Tag: sheikh rasheed

راولپنڈی : عوامی مسلم لیگ کے سربراہ شیخ رشید کا کہنا ہے کہ عمران خان کاساتھ دینے کی بہت بڑی قیمت چکارہاہوں ، پوری دنیاان کےساتھ ہوجائےلیکن حکومت کوجانا ہی جانا ہے۔

تفصیلات کے مطابق عوامی مسلم لیگ کے سربراہ شیخ رشید نے اے آر وائی نیوز کے پروگرام الیونتھ آور میں گفتگو کرتے ہوئے کہا کہ لانگ مارچ کرناپڑاتولانگ مارچ کریں گے، بات چیت کرنی ہوئی تووہ بھی کریں گے، جون کی 5 سے 25 تاریخ بہت اہم ہے۔

شیخ رشید کا کہنا تھا کہ پوری دنیا ان کے ساتھ ہوجائے لیکن حکومت کوجانا ہی جانا ہے ، رواں سال الیکشن ہوتےہوئے دیکھ رہا ہوں۔

سابق وزیر داخلہ نے کہا کہ لوگوں کے پاس ریموٹ ہے، مرضی کے چینل دیکھتے ہیں، لوگ آج ان کاچہرہ ٹی وی پردیکھتےہیں توچینل بدل دیتےہیں ، لوگوں کے پاس اختیار ہے وہ کیا دیکھنا چاہتے ہیں اورکیاسنناچاہتےہیں، اختیاراب عوام کے پاس ہے چند لوگوں کے پاس نہیں۔

ایم کیو ایم کے حوالے سے ان کا کہنا تھا کہ ایم کیو ایم کا پی ٹی آئی کو چھوڑنے کا فیصلہ ان کی تاریخ لکھے گی، فیصلہ ان کےحق میں گیا یا خلاف گیا مستقبل فیصلہ کرے گا۔

شیخ رشید نے بتایا کہ مشکل اورامتحان کےوقت نسلی لوگ ساتھ نبھاتےہیں، عمران خان کاساتھ دینےکی بہت بڑی قیمت چکارہا ہوں۔

لانگ مارچ کے دوران پولیس کے تشدد کے حوالے سے سابق وزیر نے کہا کہ ایوب خان کےدورمیں بھی ایسےمظالم نہیں دیکھے، راناثنااللہ کوبتاناچاہتاہوں تمہارےاعلانات کےباوجودمیں پہنچاتھا، یہ قوم سب کی ہےسب کواس قوم کو اپناسمجھناچاہیے،

ان کا کہنا تھا کہ موجودہ حکومت کو چلتے ہوئے نہیں دیکھ رہا ۔موجودہ حکمران ساری زندگی استعمال ہوتےرہےہیں، یہ لوگ زیادہ دیرنہیں چلیں گےبس جون کامہینہ ہے، جواپنےبھائی کو ملک واپس نہیں لاسکےوہ ملک سنبھالیں گے۔

شیخ رشید نے کہا کہ عمران خان کہتے ہیں الیکشن کی تاریخ دےدیں پھربات ہوگی، موجودہ حکمران سمجھتےہیں عمران خان کوتاریخ دیدی توہماری تاریخ فکس ہوجائےگی ، احتجاج سے متعلق جوبھی عدالت کا فیصلہ ہوگا قبول کریں گے ، سپریم کورٹ پاکستان کے مستقبل کیلئے اہم فیصلے کرے گی۔

انھوں نے بتایا کہ لانگ مارچ میں5افرادجاں بحق ہوئےکیایہ معمولی بات ہے، خطرناک آنسوگیس استعمال کی گئی،کیایہ خونی مارچ نہیں تھا، کیاحکومت کی طرف سےمظاہرین پرطاقت کا استعمال نہیں کیا گیا۔

رانا ثنا اللہ کے حوالے سے عوامی مسلم لیگ کے سربراہ کا کہنا تھا کہ راناثنااللہ بدمعاش ہےخودپرفردجرم عائدنہیں ہونےدےگا، ایسی جمہوریت پرلعنت کہ جس پرفردجرم لگ رہی ہو اور وہ وزیراعظم بن جائے، ہرجگہ سے ردعمل آرہا ہے، جوبھی مظالم کررہے ہیں سب جوابدہ ہوں گے، پوری قوم اس وقت ردعمل دے رہی ہیں، شفاف الیکشن ہوں گے تو پتہ چل جائے گا کہ کیسا ردعمل آتا ہے۔

شیخ رشید نے کہا کہ حکومت اوراسٹیبلشمنٹ ایک پیج پرنہیں ہے، نوازشریف جب تک واپس نہیں آئے گا اسٹیبلشمنٹ سےاچھےتعلقات نہیں ہوسکتے، گالیاں دینےوالوں کیساتھ اسٹیبلشمنٹ کے تعلقات اچھے نہیں ہوسکتے۔

ان کا مزید کہنا تھا کہ ملک میں ایساکون ساگھرہےجہاں اسلحہ نہیں ہے ، پاکستان کاکوئی گھرایسانہیں جس میں اسلحہ نہیں ہے، سامراجی طاقتوں نے جو فیصلے کیے مینجمنٹ کرنے والوں نے بھی ٖغلط فیصلے کیے، چور باپ اور چور بیٹے کا انتخاب کیا گیا کیا انہیں کوئی تیسرا شخص نہیں ملا، لوگوں کی آنکھوں میں نفرت بڑھ رہی ہے حالات مزید بگڑیں گے۔

اسلام آباد : سابق وزیرداخلہ شیخ رشید کا کہنا ہے کہ پندرہ دنوں میں بڑا جھگڑا ہوسکتا ہے کیونکہ سترہ تاریخ سے گرفتاریاں شروع ہورہی ہیں۔

تفصیلات کے مطابق تحریک انصاف کے رہنما اور سابق وزیرداخلہ شیخ رشید نے سیالکوٹ میں پی ٹی آئی جلسے میں پولیس کے دھاوے پر اے آر وائی نیوز سے خصوصی گفتگو کرتے ہوئے کہا حکومت بے نقاب ہونے جارہی ہے، حکومت نے رویہ درست نہ کیا توعمران خان لانگ مارچ کی کال پہلے دے سکتا ہے۔

شیخ رشید نے خبردار کیا کہ پندرہ دنوں میں بڑا جھگڑا ہوسکتا ہے، ملک انارکی کی طرف جارہا ہے اور سترہ تاریخ سے گرفتاریاں شروع ہورہی ہیں۔

سابق وزیرداخلہ نے کہا کہ لندن کے فیصلے لے ڈوبیں گے، یہ رہے تو ڈالر 200 کی طرف جائے گا اور ملک ڈیفالٹ ہوجائے گا، نگراں حکومت آکر الیکشن کرائے گی۔

ان کا کہنا تھا کہ قوم لانگ مارچ کی طرف جارہی ہے،اس کااعلان پہلےبھی ہوسکتاہے، طاقت کااستعمال کیا توپی ٹی آئی اور اٹھےگی۔

شیخ رشید نے مزید کہا کہ حکومت حالات خراب کرنااورانارکی پھیلاناچاہتی ہے، یہ لوگ ملک کوخانہ جنگی کی طرف دھکیل رہے ہیں۔

اسلام آباد : وزیر داخلہ شیخ رشید کا کہنا ہے کہ ملک کے حالات تشویش ناک ہیں ، کوئی بڑا حادثہ ہوسکتا ہے ، ایسے حالات میں فی الفور الیکشن کی طرف جانا چاہیے۔

تفصیلات کے مطابق وزیر داخلہ شیخ رشید نے پارلیمنٹ ہاؤس کے باہر میڈیا سے گفتگو کرتے ہوئے کہا کہ معلوم نہیں آج ووٹنگ ہوگی کہ نہیں لیکنحالات تشویش ناک ہیں خوفناک ہیں اور اس کا نتیجہ کچھ بھی نکل سکتا ہے۔

وزیر داخلہ کا کہنا تھا کہ ساری جماعتیں اداروں کو نیوٹرل مان رہی ہیں ان جماعتوں نے رائے بدلی ہے جو اداروں کو گالیاں دیتے تھے، جب ملک کی سلامتی کا سوال ہوگا تو ادارے نیوٹرل نہیں رہ سکیں گے، پاکستان کی سلامتی کیلئے ان کو باہر نکلنا ہوگا۔

اپوزیشن کے حوالے سے شیخ رشید کا کہنا تھا کہ اپوزیشن اقتدار کی بھوکی ہے ، 11اپریل کو باپ بیٹے پر فرد جرم عائد ہونا تھی ، اب دونوں وزیراعظم اور وزیراعلیٰ بننے جارہے ہیں۔

انھوں نے کہا کہ ملک میں خانہ جنگی کے حالات گلی محلے تک پہنچ گئے ہیں، ایسے حالات میں فی الفور الیکشن کی طرف جانا چاہیے، ایسابھی ہوسکتاہے کہ یہ کانوں کو ہاتھ کر روئیں اور ملک میں جھاڑو پھرجائے۔

شیخ رشید کا کہنا تھا کہ حکومت سرپرائز دے گی، سپریم کورٹ کے فیصلے پر بھی کام ہوگا ، الیکشن کرانے ہوں گے اس کے بغیر کوئی گزارانہیں۔

وفاقی وزیر نے مزید کہا کہ جو لوگ الیکشن سے بھاگنےکےبہانے بنارہےہیں ایسا نہیں ہوناچاہیے، الیکشن سے بھاگنے کی کوشش کی گئی تو ملک بیٹھ جائے گا۔

انھوں نے کہا کہ میں تو بہت پہلے سے کہہ رہاہوں کہ الیکشن کرالیں ، ملک میں استحکام کا واحد راستہ الیکشن ہے، عمران خان آج ہر خاندان میں مقبول ترین لیڈر ہے۔

شیخ رشید کا کہنا تھا کہ بطور وزیر داخلہ بتارہا ہوں ملک میں غیر ملکی دہشت گرد داخل ہوگئے ہیں، کوئی بڑا حادثہ بھی ہوسکتا ہے۔

گذشتہ روز وفاقی وزیر داخلہ شیخ رشید کا کہنا تھا کہ سپریم کورٹ کےفیصلے سے قوم میں مایوسی کی لہر اٹھی ہے، تمام طاقتیں اس کیس میں بے نقاب ہوچکی ہیں۔

کوئی سمجھ رہا ہے کہ ہم ہتھیار پھینکنے جا رہے ہیں توایسا نہیں ہے، چوروں، لٹیروں اور ڈاکوؤں کے خلاف آخری بال تک لڑیں گے۔