Tag: shikwa

  • عاصم محمود نے ’شکوہ‘ میں اپنے کردار کو کیا مشورہ دیا؟

    عاصم محمود نے ’شکوہ‘ میں اپنے کردار کو کیا مشورہ دیا؟

    پاکستان شوبز انڈسٹری کے اداکار عاصم محمود آن ایئر ڈرامہ سیریل ’شکوہ‘ میں اپنے کردار فصیح کو مشورہ دینے سے متعلق گفتگو کی ہے۔

    اے آر وائی ڈیجیٹل کے ڈرامہ سیریل ’شکوہ‘ میں سمیع خان (زرون)، ماریہ ملک (ثانیہ)، یشما گل (کرن)، عاصم محمود(فصیح)، عثمان پیرزادہ ودیگر اداکاری کے جوہر دکھا رہے ہیں۔

    شکوہ کی ہدایت کاری کے فرائض محمد دانش بہلم نے انجام دیے ہیں جبکہ اس کی کہانی نادیہ احمد نے لکھی ہے جبکہ شکوہ پیر سے جمعہ رات 9 بجے صرف اے آر وائی ڈیجیٹل پر نشر ہوتا ہے۔

     

    View this post on Instagram

     

    A post shared by ARY Digital (@arydigital.tv)

    جب عاصم محمود سے اس ڈرامے میں ان کے کرادر فصیح کو نصحیت کرنے سے متعلق پوچھا گیا تو انہوں نے کہا کہ سب سے پہلے میں اس ڈرامے میں اپنے کردار کو تھپڑ مارنا چاہوں گا۔

    اداکار عاصم محمود نے آن سیٹ بی ٹی ایس میں کہا کہ میں اپنے کردار کو ایک زوردار تھپڑ ماروں گا اور اس نے جو کچھ کیا اس کے بارے میں احساس دلاؤں گا۔

    محمود نے مزید کہا "پھر میں اسے مشورہ دوں گا کہ وہ انتقامی آگ میں جلنے کے بجائے آگے بڑھے، کیونکہ وہ پہلا شخص نہیں جس کا دل ٹوٹا ہے”۔

  • نوازشریف اہم معاملات پربھی ٹیلی فون نہیں کرتے، آصف علی زرداری

    نوازشریف اہم معاملات پربھی ٹیلی فون نہیں کرتے، آصف علی زرداری

    کراچی : سابق صدر آصف علی زرداری نےوزیراعظم نواز شریف سے شکوہ کیا ہےکہ یمن کی صورتحال ہو یا کوئی دوسراہم معاملہ نوازشریف نے کبھی فون کرنےکی زحمت بھی نہیں کی۔ ان خیالات کا اظہار انہوں نے بلاول ہاؤس کراچی میں اپوزیشن جماعتوں کے مشترکہ اجلاس سے خطاب کرتے ہوئے کیا

    تفصیلات کے مطابق یمن کی کشیدہ صورتحال پر غورو خوص  کیلئے سابق صدر آصف علی زرداری کی زیرصدارت کراچی میں اپوزیشن جماعتوں کا مشترکہ اجلاس ہوا۔

    اجلاس سے  خطاب کرتے ہوئے سابق صدر کا کہنا تھا کہ خطے کی صورت حال خطرناک ہے لیکن وزیراعظم نے مشورے کے لئے فون تک نہیں کیا۔

    اس موقع پرعوامی نینشل پارٹی کے سربراہ اسفند یارولی نے کہا کہ حکومت نے اعتماد میں نہ لیاتوہم بھی وقت آنےپراپنا فیصلہ سنادیں گے، اپوزیشن جماعتیں وقت آنے پر اپنے پتے شو کریں گی۔

    ایم کیوایم کے رہنما فاروق ستار نے کہا کہ وزیراعظم قومی پالیسی واضح کریں ، یاد رہے کہ پاکستان پیپلز پارٹی کے زیر اہتمام  یمن پرآل پارٹیزکانفرنس میں جے یوآئی کے رہنمامولانا فضل الرحمان نہیں آئے۔ تحریک انصاف اورجماعت اسلامی  کے رہنماؤں نے بھی شرکت نہیں کی۔