شیخوپورہ: صوبہ پنجاب کےشہرشیخوپورہ میں واقع گیس پلانٹ میں آگ لگنے کے نتیجے میں 10 افراد جھلس کر زخمی ہوگئے۔
تفصیلات کے مطابق پنجاب کے شہرشیخوپورہ میں لاہور روڈ پرواقع گیس پلانٹ میں آتشزدگی کے باعث 10 افراد جھلس کر زخمی ہوگئے۔
گیس پلانٹ میں آگ لگنے سے زخمی ہونے والے 10 افراد کو ڈی ایچ کیو اسپتال منتقل کیا گیا جہاں 9 افراد کو ابتدائی طبی امداد کے بعد ڈسچارج کیا گیا جبکہ ایک زخمی کو لاہوراسپتال منتقل کردیا گیا۔
فائربریگیڈ حکام نے گیس پلانٹ میں لگنے والی آگ پرقابو پالیا ہے تاہم آگ لگنے کی وجہ معلوم نہیں ہوسکی۔
خیال رہے کہ 15 دسمبر2017 کو لاہورمیں گھر میں شارٹ سرکٹ کے باعث لگنے والی آگ سے ماں اپنے دو جوان سالہ بیٹوں کے ساتھ جھلس کر جاں بحق جبکہ دو بیٹے دم گھٹنے سے بیہوش ہو گئے تھے۔
یاد رہے کہ گزشتہ سال 27 دسمبر کو صوبہ پنجاب کے شہر شیخوپورہ میں گھرکے اندر آگ لگنے سے 2 بچے جھلس کر جاں بحق جبکہ ایک زخمی ہوگیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
شیخوپورہ : مدر اینڈ چلڈرن اسپتال میں وینٹی لیٹر نہ ہونے کے سبب تین سال کی زینب دم توڑ گئی، بچی اسپتال میں سات گھنٹے تک زندگی اور موت کی کشمکش میں رہی۔
تفصیلات کے مطابق ایک اور زینب چلی گئی، قصور کے بعد شیخوپورہ میں انسانیت کا قتل کا واقعہ پیش آیا، جہاں مدر اینڈ چلڈرن اسپتال میں وینٹی لیٹر نہ ہونے پر تین سال کی زینب دم توڑ گئی۔
وار برٹن کی رہائشی بچی کو سانس کی تکلیف پر اسپتال لایا گیا جہاں وہ سات گھنٹے زندگی اور موت سے لڑتی رہی اور دم توڑ گئی ، پولیس نے ضروری کارروائی کے بعد لاش ورثاء کے حوالے کر دی اور ماں ننھی زینب کی لاش گود مین ہی واپس لے گئی۔
ڈی سی ارقم طارق نے واقعہ کا نوٹس لیتے ہوئے ایم ایس سے رپورٹ طلب کر لی ہے اور چلڈرن ہسپتال کی انتظامیہ سے اسپتال میں وینٹی لیٹر کی تنصیب کیلئے بجٹ کا تخمینہ لگانے کی ہدایت جاری کر دی ہے۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بکوال پر شیئر کریں۔
خیال رہے کہ زیادتی کے بعد قتل ہونے والی سات سالہ کمسن بچی زینب کو گزشتہ روز آہوں اور سسکیوں کے ساتھ سپرد خاک کردیا گیا۔
یاد رہے کہ زینب کے والدین عمرےکی سعادت کے لئے سعودیہ عرب میں تھے کہ خالہ کے گھر مقیم کمسن زینب کو پانچ روز پہلے اغوا کیا گیا تھا، جس کے بعد سفاک درندوں نے بچی کو زیادتی نشانہ بنا کر قتل کردیا۔
قصورمیں گذشتہ ڈیڑھ سال کے دوران بچیوں کواغواکےبعد قتل کرنے کا یہ دسواں واقعہ ہے اور پولیس ایک بھی ملزم کو گرفتار کرنے میں ناکام ثابت ہوئی ہے۔
شیخوپورہ: جعلی پیر کے کہنے پر ایک بیٹے کو دوسرے بیٹے کی مدد سے قتل کرنے والے ماں نے کہا ہے کہ مجھ پر جنات تھے انہوں نے بیٹے کو مارا، ملزم بیٹے نے کہا کہ میرا دماغ ماؤف ہوگیا تھا، بھائی بولتا رہا کہ میں آپ کا بیٹا ہوں ماں آپ کا بیٹا ہوں مگر وہ نہ مانی۔
تفصیلات کے مطابق دو روز قبل پنجاب کے علاقے شیخوپورہ میں ماں نے جعلی پیر کے کہنے پر 26 سالہ بیٹے کی مدد سے 24 سالہ بیٹے کو مارڈالا جس پر پولیس نے ماں اور بیٹے کو گرفتار کرلیا۔
اے آر وائی نیوز کے پروگرام الیونتھ آور میں میزبان وسیم بادامی نے ماں اور بیٹے کے انٹرویو دکھائے جسے دیکھ کر لوگوں کی عجیب کیفیت ہوگئی۔
ماں نے بتایا کہ(مکمل بیان کے لیے ویڈیو دیکھیں) تین برس قبل مکان خریدا وہاں ایک لڑکی تھی اس پر جن تھا، وہ تعویز جلاتی تھی اس پر سے جن مجھ پر آگیا، ایک بار میری کیفیت عجیب ہوگئی، زندہ ہوتے ہوئے بھی مرگئی، ایسی ہی کیفیت میں بیٹا مرا، اسے میں نے نہیں مارا جنات نے مارا۔
ماں اور بیٹے کے بیان کی مکمل ویڈیو
ماں نے کہا کہ اسے باندھو جن نکالنا ہے، ملزم بیٹا
بیٹے نے ویڈیو بیان میں بتایا کہ (مکمل بیان کے لیے ویڈیو دیکھیں) ماں نے مجھے کہا کہ چھوٹے کو باندھو اس کا جن نکالنا ہے، میں نے کہا یہ بیمار ہے لیکن والدہ غصہ ہوگئی اور کہا تجھے بھی ماردوں گی، میں بھائی کو باندھ کر باہر آگیا، ماں نے ڈنڈے کے وار وں سے اسے مار دیا اور کہا جن نکل گیا۔
بھائی بولتا رہا کہ آپ کا بیٹا ہوں مگر ماں نہ مانی
ملزم بیٹے نے بتایا کہ بھائی بولتا رہا کہ میں آپ کا بیٹا ہوں ماں آپ کا بیٹا ہوں مگر وہ نہ مانی، مجھے بہت دکھ ہے میری ماں نے مجھ سے کیا کرادیا، میرا دماغ ماؤف ہوگیا تھا جو مجھے کچھ نہیں سوجھا۔
اے آر وائی نیوز کے رپورٹر طارق بٹ نے ملزم بیٹے سے پوچھا کہ پیر کا کیا معاملہ ہے؟ جس پر اس نے بتایا کہ ہر جمعرات کو پیر کے پاس رش ہوتا ہے، لوگوں کے جن بھی نکالتا ہے، پشاور میں پلازا بنایا ہوا ہے لوگوں سے پیسے جمع کرکرکے، وہ لوگوں سے 500 یا 1000 روپے لیتا ہے اور پانی دم کرکے دیتا ہے، جو تندرست ہو وہ بھی بیمار ہوجاتا ہے۔
شیخو پورہ : صوبہ پنجاب کے شہر شیخوپورہ میں ہرن مینار انٹرچینج موٹروے پرکار اور ٹرک میں تصادم کے نتیجے میں 3 افراد جاں بحق ہوگئے۔
تفصیلات کے مطابق شیخوپورہ میں ہرن مینار انٹرچینج موٹروے پرکار اور ٹرک میں تصادم سے 3 افراد جان کی بازی ہار گئے جبکہ ایک شدید زخمی ہوگیا۔
پولیس حکام کے مطابق حادثہ تیزرفتاری کے باعث پیش آیا جبکہ حادثے میں جاں بحق ہونے والے افراد کی لاشوں اور زخمی کو ڈسٹرکٹ اسپتال شیخوپورہ منتقل کردیا ہے جہاں زخمی کو طبی امداد دی جارہی ہے۔
پولیس کا کہنا ہے کہ حادثے میں جاں بحق ہونے والے افراد کی لاشوں کوقانونی کارروائی کے بعد ورثا کے حوالے کیا جائے گا۔
دوسری جانب وزیراعلیٰ پنجاب نے شیخوپورہ ٹریفک حادثےمیں 3 افراد کی موت پر اظہارافسوس کرتے ہوئے کہا کہ زخمی کو علاج کی بہترین سہولتیں فراہم کی جائیں۔
یاد رہے کہ گزشتہ ہفتے پنجاب کے شہر اوکاڑہ میں میں دیپالپورقصورروڈ پرمظہر آباد کے قریب ٹریکٹر ٹرالی اور ایمبولینس کے درمیان تصادم کے نتیجے میں ایمبولینس ڈرائیور اور دو خواتین سمیت چار افراد جاں بحق اور دو زخمی ہو گئے تھے۔
واضح رہے کہ رواں سال 5 جولائی کو صوبہ پنجاب کے ضلع لیہ میں بس اور منی ٹرک میں تصادم کے نتیجے میں 11افراد جاں بحق جبکہ 21 افراد زخمی ہوگئے تھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
شیخوپورہ: صوبہ پنجاب کےشہرشیخوپورہ انٹرچینج کے قریب کار ٹرالر سے ٹکراگئی، جس کے نتیجے میں پانچ افراد جاں بحق اورایک شدیدزخمی ہوگیا۔
تفصیلات کےمطابق سرگودھاکے مقامی تاجرمحمد اعجازعیدکی شاپنگ کےلیے دوستوں کے ہمراہ کارمیں لاہورجارہے تھے کہ شیخوپورہ انٹرچینج کے قریب کارٹریلر سے ٹکراگئی۔
حادثے میں محمداعجاز،عبدالرحمن ،محمدنوید،عبداللہ اور وسیم موقع پر جاں بحق ہوگئے جبکہ مون نامی ایک شخص شدیدزخمی ہوگیا۔
ٹریفک حادثےمیں جاں بحق ہونے والے تین افراد محمد اعجاز،مبشر اور محمد وسیم کی لاشیں سرگودھا ان کے گھر پہنچیں توصف ماتم بچھ گیا،عیدکی تیاریاں کرنے والے اہل خانہ غم سے نڈھال ہوگئے۔
حادثے میں جاں بحق ہونے والے دوافرادعبداللہ اور عبدالرحمن کی لاشیں لاہوربھجوائی گئی ہیں جبکہ ایک زخمی علاج کے لئیے لاہورکےاسپتال میں منتقل کردیاگیاہے۔
واضح رہےکہ رواں ماہ 2جون کوکبیروالا جھنگ روڈ پر مسافر بس اور ٹرالرمیں تصادم کے نتیجے میں 7مسافر جاں بحق اور6 شدید زخمی ہوگئے تھے۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
شیخوپورہ: سفاک مالکن نے کھانا مانگنے پر بچے کا ہاتھ کاٹ ڈالا، بچے کے والدین اسپتال اور تھانے میں دربدر پھرتے رہے، متاثرہ خاندان انصاف کیلئےعدالت پہنچ گیا، وزیراعلیٰ پنجاب نے واقعے کا سختی سے نوٹس لیتے ہوئے رپورٹ طلب کرلی۔
تفصیلات کے مطابق شیخوپورہ میں ظلم اور بربریت کی ایک اور داستان سامنے آگئی، زمیندار کی بیوی نے تیرہ سالہ ملازم عرفان کو محض اس لئے اپنی سفاکیت کا نشانہ بنایا کہ بچے کا کہنا تھا کہ بھوکاہوں کام نہیں کرسکتا، پہلےکھانا دے دیں۔
عرفان نے گھاس کاٹنے میں تاخیر کی مالکن کو غصہ آگیا، عرفان نے چارہ کاٹنے سے پہلے کھانا مانگا تھا جس پر طیش میں آکر شفقت بی بی نے ٹوکے میں دھکا دے کر اس کا ہاتھ ہی کاٹ ڈالا، بچے کے والدین نے بتایا کہ ہم زمیندارکے گھر پہنچے تو ہمیں ڈنڈے مار کر باہر نکال دیا گیا۔
بچہ اسپتال گیا تو ڈاکٹر نے علاج کی بجائے پولیس کیس قرار دے کرچلتا کردیا، تھانے گئے تو پولیس نے بھی زمیندار کے خلاف رپورٹ درج کرنے سےانکار کردیا، متاثرہ خاندان دربدرٹھوکریں کھانے کےبعدانصاف کے لئےعدالت پہنچ گیا۔
اس حوالے سے علاقہ ایس ایچ او کا کہنا ہے کہ واقعے کا مقدمہ درج کرکے ایک ملزم کو گرفتار کرلیا گیا ہے جبکہ دوسرے ملزم کی تلاش میں چھاپے مارے جارہے ہیں۔
واضح رہے کہ بچے کا ہاتھ کٹنے کے بعد مالکن نے عدالت سے عبوری ضمانت لے لی تھی، دوسری جانب اسپتال کے عملے کا کہنا ہے کہ بچے کے والدین بہت ڈرے ہوئے تھے انہوں نے یہ کہا کہ ہمارا بچہ خود ٹوکے پر گرا بس اس کا علاج کردو۔
علاوہ ازیں وزیر اعلیٰ پنجاب شہباز شریف نے واقعے کا سختی سے نوٹس لے لیا، انہوں نے آرپی اوشیخوپورہ سے رپورٹ طلب کرتے ہوئے ہدایت کی ہے کہ ہاتھ کاٹنے کےذمہ داروں کو گرفتارکرکے قانونی کارروائی کی جائے۔
شہبازشریف نے کہا کہ متاثرہ لڑکے کوعلاج کی بہترین سہولتیں فراہم کی جائیں، مظلوم خاندان کو ہرقیمت پرانصاف کی فراہمی یقینی بنائیں گے۔
واضح رہےکہ رواں ماہ 8اپریل کو صوبہ پنجاب کے دارالحکومت لاہور میں سی ٹی کی کارروائی میں کالعدم تنظیم کے10دہشت گرد مارے گئے تھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
شیخوپورہ : وزیراعظم نوازشریف نے کہا ہے کہ ملک کو اندھیروں میں دھکیلنے والے احتجاج کی دھمکی دے رہے ہیں، بھکی پاور پلانٹ کو صرف اٹھارہ ماہ میں مکمل کیا گیا۔
ان خیالات کا اظہار انہوں نے شیخوپورہ میں بھکی پاور پلانٹ منصوبہ کی افتتاحی تقریب سے خطاب کرتے ہوئے کیا، وزیراعظم نے کہا کہ ہم نے 18ماہ پہلے بھکی پاورپلانٹ منصوبے کاسنگ بنیاد رکھا اور اٹھارہ ماہ کے قلیل عرصے میں اتنا بڑا منصوبہ دیکھ رہے ہیں۔
اٹھارہ ماہ میں تو ایک گھر بھی تعمیر نہیں ہوتا
وزیراعظم نے کہا کہ 18 ماہ میں تو ایک گھر بھی تعمیر نہیں ہوتا، لواری ٹنل 40 سال سے بن رہی ہے، ابھی تک مکمل نہیں ہوئی جبکہ لواری ٹنل کو چند سال میں مکمل کیا جاسکتا تھا۔
دن رات محنت نہ کرتے تویہ منصوبہ بھی 15سال میں مکمل ہوتا
انہوں نے بتایا کہ بھکی پاور پلانٹ پر 77ارب روپے خرچ ہوئے اور منصوبے میں 53ارب روپے کی بچت ہوئی۔ جبکہ بلوکی منصوبہ 84ارب میں مکمل ہوگا،52ارب روپے کی بچت ہوگی، حویلی بہادر شاہ کا خرچ 90ارب اوربچت 49ارب روپے ہوگی،دن رات محنت نہ کرتے تویہ منصوبہ بھی 15سال میں مکمل ہوتا
پی پی رہنماؤں کو دھمکیاں دیتے ہوئے شرم آنی چاہیئے
نواز شریف کا کہنا تھا کہ ہم نے خود اپنے آپ کو تباہ کرنے میں کوئی کسر نہیں چھوڑی، احتجاج کی دھمکی بھی وہ لوگ دے رہے ہیں جو خود لوڈشیڈنگ کے ذمہ دار ہیں، وزیر اعظم نے پی پی رہنماؤں کا نام لیے بغیر کہا کہ آپ لوگوں کو ایسی دھمکیاں دیتے ہوئے شرم آنی چاہئے، آپ کا بویا ہوا ہم کاٹ رہے ہیں، 2013میں آئے تو آتے ہی بجلی منصوبوں پرلگ گئے.
وزیراعظم نوازشریف کا کہناتھا کہ بلوکی اور حویلی بہادرشاہ کی ٹربائین میں تاخیر ہوئی ہے، چشمہ نیو کلیئر پاور پلانٹ مئی میں آرہا ہے، تربیلافور2018فروری میں کام شروع کردے گا، جبکہ نیلم جہلم منصوبہ جون تک کام کا آغاز کردے گا۔
لوڈشیڈنگ دریاؤں میں پانی کی قلت کی وجہ سے ہے
وزیراعظم نے بتایا کہ جون2018تک 8946میگاواٹ بجلی سسٹم میں شامل ہوگی،انہوں نے بھی لوڈشیڈنگ کا اعتراف کرتے ہوئے کہا کہ ملک میں لوڈشیڈنگ کی وجہ دریاؤں اورڈیموں میں پانی کی قلت ہے، لیکن بجلی کی کمی کے ذمہ داروں کے خلاف سخت ایکشن ہوگا، بجلی آنے پر اس کی طلب میں بھی اضافہ ہوگیا ہے، بجلی کے جتنے منصوبے ستّر سال میں لگے اتنے ہم نے تین سال میں لگائے۔
موٹر وے کا ذکر کرتے ہوئے ان کا کہنا تھا کہ ہمارے اس دور میں موٹروے نے لاہور سے آگے کا سفرشروع کیا ہے، کراچی سے حیدرآباد کے درمیان موٹروے پرکام جاری ہے، امید ہے 2019تک لاہور ملتان موٹروے مکمل ہوجائے گی، بلوچستان میں ہم نے سڑکوں کا جال بچھا دیا ہے، گوادر میں بڑی تیزی کے ساتھ ترقی ہورہی ہے، وزیراعظم نوازشریف نے کہا کہ میں نام نہیں لیناچاہتا صوبائی حکومتیں کچھ کرتیں تو نظربھی آتا۔
انہوں نے کہا کہ لاہور ایئرپورٹ ہم بنا کر گئے تھے، اسے چھوٹا کر دیا گیا ہے، جنہوں نے ایئرپورٹ کو چھوٹا کیا ان سے پوچھا جائے کہ ملک کو اندھیروں میں کیوں چھوڑ کر گئے۔
انہوں نے کہا کہ پاکستان کو آگے لے جانے کیلئے مزید محنت کرنا ہو گی، صرف 2018ء کو نہیں، 25 سال آگے دیکھ رہے ہیں۔ وزیر اعظم نے کہا کہ اقتصادی راہداری کے کئی منصوبے تعمیر ہو رہے ہیں،
ملک کو عطیم سے عظیم تر بنانا ہمارا خواب ہے، مشکل وقت میں ساتھ دینے پر چین کا شکریہ ادا کرتے ہیں۔ وزیر اعظم نے نام لئے بغیر پی پی قیادت کو شدید تنقید کا نشانہ بناتے ہوئے کہا کہ ماضی کے حکمرانوں نے کچھ کیوں نہیں کیا؟
جنہوں نے بیڑا غرق کیا وہی بڑھ چڑھ کر باتیں کر رہے ہیں۔ انہوں نے پاور پلانٹ کی تکمیل پر شہباز شریف کا خصوصی شکریہ بھی ادا کیا۔
شیخوپورہ: لاہور سے کراچی جانے والی شالیمار ٹرین شیخوپورہ میں آئل ٹرین سے ٹکرانے کے نتیجے میں دو افراد جاں بحق جبکہ 10 افراد زخمی ہوگئے۔
تفصیلات کےمطابق شیخوپورہ کے قریب لاہور سے کراچی جانے والی شالیمار ایکسپریس رات گئے ریلوے پھاٹک پر کھڑے آئل ٹینکر سے ٹکرا گئی جس کے باعث انجن اور بوگیوں میں آگ بھڑک اٹھی،حادثے میں ٹرین ڈرائیورعبداللطیف اور اسسٹنٹ ڈرائیور عبدالحمید جاں بحق جبکہ 10مسافر زخمی ہو گئے۔
ریلوے حکام کےمطابق شالیمار ٹرین لاہور سے 11بجکر 20 منٹ پر روانہ ہوئی اور شیخوپورہ ہرن مینار کے قریب پھاٹک پرخراب آئل ٹینکر ست ٹکراگئی جس کے بعد چار بوگیوں،انجن اور پاور پلانٹ میں آگ بھڑک اٹھی۔کئی مسافروں نے جانیں بجانیں کے لیے چھلانگیں لگادین۔
حادثے کی اطلاع ملنے کے بعد ریسکیو 1122 اور فائربریگیڈ کی متعدد گاڑیاں جائے حادثہ پر پہنچیں اور آگ پر قابو پانے کی کوششیں شروع کردیں۔
حادثے کےنتیجے میں ٹرین کی 5 بوگیوں میں شدید آگ لگی جس سے 3 بوگیاں مکمل طور پر جل گئیں جبکہ آگ نے ارد گرد کے کچھ علاقے کو بھی اپنی لپیٹ میں لے لیا،فائر بریگیڈ کی 8 گاڑیوں نے مسلسل کوششوں کے بعد 2 گھنٹے سے زائد وقت میں آگ پر قابو پالیا۔
ریسکیو اہلکاروں نےزخمی مسافروں کو ڈی ایچ کیو اسپتال منتقل کیا گیا۔ شیخوپورہ انتظامیہ نے حادثے کے بعد اسپتالوں میں ایمرجنسی نافذ کردی اور ڈاکٹروں و پیرا میڈیکل اسٹاف کو ڈیوٹی پر طلب کرلیا گیا۔
ریلوے ترجمان کے مطابق آئل ٹینکر کا ایکسل ٹوٹنے کی وجہ سے ٹینکرریلوے ٹریک پر ہی رک گیا جس کے نتیجے میں ٹریک پر آنے والی ٹرین ٹینکر سے ٹکراگئی جس سے ٹینکر میں موجود آئل نے آگ پکڑلی۔
ریلوے حکام کے مطابق آئل ٹینکر کے ڈرائیوراور پھاٹک عملےکو پولیس نے حراست میں لے لیا ہے،حادثے کی مکمل تحقیقات کی جائیں گی۔
وزیرریلوے خواجہ سعد رفیق
دوسری جانب وفاقی وزیرریلوے خواجہ سعد رفیق نے حادثے پر افسوس کا اظہار کرتے ہوئے حادثے میں ٹرین ڈرائیور کے جاں بحق ہونے کی تصدیق کی۔
خواجہ سعد رفیق کا کہناتھاکہ حادثے میں ریلوےکی غلفت پائی گئی تو اسے چھپایا نہیں جائے گا۔انہوں نے کہا کہ حادثے سے کے وقت ٹرین ڈرائیور نے ایمرجنسی بریک لگانے کی پوری کوشش کی ہوگی لیکن ٹرین کی ایمرجنسی بریک ایک حد تک لگ سکتی ہے۔
وفاقی وزیر ریلوےخواجہ سعدرفیق نے کہا کہ ایکسل خراب ہونے کے باعث ٹرک پٹری پر موجود تھااور اگر ٹرک ڈرائیور جلد بازی نہ کرتا تو حادثہ پیش نہیں آنا تھا۔
شیخوپورہ کے قریب ٹرین حادثے کا شکار مسافروں کو لے کر متبادل ٹرین کراچی روانہ ہوگئی۔ مسافروں کو پہلےجائے حادثہ سےشیخوپورہ ریلوے اسٹیشن لایا گیا۔
واضح رہےکہ ٹرین کے کئی مسافروں نے خدشات کا اظہار کرتے ہوئے متبادل ٹرین سے سفر کرنے سے انکار کردیا،جس کے بعد متبادل ٹرین دیگر مسافروں کو لے کر ساہیوال کے راستے کراچی روانہ ہوگئی۔
