی کے ذمہ دار نوازشریف ہوں گے، کیا ن لیگ میں کوئی ایسا نہیں جسے یہ وزیراعظم نامزد کردیں۔

    شیخ رشید نے کہا کہ شریف خاندان کی مرضی کے بغیرڈی ایس پی تھانے میں نہیں لگتا، وکلا کوکرائے کے غنڈوں کے خلاف میدان میں آنا ہوگا، موجودہ حکومت چاہتی ہے کوئی آمر آئے اور نظام کو لپیٹ دے، ، گوادر میں پانی کا پلانٹ لگنا تھا اس منصوبے میں رکاوٹ آگئی ہے۔

    انھوں نے مزید کہا کہ 5ججز نے عدلیہ کا وقار بلند کیا ہے، پاکستان کی تاریخ میں کو ئی مثال نہیں ملتی، سپرسکس بنچ کو دبئی کے ذریعے خریدنے کی کوشش کی اورتوڑنے کی کوشش کی۔

    خاتون ماہین فاطمہ کے بیان کے حوالے سے پاکستان عوامی مسلم لیگ کے سربراہ کا کہنا تھا کہ ماہین فاطمہ نے رپورٹ سمٹ کرائی کہ ایس ای سی ی کے چیئرمین نے بیان دلوانے کی کوشش کی۔

    شیخ رشید نے مزید کہا کہ جے آئی ٹی کو قطری دربار میں پیش نہیں ہونا چاہیے، ملک کا وزیراعظم جے آئی ٹی میں پیش ہوسکتا ہے تو قطری کیوں نہیں، ججز نے کہا کہ قطری خط کی کوئی قانونی حثیت نہیں۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔

  • وزیراعظم جواب نہیں دے پائیں گے، ن لیگ کا سیاسی تابوت سپریم کورٹ سے نکلے گا،شیخ رشید

    وزیراعظم جواب نہیں دے پائیں گے، ن لیگ کا سیاسی تابوت سپریم کورٹ سے نکلے گا،شیخ رشید

    اسلام آباد : سربراہ عوامی مسلم لیگ شیخ رشید کا کہنا ہے کہ وزیراعظم نواز شریف جواب نہیں دے پائیں گے، جن کوقوم کےبجائےاپنی دولت عزیز ہوتی ہے، انکے ساتھ ایسا ہوتا ہے۔

    تفصیلات کے مطابق سربراہ عوامی مسلم لیگ شیخ رشید کا کہنا ہے کہ دولت اور اقتدار جن کو عزیز ہوتا ہے، ان کے ساتھ ایسا ہی ہوتا ہے، پانچ اوور کا میچ رہ گیا ہے، کرپٹ لوگوں سے جان چھوٹے گی۔

    شیخ رشید نے کہا کہ وزیراعظم نوازشریف کے ساتھ کوئی نہیں آئےگا، رات کو انہوں نے بڑی افطاری کی ہے کہ لوگ آئیں لیکن نہیں آئیں گے، اسحاق ڈار اپنا بیان ہی بھیج دیں تو کام تمام ہوجائے گا، اسحاق ڈار ورلڈ بینک، آئی ایم ایف کو گولی دیتے رہے ہیں، اسحاق ڈار کے لیے ملکی بیورو کریٹ کیا چیز ہیں۔

    انھوں نے مزید کہا کہ وزیراعظم جواب نہیں دے پائیں گے، ملک سے باہر اتنا کچھ نکلے گا یہ لوگ بے نقاب ہوجائیں گے، ن لیگ کا سیاسی تابوت سپریم کورٹ سے نکلے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • شیخ رشید سے جھگڑا کرنے والے ملک نوراعوان کی ضمانت منظور

    شیخ رشید سے جھگڑا کرنے والے ملک نوراعوان کی ضمانت منظور

    اسلام آباد : شیخ رشید سے جھگڑا کرنے والے ملک نوراعوان کی ضمانت منظور کرلی گئی۔

    تفصیلات کے مطابق شیخ رشید سے الجھنے والے ملک نورکو سیشن عدالت میں پیش کیا گیا ، جہاں عدالت نے نور اعوان کی ضمانت 50 ہزار مچلکوں کے عوض 23جون تک کیلئے منظور کر لی۔

    یاد رہے کہ گزشتہ روزپارلیمنٹ کے باہر ملک نور شیخ رشید سے الجھ پڑے تھے اور ملک نور نے شیخ رشید پر 22لاکھ روپے نہ دینے کا الزام لگایا تھا۔

    ذکورہ شخص نے شیخ رشید سے کہا تھا کہ آپ نے مجھ سے 22 لاکھ کی گاڑی خریدی تھی تاہم ابھی تک پیسے نہیں دیے اور تاحال ٹال مٹول سے کام لے رہے ہیں اور کہیں ملتے نہیں اس لیے پارلیمنٹ پہنچا ہوں۔

    پارلیمنٹ کے باہرنامعلوم شخص کی شیخ رشید سے الجھنے کی کوشش

    پارلیمنٹ ہاؤس کے باہر ہونے والے واقعے کے بعد شیخ رشید نے دعویٰ کیا تھا کہ راستہ روک کر بدتمیزی کرنے والا شخص لیگی گلو بٹ ہے اور وہ جاپان میں ن لیگ کا صدر ہے، شیخ رشید نے واقعے کے خلاف تھانہ سیکریٹریٹ میں درخواست جمع کروائی تھی۔

    جس میں مؤقف اختیار کیا گیا کہ اس واقعے سے قبل ٹیلی فون پر دھمکیاں دی گئیں اور آج سخت سیکیورٹی کے باوجود ملک نور نامی شخص پارلیمنٹ میں داخل ہوگیا۔

    وفاقی وزیرداخلہ نے واقعے کا نوٹس لیتے ہوئے پولیس کو ملزم کی گرفتاری کے فوری احکامات دیے، جس کے بعد پولیس نے کارروائی کرتے ہوئے نوراعوان کو گرفتار کرلیا گیا تھا۔

    بعد ازاں  شیخ رشید سے الجھنے والا ملک نور اعوان مسلم لیگ ن جاپان کا صدرنکلا،  اعوان کی صدرِ پاکستان ممنون حسین، وزیراعظم نوازشریف، وزیرداخلہ چوہدری نثار سمیت دیگر اہم لیگی رہنماؤں کے ساتھ تصاویر موجود ہیں، ملزم نور اعوان کو نہال ہاشمی کی پیشیوں پر بھی دیکھا جاسکتا ہے۔ملزم کی سینیٹر مشاہد اللہ اور مریم نواز کے ساتھ بھی تصاویر موجود ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں ۔

  • شوکت خانم اسپتال کے لیے 45 منٹ میں 7 کروڑ روپے جمع

    شوکت خانم اسپتال کے لیے 45 منٹ میں 7 کروڑ روپے جمع

    سیالکوٹ: عمران خان کی شوکت خانم اسپتال کے لیے اپیل پر محض 45 منٹ میں 7 کروڑ 10 لاکھ روپے کے عطیات جمع ہوگئے، عمران خان نے کہا ہے کہ  شیخ رشید پر منصوبہ بندی کے تحت حملہ کیا گیا، عدالتی فیصلے پر مٹھائیاں تقسیم کرنے والے آج جے آئی ٹی پر حملہ آور ہیں۔ 

    تفصیلات کے مطابق سیالکوٹ میں عطیات جمع کرنے کے لیے منعقد ہونے والے پروگرام میں عمران خان نے شوکت خانم اسپتال کے لیے چندے کی اپیل کی تو تقریب میں شریک افراد نے دل کھول کر عطیات دیے اور 45 منٹ میں 7 کروڑ 10 لاکھ روپے کے عطیات جمع ہوگئے۔

    عطیات جمع کرنے کی تقریب سے خطاب کرتے ہوئے عمران خان نے کہا کہ حسین نواز کی جے آئی ٹی کے سامنے تصویر نکل آئی تو کون سی قیامت آگئی، عدالتی فیصلے پر مٹھائیاں تقسیم کرنے والوں کی اب تلاشی لی جارہی ہے۔

    انہوں نے کہا کہ موٹو گینگ جے آئی ٹی پر حملہ آور ہے اور حکمراں خاندان کی خواہش ہے کہ وہ کسی بھی طرح جے آئی ٹی کو متنازعہ بنا دے مگر اب عوام ایسا ہونے نہیں دیں گے۔

    پڑھیں: شیخ رشید سے الجھنے والا شخص ن لیگ کا اہم کارکن نکلا

    یاد رہے آج پارلیمنٹ ہاؤس کے باہر نامعلوم شخص نے شیخ رشید کا راستہ روک کر اُن سے الجھنے کی کوشش کی اور الزام عائد کیا کہ وہ گاڑی کے پیسے ادا نہیں کررہے، بعد ازاں شیخ رشید نے واقعے کے خلاف ایف آئی آر درج کروائی اور وزیرداخلہ سے ملزم کی گرفتاری کا مطالبہ کیا۔ چوہدری نثار کی ہدایت پر پولیس نے کارروائی کرتے ہوئے ملک نور اعوان کو گرفتار کرلیا۔

    کچھ دیر بعد ملزم کی لیگی صدر پاکستان، وزیراعظم پاکستان، چوہدری نثار سمیت اہم لیگی رہنماؤں کے ساتھ تصاویر اے آئی نیوز نے حاصل کیں اور وہ منظر عام پر آگئیں۔

  • ڈان لیکس: پرویز رشید اور طارق فاطمی کی قربانی قبول نہیں، شیخ رشید

    ڈان لیکس: پرویز رشید اور طارق فاطمی کی قربانی قبول نہیں، شیخ رشید

    راولپنڈی: شیخ رشید احمد نے کہا ہے کہ مریم نواز نے سرل المیڈا سے رابطے کے لیے دوست کا فون استعمال کیا، ڈان لیکس کے معاملے پر پرویز رشید اور طارق فاطمی کی قربانی قبول نہیں، قوم کی نظریں اور امیدیں سپریم کورٹ پر لگی ہوئی ہیں۔

    سماجی رابطے کی ویب سائٹ ٹوئٹر پر شیخ رشید نے اپنے پیغام میں کہا ہے کہ فوج ریاست اور نواز شریف اپنے خاندان کو محفوظ کرنے کا سوچ رہے ہیں، ڈان لیکس کے معاملے پر طارق فاطمی اور پرویز رشید کی قربانی قبول نہیں۔

    انہوں نے کہا کہ مریم نواز نے سرل المیڈا سے رابطے کے لیے اپنی دوست کا فون استعمال کیا اور انہیں اجلاس سے متعلق خبر دی مگر نوازشریف نے اپنی صاحبزادی کو بچانے کے لیے دو لوگوں کو قربان کی جو  کسی صورت قابل قبول نہیں ہے۔

    شیخ رشید احمد نے کہا ہے کہ شریف خاندان قطری خط کی بھینٹ چڑھ گیا ہے اب قوم کی نظریں اور امیدیں سپریم کورٹ پر لگی ہوئی ہیں، اس بار نوازشریف کو سیاسی شہید ہونے دیں گے۔

  • پاناما کیس کا فیصلہ عوام کے حق میں آرہا ہے‘شیخ رشید

    پاناما کیس کا فیصلہ عوام کے حق میں آرہا ہے‘شیخ رشید

    اسلام آباد: عوامی مسلم لیگ کے سربراہ شیخ رشید کا کہنا ہے کہ سپریم کورٹ کا جو بھی فیصلہ ہوگا وہ ہمیں قبول ہوگا تاہم پاناما کیس کا فیصلہ عوام کے حق میں آرہا ہے.

    تفصیلات کے مطابق عوامی مسلم لیگ کے سربراہ شیخ رشید نے میڈیا سے گفتگو کرتے ہوئے مستقبل کی پیشن گوئی کی کہ پاناما کیس کا فیصلہ عوام کے حق میں آرہا ہے، جبکہ سپریم کورٹ کا جو بھی فیصلہ ہوگا وہ ہمیں قبول ہوگا.

    انہوں نے مسلم لیگ ن کو شدید تنقید کرتے ہوئے کہا کہ یہ لوگ اسٹیپ ڈاؤن اورعوام سے لڑنے کی تیاری کررہےہیں، بلف گیم مت کھیلو، جان لوکہ فیصلہ عوام کے حق میں آرہا ہے۔

    یاد رہے کہ  اس سے قبل شیخ رشید اس نوعیت کا اظہار آر وائی نیوز کے سے وابستہ  صحافی ارشد شریف کے شو پاور پلے میں بھی کر چکے ہیں، ان کا کہنا تھا کہ پاناما کیس میں سپریم کورٹ کا ایسا فیصلہ آئے گا کہ لوگ مثالیں دیں گے۔

    خیال رہے کہ سپریم کورٹ آف پاکستان نے پانامالیکس سےمتعلق درخواستوں پر فیصلہ محفوظ کرلیا ہے، جسٹس آصف سعید کھوسہ کی سربراہی میں عدالت عظمیٰ کے پانچ رکنی لارجر بینچ نے پاناماکیس کی سماعت کے دوران ریمارکس دیتے ہوئے کہا کہ پاناما کیس کا فیصلہ دلائل پرغورکرنے کے بعد تحریری صورت میں جاری کیا جائے گا۔

  • عوامی مسلم لیگ کےسربراہ شیخ رشید کو دھمکی آمیز فون کالز موصول

    عوامی مسلم لیگ کےسربراہ شیخ رشید کو دھمکی آمیز فون کالز موصول

    لاہور : پاکستان عوامی مسلم لیگ کے سربراہ شیخ رشید کو پی ایس ایل فائنل سے پہلے دھمکی آمیز فون کالز موصول ہونے کا انکشاف ہوا ہے۔

    تفصیلات کے مطابق عوامی مسلم لیگ کے سربراہ شیخ رشید نے انکشاف کیا ہے کہ مجھے دھمکی آمیز فون کالز موصول ہوئیں ، انھوں نے بتایا دھمکی آمیز فون کالز مجھے میچ سے پہلے کی گئیں، کال کرنے والے شخص نے 500 روپے والی سیٹ پر بیٹھنے سے منع کیا اور کہا کہ اگر بیٹھے تو خود ذمے دار ہونگے جبکہ شیخ رشید مجھے 4 ہزار روپے والی سیٹ پر بھی بیٹھنے سے منع کیا گیا تھا۔

    شیخ رشید کا کہنا تھا کہ پرائیوٹ نمبر سے فون کر کے خبردار کیا گیا اور مجھے خوفزدہ کرنے کی کوشش کی گئی ۔

    یاد رہے کہ شیخ رشید نے گزشتہ شب پی ایس ایل کا فائنل قذافی اسٹیڈیم میں لوگوں کے درمیان بیٹھ کردیکھا۔

    مزید پڑھیں : پی ایس ایل فائنل میں میرے ساتھ کچھ ہوا تو نواز شریف اور شہباز شریف ساری عمر بھگتیں گے، شیخ رشید

    واضح رہے کہ عوامی مسلم لیگ کے سربراہ شیخ رشید احمد نے خبردار کیا تھا کہ پی ایس ایل کے فائنل میں ان کے ساتھ کوئی مستی ہوئی تو نواز شریف اور شہباز شریف ساری عمر بھگتیں گے۔

  • پی ایس ایل فائنل میں میرے ساتھ کچھ ہوا تو نواز شریف اور شہباز شریف ساری عمر بھگتیں گے، شیخ رشید

    پی ایس ایل فائنل میں میرے ساتھ کچھ ہوا تو نواز شریف اور شہباز شریف ساری عمر بھگتیں گے، شیخ رشید

    اسلام آباد : عوامی مسلم لیگ کے سربراہ شیخ رشید احمد نے خبردار کیا ہے کہ پی ایس ایل کے فائنل میں ان کے ساتھ کوئی مستی ہوئی تو نواز شریف اور شہباز شریف ساری عمر بھگتیں گے۔

    تفصیلات کے مطابق عوامی مسلم لیگ کے سربراہ شیخ رشید احمد پی ایس ایل کا فائنل دیکھنے کے لیے بے تاب ہے، وہ آج شام 4بجے ریلوے اسٹیشن سے لاہور روانہ ہونگے۔

    اسلام آباد میں میڈیا سے گفتگو کرتے ہوئے شیخ رشید نے کہا کہ پی ایس ایل کے فائنل کا بے صبری سے انتظار ہے، پی ایس ایل کے فائنل میں جو بھی ٹیم فاتح ہو جیت پاکستان کی ہی ہوگی، حکومت کو ان کا میچ دیکھنا بھی برداشت نہیں ہورہا۔

    شیخ رشید نے خبردار کیا کہ نوازشریف اور شہباز شریف نے میرے ساتھ کچھ کیا تو بھگتیں گے۔

    انکا مزید کہنا تھا کہ ہم نے آصف زرداری کو کہا کہ لوگ آپ کو نواز شریف کی انشورنس پالیسی سمجھتے ہیں، آپ واضح کریں کہ چوروں کے ساتھ ہیں یا چوکیدار کے ساتھ ہیں،پیپلز پارٹی پاناما ڈان لیکس اور نوازشریف سے تعلقات پر اپنا فیصلہ کرے۔

    عوامی مسلم لیگ کے سربراہ نے کہا کہ فوجی عدالتوں کے لئے دو سال کی مدت پر سب متفق ہیں پیپلز پارٹی اپنے تحفظات لیکر پارلیمانی کمیٹی میں آئے پی ایس ایل پر آصف زرداری نے مجھے کہا کہ آپ نے بڑی غلطی کی ہے ۔