Tag: sherry rehman

اسلام آباد : وزارت ماحولیاتی تبدیلی نےصوبوں کوہیٹ ویو کا الرٹ جاری کر دیا ہے، وفاقی وزیر نے خبردار کیا ہے کہ اس سال درجہ حرارت میں 6 سے 8 ڈگری سینٹی گریڈاضافہ متوقع ہے۔

تفصیلات کے مطابق وفاقی وزیر برائے ماحولیاتی تبدیلی سینیٹر شیری رحمان نے بیان میں کہا ہے کہ وزارت ماحولیاتی تبدیلی نےصوبوں کوہیٹ ویو کا الرٹ جاری کر دیا ہے، دنیا سمیت جنوبی ایشیا کو اس سال شدید گرمی کی لہر کا سامنا ہے۔

وزیر ماحولیاتی تبدیلی کا کہنا تھا کہ گرمی کی شدید لہرمیں اضافہ گلوبل وارمنگ کی علامت ہے، پاکستان کو مارچ سے غیر متوقع گرمی کی شدید لہر کا سامنا ہے، اس سال درجہ حرارت میں 6 سے 8 ڈگری سینٹی گریڈاضافہ متوقع ہے۔

شیری رحمان  نے کہا کہ محکمہ موسمیات کے مطابق مارچ 1961 سےاب تک کا گرم ترین مہینہ تھا، مارچ میں ہی بارشیں معمول سے 62 فیصد کم ریکارڈ کی گئی ہیں۔

ان کا کہنا تھا کہ سال 2018 میں بھی اپریل کے مہینے میں نواب شاہ دنیا کا گرم ترین شہر بنا اوردرجہ حرارت 50 ڈگری سینٹی گریڈ سےزائدگیا۔

وفاقی وزیر نے بتایا کہ عالمی اداروں نے شدید اور طویل گرمی کی لہرسے خبردار کیا تھا، سابق حکومت کو گرمی کی لہر سے نمٹنے کےاقدامات کرنے چاہیے تھے، گرمی کی لہر سے صحت اور زراعت کو بھی خطرات لاحق ہوں گے۔

شیری رحمان  نے لوگوں سے التجا کی کہ شدید گرمی سے بچنے کیلئے احتیاطی تدابیر اختیار کریں۔

اسلام آباد :نائب صدر پیپلز پارٹی سینیٹر شیری رحمان کا کہنا ہے کہ پی ٹی آئی بلاول بھٹو کے لندن کے دورے سے پریشان ہے ، بلاول بھٹونے ثابت کر دیا وہ اس ملک کی سیاست کا مرکز ہیں۔

تفصیلات کے مطابق نائب صدر پیپلز پارٹی سینیٹر شیری رحمان نے اپنے بیان میں کہا ہے کہ پی ٹی آئی کے تمام ناکام سیاستدانوں کو بلاول بھٹوسےخوف ہے اور پی ٹی آئی بلاول بھٹو کے لندن کے دورے سے پریشان ہے۔

شیری رحمان کا کہنا تھا کہ بلاول بھٹو عمران خان اور ان کےترجمانوں کے اعصاب پرسوارہیں، بلاول بھٹونےثابت کر دیا وہ اس ملک کی سیاست کا مرکز ہیں۔

نائب صدر پیپلز پارٹی نے مزید کہا کہ مخالفین کے پاس سیاسی جواب نہیں ہوتے تو ذاتیات پر اترآتےہیں، ہمارے نوجوان قائد نے ان کی سیاسی دکان بند کر دی ہے، اب بد تہذیبی کی نہیں، پارلیمان، آئین اور جمہوریت کی سیاست ہوگی۔

خیال رہے پیپلز پارٹی کے چیئرمین بلاول بھٹو لندن میں موجود ہیں ، جہاں انھوں نے نواز شریف سے ملاقاتیں کیں ، معاملات طے ہونے کے بعد دونوں جماعتوں میں آئندہ انتخابی معاہدے کو حتمی شکل دی جائے گی۔

سکھر : پیپلزپارٹی کی رہنما شیری رحمان کا کہنا ہے کہ بغیر کسی ثبوت،صرف الزامات کی بنیادپررہنماؤں کو نوے نوے دن تک قید رکھنا روایت بن گئی ہے لیکن ہم ڈیل کرنے والے لوگ نہیں ہیں۔

تفصیلات کے مطابق سکھر میں پیپلزپارٹی کی رہنما شیری رحمان نے میڈیا سے گفتگو کرتے ہوئے کہا یہ کونساتفتیشی عمل ہے، سیاسی شخصیات کی بدنامی کی جارہی ہے، ساڑھے5 ارب روپے کا الزام لگایا گیا ہے کہاں ہے وہ الزام؟، بغیر کسی ثبوت،صرف الزامات کی بنیاد پر رہنماؤں کو نوے نوے دن تک قید رکھنا روایت بن گئی ہے۔

شیری رحمان کا کہنا تھا کہ ہم ڈیل کرنےوالےلوگ نہیں ہیں، بی آر ٹی منصوبہ دیکھ لیں ،مالم جبہ کاپراجیکٹ ہمارے سامنے ہے، دہرے معیار کی کوئی ساکھ نہیں ہے، اتنا قرض لیا کہ پاکستان کی تاریخ نے کبھی اتنا قرض نہیں دیکھا۔

پی پی رہنما نے کہا کہ خیبرسےکراچی تک کسی کاچولہا نہیں جل رہا، ٹماٹرکی بوری سونےکی قیمت کی طرح فروخت ہورہی ہے، لوگوں کےپاس قوت خرید نہیں پیٹرول ڈالنےکےپیسےنہیں۔

ان کا کہنا تھا کہ  ملک میں کس پر کونسا کیس ثابت ہواہے؟ تاریخ گواہ رہےگی جمہوریت کےنام پرکیاکھیل رچایاگیا، کےپی حکومت اسی سارےمذاق کا حصہ ہے، سب کہہ رہےہیں ایک انصاف پی ٹی آئی ایک دوسروں کےلیےہے، یہ لوگ ڈرتے ہیں اس پارٹی سےجوسچ کی آوازاٹھارہی ہے۔

شیری رحمان  نے مزید کہا کہ  الیکشن کمیشن کوبھی مفلوج کردیاگیا، 2015 سےفارن فنڈنگ کی تفتیش ہورہی ہے، یہ نہیں چاہتےہیں کہ اس پرسوال ہو، احتساب فارن فنڈنگ پر کیوں نہیں ہوتا؟فارن فنڈنگ کیس میں الیکشن کمیشن انہیں گھربھیج دےگا۔