اسلام آباد : وزیراعظم عمران خان کا کہنا ہے کہ سڑکوں پررہنےوالوں کی کسی کوفکرہی نہیں، ہمارےہاں وسائل کی نہیں احساس کی کمی ہے،شیلٹرہومزپہلاقدم ہےاوربھی اقدامات کیےجائیں گے، ایک تاثرتھا وزیراعلیٰ بادشاہ ہوتا ہے، جسے عثمان بزدار نے ختم کیا۔
تفصیلات کے مطابق وزیراعظم عمران خان نے لاہورمیں شیلٹرہوم کا سنگ بنیاد رکھ دیا، جس کے بعد انھوں نے منصوبے کے مختلف حصوں کا دورہ کیا جبکہ وزیراعظم کومنصوبے سے متعلق آگاہ کیا گیا۔
وزیراعظم عمران خان نے تقریب سے خطاب کرتے ہوئے کہا وزیراعلیٰ پنجاب عثمان بزدارکومبارکباددیتاہوں، عثمان بزدارکو وزیراعلیٰ بنانے کا فیصلہ کیا تو پارٹی سے بھی تحفظات کا اظہار کیا گیا، ایک تاثرتھا وزیراعلیٰ بادشاہ ہوتا ہے، جسے عثمان بزدار نے ختم کیا۔
عمران خان کا کہنا تھا کہ عثمان بزدارایسےعلاقے سے آئے ہیں، جہاں بجلی نہیں ہے، ان کےاپنےگھرمیں بجلی نہیں،ان کے علاقےمیں پانی نہیں، سردارعثمان بزدارکووزیراعلیٰ پنجاب بنانے کا فیصلہ میراتھا، ایک تاثر تھا وزیراعلیٰ محلات میں رہنے والا ہوگا،کروڑوں کمائے ہوں گے۔
[bs-quote quote=”شیلٹرہومزپہلاقدم ہےاوربھی اقدامات کیےجائیں گے” style=”style-6″ align=”left” author_name=”عمران خان ” author_job=”وزیراعظم ” author_avatar=”https://arynewsudweb.wpengine.com/wp-content/uploads/2018/11/ImranKhan60x60.jpg”][/bs-quote]
وزیراعظم نے کہا جو لوگ سڑکوں پر سوئے ہوتے ہیں، ان کو کس چیزکی ضرورت ہوگی، ہمارے اندر احساس ختم ہوگیا ہے،سڑکوں پر رہنے والوں کی کسی کو فکر ہی نہیں، ہمارے ہاں وسائل کی نہیں احساس کی کمی ہے، احساس اور رحم کے بغیرکوئی معاشرہ مکمل نہیں ہوسکتا۔
ان کا کہنا تھا کہ آتےساتھ ہی مشکلات کاسامناکرنا پڑا،ہمیں موقع ہی نہیں مل رہاتھا، قرضوں کا پہاڑ تھا،ملک کو دیوالیہ ہونےسےبچانےکے لیےاقدامات کررہےتھے، اب موقع ملاہے،شیلٹرہومزپہلاقدم ہےاوربھی اقدامات کیےجائیں گے۔
عمران خان نے کہا ان لوگوں کی کوئی فکر نہیں تھی، ووٹ بینک کونہیں دیکھ رہے، لاہور میں 5شیلٹرہومز بنائیں گے، جگہوں کا انتخاب کرلیا گیا ہے، غریب لوگ یہاں کمانے کےلیے آتے ہیں ان کے پاس جگہ نہیں ہوتی، مسائل میں الجھے ہوئے تھے چین اورسعودی عرب نے بھرپور مدد کی۔
وزیراعظم کا کہنا تھا کہ شیلٹرہومزسےمتعلق ایک بورڈبنائیں گے،خیراتی کام کرنے والوں کا سہارا لیا جائےگا، شیلٹرہومز کی صفائی، کھانے کے لیے لوگ آگے آئیں گے اور یہ کامیاب منصوبہ ہوگا۔
انھوں نے کہا حکومت ایک ایساپیکج لارہی ہے، جوپہلےکبھی نہیں آیا،مقصدغربت کا خاتمہ کیسےکرناہے، ایک چھتری کےنیچےکام ہوگا،غربت کے خاتمے کے لیے اقدامات کریں گے، چین ماڈل سےاستفادہ کریں گے،چین نے 70کروڑ لوگوں کوغربت سے نکالا، 30 سال میں چین نے وہ کام کیا جو دنیا میں کہیں نہیں ہوا۔
[bs-quote quote=”حکومت ایک ایساپیکج لارہی ہے، جوپہلےکبھی نہیں آیامقصدغربت کاخاتمہ کیسےکرناہے” style=”style-6″ align=”right” author_name=”عمران خان ” author_job=”وزیراعظم ” author_avatar=”https://arynewsudweb.wpengine.com/wp-content/uploads/2018/11/ImranKhan60x60.jpg”][/bs-quote]
عمران خان کا کہنا تھا کہ شیلٹرہومز کے سنگ بنیاد سے بہت خوشی ہوئی، یورپ میں بےگھرلوگوں کیلئےخصوصی گھربنائےگئےہیں، مسلمانوں کے منصوبوں پر یورپی دنیا نے عمل کیا ہے۔
وزیراعظم نے کہا خوشی ہے جس طرح کرکٹ میں کھلاڑی چنتا تھا حکومت میں بھی ایسا ہی ہوگا، لگتا ہے وزیراعلیٰ پنجاب بھی وسیم اکرم اور انضمام جیسے ابھریں گے۔
سپریم کورٹ کے فیصلوں کے حوالے سے ان کا کہنا تھا کہ حکومت سپریم کورٹ کے فیصلوں کےساتھ کھڑی ہے، سپریم کورٹ کے فیصلوں پر مکمل عملدرآمد ہوگا،کوئی سمجھوتہ نہیں ہوگا، اعلیٰ عدلیہ کے فیصلوں پر عمل نہیں ہوگا تو پھرریاست نہیں چل سکتی۔
عمران خان نے کہا کہ کستان ادائیگیوں کےبحران سےنکل چکاہے، شیلٹرہومزسےمتعلق کےپی اوربلوچستان حکومت سےکہاہے، سندھ میں ہماری حکومت نہیں، وزیراعلیٰ سندھ کوبھی کہہ دوں گا۔
وزیراعظم نے صحافی کے سوال پر جواب میں دو ٹوک اعلان کرتے ہوئے کہا کرپشن سے متعلق کل حیرت انگیز چیزیں سامنے لاؤں گا۔
