Tag: sherjeel memon

کراچی : پیپلز پارٹی کے رہنما شرجیل میمن کا کہنا ہے کہ سندھ کو کسی صورت تقسیم نہیں ہونے دیں گے، سندھ بچانے کے لیے لوگ اپنی جانیں قربان کرنے کو  تیار  ہیں، شفاف انتخابات ہوں گے تو پیپلز پارٹی کلین سوئپ کرے گی۔

تفصیلات کے مطابق کراچی میں پیپلز پارٹی کے رہنما اور سابق وزیراطلاعات سندھ شرجیل میمن نے احتساب عدالت کے باہر میڈیا سے بات چیت میں ،صحافی نے سوال کیا کہ پیپلز پارٹی کا 5 سال کا دور حکومت کیسا رہا؟

جس پر  شرجیل میمن نے کہا کہ جب وہ عوام کے پاس جائیں گے تو عوام فیصلہ کریں گے، شفاف انتخابات ہوں گے تو  پیپلز پارٹی کلین سوئپ کرے گی۔

صحافی نے سوال کیا کہ اب سیاست باتوں سے نکل کر ہاتھوں تک پہنچ گئی ہے کیا کہیں گے، پی پی رہنما کا جواب میں کہنا تھا کہ جب دلیلیں ختم ہو جاتی ہیں تو ہاتھوں کا استعمال ہوتا ہے۔

دانیال عزیز کو  تھپڑ  مارنے کے واقعے کے حوالے سے انھوں نے کہا کہ جو نعیم الحق نے کیا انتہائی افسوس ناک ہے، زیادہ افسوس کی بات عمران خان نے نعیم الحق کو شاباشی دی۔

صحافی نے ایک اور سوال کیا کہ سندھ میں نئے صوبے کی باتیں چل رہی ہیں؟ تو شرجیل میمن کا کہنا تھا کہ سندھ کوکسی صورت تقسیم نہیں ہونے دیں گے، سندھ بچانے کےلیےلوگ اپنی جانیں قربان کرنے کو تیار ہیں، جب تک سندھ کےغیرت مند لوگ زندہ ہیں سندھ تقسیم نہیں ہوگا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

کراچی : پیپلز پارٹی کے رہنما شرجیل میمن کا کہنا ہے کہ توہین عدالت کے قانون پر تھوڑا غور ہونا چاہئے، جب میاں صاحب کے گھر کو آگ لگتی ہے تو اداروں کو نشانہ بناتے ہیں۔

تفصیلات کے مطابق محکمہ اطلاعات سندھ میں5ارب76کروڑروپے کرپشن کیس کی سماعت فاضل جج کی رخصت کے باعث 15فروری تک ملتوی کردی گئی ، سابق صوبائی وزیر شرجیل انعام میمن نے میڈیا سےغیر رسمی گفتگو کرتے ہوئے کہا کہ توہین عدالت کے قانون پر تھوڑاغور ہونا چاہئے ، ماضی میں جنہوں نےتوہین عدالت کی ان کے کیسز بھی دیکھے جائیں۔

شرجیل میمن کا کہنا تھا کہ ملک میں نیب کاقانون یکساں ہوناچاہیے ، پیپلزپارٹی کسی کی حمایت کرتی ہےنہ کسی کےخلاف ہے، ملک میں ایک نظام ہےتوقانون بھی ایک ہی ہوناچاہیے۔

نواز شریف پر تنقید کرتے ہوئے پی پی رہنما نے کہا کہ میاں صاحب پی سی اوججزکوبرابھلاکہہ رہےہیں، نوازشریف ان کی بحالی کیلئے تحریک بھی چلاتے رہے ہیں، جب میاں صاحب کے گھر کو آگ لگتی ہے تو اداروں کو نشانہ بناتے ہیں۔

مزید پڑھیں :  نواز شریف اور ان کے بیٹے اس ملک کے شہزادے ہیں،شرجیل میمن

یاد رہے اس سے قبل بھی شرجیل میمن کا کہنا تھا کہ نواز شریف اور ان کے بیٹے اس ملک کے شہزادے ہیں، ان کا احتساب شہزادوں جیسا ہی ہو رہا ہے، شہزادوں کی طرح بیرون ملک سفرکرتے ہیں، کوئی نہیں پوچھتا اور شہزادوں کی طرح پیش بھی ہورہے ہیں۔

وزیر اطلاعات شرجیل میمن کا کہنا تھا کہ ہم عدلیہ کیخلاف کوئی تحریک نہیں چلائیں گے، ہم نواز شریف نہیں جو عدالتوں پر حملے کریں نواز شریف کی سیاست ختم ہو چکی ہے، وہ سیاسی شہید بنناچاہتے ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔