Tag: shiter down

  • تحریک لبیک پاکستان نے کل ہڑتال کی کال دے دی

    تحریک لبیک پاکستان نے کل ہڑتال کی کال دے دی

    کراچی : تحریک لبیک پاکستان نے کل 27 فروری بروز پیر کو پورے ملک میں مہنگائی کے خلاف شٹر ڈاؤن ہڑتال کا اعلان کردیا۔

    اس حوالے سے تحریک لبیک پاکستان کے سربراہ حافظ سعدرضوی نے اپنے ایک بیان میں کہا ہے کہ کل تحریک لبیک کی کال پر ملک بھرمیں شٹرڈاؤن ہڑتال ہوگی۔

    انہوں نے کہا کہ پوری قوم ہمارے ساتھ ہے کل آزاد کشمیر سمیت پاکستان بھر میں مکمل ہڑتال ہوگی، ملک کا ہرطبقہ سمجھ چکا ہے کہ تحریک لبیک حقوق کی بات کررہی ہے۔

    سعد رضوی نے کہا کہ مہنگائی، پٹرولیم مصنوعات کی قیمتوں میں اضافے پرہڑتال پر مجبور ہوئے، حکومت پیٹرولیم مصنوعات کی قیمتوں پر اضافہ واپس لیتی تو ہم ہڑتال نہ کرتے۔

    انہوں نے کہا کہ تحریک لبیک پاکستان غریب عوام کے حقوق کے لیے میدان عمل میں آچکی ہے، عوام ہڑتال کو کامیاب بنانے، اپنا حق حاصل کرنے اور مہنگائی سے نجات حاصل کرنے کے لیے تحریک لبیک پاکستان کا ساتھ دے۔

    دوسری جانب ہول سیل گروسرز ایسوسی ایشن کے چیئرمین عبدالرؤف ابراہیم نے کہا ہے کہ پیر 27فروری کو کراچی کی اجناس مارکیٹ، جوڑیا بازار اور اطراف کی دیگر مارکیٹیں کھلی رہیں گی، انہوں نے کہا کہ مہنگائی کیخلاف احتجا ج میں ضرور شامل ہوں گے لیکن مارکیٹیں بند نہیں کریں گے۔

    یاد رہے کہ قبل ازیں مہنگائی کیخلاف جماعت اسلامی اور کچھ دیگر گروپ بھی احتجاج کرچکے ہیں۔ لیکن کسی نے شٹر ڈائون ہڑتال کا اعلان نہیں کیا تھا۔ جبکہ ان دنوں لاہور میں دفعہ ایک سو چوالیس کے تحت اجتماعات اور ریلیوں پر پابندی ہے۔

  • لاہور: تاجروں کا یکم اگست کو ملک گیر شٹرڈاؤن ہڑتال کا اعلان

    لاہور: تاجروں کا یکم اگست کو ملک گیر شٹرڈاؤن ہڑتال کا اعلان

    لاہور : انجمن تاجران پاکستان نے یکم اگست کو ملک گیر شٹرڈاون ہڑتال کا اعلان کیا ہے۔ تاجر بینکوں کی جانب سے عائد ہونے والے ودہولڈنگ ٹیکس پر سراپا احتجاج ہیں۔

    تفصیلات کے مطابق ود ہولڈنگ ٹیکس کیخلاف تاجروں نے یکم اگست کو  ملک گیر شٹرڈاؤن ہڑتال کا اعلان کردیا ہے۔

    ترجمان انجمن تاجران کا کہنا ہے کہ یکم اگست کو ودہولڈنگ ٹیکس کےخلاف پورے ملک میں پہیہ جام ہڑتال کریں گے۔ ہڑتال کا فیصلہ نعیم میر کی زیر صدارت لاہور میں ہونے والے اجلاس میں کیا گیا۔

    تاجر کنونشن میں مختلف تاجر تنظیموں نے شرکت کی اور ہڑتال کی حمایت کا اعلان کیا ہے۔

    واضح رہے کہ رواں ماہ کے اوائل میں صدر مملکت ممنون حسین نے ودہولڈنگ ٹیکس کی شرح میں تین فیصد کمی کا آرڈیننس جاری کیا تھا۔

    اس سے قبل اسلام آباد میں وزیر خزانہ اسحاق ڈار اور تاجروں کے درمیان مذاکرات میں ودھ ہولڈنگ ٹیکس میں کمی پر اتفاق کیا گیا تھا۔

  • کراچی میں تاحال کاروبار بند اورسڑکیں سنسان ہیں

    کراچی میں تاحال کاروبار بند اورسڑکیں سنسان ہیں

    کراچی : شہر قائد میں کاروبارزندگی تاحال بحال نہیں ہوسکا ہے،اشیاء خوردونوش کی عدم دستیابی اور پیٹرول پمپس بند ہونے سے شہریوں کو مشکلات سامنا ہے۔

    تفصیلات کے مطابق علی الصبح متحدہ قومی موومنٹ کےمرکزنائن زیروپررینجرزکے چھاپے کی خبر خبرجنگل کی آگ طرح ملک بھرمیں پھیل گئی۔

    رینجرزکی کارروائی کے خلاف ایم کیوایم رہنماؤں نے احتجاجاً شہریوں سےکاروباراورٹرانسپورٹ بند رکھنےکی اپیل کی، جس کے بعد شہرمیں کاروباری گہما گہمی گرم ہونےسےپہلےہی ماندپڑ گئی۔

    ایم کیوایم کی احتجاج کی اپیل پرشہرکےبیشترعلاقوں میں شٹرڈاؤن،پٹرول پمپس،بینکس سمیت چھوٹےبڑےتجارتی مراکزنہ کھل سکے ، شہرکی صورتحال کےسبب اکثرنجی تعلیمی اداروں نےبھی تدریسی عمل معطل کرکےچھٹی کااعلان کردیا۔

    جامعہ کراچی،اردو یونیورسٹی سمیت دیگرجامعات نے ہونےوالےامتحانات بھی منسوخ کردیئے، کشیدہ حالات میں خوف وہراس بڑھانےکیلئےشرپسندعناصرنے لیاقت آبادمیں رکشہ اورگلستان جوہرمیں گاڑی کونذرآتش کردیا۔

    شہرکی غیریقینی صورتحال کےسبب ٹرانسپورٹ اتحاداورتاجراتحادنے کاروباراورٹرانسپورٹ بندرکھنےکافیصلہ کیا۔ اور شام ہونے کے بعد بھی شہر میں خوف کا سماں ہے، اور تا حا ل کاروبار بند اور سڑکوں پر ٹریفک نہ ہونے سے شاہراہیں سنسان ہیں۔

  • فیصل آباد: پی ٹی آئی کی ہڑتال ناکام بنانے کیلئے حکومت سرگرم

    فیصل آباد: پی ٹی آئی کی ہڑتال ناکام بنانے کیلئے حکومت سرگرم

    فیصل آباد : حکومت نے پیر کو فیصل آباد میں پی ٹی آئی کا شٹر ڈائون ناکام بنانے کیلئے اہم فیصلے کرلئے۔ آٹھ دسمبر کو بجلی کی لوڈ شیڈنگ نہیں ہوگی،تاجروں اور صنعت کاروں کو بھی رام کرنے کیلئے حکومت سرگرم ہوگئی ۔

    حکومت پنجاب نے تحریک انصاف کاآٹھ دسمبر کو فیصل آباد میں احتجاج روکنے کے لیے حکومتی حکمت عملی تیارکرلی، ذرائع کے مطابق فیصل آباد سے جھنگ، چنیوٹ، لاہور، جڑانوالہ، سمندری اور ستیانہ جانے والی سڑکوں پر پولیس کی بھاری نفری تعینات کی جائے گی۔

    آٹھ دسمبر کو فیصل آباد ٹیکسٹائل انڈسٹری کو پیر کے روز بجلی کی لوڈشیڈنگ نہ کرنے کا فیصلہ کیا گیا ہے ، اس اقدام کامقصد ٹیکسٹائل ملز سے مزدوروں کو تحریک انصاف کے احتجاج میں شامل ہونے سے روکنے کے لیے کیا گیا۔

    فیصل آباد میں دیگر اضلاع سے پولیس کی بھاری نفری طلب کر لی گئی، جبکہ تاجروں اور فیکٹری مالکان کو احتجاج سے روکنے کے لیے صنعتی تنظمیوں کے صدور سے حکومتی ارکان نے رابطے شروع کر دئے ہیں۔

    سابق صوبائی وزیرقانون رانا ثنااللہ ور عابد شیر علی تحریک انصاف کا احتجاج ناکام بنانے کے لیے متحرک ہوگئے ہیں۔