Tag: shoaib Akhtar

لاہور:  دنیا کے تیز ترین بولر شعیب اختر نے ٹی 20 کرکٹ کو ٹیسٹ کرکٹ کے زوال کا سبب قرار دے دیا۔

تفصیلات کے مطابق راولپنڈی ایکسپریس نے اپنے ایک بیان میں کہا کہ اس طرز کی کرکٹ نے پاکستان سمیت تمام ٹیسٹ کھیلنے والے ممالک کو نقصان پہنچایا، اب دل چسپی کا محور  ٹی 20 کرکٹ بن گئی ہے۔

ان کا کہنا تھا کہ اس فارمیٹ کی مقبولیت نے بلے باز ی کے فن کو نقصان پہنچایا، ہر کوئی شاٹس کھیلنا چاہتا ہے،  اب چند ہی ایسے بلے باز ہیں، جو اننگز بنا سکتے ہیں۔

فاسٹ بالر نے کہا کہ بولنگ کو بھی اس فارمیٹ نے شدید متاثر کیا، سارے بولرز چار چار اوورز کے بولر  بن گئے ہیں، اس کے نتائج اچھے نہیں نکلیں گے۔

واضح رہے کہ آج ٹی 20 کرکٹ مقبولیت کی اوج پر ہے، دوسری جانب ٹیسٹ کرکٹ میں شائقین کی دل چسپی ہر گزرتے دن کے گھٹتی جارہی ہے۔

مزید پڑھیں: عاقب جاوید نے ٹیسٹ کرکٹ ختم کرنے کی تجویز دے دی

پاکستان اور آسٹریلیا کے مابین دبئی میں جاری ٹیسٹ میچ میں بھی تماشائیوں کی عدم دل چسپی پر کرکٹ ماہرین کی جانب سےتشویش کا اظہار کیا گیا۔

جہاں ماضی کے دیگر کرکٹرز نے اس فارمیٹ کو تنقید کا نشانہ بنایا، وہیں اب شعیب اختر بھی اس کے ناقد کے طور پر سامنے آئے ہیں۔

شعیب اختر نے یہ تجویز بھی دی کہ ٹیسٹ کرکٹ کھیلنے والے کھلاڑیوں کی فیس بڑھائی جائے، تاکہ اس صورتحال میں ٹیسٹ کرکٹ کا مستقبل خطرے میں دیکھتے ہیں۔

نیویارک: آل اسٹار ٹی ٹوئنٹی سیریز میں کھلاڑیوں کی سلیکشن ڈرفٹ کے ذریعے ہوئی، لیکن شعیب اختر کے انتخاب کیلئے ٹنڈولکر اور شین وارن میں ٹھن گئی فاسٹ بولر کا فیصلہ ٹاس پر کیا گیا۔

آل اسٹار ٹی ٹوئنٹی سیریز کیلئے کھلاڑیوں کا انتخاب قرعہ اندازی کے ذریعے ہوا لیکن دنیا کے تیز ترین فاسٹ بولر شعیب اختر کے انتخاب کیلئے سچن ٹنڈولکر اور شین وارن نے فیصلہ ٹاس سے کیا۔

ٹاس ٹنڈولکر نے جیت کر شعیب اختر کواپنی ٹیم میں شامل کرنے کاحق حاصل کیا،اس سے پہلے فاسٹ بولر نے ٹنڈولکر کیخلاف نہیں ٹنڈولکر کے ساتھ کھیلنے کی خواہش کا اظہارکیا تھا۔

شعیب اختر کا کہنا تھا کہ پچھلے پندرہ سال سے ٹنڈولکرکوبولنگ کررہا ہوں، اب ان کے خلاف بولنگ کی خواہش نہیں رہی، اس طرح شعیب اختر کی خواہش پوری ہوئی، اپنی ٹیم میں شعیب اختر کا انتخاب ہونے کےبعد سچن ٹنڈولکر نے خوشی میں شعیب اختر کو گلے لگالیا۔