ARYNews.tv | Urdu – Har Lamha Bakhabar

Tag: shoaib Akhtar

  • ’شکر کریں پیٹ کمنز یہاں نہیں تھے‘ ویسٹ انڈیز سے شرمناک شکست پر شعیب اختر کا ردعمل

    ’شکر کریں پیٹ کمنز یہاں نہیں تھے‘ ویسٹ انڈیز سے شرمناک شکست پر شعیب اختر کا ردعمل

    (13 اگست 2025): پاکستان کے سابق فاسٹ باؤلر شعیب اختر نے ویسٹ انڈیز کے خلاف ون ڈے سیریز میں شکست کے بعد قومی ٹیم پر تنقید کی ہے۔

    پاکستان کے سابق فاسٹ باؤلر شعیب اختر نے ویسٹ انڈیز کے خلاف ون ڈے سیریز میں شکست کے بعد قومی ٹیم پر شدید تنقید کرتے ہوئے خبردار کیا کہ جب بھی ہماری ٹیم کو اس طرح کے فاسٹ باؤلر کا سامنا کرنا پڑے گا تب تک ہماری بیٹنگ لائن اپ بے نقاب ہوتی رہے گی۔

    قومی ٹیم کی ویسٹ انڈیز کے ہاتھوں شکست کے بعد سرکاری ٹیلی ویژن پر بات کرتے ہوئے شعیب اختر نے وائٹ بال کے ہیڈ کوچ مائیک ہیسن کے کردار پر بھی سوال اٹھاتے ہوئے کہا کہ نیوزی لینڈ کے کھلاڑی ایک قابل ٹی ٹوئنٹی کوچ ہیں، لیکن ون ڈے فارمیٹ میں ان کا طریقہ کار سمجھ سے باہر ہے۔

    انہوں نے کہا کہ مائیک ہیسن ایک اچھے ٹی ٹوئنٹی کوچ ہیں لیکن مجھے نہیں معلوم کہ ان میں ون ڈے فارمیٹ کے لیے کیا خوبیاں ہیں، ون ڈے میں کامیابی کے لیے بیٹنگ، بولنگ اور اسپن سمیت تمام شعبوں میں آزمودہ کھلاڑیوں کو کھلانا ہوگا۔

    شعیب اختر نے کہا کہ اگر آپ معیاری آل راؤنڈرز اور پرفارمرز شامل نہیں کریں گے تو 50 اوور مکمل نہیں ہو پائیں گے کیوں کہ اس فارمیٹ میں بس گزارا نہیں چلتا۔

    انہوں نے کہا کہ یہ نتیجہ غلط فیصلوں کا ہے، کھلاڑیوں کا قصور نہیں، سیم پچز پر ہمیشہ یہی حال ہوگا، اب اس ری بلڈنگ کو نیا نام دے دیا گیا ہے کہ کمبی نیشن بنا رہے ہیں۔

    شعیب اختر نے طنزیہ انداز میں کہا کہ شکر کریں پیٹ کمنز اور مچل اسٹارک یہاں نہیں تھے، جہاں بھی ایسی کنڈیشنز ہوں گی، ہمارے کھلاڑی بے نقاب ہوں گے۔

    https://urdu.arynews.tv/pakistan-vs-west-indies-one-day-series-3rd-odi/

  • شعیب اختر کا یوٹیوب چینل بھارت میں بند

    شعیب اختر کا یوٹیوب چینل بھارت میں بند

    بھارت مقبوضہ کشمیر میں فالس فلیگ آپریشن کے بعد بوکھلاہٹ کا شکار ہوگیا، سابق پاکستانی اسپیڈ اسٹار شعیب اختر کا یوٹیوب چینل ملک بھر میں بلاک کر دیا۔

    بھارتی میڈیا کا اس حوالے سے کہنا ہے کہ وزارت داخلہ کی سفارش پر مجموعی طور پر 16 پاکستانی یوٹیوب چینلز پر بھی پابندی عائد کی گئی ہے۔

    بھارتی حکام نے جھوٹا الزام عائد کرتے ہوئے کہا ہے کہ یہ چینل پہلگام واقعے کے بعد غلط معلومات اور جھوٹے بیانیے کو فروغ دے رہے تھے۔ ان چینلز کے مجموعی سبسکرائبرز کی تعداد تقریباً 6 کروڑ 30 لاکھ ہے۔

    واضح رہے کہ پاکستانی ٹیم کے سابق فاسٹ بولر شعیب اختر کے چینل کو دنیا بھر میں 35 لاکھ سے زائد صارفین فالو کرتے ہیں جہاں وہ کرکٹ اور معاشرتی موضوعات پر اپنی دوٹوک اور بے لاگ رائے پیش کرتے ہیں۔

    شعیب اختر کے یوٹیوب چینل کو بند کرکے ان کی آواز کو دبانا اس بات کا ثبوت ہے کہ بھارت میں اختلافِ رائے کی کوئی گنجائش باقی نہیں رہی، دنیا بھر میں جمہوریت اور آزادی رائے کے دعویدار بھارت نے ایک بار پھر اپنی حقیقت دنیا کے سامنے آشکار کر دی ہے۔

    جہاں ایک طرف بھارت اقلیتوں کے حقوق سلب کر رہا ہے، وہیں اب وہ بین الاقوامی شخصیات کی آوازوں کو بھی برداشت کرنے سے قاصر دکھائی دے رہا ہے۔

    دوسری جانب بھارت کھیل کے میدان میں پاکستان کا سامنا کرنے کو تیار نہیں، مودی سرکاری کے زیراثر شعبہ کھیل نے ایک اور اوینٹ سے دستبرداری اختیار کر لی۔

    بھارت نے سینٹرل ایشیاء والی بال چیمپئن شپ سے راہ فرار اختیار کر لی۔ چیمپئن شپ رواں سال 28 مئی سے اسلام آباد میں شیڈول ہے جس میں اب بھارتی ٹیم شرکت نہیں کرے گی۔

    شعیب اختر نے ایک فاسٹ بولر کو پاکستان کرکٹ کا اثاثہ قرار دے دیا

    انڈین والی بال فیڈریشن کا کہنا ہے کہ بھارتی حکومت نے اجازت نامہ منسوخ کر دیا ہے اور اس حوالے سے پاکستان کو صورتحال سے آگاہ کردیا ہے۔چیمپئن شپ میں ایران، قازقستان، ترکمنستان، ازبکستان، سری لنکا کی ٹیمیں شریک ہوں گی۔

  • شعیب اختر نے اعظم خان کو اہم مشورہ دے دیا

    شعیب اختر نے اعظم خان کو اہم مشورہ دے دیا

    پاکستان کے سابق فاسٹ بولر المعروف روالپنڈی ایکسپریس شعیب اختر نے کہا ہے کہ اگر وہ اسلام آباد یونائیٹڈ کے وکٹ کیپر اعظم خان کی جگہ ہوتے تو 100 دن میں 40 کلو وزن کم کرکے دستاویزی فلم بناتے۔

    عالمی شہرت یافتہ سابق پاکستانی فاسٹ بالر شعیب اختر نے مقامی پلیٹ فارم پر گفتگو کرتے ہوئے کہا کہ اعظم خان ایک اچھے کرکٹر ہیں، انہیں غیر ضروری تنقید کا نشانہ بنایا جاتا ہے، البتہ انکا ایک مسئلہ ہے وہ انکا وزن ہے، انہیں اس پر مزید کام کرنے کی ضرورت ہے۔

    روالپنڈی ایکسپریس کا اسلام آباد یونائیٹڈ کے کپتان شاداب خان کی تعریف کرتے ہوئے کہنا تھا کہ انہیں بطور بالر دیکھتا ہوں، بیٹنگ سے میرا کوئی لینا دینا نہیں۔

    انہوں نے کہا کہ وہ ایک ذہین کھلاڑی ہیں اور اسلام آباد یونائیٹڈ کا اہم حصہ ہیں، وہ ٹیم کو متحد رکھتے ہیں اور مسائل پیدا نہیں ہونے دیتے، جس کے باعث ڈریسنگ روم کا ماحول خوشگوار رہتا ہے۔

    انہوں نے شاداب خان کی قیادت کی تعریف کرتے ہوئے انہیں ایک‘بہت اسمارٹ کھلاڑی’اور اسلام آباد یونائیٹڈ کا ایک اہم حصہ قرار دیا۔

    نسیم شاہ کو زیادہ کیا چیز پسند ہے؟ فاسٹ بالر نے بتادیا

    انہوں نے کہا کہ اگر اعظم میری بات سن رہے ہیں تو بس یہ کریں اور دنیا کو دکھائیں کہ آپ کیا کرنے کے قابل ہیں۔

    شعیب اختر نے ٹیم کے ماحول کی اہمیت پر زور دیتے ہوئے کہا کہ کھلاڑی پریشان ہونے کی بجائے سپورٹ کرنے پر ترقی کرتے ہیں۔

  • شعیب اختر نے اپنے کیریئر میں 4 بار بین ہونے کا دلچسپ قصہ سنادیا

    شعیب اختر نے اپنے کیریئر میں 4 بار بین ہونے کا دلچسپ قصہ سنادیا

    پاکستان کے سابق فاسٹ باؤلر شعیب اختر نے میدان میں بڑے اور جارحانہ شائقین سے نمٹنے کا اپنا تجربہ شیئر کیا ہے۔

    دنیا کی تیز ترین گیند کرانے کا ریکارڈ رکھنے والے شعیب اختر کا کیریئر شان دار رہا ہے لیکن وہ اکثر انجریز کے شکار رہے مگر خطرناک بولنگ میں ریٹائرمنٹ کے وقت بھی کوئی فرق نہیں پڑا تھا۔

    شعیب اختر نے ریٹائرمنٹ کے بعد کمنٹری شروع کی اور اپنے زندگی پر کتاب بھی لکھی، اس کے علاوہ اپنا کاروبار بھی شروع کیا مگر وہ اپنے بے باک تبصروں کی وجہ سے مداحوں میں مقبول رہتے ہیں۔

    اپنی تیز بولنگ کی طرح کاٹ دار تجزیوں کی وجہ سے وہ میڈیا میں بھی مقبول ہیں، ان دنوں وہ پی ایس ایل 10 کے دوران بطور پینلسٹ ایک شو کا حصہ ہیں جہاں انہوں نے اپنے کیرئیر میں 4 دفعہ بین ہونے کا دلچسپ قصہ سنایا ہے۔

    باؤنڈری کے قریب فیلڈنگ کرتے ہوئے جارحانہ ہجوم کو ہینڈل کرنے کے بارے میں شعیب اختر نے مذاقاً کہا کہ گراؤنڈ سے نمٹنے کا ایک ہی طریقہ ہے اپنے کانوں میں روئی ڈال لیں۔

    شعیب اختر نے انکشاف کیا کہ ہجوم کے ساتھ 4 بار جھگڑا ہوا ہے اور مجھ پر چار بار پابندی عائد کی گئی، انہوں نے کہا کہ یہ ہوتا ہے گراؤنڈ میں کچھ باتیں سن کو آپ اپنا غصہ کھو دیتے ہیں، لیکن ایسا نہیں ہونا چاہیے۔

    شعیب اختر نے نے کہا کہ  کرکٹ صرف ایک کھیل ہے اور کھلاڑیوں کو میچ کے دوران ہجوم کے سخت تبصروں کو نظر انداز کرنا چاہیے، کوکلتہ میں ٹیسٹ میچ کے دوران 1 لاکھ شائقین تھے اور وہ سب گالیاں دے رہے تھے تو اس سے کچھ ہوتا نہیں ہے۔

    راولپنڈی ایکسپریس نے کھلاڑیوں کو مشورہ دیا کہ وہ ایسے موقعے پر تماشائیوں کا سامنا کرنے سے گریز کریں، کیوں کہ ایک گیند آپ کو اسٹار بناتے اور گراتے بھی ہیں اس لیے منفی جملوں کا جواب اپنی کارکردگی سے دیں، کبھی بھی ہجوم سے لڑائی نی کریں۔

  • ’ہر بار کا یہی رونا ہے‘ شعیب اختر قومی ٹیم پر برس پڑے

    ’ہر بار کا یہی رونا ہے‘ شعیب اختر قومی ٹیم پر برس پڑے

    آئی سی سی چیمپئنز ٹرافی کے دبئی ہونے والے اہم میچ میں بھارت سے عبرتناک شکست کھانے کے بعد پاکستانی ٹیم پر سابق کھلاڑیوں کی جانب سے شدید تنقید کا سلسلہ جاری ہے۔

    ایک تجزیاتی پروگرام میں بات کرتے ہوئے پاکستان ٹیم کے سابق فاسٹ بالر راولپنڈی ایکسپریس شعیب اختر نے قومی ٹیم کو آڑے ہاتھوں لے لیا۔

    اُنہوں نے کہا کہ ”ہر بار کا یہی رونا ہے“ پاکستانی ٹیم نے قوم کو مایوس کیا، سابق فاسٹ بالر نے کہا کہ کل کے میچ میں ہماری اور بھارت کی باڈی لینگویج میں زمین آسمان کا فرق تھا، گراؤنڈ میں انہیں ہم پر نفسیاتی برتری حاصل تھی۔ یہ چیز ہمیں نظر آرہی تھی۔

    شعیب اختر نے کہا کہ 2019 کا ورلڈ، 2022 کا ورلڈ کپ، ہر سیریز میں یہی ہورہا ہے، کوئی اس پر بولتا نہیں مگر میں سچ بول دیتا ہوں۔

    انہوں نے کہا کہ ہم دماغ دیواروں سے ٹکراتے ہیں، کیونکہ ہمارے بیٹر نے ایک طرح بیٹنگ کرنی ہے۔ بیٹنگ انہوں نے ایسے ہی کرنی ہے کہ ان کو آتا ہی کچھ نہیں۔

    مینجمنٹ کو کچھ نہیں آتا تو بیٹنگ کو بھی کچھ نہیں آتا۔ یہ سکلز کا مسئلہ ہے، ان کو پتہ ہی نہیں ان کے پاس سکل ہی نہیں ہے۔ کون سی فیلڈ کھڑی کرنی ہے۔ کیا پلان ہے۔ کوئی پتہ نہیں۔

    واضح رہے کہ پاکستان کرکٹ ٹیم جس نے چند ماہ قبل ہی آسٹریلیا کو اس کی سر زمین پر 22 سال بعد ون ڈے سیریز میں ہرایا۔ جنوبی افریقہ کو ان کے میدان میں وائٹ واش کیا۔ تاہم اس کے بعد گرین شرٹس کی کارکردگی میں ایسا یوٹرن آیا کہ سب ہی حیران ہیں۔

    جیت کے ٹریک پر چلنے والی قومی ٹیم نے ایسی بدترین کارکردگی دکھائی کہ چیمپئنز ٹرافی سے قبل اپنی سر زمین پر ٹرائی نیشن سیریز برے طریقے سے ہاری اور اس کے بعد اب چیمپئنز ٹرافی کے دفاع میں بھی تقریباً ناکام ہوچکی ہے۔

    نیوزی لینڈ سے بڑی شکست کے بعد نہ صرف پاکستانی شائقین کرکٹ بلکہ سابق پاکستانی اور غیر ملکی کرکٹرز پاکستان سے روایتی حریف بھارت کے خلاف اچھی کارکردگی اور کم بیک کی توقع کر رہے تھے۔ تاہم قومی ٹیم نے اپنی کارکردگی سے سب کو مایوس کر دیا۔

    پاک بھارت مقابلہ : قومی ٹیم نے کتنی ڈاٹ بالز کھیلیں

    گزشتہ روز دبئی میں بھارت نے پاکستان کو با آسانی 6 وکٹوں سے شکست دی۔ گرین شرٹس نے سست رفتار بیٹنگ کرتے ہوئے بلیو شرٹس کو جیت کے لیے صرف 242 رنز کا ہدف دیا جو ان کی مضبوط بیٹنگ لائن کے لیے انتہائی آسان ثابت ہوا۔

    اس کارکردگی کے بعد پاکستان سمیت بیرون ملک سے بھی قومی کرکٹرز پر تنقید کا سلسلہ جاری ہے۔

  • شعیب اختر اور ہربھجن میں جھگڑے کی ویڈیو وائرل

    شعیب اختر اور ہربھجن میں جھگڑے کی ویڈیو وائرل

    پاکستان کے عالمی شہرت یافتہ سابق فاسٹ بولر راولپنڈی ایکسپریس شعیب اختر کی تیز بولنگ کے سامنے بلے بازوں کی ٹانگیں کانپتی تھیں، خاص طور پر بھارت کے خلاف میچز میں سابق فاسٹ بولر کا جارحانہ انداز دیکھنے سے تعلق رکھتا تھا۔

    بھارتی ٹیم کے سابق آف اسپنر ہربھجن سنگھ اور شعیب اختر میں بھی کئی بار جھڑپے ہوچکی ہیں، جب یہ دونوں کرکٹ کی میدان میں ہوتے تھے تو شائقین پاکستان اور بھارت کے میچوں میں انہیں دشمن کے طور پر دیکھتے تھے۔

    ہربھجن سنگھ سے 2009 کے ایشیا کپ میں شعیب کا تنازعہ ہوا تھا۔ اس دوران ہربھجن بیٹنگ کر رہے تھے اور شعیب باؤلنگ کرارہے تھے، ایک موقع پر دونوں ٹکرا گئے اور بات ہاتھا پائی تک پہنچ گئی، ہربھجن اپنا بیٹ دکھاتے ہوئے شعیب کی طرف آئے جبکہ شعیب بھی ان کی جانب بڑھے، تاہم دونوں کے درمیان بیچ بچاؤ کرادیا گیا تھا۔

    دونوں سابق کرکٹر کی ایک ویڈیو ایک بار سوشل میڈیا پر گردش کررہی ہے، جو کہ آئی ایل ٹی ٹیوئنٹی فائنل کی ہے۔ اس ویڈیو میں شعیب بولنگ کر رہے ہیں اور ہربھجن بیٹنگ، دونوں غصے میں ایک دوسرے کو دھکا دے رہے ہیں، مگر یہ سب ایک دوستانہ ماحول میں ہورہا تھا۔

    واضح رہے کہ شعیب اور ہربھجن اچھے دوست بھی ہیں۔ یہ دونوں اکثر کمنٹری ٹیم میں ایک ساتھ ہوتے ہیں۔ اس کے علاوہ دونوں کئی ایونٹس میں بھی ایک ساتھ نظر آتے ہیں۔

    دونوں کرکٹ سے ریٹائر ہونے کے بعد گہرے دوست بن چکے ہیں، دونوں کے درمیان ہمیشہ مذاق ہوتا ہے۔ دونوں سوشل میڈیا پر بھی ایک دوسرے کی پوسٹس پر ردعمل بھی دیتے نظر آتے ہیں۔

    روہت شرما کے چھکے دیکھ کر گواسکر کو شاہد آفریدی کی یاد کیوں آئی؟

    یاد رہے کہ پاکستان میں ہونے والی آئی سی سی چیمپئنز ٹرافی 2025 کے سلسلے میں پاک بھارت ٹاکرا 23 فروری کو یو اے ای میں ہونے جارہا ہے۔

  • شعیب اختر اور بالی ووڈ اداکار شاہد کپور کی ملاقات، ویڈیو وائرل

    شعیب اختر اور بالی ووڈ اداکار شاہد کپور کی ملاقات، ویڈیو وائرل

    پاکستان کے سابق مایہ ناز فاسٹ بولر شعیب اختر کی بالی ووڈ اداکار شاہد کپور سے ملاقات کی ویڈیو سوشل میڈیا پر وائرل ہوگئی۔

    متحدہ عرب امارات میں انٹرنیشنل لیگ ٹی ٹوئنٹی کی افتتاحی تقریب میں پاکستانی کرکٹ لیجنڈ شعیب اختر اور بالی ووڈ اداکار شاہد کپور کے درمیان حیران کن ملاقات کی ویڈیو سوشل میڈیا پر وائرل ہوگئی۔

     

    View this post on Instagram

     

    A post shared by Shoaib Akhtar (@imshoaibakhtar)

    شعیب اختر نے فوٹو اینڈ شیئرنگ ایپ انسٹاگرام پر ایک ویڈیو شیئر کی ہے ھس میں انہیں اداکار شاہد کپور کے ساتھ خوشگوار موڈ میں بات چیت کرتے دیکھا جاسکتا ہے۔

    ویڈیو میں بھارتی کھلاڑی ہربھجن سنگھ کو بھی اس موقع پر دیکھا جاسکتا ہے، ویڈیو کے اختتام پر شاہد الوداع کہنے کے لیے شعیب اختر کی طرف ہاتھ بڑھاتے ہوئے نظر آئے۔

    شعیب اختر نے ویڈیو شیئر کرتے ہوئے اسے ’خوبصورت‘ اتفاق قرار دیا جبکہ انہوں نے کیپشن میں لکھا کہ ’ ہاں جی ہماری ویڈیو دیکھ کر آپ کو کیا سمجھ آرہا ہے‘۔

    یاد رہے کہ شاہد کپور نے انٹرنیشنل لیگ ٹی ٹوئنٹی کی افتتاحی تقریب میں اپنی فلم دیوا کی مرکزی کاسٹ کے ساتھ پرفارم کیا تھا۔

  • بابر اعظم میں کپتانی کی صلاحیت نہیں، شعیب اختر برس پڑے

    بابر اعظم میں کپتانی کی صلاحیت نہیں، شعیب اختر برس پڑے

    آئی سی سی ٹی ٹوئنٹی ورلڈ کپ میں قومی ٹیم کی بدترین کارکردگی کے بعد سابق کرکٹرز کی جانب سے کھلاڑیوں پر شدید تنقید کا سلسلہ جاری ہے۔

    راولپنڈی ایکسپریس شعیب اختر کا ایک کلپ سوشل میڈیا پر وائرل ہورہا ہے، جس میں وہ بابر اعظم کو شدید تنقید کا نشانہ بنا رہے ہیں۔

    شعیب اختر کا کہنا تھا کہ میں پوچھتا ہوں کہ بابر اعظم کو سب سے پہلے کپتان کس نے بنایا؟ ویسے وہ آئن اسٹائن کون تھا؟ میں یہ جاننا چاہتا ہوں کہ وہ شخص کون ہے۔

    سابق فاسٹ بولر نے کہا کہ کیا بابر قومی ٹیم کی کپتانی کے لئے کوالیفائی ہوا تھا یا نہیں؟ کیا بابر کو کپتان بننے کے بارے میں ایک یا دو باتیں بھی معلوم ہیں؟ انہوں نے کہا کہ میں کہہ رہا ہوں کہ بابر اعظم میں کپتانی کی صلاحیت نہیں ہے۔

    شعیب اختر کا کہنا تھا کہ کپتانی جاتی ہے تو بابر اعظم کو نمپر چار پر بیٹنگ کرنا پڑے گی اور میچ فنش کرنے کی ذمہ داری لینی پڑے گی۔

    واضح رہے کہ اس سے قبل سابق بھارتی کرکٹر سری کانت نے ٹی ٹوئنٹی کرکٹ میں پاکستانی کپتان بابر اعظم کے بارے میں اپنے حالیہ تبصروں سے تنازعہ کھڑا کر دیا ہے۔

    سری کانت کا یہ تبصرہ پاکستان کے ٹی ٹوئنٹی ورلڈ کپ سے باہر ہونے کے بعد سامنے آیا، جب پاکستان نے فلوریڈا میں منعقدہ گروپ اے کے اپنے آخری میچ میں آئرلینڈ کو 3 وکٹوں سے شکست دی تھی۔

    ایک مقامی اسپورٹس چینل پر حالیہ انٹرویو میں، سابق کرکٹر نے بابر اعظم کی ٹوئنٹی کرکٹ سے متعلق اپنے سخت خیالات کا اظہار کرتے ہوئے تجویز کیا کہ پاکستانی کپتان ٹیسٹ فارمیٹ کے لیے بہتر ہوسکتے ہیں۔

    سری کانت کا کہنا تھا کہ مجھے نہیں لگتا کہ بابر اعظم کو ٹی ٹوئنٹی کرکٹ کھیلنی چاہیے۔ ہو سکتا ہے یہ ایک اچھا ٹیسٹ کرکٹر ہو۔ یہ میری رائے ہے۔

  • امریکا سے شکست پر شعیب اختر کا سخت رد عمل سامنے آگیا

    امریکا سے شکست پر شعیب اختر کا سخت رد عمل سامنے آگیا

    ڈیلاس میں ٹی ٹوئنٹی کپ کے میچ میں امریکا سے سپر اوور میں شکست کے بعد قومی ٹیم کے سابق فاسٹ بالر شعیب اختر نے رد عمل دیا ہے۔

    راولپنڈی ایکسپریس کا کہنا تھا کہ پاکستانی ٹیم میچ جیتنے کی اہل نہیں تھی، پورے میچ میں امریکا کی ٹیم نے بہترین کھیل کا مظاہرہ کیا۔

    انہوں نے کہا کہ میزبان ٹیم امریکا نے پہلے باؤلنگ کرتے ہوئے پاکستان کو 159تک محدود کرتے ہوئے شاندار بالنگ کی اور اپنا مقصد حاصل کیا۔

    ٹی ٹوئنٹی ورلڈ کپ 2024کے افتتاحی میچ میں پاکستان کی چونکا دینے والی شکست پر ردعمل ظاہر کرتے ہوئے، شعیب احتر نے ٹوئٹر کا سہارا لیا اور 33سیکنڈ کے کلپ میں میچ پر تبصرہ کیا۔

    شعیب اختر نے کہا کہ پاکستان نے اچھی شروعات نہیں کی اور امریکہ سے بھی ہار گئے، ہم نے تاریخ کو دہرایا، جیسا کہ ہم نے 1999 کے ورلڈ کپ میں بنگلہ دیش کے خلاف کیا تھا۔

    انہوں نے کہا کہ بدقسمتی سے پاکستان یہ میچ جیتنے کا مستحق نہیں تھا۔ وجہ یہ ہے کہ امریکہ نے بہت اچھا کھیل پیش کیا۔

    اس سے قبل قومی ٹیم کے سابق کھلاڑی باسط علی نے قومی ٹیم کو آڑے ہاتھوں لے لیا۔

    اے آر وائی نیوز کے پروگرام ”ہر لمحہ پر جوش“ میں میزبان وسیم بادامی کے سوال پر باسط علی نے کہا کہ آج دنیا بھر سے کوچ لارہے ہیں ہمارے کھلاڑی کہاں گئے۔ انہوں نے کہا کہ امریکا سے جیت نہ سکے، انڈیا سے کیسے جیتو گے؟

    انہوں نے کہا کہ 2009 میں ٹی ٹوینٹی ورلڈ کپ جیتنے والی ٹیم کے کھلاڑی کہاں ہیں، باسط علی نے بابر کو تنقید کا نشانہ بناتے ہوئے کہا کہ 6 اوور اچھے نہیں کھیلے تو کس نے منع کیا تھا۔

    امریکا سے جیت نہ سکے، انڈیا سے کیسے جیتو گے؟ باسط علی

    واضح رہے کہ امریکا نے پاکستان کو سپر اوور میں 5 رنز سے شکست دی، قومی ٹیم 19 رنز کے تعاقب میں ایک وکٹ کے نقصان پر 13 رنز بناسکی۔

  •  شعیب اختر کو مداح نے شاہ رخ خان کی فلم کا ’ڈائیلاگ سنادیا

     شعیب اختر کو مداح نے شاہ رخ خان کی فلم کا ’ڈائیلاگ سنادیا

    قومی ٹیم کے سابق اسپیڈ اسٹار شعیب اختر کو ان کے مداحوں نے قومی ٹیم کو مشورے دینے کے ساتھ ساتھ بالی ووڈ کنگ شاہ رخ خان کی مشہور فلم کا ڈائیلاگ سنا دیا۔

    ٹی 20 ورلڈ کپ کے سنسنی خیز مقابلے جاری ہیں، قومی ٹیم کے سیمی فائنل میں پہنچنے کے بعد شائقین کا جوش و خروش مزید بڑھ گیا ہے اور ٹیم سے توقعات وابستہ کرلی ہیں کہ گرین شرٹس ورلڈ کپ جیت کر آئیں۔

     ورلڈ کپ سے دلچسپ ویڈیو بھی سوشل میڈیا پر وائرل ہورہی ہے۔

    قومی ٹیم کے سابق اسپیڈ اسٹار شعیب اختر بھی سماجی رابطے کی ویب سائٹ ٹویٹر پر قومی ٹیم کو مشورے دینے کے ساتھ ساتھ دلچسپ ویڈیوز شیئر کررہے ہیں۔

    وائرل ویڈیو میں شعیب اختر  نے کہا کہ ’میں اپنے دوستوں کے ساتھ یہاں رکا آپ لوگ ورلڈ کپ کے بارے میں کیا کہنا چاہتے ہیں۔‘

    ’مداحوں کا کہنا تھا کہ ’محمد حارث اور فخر زمان سے اوپننگ کروائی جائے کیونکہ بابر اعظم اور رضوان بہت’سلو‘ کھیلتے ہیں، اب تو ویسے بھی دعاؤں کی ضرورت ہے۔‘

     شعیب اختر کو مداح نے شاہ رخ خان کی فلم کا ’ڈائیلاگ سنادیا

    ویڈیو میں دیکھا جاسکتا ہے کہ ’ایک مداح نے شاہ رخ خان کی مشہور فلم کا ڈائیلاگ بھی سنایا۔

    شعیب اختر نے چند منٹوں قبل یہ ویڈیو شیئر کی جسے اب تک ہزاروں صارفین دیکھ چکے ہیں اور اس پر اپنی رائے کا اظہار بھی کررہے ہیں۔