Tag: sherry rehman

اسلام آباد : پاکستان پیپلز پارٹی کی رہنما سینیٹر شیری رحمان نے کہا امریکا افغانستان میں خود کو فاتح ظاہر کرانا چاہتا ہے ، ٹرمپ کی ثالثی کی پیشکش کو دیکھناچاہیے کہیں بھارت کاکوئی معاہدہ تونہیں ، کشمیری عوام کاحوصلہ بلندہے،دیکھتےہیں کب تک کرفیولگارہتاہے۔

تفصیلات کے مطابق پاکستان پیپلز پارٹی کی رہنما سینیٹر شیری رحمان نے اے ار وائی نیوز کے پروگرام باخبر سویرا میں گفتگو کرتے ہوئے کہا افغانستان میں کچھ بھی ہو امریکا اسے امن کا نام دیناچاہتاہے اور خود کو افغانستان میں فاتح ظاہر کرانا چاہتاہے۔

شیری رحمان کا کہنا تھا کہ دنیامیں سب سے زیادہ مظالم مقبوضہ کشمیر میں ہورہےہیں ، مقبوضہ کشمیر میں کرفیوکو15 دن ہوگئے ہیں اور 9لاکھ فوج کھڑی ہے یہ بہت تشویشناک ہے، مظالم کے باوجود دنیا کو کیاچیز بھارت کے خلاف آواز اٹھانے سے روک رہی ہے۔

مظالم کے باوجود دنیا کو کیاچیز بھارت کےخلاف آوازاٹھانے سے روک رہی ہے

پاکستان پیپلز پارٹی کی رہنما نے کہا پارلیمان میں کہاگیا دوسروں کی جنگ میں ملوث ہونانہیں چاہتے، اوآئی سی ممالک کے لیے اپنے مفادات زیادہ اہم ہیں۔

کشمیر کے حوالے سے ان کا کہنا تھا کہ پاکستان نےکبھی بھی مقبوضہ کشمیر پر ثالثی سےانکارنہیں کیا، ٹرمپ کی ثالثی کی پیشکش کوبھی پاکستان نےقبول کیاہے، ٹرمپ کی پیشکش کودیکھناچاہیےکہیں بھارت کاکوئی معاہدہ تونہیں۔

شیری رحمان نے کہا پاکستان شروع سےمسئلہ کشمیرکےحل کی کوشش کررہاہے، بھارت مسئلےکےحل کےلیےبات کرےتاکہ صورتحال بہترہو، بھارت میں لوگ موجودہ صورتحال پرتشویش کااظہارکررہےہیں، بھارت بات چیت کےبجائےدھمکیاں دےرہاہے۔

سب کومعلوم ہےایل اوسی پرحالات کشیدہ اورکشمیرکامسئلہ دیرینہ ہے

پی پی رہنما کا کہنا تھا کشمیری عوام کاحوصلہ بلندہے،دیکھتےہیں کب تک کرفیولگارہتاہے، کشمیری عوام حق خودارادیت کی جنگ لڑرہےہیں، بھارت جنگی جنون میں مبتلاہے،مودی کی پالیسی ہی جنگ ہے۔

انھوں نے مزید کہا کہ پوری دنیاکومعلوم ہےپاکستان اوربھارت نیوکلیئرممالک ہیں، سب کومعلوم ہےایل اوسی پرحالات کشیدہ اورکشمیرکامسئلہ دیرینہ ہے۔

اسلام آباد : پیپلز پارٹی کی رہنما سینیٹرشیری رحمان نے کہا سینیٹ میں اپوزیشن کو واضح اکثریت حاصل ہے، نہیں لگتا چیئرمین سینیٹ لانے میں ہمیں کوئی دقت ہوگی۔

تفصیلات کے مطابق پیپلز پارٹی کی رہنما سینیٹرشیری رحمان نے اے آروائی نیوز کے پروگرام باخبر سویرا میں گفتگو کرتے ہوئے کہا چیئرمین سینیٹ لانےکیلئےاپوزیشن کےپاس واضح اکثریت ہے، فلورکراسنگ نہیں ہوسکتی ، نہیں لگتاچیئرمین سینیٹ لانےمیں ہمیں کوئی دقت ہوگی۔

شیری رحمان کا کہنا تھا فارورڈبلاک کس طرح بن سکتاہے؟یہ قانون کی نفی ہوگی، حکومت کےپاس سینیٹ میں مطلوبہ تعداد موجود نہیں۔

وزیراعظم عمران خان اور چیئرمین سینیٹ کی ملاقات کے حوالے سے پی پی رہنما نے کہا وزیراعظم نےصادق سنجرانی کوکہاتحریک کامیاب ہونےنہیں دیں یہ بیان کیا ہارس ٹریڈنگ نہیں؟

یاد رہے گذشتہ روز وزیر اعظم عمران خان سے چیئرمین سینیٹ صادق سنجرانی کی ملاقات ہوئی تھی ، جس میں وزیراعظم نے چیئرمین سینیٹ صادق سنجرانی کو بھرپور تعاون کی یقین دہانی کرائی تھی۔

مزید پڑھیں : وزیر اعظم نے چیئرمین سینیٹ کو بھرپور تعاون کی یقین دہانی کرا دی

وزیراعظم کا کہنا تھا تحریک عدم اعتماد کو ناکام بنانے کی کوشش کریں گے، چیئرمین سینیٹ ہٹانے کی کوششیں کون سی جمہوری اقدار ہے۔

خیال رہے کہ اپوزیشن کی رہبر کمیٹی نے میر حاصل بزنجو کو چیئرمین سینیٹ کے لئے نامزد کیا ہے، کمیٹی کا کہنا ہے کہ سب جماعتیں میرحاصل بزنجوکوووٹ دیں گی، کوشش کریں گے کہ دیگر لوگوں کے ووٹ بھی حاصل ہو۔

اسلام آباد: سینیٹر شیری رحمان نے کہا ہے کہ حکومت کی جانب سے آئی ایم ایف سے مذاکرات پارلیمان کو اعتماد میں لیے بغیر ہو رہے ہیں۔

تفصیلات کے مطابق آج سینیٹ اجلاس میں آئی ایم ایف سے مذاکرات کے معاملے پر بحث ہوئی، سینیٹر شیری رحمان نے توجہ دلاؤ نوٹس سینیٹ میں پیش کیا۔

شیری رحمان نے آئی ایم ایف شرائط پر پارلیمان کو اعتماد میں لینے کا مطالبہ کرتے ہوئے کہا کہ یہ مذاکرات پارلیمان کو اعتماد میں لیے بغیر ہو رہے ہیں۔

پی پی رہنما کا کہنا تھا کہ دعویٰ کیا گیا تھا کہ آئی ایم ایف سمیت کسی سے قرضہ نہیں لیں گے لیکن انھی چیخوں کی گونج میں وزیر خزانہ کو استعفیٰ دینا پڑ گیا۔

یہ بھی پڑھیں:  آئی ایم ایف اور حکومت کے درمیان مذاکرات کا دوسرا دن

انھوں نے کہا کہ آئی ایم ایف کی خفیہ شرائط قوم پر مسلط نہ کریں، بتایا جائے کیا مذاکرات ہوئے ہیں، ایمنسٹی اسکیم لانا کوئی جادو کی چھڑی نہیں، قانون بنا تھا ٹیکس ٹو جی ڈی پی ریٹ حد سے تجاوز نہ کرے۔

شیری رحمان نے کہا کہ گیس اور تیل کی قیمتیں آئی ایم ایف کے کہنے پر بڑھائی گئی ہیں، تیل، بجلی اور گیس کی قیمتیں آسمان تک پہنچ گئیں، بتایا جائے کہ کن شرائط پر آئی ایم ایف سے بات چیت کی جا رہی ہے، حکومت فسکل ون یونٹ نافذ نہ کرے۔

واضح رہے کہ آئی ایم ایف کے ساتھ حکومتی مذاکرات کا سلسلہ جاری ہے، دو دن قبل تکنیکی سطح کے مذاکرات کا پہلا مرحلہ شروع کیا گیا، جس میں عالمی مالیاتی ادارے کو پاور سکیٹر کے ساتھ سوشل سیفٹی نیٹ ورک پر بریفنگ دی گئی۔

پاکستان اور آئی ایم ایف کے درمیان مذاکرات 10 مئی تک جاری رہیں گے۔ آئی ایم ایف کی طرف سے اس بات پر زور دیا جا چکا ہے کہ نئے مالی سال سے بھرپور ٹیکس اصلاحات کی جائیں اور کم از کم چھ سو ارب روپے کے نئے ٹیکسوں کا نفاذ کیا جائے۔

اسلام آباد: پاکستان پیپلز پارٹی کی رہنما شیری رحمان نے کہا ہے کہ عمران خان بتائیں سعودی عرب نے امداد کے بدلے کن شرائط کو لاگو کیا۔

تفصیلات کے مطابق رہنما پیپلز پارٹی شیری رحمان نے وزیرِ اعظم عمران خان کی تقریر پر ردِ عمل دیتے ہوئے اسے ایک خوف زدہ وزیرِ اعظم کا بیان قرار دیا۔

[bs-quote quote=”وزیرِ اعظم عمران خان بتائیں کہ وہ کس سے خوف زدہ ہیں: شیری رحمان” style=”style-7″ align=”left” color=”#dd3333″][/bs-quote]

شیری رحمان نے کہا ’عمران خان کا خطاب ایک خوف زدہ وزیرِ اعظم کا بیان تھا، سعودیہ سے امداد کا جواز تراشنے کے لیے اپوزیشن پر تنقید مضحکہ خیز حربہ ہے۔‘

پیپلز پارٹی کی رہنما کا کہنا تھا کہ وزیرِ اعظم عمران خان بتائیں کہ وہ کس سے خوف زدہ ہیں، وقت آ چکا ہے کہ عمران خان کنٹینر سے اتر کر پالیسی بیانات دیں۔

خیال رہے کہ آج وزیرِ اعظم نے قوم سے خطاب میں دو ٹوک الفاظ میں اپنے مخالفین کو مخاطب کرتے ہوئے کہا کہ کان کھول کرسن لیں، کسی قسم کا کوئی این آر او نہیں ہوگا، سڑکوں پر آنا ہے تو ہم کنٹینر دینے کو تیار ہیں، کھانا بھی پہنچائیں گے، کرپٹ لوگوں کو جیلوں میں ڈالیں گے۔

یہ بھی پڑھیں:  کوئی این آراو نہیں ہوگا، کرپٹ افراد کو جیلوں میں ڈالیں گے: وزیراعظم

وزیرِ اعظم نے کہا کہ قرضوں کی قسطیں واپس کرنی تھیں جس کی وجہ سے ہم پر بوجھ پڑ گیا تھا اور اگر ہم براہ راست آئی ایم ایف کے پاس چلے جاتے تو اس سے عوام پر مزید دباؤ بڑھ جاتا لیکن اللہ کا شکر ہے کہ سعودی عرب سے بڑا زبردست پیکج مل گیا ہے۔

دوسری طرف آج وزیرِ خارجہ شاہ محمود قریشی نے کہا کہ سعودی عرب کا پیکیج کل 6.2 ارب ڈالر ہے، اور سعودی عرب نے کوئی شرط عائد نہیں کی ہے۔

اسلام آباد: پاکستان پیپلز پارٹی کی سینئر رہنما شیری رحمان نے حکومت کے منی بجٹ کو بد تر قرار دیتے ہوئے کہا ہے کہ وزیرِ خزانہ نے عوام سے وعدے کیے مگر منی بجٹ کچھ اور کہہ رہا ہے۔

سینیٹ میں قائدِ حزبِ اختلاف شیری رحمان نے منی بجٹ پر افسوس کا اظہار کرتے ہوئے کہا کہ حکومت روایتی بجٹ ہی پیش کر دیتی مگر یہ تو اس سے بھی بد تر ہے۔

سینیٹر شیری رحمان نے کہا کہ موجودہ بجٹ پر بہت سے سوالیہ نشان ہیں، ہم سمجھ رہے تھے کہ ذہین وزیرِ خزانہ معیشت کو بہتر بنائیں گے، زرِ مبادلہ کے ذخائر خطرے میں ہیں۔

پی پی کی رہنما کا کہنا تھا کہ کہیں پھر یو ٹرن نہ لینا پڑے جیسے آج ریڈیو پاکستان بلڈنگ پر لیا۔ خیال رہے کہ حکومت پنجاب نے ریڈیو پاکستان کی عمارت منتقلی اور لیز پر دینے کا فیصلہ ملازمین کے شدید احتجاج کے بعد واپس لے لیا ہے۔

شیری رحمان نے کہا کہ تبدیلی آ چکی ہے اور وہ آپ کے خساروں میں نظر آ رہی ہے، حکومت ہر چیز پر ٹیکس لگا رہی ہے، کاش روایتی بجٹ ہی دے دیتی۔

یہ بھی پڑھیں:  فی الحال ہمارا آئی ایم ایف سے رجوع کرنے کا پروگرام نہیں: اسد عمر

پیپلز پارٹی کی سینیٹر نے مزید کہا کہ حکومت نان ٹیکس فائلر کو مزید سہولتیں دے رہی ہے، زرِ مبادلہ کے ذخائر خطرے میں ہیں، نہیں بتایا گیا کہ خسارہ کیسے پورا ہوگا۔

سینیٹر شیری رحمان کا کہنا تھا کہ پاکستان تحریک انصاف کی حکومت اب آئی ایم ایف کے پاس کشکول لے کر جائے گی۔ خیال رہے کہ حکومت بین الاقوامی مالیاتی ادارے کے پاس نہ جانے کا فیصلہ کر چکی ہے۔