اسلام آباد: پاکستان تحریک انصاف کی سینئر رہنما شیریں مزاری نے کہا ہے کہ نئے نامزدگی فارم بنانے سے میرا تعلق جوڑا جانا فضول بات ہے۔
شیریں مزاری نے میڈیا سے بات چیت کرتے ہوئے کہا کہ سوشل میڈیا پر نئے نامزدگی فارم کے حوالے سے میرے خلاف من گھڑت خبریں چلائی جاری ہیں۔
انھوں نے کہا کہ وہ نئے نامزدگی فارم کے سلسلے میں ہونے والی صرف ایک میٹنگ میں شریک تھیں، سوشل میڈیا پر اس حوالے سے گردش کرنے والی خبریں درست نہیں ہیں۔
پی ٹی آئی رہنما نے کہا کہ نیا نامزدگی فارم بل کی صورت میں قومی اسمبلی میں پیش ہوا تھا، اسمبلی میں پیش ہونے کے بعد پی ٹی آئی نے بل کی مخالفت کی۔
شیریں مزاری کا کہنا تھا کہ نامزدگی فارم پر کمیٹی میٹنگ میں بھی پی ٹی آئی نے تحفظات کا اظہار کیا تھا، تحریک انصاف نے میٹنگ میں اپنے تحریری تحفظات کے بعد واک آؤٹ کیا تھا۔
نامزدگی فارم میں تبدیلی کا معاملہ، سابق اسپیکر نے انتخابات میں تاخیر کا خدشہ ظاہر کردیا
خیال رہے کہ عدالت کی جانب سے پہلے انتخابی حلقوں کو کالعدم قرار دیا گیا اور اب نامزدگی فارم بھی کالعدم قرار دیے جانے کے بعد انتخابات کے بروقت انعقاد کے حوالے سے شکوک و شبہات پیدا ہوگئے ہیں۔
نامزدگی فارم میں تبدیلی کے تنازعے کے آغاز کا الزام پاکستان تحریک انصاف پر ڈالا جا رہا ہے، جس نے قومی اسمبلی میں اس میں کی جانے والی تبدیلیوں کی مخالفت کی تھی۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
